عَدد 15:25 - الكتاب المقدس بالعربي الدارجي هنا تشاد

²⁵ وَ رَاجِلْ الدِّينْ يِسَوِّي كَفَّارَةْ لِذُنُوبْ كُلَّ مُجْتَمَعْ بَنِي إِسْرَائِيلْ وَ هُمَّنْ يَلْقَوْا الْغُفْرَانْ. أَشَانْ الذَّنِبْ دَا سَوَّوْه بَلَا رَايْهُمْ وَ هُمَّنْ جَابَوْا ضَحِيَّةْ مُحَرَّقَةْ لِلّٰهْ وَ قَدَّمَوْا ضَحِيَّةْ لِكَفَّارَةْ الذَّنِبْ.

عَدد 15:25 Referenca të Kryqëzuara

لاوِيِّين 4:20

وَ يِسَوِّي بِالتَّوْر دَا مِثِلْ هُو سَوَّاهْ بِالتَّوْر هَنَا ضَحِيَّةْ كَفَّارَةْ الذَّنِبْ. وَ بِمِثِلْ دَا، رَاجِلْ الدِّينْ يِسَوِّي لَيْهُمْ كَفَّارَةْ وَ هُمَّنْ يَلْقَوْا الْغُفْرَانْ.

عِبْرَانِيِّين 2:17

وَ بِسَبَبْ دَا، لَابُدَّ يَبْقَى مِثِلْ أَخْوَانَهْ فِي كُلَّ شَيّءْ وَ يَبْقَى لَيْهُمْ كَبِيرْ رُجَالْ الدِّينْ، الرَّحِيمْ وَ الْأَمِينْ، وَ يَخْدِمْ لِلّٰهْ وَ يِسَوِّي كَفَّارَةْ لِذُنُوبْ الشَّعَبْ.

رَوْمَا 3:25

اللّٰهْ قَدَّمْ الْمَسِيحْ مِثِلْ ضَحِيَّةْ أَشَانْ دَمَّهْ يَمْحَا ذُنُوبْ النَّاسْ الْيِآمُنُوا بَيَّهْ. وَ بِمِثِلْ دَا، اللّٰهْ وَصَّفْ كَدَرْ هُو دَايْماً عَادِلْ. فِي الزَّمَنْ الْفَاتْ، اللّٰهْ مَا حَاسَبْ الْمُذْنِبِينْ بِسَبَبْ صَبْرَهْ الْعَظِيمْ.

1 يُوحَنَّا 2:2

دَا هُو الْقَدَّمْ نَفْسَهْ ضَحِيَّةْ أَشَانْ يَمْحَا ذُنُوبْنَا. وَ ضَحِيّتَهْ مَا لِذُنُوبْنَا أَنِحْنَ بَسْ لَاكِنْ لِذُنُوبْ هَنَا كُلَّ نَاسْ الدُّنْيَا.

أعمال الرُسُل 13:39

وَ لَاكِنْ كُلَّ النَّاسْ الْيِآمُنُوا بِعِيسَى، اللّٰهْ يِحَرِّرْهُمْ مِنْ ذُنُوبْهُمْ.

لُوقا 23:34

وَ عِيسَى قَالْ: «يَا أَبُويِ، سَامِحْهُمْ أَشَانْ مَا فِهْمَوْا الشَّيّءْ الْهُمَّنْ قَاعِدِينْ يِسَوُّوهْ.» وَ الْعَسْكَرْ سَوَّوْا أَمْ عِيَيْدَاتْ أَشَانْ يِقَسُّمُوا أَمْبَيْنَاتْهُمْ خُلْقَانَهْ.

لاوِيِّين 4:26

وَ يِحَرِّقْ كُلَّ الشَّحَمْ فِي الْمَدْبَحْ مِثِلْ هُو سَوَّاهْ بِالشَّحَمْ هَنَا ضَحِيَّةْ السَّلَامَةْ. وَ بِمِثِلْ دَا، رَاجِلْ الدِّينْ يِسَوِّي كَفَّارَةْ الذَّنِبْ لِلشَّيْخ وَ هُو يَلْقَى الْغُفْرَانْ.

عِبْرَانِيِّين 9:7

لَاكِنْ كَبِيرْ رُجَالْ الدِّينْ بَسْ يَدْخُلْ فِي نُصَّهَا الدَّخْلَانِي. وَ هُو مَا يَدْخُلْ إِلَّا مَرَّةْ وَاحِدَةْ بَسْ فِي السَّنَةْ. وَ هُو مَا يَدْخُلْ إِلَّا هُو شَايِلْ الدَّمّ الْيِقَدِّمَهْ لِلّٰهْ كَفَّارَةْ لِنَفْسَهْ هُو وَ لِخَطَايَا الشَّعَبْ السَّوَّوْهُمْ بَلَا رَايْهُمْ.

تَثْنِية 21:21

وَ كُلَّ رُجَالْ مَدِينْتَهْ يَرْجُمُوهْ بِحُجَارْ وَ يُمُوتْ. وَ بَيْدَا، تَمُرْقُوا الشَّرّ مِنْ أُسُطْكُو وَ كُلَّ بَنِي إِسْرَائِيلْ يَسْمَعَوْا بَيَّهْ وَ يَخَافَوْا.

جامِعة 5:6

مَا تِخَلِّي كَلَامَكْ يِسَوِّيكْ مُذْنِبْ وَ تُقُولْ لِرَاجِلْ الدِّينْ: «مَا نَقْدَرْ نِتِمّ نَذْرِي. أَنَا سَوَّيْت خَطَا!» بِمِثِلْ دَا، الرَّبّ يَغْضَبْ مِنْ كَلَامَكْ وَ يِدَمِّرْ خِدْمَةْ إِيدَيْنَكْ.

لاوِيِّين 4:31

وَ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ ضَحِيَّةْ السَّلَامَةْ وَ رَاجِلْ الدِّينْ يِحَرِّقَهْ فِي الْمَدْبَحْ وَ رِيحْتَهْ اللّٰهْ يَرْضَى بَيْهَا. وَ رَاجِلْ الدِّينْ يِسَوِّي لَيَّهْ كَفَّارَةْ وَ هُو يَلْقَى الْغُفْرَانْ.

لاوِيِّين 4:35

وَ رَاجِلْ الدِّينْ يِشِيلْ كُلَّ الشَّحَمْ مِثِلْ قَاعِدِينْ يِشِيلُوهْ مِنْ الْكَبِشْ هَنَا ضَحِيَّةْ السَّلَامَةْ وَ يِحَرِّقَهْ فِي الْمَدْبَحْ مِنْ فَوْق لِلضَّحَايَا الْمُحَرَّقِينْ الْقَاعِدِينْ فِي النَّارْ قِدَّامْ اللّٰهْ. وَ رَاجِلْ الدِّينْ يِسَوِّي لَيَّهْ كَفَّارَةْ لِلذَّنِبْ الْهُو سَوَّاهْ وَ هُو يَلْقَى الْغُفْرَانْ.»

لاوِيِّين 15:15

وَ رَاجِلْ الدِّينْ يِقَدِّمْ الْوَاحِدَةْ ضَحِيَّةْ لِكَفَّارَةْ الذَّنِبْ وَ الْآخَرَةْ ضَحِيَّةْ مُحَرَّقَةْ. وَ هُو يِسَوِّي لَيَّهْ كَفَّارَةْ قِدَّامْ اللّٰهْ فِي شَانْ بَجَلَهْ.