عَدد 16:14 - الكتاب المقدس بالعربي الدارجي هنا تشاد

¹⁴ بِالصَّحِيحْ إِنْتَ مَا وَدَّيْتنَا فِي بَلَدْ الْمَلَانَةْ بِاللَّبَنْ وَ الْعَسَلْ. وَ مَا أَنْطَيْتنَا وَرَثَةْ هَنَا زِرَاعَةْ وَ لَا جِنَيْنَاتْ عِنَبْ. إِنْتَ تَحْسِبْ أَنِحْنَ مَطْمُوسِينْ وَلَّا؟ خَلَاصْ، أَنِحْنَ أَبَداً مَا نَجُوا قِدَّامَكْ.»

عَدد 16:14 Referenca të Kryqëzuara

لاوِيِّين 20:24

«وَ أَنَا قُلْت لَيْكُو: ‹إِنْتُو بَسْ تَوْرُثُوا أَرْضُهُمْ وَ أَنَا نَنْطِيهَا لَيْكُو مِثِلْ وَرَثَةْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.› «وَ أَنَا اللّٰهْ إِلٰـهْكُو الْعَزَلْتُكُو مِنْ كُلَّ الشُّعُوبْ.

1 صَمُوِيل 11:2

وَ نَحَاشْ قَالْ لَيْهُمْ: «تَمَامْ! كَنْ نِسَوِّي مَعَاكُو مُعَاهَدَةْ دَا، إِلَّا نِسِلّ كُلَّ عُيُونْكُو الزَّيْنَايَاتْ. وَ بَيْدَا، نِجِيبْ الْإِهَانَةْ فِي كُلَّ بَنِي إِسْرَائِيلْ.»

قُضياء 16:21

وَ فِي الْبَكَانْ دَا، الْفِلِسْطِيِّينْ كَرَبَوْه وَ قَدَّدَوْا عُيُونَهْ. وَ هُمَّنْ شَالَوْه وَ وَدَّوْه فِي غَزَّةْ. وَ رَبَّطَوْه بِقُيُودْ هَنَا نَحَاسْ وَ جَبَرَوْه يَرْحَكْ قَمَحْ فِي لُبّ السِّجِنْ.

عَدد 20:5

مَالَا مَرَقْتُونَا مِنْ مَصِرْ وَ جِبْتُونَا فِي الْبَكَانْ الْفَسِلْ دَا؟ وَ الْبَكَانْ دَا مَا عِنْدَهْ مَعَاشْ وَ لَا عِنْدَهْ تِينْ وَ لَا عِنْدَهْ عِنَبْ وَ لَا عِنْدَهْ رُمَّانْ. وَ أَلْمِي هَنَا شَرَابْ كُلَ مَا فِيهْ.»

خُروج 23:11

وَ فِي السَّنَةْ السَّابْعَةْ، خَلِّي يُبُورْ وَ يُقُمّ بَنْدَرْ. وَ مِنْ الْبَنْدَرْ دَا، يَاكُلُوا مَسَاكِينْ شَعَبَكْ. وَ الْفَضَّلْ كَمَانْ، يَاكُلُوهْ حَيْوَانَاتْ الْكَدَادَةْ. وَ تِسَوِّي نَفْس الشَّيّءْ فِي زَرْعَكْ هَنَا الْعِنَبْ وَ الزَّيْتُونْ.

خُروج 22:5

«وَ كَنْ نَادُمْ سَرَّحْ بَهَايْمَهْ فِي زَرَعْ أَوْ جِنَيْنَةْ عِنَبْ هَنَا جَارَهْ وَ خَلَّى بَهَايْمَهْ أَكَلَوْهُمْ، هُو وَاجِبْ يِكَفِّي سِيدْهُمْ مِنْ أَحْسَنْ إِنْتَاجْ هَنَا زَرْعَهْ أَوْ جِنَيْنِتَهْ.

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 23:10

«فِي سِتَّةْ سَنَةْ، أَحْرِتْ زَرْعَكْ وَ أَقْطَعْ إِنْتَاجَهْ.

عَدد 13:27

وَ هُمَّنْ قَالَوْا لِمُوسَى: «أَنِحْنَ مَشَيْنَا فِي الْبَلَدْ الْإِنْتَ رَسَّلْتِنَا لَيْهَا وَ صَحِيحْ الْبَلَدْ دِي سَمْحَةْ وَ مَلَانَةْ بِاللَّبَنْ وَ الْعَسَلْ وَ دَاهُو فَوَاكِهَّا.

عَدد 14:8

كَنْ اللّٰهْ بِرِيدْنَا، يِوَدِّينَا فِي الْبَلَدْ دِي وَ يَنْطِيهَا لَيْنَا هِي الْمَلَانَةْ بِاللَّبَنْ وَ الْعَسَلْ.