عَدد 13:29 - الكتاب المقدس بالعربي الدارجي هنا تشاد

²⁹ وَ الْعَمَالِقْ سَاكْنِينْ فِي صَحَرَاء نَقَبْ وَ الْحِتِّيِّينْ وَ الْيَبُوسِيِّينْ وَ الْأَمُورِيِّينْ سَاكْنِينْ فِي بَلَدْ الْجِبَالْ. وَ الْكَنْعَانِيِّينْ سَاكْنِينْ جَنْب الْبَحَرْ الْأَبْيَضْ وَ فِي خَشُمْ بَحَرْ الْأُرْدُنْ.»

عَدد 13:29 Referenca të Kryqëzuara

عَدد 14:43

وَ الْعَمَالِقْ وَ الْكَنْعَانِيِّينْ قَاعِدِينْ قِدَّامْكُو وَ يَكْتُلُوكُو أَشَانْ إِنْتُو أَبَيْتُوا مَا تِتَابُعُوا اللّٰهْ. وَ هُو كُلَ مَا يُكُونْ مَعَاكُو.»

قُضياء 6:3

وَ وَكِتْ بَنِي إِسْرَائِيلْ تَيْرَبَوْا زِرَاعِتْهُمْ، الْمِدْيَانِيِّينْ وَ الْعَمَالِقْ وَ قَبَايِلْ آخَرِينْ مِنْ الصَّبَاحْ قَمَّوْا هَجَمَوْهُمْ.

زَبُور 83:7

وَ نَاسْ قِبَالْ وَ بَنِي عَمُّونْ وَ الْعَمَالِقْ وَ الْفِلِسْطِيِّينْ وَ سُكَّانْ صُورْ.

1 صَمُوِيل 30:1

وَ بَعَدْ تَلَاتَةْ يَوْم، دَاوُدْ وَ نَاسَهْ وَصَّلَوْا فِي حِلَّةْ صِقْلَاقْ وَ لِقَوْا الْعَمَالِقْ هَجَمَوْا وَطِي بَلَدْ يَهُوذَا وَ هَجَمَوْا صِقْلَاقْ كُلَ وَ تَشَّوْهَا.

1 صَمُوِيل 14:48

وَ هُو وَصَّفْ فَرَاسِيّتَهْ وَكِتْ هَزَمْ الْعَمَالِقْ وَ نَجَّى بَنِي إِسْرَائِيلْ مِنْ النَّاسْ الْيَنْهَبَوْهُمْ.

عَدد 24:20

وَ بَلْعَامْ شَافْ بَلَدْ الْعَمَالِقْ وَ بَدَا بِالشِّعِرْ وَ قَالْ: «عَمَالِقْ هُو الْأَوَّلْ فِي الْأُمَمْ وَ لَاكِنْ فِي الأَخِيرْ يِدَّمَّرْ.»

عَدد 14:45

وَ الْعَمَالِقْ وَ الْكَنْعَانِيِّينْ السَّاكْنِينْ فِي الْجِبَالْ نَزَلَوْا فَوْقهُمْ وَ حَارَبَوْهُمْ وَ طَرَدَوْهُمْ لَحَدِّي حِلَّةْ حُرْمَةْ.

عَدد 14:25

وَ هَسَّعْ، الْعَمَالِقْ وَ الْكَنْعَانِيِّينْ سَاكْنِينْ فِي الْوُدْيَانْ. وَ إِنْتُو كَمَانْ، أَمْبَاكِرْ قَبُّلُوا وَ أَمْشُوا بَتَّانْ فِي الصَّحَرَاء بِالدَّرِبْ الْيَمْشِي بَيَّهْ الْبَحَرْ الْأَحْمَرْ.»

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تكوين 14:7

وَ بَعَدْ دَا، قَبَّلَوْا فِي حِلَّةْ عَيْن مِشْفَاطْ الْبِنَادُوهَا قَادِشْ. وَ هِنَاكْ أَنَّصَرَوْا فِي الْعَمَالِقْ فِي كُلَّ بَلَدْهُمْ وَ أَنَّصَرَوْا فِي الْأَمُورِيِّينْ الْقَاعِدِينْ فِي حَصُّونْ تَامَارْ كُلَ.

عَدد 13:17

وَ مُوسَى رَسَّلَاهُمْ لِيُرُوغُوا بَلَدْ كَنْعَانْ وَ قَالْ لَيْهُمْ: «أَمُرْقُوا مِنْ هِنِي. عَدُّوا بِصَحَرَاء النَّقَبْ وَ أَمْشُوا قِدَّامْ عَلَيْ الْجِبَالْ.

عَدد 13:30

وَ كَالِبْ سَكَّتْ النَّاسْ الْقَمَّوْا ضِدّ مُوسَى وَ قَالْ: «قُمُّوا نَمْشُوا نِشِيلُوا الْبَلَدْ أَشَانْ أَنِحْنَ نَقْدَرَوْا نِنَّصُرُوا فَوْقهُمْ!»

يَشُوع 5:1

وَ كُلَّ مُلُوكْ الْأَمُورِيِّينْ الْقَاعِدِينْ فِي النُّصّ الْغَرْبَانِي لِبَحَرْ الْأُرْدُنْ وَ كُلَّ مُلُوكْ الْكَنْعَانِيِّينْ الْفِي خَشُمْ الْبَحَرْ الْأَبْيَضْ سِمْعَوْا كَدَرْ اللّٰهْ يَبَّسْ أَلْمِي بَحَرْ الْأُرْدُنْ قِدَّامْ بَنِي إِسْرَائِيلْ لَحَدِّي قِدْرَوْا قَطَعَوْا. وَ وَكِتْ سِمْعَوْه خَلَاصْ، قُلُوبْ الْمُلُوكْ دَوْل أَنْقَطَعَوْا وَ مَا قِدْرَوْا يَقْعُدُوا قِدَّامْ بَنِي إِسْرَائِيلْ.

