عَدد 13:27 - الكتاب المقدس بالعربي الدارجي هنا تشاد

²⁷ وَ هُمَّنْ قَالَوْا لِمُوسَى: «أَنِحْنَ مَشَيْنَا فِي الْبَلَدْ الْإِنْتَ رَسَّلْتِنَا لَيْهَا وَ صَحِيحْ الْبَلَدْ دِي سَمْحَةْ وَ مَلَانَةْ بِاللَّبَنْ وَ الْعَسَلْ وَ دَاهُو فَوَاكِهَّا.

عَدد 13:27 Referenca të Kryqëzuara

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

خُروج 3:17

وَ قَالْ يَمْرُقْكُو مِنْ مَصِرْ الْبَكَانْ الْقَاعِدِينْ تَتْعَبَوْا فَوْقَهْ. وَ يِوَدِّيكُو فِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ فِي الْبَلَدْ الْمَلَانَةْ بِاللَّبَنْ وَ الْعَسَلْ.›

خُروج 13:5

اللّٰهْ حَلَفْ لِجُدُودْكُو وَ قَالْ يَنْطِيكُو بَلَدْ الْمَلَانَةْ بِاللَّبَنْ وَ الْعَسَلْ. وَ دِي بَلَدْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْحِوِّيِّينْ وَ الْيَبُوسِيِّينْ. وَ وَكِتْ اللّٰهْ وَدَّاكُو هِنَاكْ، فِي كُلِّ سَنَةْ وَاجِبْ تِعَيُّدُوا فِي نَفْس الشَّهَرْ.

تَثْنِية 31:20

وَ بَيْدَا، أَنَا نِوَدِّيهُمْ لِلْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ وَ دِي الْبَلَدْ الْمَلَانَةْ بِاللَّبَنْ وَ الْعَسَلْ. وَ هُمَّنْ يَاكُلُوا وَ يَشْبَعَوْا وَ يَسْمَنَوْا وَ يَمْشُوا لِإِلٰـهَاتْ آخَرِينْ وَ يَعَبُدُوهُمْ. وَ هُمَّنْ يَحْقُرُونِي أَنَا وَ يَنْقُضُوا مُعَاهَدَتِي.

خُروج 33:3

وَ بَعَدْ دَا، إِنْتُو تَمْشُوا لِلْبَلَدْ الْمَلَانَةْ بِاللَّبَنْ وَ الْعَسَلْ. وَ لَاكِنْ أَنَا مَا نَمْشِي مَعَاكُو أَشَانْ مَا نَكْتُلْكُو فِي الدَّرِبْ بِسَبَبْ إِنْتُو شَعَبْ رَاسْكُو قَوِي.»

تَثْنِية 27:3

وَ وَكِتْ تَقْطَعَوْا لِتَدْخُلُوا فِي الْبَلَدْ الْمَلَانَةْ بِاللَّبَنْ وَ الْعَسَلْ الْيَنْطِيهَا لَيْكُو اللّٰهْ إِلٰـهْكُو، أَكْتُبُوا فِي الْحُجَارْ دَوْل كُلَّ الْوَصَايَا مِثِلْ قَالَهْ لَيْكُو اللّٰهْ رَبّ جُدُودْكُو.

تَثْنِية 26:9

وَ هُو جَابَانَا فِي الْبَكَانْ دَا وَ أَنْطَانَا الْبَلَدْ دِي وَ هِي الْبَلَدْ الْمَلَانَةْ بِاللَّبَنْ وَ الْعَسَلْ.

تَثْنِية 11:9

وَ بَيْدَا، تَسْكُنُوا مُدَّةْ طَوِيلَةْ فِي الْبَلَدْ الْاللّٰهْ حَلَفْ يَنْطِيهَا لِجُدُودْكُو وَ لِذُرِّيِّتْهُمْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.

تَثْنِية 6:3

أَسْمَعَوْا! يَا بَنِي إِسْرَائِيلْ، أَحْفَضَوْا الشُّرُوطْ وَ الْوَصَايَا وَ طَبُّقُوهُمْ. وَ دَا أَشَانْ تَلْقَوْا الْخَيْر وَ تَبْقَوْا كَتِيرِينْ مِثِلْ قَالَهْ لَيْكُو اللّٰهْ رَبّ جُدُودْكُو فِي الْبَلَدْ الْمَلَانَةْ بِاللَّبَنْ وَ الْعَسَلْ.

عَدد 14:8

كَنْ اللّٰهْ بِرِيدْنَا، يِوَدِّينَا فِي الْبَلَدْ دِي وَ يَنْطِيهَا لَيْنَا هِي الْمَلَانَةْ بِاللَّبَنْ وَ الْعَسَلْ.

