عَدد 14:18 - الكتاب المقدس بالعربي الدارجي هنا تشاد

¹⁸ ‹أَنَا اللّٰهْ الصَّبُورْ وَ الْمُحِبّ، نَغْفِرْ لِلْخَاطِي وَ الْعَاصِي. وَ لَاكِنْ الْمُذْنِبْ مَا نَجْعَلَهْ بَرِي. وَ نِعَاقِبْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ.›

عَدد 14:18 Referenca të Kryqëzuara

زَبُور 145:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

يُونُس 4:2

وَ صَلَّى لِلّٰهْ وَ قَالْ: «عَجَبْ، يَا اللّٰهْ. دَا مَا الشَّيّءْ الْأَنَا قُلْتَهْ وَكِتْ أَنَا لِسَّاعْنِي فِي بَلَدِي وَلَّا؟ أَشَانْ دَا بَسْ أَنَا عَرَّدْت لِنَمْشِي تَرْشِيشْ. يَا اللّٰهْ، نَعَرِفْ كَدَرْ إِنْتَ الرَّحْمـٰنْ الرَّحِيمْ وَ الصَّبُورْ وَ الْمُحِبّ زِيَادَةْ وَ تِخَلِّي الْغَضَبْ الْأَوَّلْ قَرَّرْت تِنَزِّلَهْ فِي النَّاسْ.

خُروج 20:5

وَ مَا تَسْجُدْ قِدَّامْ الْأَصْنَامْ دَوْل وَ لَا تَعَبُدْهُمْ أَشَانْ أَنَا بَسْ اللّٰهْ إِلٰـهَكْ. أَنَا اللّٰهْ غَيُّورْ يَعْنِي مَا نِدَوْر تَعَبُدْ إِلٰـهْ آخَرْ. وَ أَنَا نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ كَنْ هُمَّنْ يَكْرَهَوْنِي.

زَبُور 103:8

اللّٰهْ هُو الرَّحْمـٰنْ الرَّحِيمْ وَ الصَّبُورْ وَ الْمُحِبّ.

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

تَثْنِية 5:9

وَ مَا تَسْجُدْ قِدَّامْ الْأَصْنَامْ دَوْل وَ لَا تَعَبُدْهُمْ أَشَانْ أَنَا بَسْ اللّٰهْ إِلٰـهَكْ. أَنَا اللّٰهْ غَيُّورْ يَعْنِي مَا نِدَوْر تَعَبُدْ إِلٰـهْ آخَرْ. وَ أَنَا نِعَاقِبْ الْعِيَالْ وَ عِيَالْ الْعِيَالْ بِذُنُوبْ أَبَّهَاتْهُمْ لَحَدِّي الذُّرِّيَّةْ التَّالْتَةْ وَ الرَّابْعَةْ كَنْ هُمَّنْ يَكْرَهَوْنِي.

إرْمِيا 23:2

وَ فِي شَانْ دَا، دَاهُو اللّٰهْ إِلٰـهْ بَنِي إِسْرَائِيلْ حَجَّى كَلَامْ بُخُصّ كُبَارَاتْ شَعَبَهْ الْيَسْرَحَوْا بَيْهُمْ. هُو قَالْ: «يَا الْكُبَارَاتْ! إِنْتُو بَسْ طَرَدْتُوا شَعَبِي وَ شَتَّتُّوهُمْ وَ مَا خَطَّيْتُوا بَالْكُو فَوْقهُمْ. وَ فِي شَانْ دَا، أَنَا نُخُطّ بَالِي فَوْقكُو وَ نِعَاقِبْكُو بِعَمَلْكُو الْفَسِلْ. وَ دَا كَلَامْ اللّٰهْ.

رَوْمَا 5:21

وَ بَيْدَا، مِثِلْ الْمَوْت مَلَكْ فِي النَّاسْ بِسَبَبْ الذَّنِبْ، مِثِلْ دَا رَحْمَةْ اللّٰهْ كُلَ تَمْلُكْ فِي النَّاسْ وَ تِسَوِّيهُمْ صَالِحِينْ وَ تِوَدِّيهُمْ فِي الْحَيَاةْ الْأَبَدِيَّةْ بِعِيسَى الْمَسِيحْ رَبِّنَا.

خُروج 20:6

وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

عَدد 14:17

وَ هَسَّعْ وَصِّفْ عَظَمَةْ قُدُرْتَكْ، يَا رَبّ، أَشَانْ إِنْتَ قُلْت:

عَدد 23:21

مَا فِي ذَنِبْ فِي ذُرِّيَّةْ يَعْقُوبْ وَ لَا ظُلُمْ فِي بَنِي إِسْرَائِيلْ. اللّٰهْ إِلٰـهُّمْ يُكُونْ مَعَاهُمْ وَ هُمَّنْ يَحْمُدُوا اللّٰهْ مَلِكْهُمْ.

