عَدد 15:39 - الكتاب المقدس بالعربي الدارجي هنا تشاد

³⁹ وَ وَكِتْ تِشِيفُوا الشَّنْشَلِي دَا، تِذَّكَّرَوْا كُلَّ وَصَايَا اللّٰهْ وَ تِطَبُّقُوهُمْ. وَ بَيْدَا، مَا تِتَابُعُوا شَهْوَاتْ قُلُوبْكُو وَ عُيُونْكُو الْيِوَدُّوكُو فِي الْعِصْيَانْ.

عَدد 15:39 Referenca të Kryqëzuara

زَبُور 106:39

هُمَّنْ أَنَّجَّسَوْا بِفِعِلْهُمْ، أَيْوَى، بِعَمَلْهُمْ أَشَّرْمَطَوْا.

زَبُور 73:27

أَشَانْ الْيِبَعُّدُوا مِنَّكْ يِدَّمَّرَوْا وَ إِنْتَ تَهْلِكْ أَيِّ وَاحِدْ الْيَابَاكْ.

حِزْقِيال 6:9

وَ نَاسْكُو الْفَضَّلَوْا يِذَّكَّرَوْنِي فِي أُسْط الْأُمَمْ فِي الْبَكَانْ الْوَدَّوْهُمْ فَوْقَهْ فِي الْغُرْبَةْ. وَ أَنَا نِبَدِّلْ قُلُوبْهُمْ الْبَيْهُمْ بَعَّدَوْا مِنِّي وَ أَشَّرْمَطَوْا وَرَاءْ الْأَصْنَامْ وَ عُيُونْهُمْ الْبَيْهُمْ أَشَّرْمَطَوْا وَرَاءْ أَصْنَامْهُمْ. وَ الْعَيْب يَكْرُبْهُمْ بِسَبَبْ الْفَسَالَةْ السَّوَّوْهَا وَ بِسَبَبْ كُلَّ مُحَرَّمَاتْهُمْ.

أمْثال 28:26

الْيِتْوَكَّلْ عَلَيْ نَفْسَهْ، هُو دَا مَطْمُوسْ وَ لَاكِنْ الْيَمْشِي بِحِكْمَةْ، هُو دَا يَنْجَى.

يَعْقُوب 4:4

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

جامِعة 11:9

يَا الصَّبِي! أَفْرَحْ بِأَيَّامْ صُبَاكْ وَ خَلِّي قَلْبَكْ يَفْرَحْ بِأَيَّامْ شَبَابَكْ. تَابِعْ كَلَامْ قَلْبَكْ وَ الْيِشِيفُوهْ عُيُونَكْ. لَاكِنْ أَعَرِفْ كَدَرْ فِي كُلَّ الشَّيّءْ دَا، الرَّبّ يِحَاسِبَكْ.

أمْثال 3:1

يَا وِلَيْدِي، مَا تَنْسَى تَعْلِيمِي وَ فِي قَلْبَكْ أَحْفَضْ وَصِيّتِي

أيُّوب 31:7

كَنْ أَنَا قَبَّلْت مِنْ الدَّرِبْ الْعَدِيلْ وَ شَهْوَةْ قَلْبِي تَابَعَتْ عُيُونِي وَ إِيدَيْنِي أَلَّطَّخَوْا بِالنَّجَاسَةْ،

تَثْنِية 29:19

وَ خَلِّي أَيِّ نَادُمْ قَلْبَهْ مَا يِنْغَشَّ بَعَدْ الْحَلِيفَةْ دِي وَ يِبَارِكْ نَفْسَهْ وَ يُقُولْ: «أَنَا لِقِيتْ السَّلَامْ أَشَانْ رَاسِي قَوِي وَ نِتَابِعْ فِكْرِي وَ صَحِيحْ الْأَرْض الْمَطْرَانَةْ مَا عَطْشَانَةْ.»

هُوشَع 2:2

«أَشْكُوا أَمُّكُو إِسْرَائِيلْ. أَيْوَى، أَشْكُوهَا! أَشَانْ بَتَّانْ هِي مَا مَرْتِي وَ أَنَا كُلَ مَا رَاجِلْهَا. خَلِّي هِي تَمْرُقْ عَلَامَاتْ شَرْمَطَتْهَا مِنْ وِجِهَّا وَ عَلَامَاتْ زِنَاهَا مِنْ بَيْن دُيُودْهَا.

إرْمِيا 9:14

هُمَّنْ قَوَّوْا رُوسَيْهُمْ وَ تَابَعَوْا إِلٰـهْ بَعَلْ الْوَلَّفَوْهُمْ لَيَّهْ جُدُودْهُمْ.»

تَثْنِية 6:12

فَكُّرُوا مَا تَنْسَوْا اللّٰهْ الْمَرَقَاكُو مِنْ مَصِرْ بَلَدْ الْعُبُودِيَّةْ.

تَثْنِية 4:23

أَنْقَرْعُوا مَا تَنْسَوْا الْمُعَاهَدَةْ السَّوَّاهَا مَعَاكُو اللّٰهْ إِلٰـهْكُو وَ لَا تِسَوُّوا لَيْكُو صَنَمْ فِي أَيِّ حَجِمْ. وَ دَا الشَّيّءْ الْهُو دَحَرَاكُو مِنَّهْ.

خُروج 13:9

وَ الْعِيدْ دَا يَبْقَى لَيْكُو ذِكْرَةْ مِثِلْ عَلَامَةْ الْيَرْبُطُوهَا النَّاسْ فِي إِيدَيْهُمْ أَوْ فِي جَبْهَاتْهُمْ أَشَانْ مَا يَنْسَوْا الشَّيّءْ الْمُهِمّ لَيْهُمْ. الْعِيدْ دَا يِذَكِّرْكُو كَدَرْ وَاجِبْ تِبَلُّغُوا وَصَايَا اللّٰهْ، هُو الْمَرَقَاكُو مِنْ مَصِرْ بِإِيدَهْ الشَّدِيدَةْ.

تَثْنِية 8:11

أَحْفَضَوْا نُفُوسْكُو وَ مَا تَنْسَوْا اللّٰهْ إِلٰـهْكُو لَحَدِّي مَا تِطَبُّقُوا الْوَصَايَا وَ الْقَوَانِينْ وَ الشُّرُوطْ الْأَنَا مُوسَى نَنْطِيهُمْ لَيْكُو الْيَوْم.

تَثْنِية 8:14

فِي الْوَكِتْ دَا، أَنْقَرْعُوا! خَلِّي قُلُوبْكُو مَا يِسْتَكْبَرَوْا وَ تَنْسَوْا اللّٰهْ إِلٰـهْكُو الْمَرَقَاكُو مِنْ مَصِرْ بَلَدْ الْعُبُودِيَّةْ.

1 مُلوك 12:33

وَ دَا فِي يَوْم 15 هَنَا الشَّهَرْ التَّامِنْ، الْيَوْم الْهُو بَسْ قَطَعَهْ، هُو مَشَى بَيْت إِيلْ فِي بَكَانْ الْمَدْبَحْ الْبَنَاهْ. وَ أَسَّسْ عِيدْ لِبَنِي إِسْرَائِيلْ وَ هُو ذَاتَهْ قَدَّمْ ضَحَايَا فِي الْمَدْبَحْ دَا.