حِزْقِيال 20:15

وَ لَاكِنْ أَنَا حَلَفْت لَيْهُمْ فِي الصَّحَرَاءْ كَدَرْ مَا نِوَدِّيهُمْ فِي الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

حِزْقِيال 20:6

وَ فِي الْيَوْم دَا، أَنَا حَلَفْت لَيْهُمْ كَدَرْ نَمْرُقْهُمْ مِنْ بَلَدْ مَصِرْ وَ نِوَدِّيهُمْ عَلَيْ الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

إرْمِيا 32:22

وَ أَنْطَيْتهُمْ الْبَلَدْ الْإِنْتَ حَلَفْت لِجُدُودْهُمْ وَ قُلْت تَنْطِيهَا وَ هِي الْبَلَدْ الْمَلَانَةْ بِاللَّبَنْ وَ الْعَسَلْ.

إرْمِيا 11:5

وَ خَلَاصْ بَيْدَا، أَنَا طَبَّقْت الْكَلَامْ الْحَلَفْت بَيَّهْ لِجُدُودْكُو وَ قُلْت نَنْطِيهُمْ الْبَلَدْ الْمَلَانَةْ بِاللَّبَنْ وَ الْعَسَلْ. دَاهُو إِنْتُو عَايْشِينْ فَوْقهَا الْيَوْم!›» وَ أَنَا إِرْمِيَا رَدَّيْت وَ قُلْت: «آمِينْ، يَا اللّٰهْ.»

يَشُوع 5:6

بَنِي إِسْرَائِيلْ رَاغَوْا لِمُدَّةْ 40 سَنَةْ فِي الصَّحَرَاء لَحَدِّي كُلَّ الرُّجَالْ الْمُحَارِبِينْ الْمَرَقَوْا مِنْ مَصِرْ مَاتَوْا أَشَانْ هُمَّنْ مَا سِمْعَوْا كَلَامْ اللّٰهْ. وَ فِي شَانْ عِصْيَانْهُمْ، اللّٰهْ قَرَّرْ كَدَرْ مَا يِشَوِّفْهُمْ الْبَلَدْ الْأَوَّلْ هُو حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.

لاوِيِّين 20:24

«وَ أَنَا قُلْت لَيْكُو: ‹إِنْتُو بَسْ تَوْرُثُوا أَرْضُهُمْ وَ أَنَا نَنْطِيهَا لَيْكُو مِثِلْ وَرَثَةْ. وَ دِي الْبَلَدْ الْمَلَانَةْ بِاللَّبَنْ وَ الْعَسَلْ.› «وَ أَنَا اللّٰهْ إِلٰـهْكُو الْعَزَلْتُكُو مِنْ كُلَّ الشُّعُوبْ.

عَدد 14:7

وَ قَالَوْا لِكُلَّ الْمُجْتَمَعْ: «الْبَلَدْ الْأَنِحْنَ رُغْنَاهَا وَ شِفْنَاهَا سَمْحَةْ مَرَّةْ وَاحِدْ.

عَدد 16:14

بِالصَّحِيحْ إِنْتَ مَا وَدَّيْتنَا فِي بَلَدْ الْمَلَانَةْ بِاللَّبَنْ وَ الْعَسَلْ. وَ مَا أَنْطَيْتنَا وَرَثَةْ هَنَا زِرَاعَةْ وَ لَا جِنَيْنَاتْ عِنَبْ. إِنْتَ تَحْسِبْ أَنِحْنَ مَطْمُوسِينْ وَلَّا؟ خَلَاصْ، أَنِحْنَ أَبَداً مَا نَجُوا قِدَّامَكْ.»

نَحَمْيا 9:25

وَ هُمَّنْ شَالَوْا مُدُنْ قَوِيِّينْ الْمُحَوَّقِينْ بِدَرَادِرْ وَ شَالَوْا أَرْض التِّقَوِّمْ مَعَاشْ عَدِيلْ وَ بُيُوتْ بِكُلَّ خُمَامْهُمْ السَّمَحْ وَ قَعَدَوْا فَوْقهُمْ. وَ شَالَوْا بِيَارْ وَ جِنَيْنَاتْ هَنَا عِنَبْ وَ شَدَرْ هَنَا زَيْتُونْ وَ شَدَرْ كَتِيرْ الْيَنْطِي أَكِلْ. وَ أَكَلَوْا وَ شِبْعَوْا وَ بِقَوْا سُمَانْ وَ عَاشَوْا فِي الرَّاحَةْ. وَ دَا كُلَّ كَيْ بِنِعْمَتَكْ الْكَبِيرَةْ.

عَدد 16:13

إِنْتَ مَرَقْتِنَا مِنْ بَلَدْ الْمَلَانَةْ بِاللَّبَنْ وَ الْعَسَلْ وَ جِبْتِنَا نُمُوتُوا فِي الصَّحَرَاء دِي. دَا مَا تَمَّاكْ وَلَّا؟ وَ بَيْدَا كُلَ، بَتَّانْ تِدَوْر تَحْكِمْ فَوْقنَا؟