يَشُوع 9:1

وَ كُلَّ مُلُوكْ الْبَلَدْ سِمْعَوْا بِنَصُرْ بَنِي إِسْرَائِيلْ وَ هُمَّنْ سَاكْنِينْ غَرِبْ لِبَحَرْ الْأُرْدُنْ فِي الْجِبَالْ وَ فِي السَّهَلَةْ وَ فِي خَشُمْ الْبَحَرْ الْأَبْيَضْ لَحَدِّي لُبْنَانْ. وَ هُمَّنْ مُلُوكْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 10:5

وَ الْمُلُوكْ الْخَمْسَةْ هَنَا الْأَمُورِيِّينْ دَوْل وَ كُلَّ دُيُوشْهُمْ مَشَوْا هَجَمَوْا قِبْعُونْ وَ حَارَبَوْهَا. وَ هُمَّنْ مَلِكْ أُورُشَلِيمْ وَ مَلِكْ حِبْرُونْ وَ مَلِكْ يَرْمُوتْ وَ مَلِكْ لَكِيشْ وَ مَلِكْ عَقْلُونْ.

يَشُوع 10:6

وَ طَوَّالِي، نَاسْ قِبْعُونْ رَسَّلَوْا لِيَشُوعْ فِي مُعَسْكَرْ قِلْقَالْ وَ قَالَوْا لَيَّهْ: «مَا تَابَى مُسَاعَدَتَكْ لِعَبِيدَكْ. تَعَالُوا لَيْنَا عَجَلَةْ! أَفْزَعَوْنَا وَ نَجُّونَا أَشَانْ كُلَّ مُلُوكْ الْأَمُورِيِّينْ السَّاكْنِينْ فِي الْجِبَالْ لَمَّوْا وَ قَمَّوْا ضِدِّنَا.»

1 صَمُوِيل 7:14

وَ بَنِي إِسْرَائِيلْ قَلَعَوْا كُلَّ التُّرَابْ وَ الْمُدُنْ الشَّالَوْهُمْ مِنْهُمْ الْفِلِسْطِيِّينْ مِنْ حُدُودْ مَدِينَةْ عَقْرُونْ لَحَدِّي حِلَّةْ قَاتْ. وَ كَانْ سَلَامْ أَمْبَيْن الْأَمُورِيِّينْ وَ بَنِي إِسْرَائِيلْ.

تَثْنِية 7:1

وَ مُوسَى قَالْ بَتَّانْ: وَكِتْ اللّٰهْ إِلٰـهْكُو يِوَدِّيكُو فِي الْبَلَدْ التَّدْخُلُوا فَوْقهَا وَ تِشِيلُوهَا وَرَثَةْ، هُو يَطْرُدْ قِدَّامْكُو سَبْعَةْ أُمَمْ كَتِيرِينْ وَ شُدَادْ مِنْكُو وَ هُمَّنْ الْحِتِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تَثْنِية 20:17

وَ دَمُّرُوا الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ مِثِلْ اللّٰهْ إِلٰـهْكُو أَمَرَاكُو بَيَّهْ.

يَشُوع 3:10

وَ بَتَّانْ يَشُوعْ قَالْ: «وَكِتْ تِشِيفُوا صَنْدُوقْ مُعَاهَدَةْ اللّٰهْ رَبّ كُلَّ الْأَرْض يَقْطَعْ بَحَرْ الْأُرْدُنْ، خَلَاصْ فِي الْوَكِتْ دَا، تَعَرْفُوا كَدَرْ اللّٰهْ الْحَيّ قَاعِدْ فِي أُسُطْكُو. وَ تَعَرْفُوا كَدَرْ هُو يَقْلَعْ قِدَّامْكُو أَرْض الْكَنْعَانِيِّينْ وَ الْحِتِّيِّينْ وَ الْحِوِّيِّينْ وَ الْفِرِزِّيِّينْ وَ الْقِرْقَاشِيِّينْ وَ الْأَمُورِيِّينْ وَ الْيَبُوسِيِّينْ.

قُضياء 3:5

وَ بَنِي إِسْرَائِيلْ سَكَنَوْا فِي أُسْط الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

1 صَمُوِيل 27:8

وَ دَاوُدْ وَ نَاسَهْ قَاعِدِينْ يَمْشُوا يَهْجُمُوا الْقَشُورِيِّينْ وَ الْقِرْزِيِّينْ وَ الْعَمَالِقْ. وَ دَوْل النَّاسْ السَّاكْنِينْ مِنْ زَمَانْ فِي الْأَرْض مِنْ شُورْ لَحَدِّي بَلَدْ مَصِرْ.

نَحَمْيا 9:8

وَ إِنْتَ شِفْت قَلْبَهْ وَ عِرِفْت كَدَرْ هُو أَمِينْ لَيْك وَ مِثِلْ دَا، إِنْتَ سَوَّيْت مَعَايَهْ مُعَاهَدَةْ أَشَانْ تَنْطِي لِذُرِّيّتَهْ بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْيَبُوسِيِّينْ وَ الْقِرْقَاشِيِّينْ. وَ إِنْتَ حَقَّقْت وَعَدَكْ أَشَانْ إِنْتَ صَادِقْ.