عَدد 15:5 - الكتاب المقدس بالعربي الدارجي هنا تشاد

⁵ وَ بَتَّانْ يِقَدِّمْ لِيتِرْ هَنَا خَمَرْ هَدِيَّةْ شَرَابْ مَعَ أَيِّ خَرُوفْ ضَحِيَّةْ مُحَرَّقَةْ أَوْ ضَحِيَّةْ آخَرَةْ.

عَدد 15:5 Referenca të Kryqëzuara

عَدد 28:14

وَ هَدِيَّةْ الشَّرَابْ هَنَا الْخَمَرْ التِّقَدُّمُوهَا مَعَ أَيِّ تَوْر، لِيتْرَيْن وَ مَعَ الْكَبِشْ، لِيتِرْ وَ نُصّ وَ مَعَ أَيِّ خَرُوفْ، لِيتِرْ. وَ دِي الضَّحِيَّةْ الْمُحَرَّقَةْ التِّقَدُّمُوهَا فِي أَوَّلْ يَوْم فِي أَيِّ شَهَرْ فِي السَّنَةْ.

عَدد 28:7

وَ تِقَدُّمُوا لِلّٰهْ مَعَ الْخَرُوفْ الْأَوَّلْ فِي الْبَكَانْ الْمُقَدَّسْ لِيتِرْ هَنَا خَمَرْ هَدِيَّةْ شَرَابْ.

2 تِمُوتَاوُس 4:6

وَ لَاكِنْ أَنَا بِقِيتْ مِثِلْ هَدِيَّةْ شَرَابْ وَ قَرِيبْ دَمِّي يِدَفِّقْ. وَ أَنَا مَوْتِي قَرَّبْ خَلَاصْ.

فِلِبِّي 2:17

وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

زَكَرِيَّا 9:17

أَيْوَى، هُمَّنْ يَفْرَحَوْا زِيَادَةْ وَ يَبْقَوْا جَمِيلِينْ مَرَّةْ وَاحِدْ! وَ الْقَمَحْ يِأَكِّلْ الصُّبْيَانْ وَ الْخَمَرْ الْجَدِيدْ يِكَبِّرْ الْبَنَاتْ.

نشيد 1:4

شِيلْنِي مَعَاكْ. يَلَّا نَجْرُوا! يَا مَلِكِي، وَدِّينِي فِي غُرْفِتَكْ وَ هِنَاكْ، نَلْعَبَوْا وَ نَفْرَحَوْا سَوَا. وَ نِذَّكَّرَوْا حُبَّكْ الْحَلُو مِنْ عَصِيرْ الْعِنَبْ. الْبِحِبَّنَّكْ عِنْدِهِنْ حَقّ!

زَبُور 116:13

نَرْفَعْ لَيَّهْ هَدِيَّةْ الشَّرَابْ وَ نِنَادِي بِأُسُمْ اللّٰهْ.

قُضياء 9:13

وَ شَدَرْ الْعِنَبْ قَالْ: ‹هَلْ نِخَلِّي عَصِيرِي الْيَفْرَحْ بَيَّهْ الرَّبّ وَ النَّاسْ وَ نَمْشِي نَبْقَى كَبِيرْ فِي الشَّدَرْ وَلَّا؟›

لاوِيِّين 1:10

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْغَنَمْ أَوْ الْعِنْزَيْ، هُو يِقَدِّمْ تَيْس أَوْ كَبِشْ الْمَا عِنْدَهْ أَيِّ عَيْب.

لاوِيِّين 3:6

وَ كَنْ هَدِيّتَهْ الْيِقَدِّمْهَا لِلّٰهْ ضَحِيَّةْ السَّلَامَةْ مِنْ الْغَنَمْ، دَكَرْ أَوْ أَنْتَايْ، خَلِّي يِقَدِّمْ لِلّٰهْ بَهِيمَةْ الْمَا عِنْدَهَا أَيِّ عَيْب.

لاوِيِّين 3:7

وَ كَنْ يِقَدِّمْ ضَحِيَّةْ هَنَا خَرُوفْ، هُو يِقَدِّمَهْ لِلّٰهْ.

عَدد 15:6

«‹وَ كَنْ لِلْكَبِشْ كَمَانْ، يِشِيلْ مَعَايَهْ هَدِيَّةْ هَنَا دَقِيقْ كَوْرتَيْن مُخَلْبَطْ بِلِيتِرْ وَ نُصّ هَنَا دِهِنْ.

عَدد 15:11

«‹وَ يِسَوِّي مِثِلْ دَا مَعَ أَيِّ هَدِيَّةْ هَنَا تَوْر وَ كَبِشْ وَ خَرُوفْ وَ عَنْزَايْ.

2 أخبار 29:35

وَ بَتَّانْ بِالضَّحَايَا الْمُحَرَّقِينْ الْكَتِيرِينْ دَوْل، قَدَّمَوْا شَحَمْ ضَحَايَا السَّلَامَةْ وَ هَدَايَا شَرَابْ. وَ خَلَاصْ بِمِثِلْ دَا، خِدْمَةْ الْعِبَادَةْ بَدَتْ بَتَّانْ فِي بَيْت اللّٰهْ.

خُروج 29:40

وَ مَعَ الْخَرُوفْ الْأَوَّلْ، قَدِّمْ كَوْرَوْ هَنَا دَقِيقْ مُخَلْبَطْ بِلِيتِرْ هَنَا دِهِنْ زَيْتُونْ مَعْصُورْ. وَ قَدِّمْ مَعَايَهْ لِيتِرْ هَنَا خَمَرْ الْعِنَبْ هَدِيَّةْ شَرَابْ.

لاوِيِّين 23:13

وَ قَدُّمُوا مَعَايَهْ هَدِيَّةْ كَوْرتَيْن هَنَا دَقِيقْ مُخَلْبَطْ بِدِهِنْ وَ دِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. وَ قَدُّمُوا مَعَايَهْ لِيتِرْ هَنَا خَمَرْ هَدِيَّةْ شَرَابْ.

عَزْرا 7:17

أَبْقَى نَادُمْ أَمِينْ أَشَانْ بِالْمَالْ دَا، تَشْرِي تِيرَانْ وَ كُبْشَانْ وَ حُمْلَانْ وَ هَدِيَّةْ دَقِيقْ وَ هَدِيَّةْ شَرَابْ أَشَانْ تِقَدِّمْهُمْ فِي الْمَدْبَحْ هَنَا بَيْت إِلٰـهْكُو فِي مَدِينَةْ الْقُدُسْ.