تَثْنِية 5:10

وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

تَثْنِية 7:9

وَ بَيْدَا، تَعَرْفُوا تَمَامْ كَدَرْ اللّٰهْ إِلٰـهْكُو، هُو بَسْ الرَّبّ. وَ هُو صَادِقْ وَ يَحْفَضْ مُعَاهَدَتَهْ وَ خَيْرَهْ لِأَلِفْ ذُرِّيَّةْ. وَ دَا، لِلنَّاسْ الْيِحِبُّوهْ وَ يِطَبُّقُوا وَصِيَّاتَهْ.

تَثْنِية 7:10

وَ لَاكِنْ يِجَازِي الْيَكْرَهَوْه وَ يِدَمِّرْهُمْ وَ بَلَا تَأخِيرْ الْيَكْرَهَوْه هُو يِجَازِيهُمْ.

نَحَمْيا 9:17

وَ خَالَفَوْك وَ أَبَوْا مَا يِطَبُّقُوا كَلَامَكْ وَ مَا قَاعِدِينْ يِذَكُّرُوا الْعَجَايِبْ الْإِنْتَ سَوَّيْتهُمْ لَيْهُمْ. وَ قَوَّوْا رُوسَيْهُمْ وَ فِي مُعَارَضَتْهُمْ، فَتَّشَوْا لَيْهُمْ دَرِبْ أَشَانْ يِقَبُّلُوا فِي مَصِرْ فِي الْبَكَانْ الْقَعَدَوْا فَوْقَهْ عَبِيدْ. وَ مِثِلْ دَا، حَقَرَوْك بِلْحَيْن. لَاكِنْ إِنْتَ الرَّبّ الْغَفُورْ وَ الرَّحْمـٰنْ الرَّحِيمْ وَ الصَّبُورْ وَ إِنْتَ الْمُحِبّ زِيَادَةْ. هُمَّنْ أَبَوْك وَ صَنَعَوْا لَيْهُمْ صَنَمْ هَنَا عِجِلْ بِدَهَبْ وَ قَالَوْا: ‹دَا بَسْ الْإِلٰـهْ الْمَرَقَانَا مِنْ مَصِرْ!› وَ بَيْدَا كُلَ، إِنْتَ مَا خَلَّيْتهُمْ.

زَبُور 78:38

وَ لَاكِنْ هُو الرَّحِيمْ غَفَرْ خَطَاهُمْ وَ مَا دَمَّرَاهُمْ وَ عِدَّةْ مَرَّاتْ، هُو مَا غِضِبْ لَيْهُمْ وَ مَا قَوَّمْ كُلَّ زَعَلَهْ.

زَبُور 108:4

أَشَانْ رَحْمَتَكْ كَبِيرَةْ مِنْ السَّمَاءْ وَ أَمَانَكْ لِحِقْ لَحَدِّي السَّحَابْ.

زَبُور 109:14

وَ خَلِّي اللّٰهْ يِفَكِّرْ بِذُنُوبْ أَبَّهَاتَهْ وَ ذُنُوبْ أَمَّهْ أَبَداً مَا يِنْمَحُوا.

أيُّوب 21:19

وَ يُقُولُوا الرَّبّ يِجَهِّزْ عِقَابَهْ لِعِيَالْ الْعَاصِي. لَاكِنْ لِلْعَاصِي ذَاتَهْ، خَلِّي الرَّبّ يِعَاقِبَهْ أَشَانْ الْعَاصِي يَعَرِفْ فَسَالْتَهْ.

زَبُور 86:15

وَ لَاكِنْ إِنْتَ، يَا رَبّ، إِنْتَ اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

إرْمِيا 32:18

وَ إِنْتَ بَسْ التِّوَصِّفْ خَيْرَكْ لِآلَافْ الذُّرِّيَّاتْ. وَ لَاكِنْ تَقْدَرْ تِعَاقِبْ الْعِيَالْ بِذُنُوبْ أَبَّهَاتْهُمْ، إِنْتَ الْإِلٰـهْ الْكَبِيرْ وَ الشَّدِيدْ وَ أُسْمَكْ اللّٰهْ الْقَادِرْ.

مَراثِي إرْمِيا 5:7

وَ أَبَّهَاتْنَا الْأَذْنَبَوْا كُلُّهُمْ بِقَوْا مَا فِيهُمْ وَ لَاكِنْ أَنِحْنَ شِلْنَا حِمِلْ خَطَاهُمْ.