عَدد 13:20 - الكتاب المقدس بالعربي الدارجي هنا تشاد

²⁰ وَ شِيفُوا كَنْ أَرْض الْبَلَدْ دِي تِقَوِّمْ مَعَاشْ وَلَّا لَا وَ كَنْ عِنْدَهَا شَدَرْ وَلَّا مَا عِنْدَهَا. وَ مَا تَخَافَوْا، جِيبُوا مَعَاكُو شِيَّةْ مِنْ فَوَاكِهَّا.» وَ دَا، وَكِتْ أَوَّلْ إِنْتَاجْ الْعِنَبْ.

عَدد 13:20 Referenca të Kryqëzuara

تَثْنِية 31:23

وَ اللّٰهْ أَمَرْ يَشُوعْ وِلَيْد نُونْ وَ قَالْ لَيَّهْ: «أَبْقَى شَدِيدْ وَ فَحَلْ أَشَانْ إِنْتَ بَسْ التِّدَخِّلْ بَنِي إِسْرَائِيلْ فِي الْبَلَدْ الْأَنَا حَلَفْت وَ قُلْت نَنْطِيهَا لَيْهُمْ وَ أَنَا كُلَ نُكُونْ مَعَاكْ.»

حِزْقِيال 34:14

وَ نِسَرِّحْهُمْ فِي بَكَانْ عَدِيلْ وَ دَا الْمَرْعَى الْقَاعِدْ فِي الْجِبَالْ الْعَالِيِينْ هَنَا بَلَدْ إِسْرَائِيلْ. وَ فِي الْمَرْعَى الْعَدِيلْ دَا بَسْ، هُمَّنْ يَرُقْدُوا وَ يَسْرَحَوْا فِي مَرْعَى عَدِيلْ فِي جِبَالْ إِسْرَائِيلْ.

نَحَمْيا 9:35

وَ وَكِتْ قَاعِدِينْ فِي مَمْلَكَتْهُمْ، فِي التُّرَابْ الْإِنْتَ أَنْطَيْتهُمْ الْهُو وَسِيعْ وَ بِقَوِّمْ مَعَاشْ عَدِيلْ، هُمَّنْ مَا عَبَدَوْك وَ مَا تَابَوْا مِنْ حَالْهُمْ الشَّيْنَةْ.

نَحَمْيا 9:25

وَ هُمَّنْ شَالَوْا مُدُنْ قَوِيِّينْ الْمُحَوَّقِينْ بِدَرَادِرْ وَ شَالَوْا أَرْض التِّقَوِّمْ مَعَاشْ عَدِيلْ وَ بُيُوتْ بِكُلَّ خُمَامْهُمْ السَّمَحْ وَ قَعَدَوْا فَوْقهُمْ. وَ شَالَوْا بِيَارْ وَ جِنَيْنَاتْ هَنَا عِنَبْ وَ شَدَرْ هَنَا زَيْتُونْ وَ شَدَرْ كَتِيرْ الْيَنْطِي أَكِلْ. وَ أَكَلَوْا وَ شِبْعَوْا وَ بِقَوْا سُمَانْ وَ عَاشَوْا فِي الرَّاحَةْ. وَ دَا كُلَّ كَيْ بِنِعْمَتَكْ الْكَبِيرَةْ.

عِبْرَانِيِّين 13:6

أَشَانْ دَا، كُلِّنَا نَقْدَرَوْا نُقُولُوا بَلَا شَكَكْ: <اللّٰهْ يِسَاعِدْنِي، أَنَا مَا نَخَافْ مِنْ شَيّءْ. النَّاسْ يَقْدَرَوْا يِسَوُّوا لَيِّ شُنُو؟>

مِيخا 7:1

يَا خَسَارْتِي! أَنَا بِقِيتْ مِثِلْ نَادُمْ الْيَقْطَعْ الْكِشَّيْب وَ الْيِلَقِّطْ الْفَضْلَةْ هَنَا الْعِنَبْ. وَ دَاهُو مَا فَضَّلْ عَنْقُودْ نَاكُلَهْ وَ لَا تِينْ النِّرِيدَهْ.

1 أخبار 22:11

وَ دَاوُدْ قَالْ بَتَّانْ: «هَسَّعْ دَا، يَا وِلَيْدِي، خَلِّي اللّٰهْ يُكُونْ مَعَاكْ. وَ بَيْدَا، تَنْجَحْ وَ تَقْدَرْ تَبْنِي بَيْت اللّٰهْ إِلٰـهَكْ حَسَبْ الْكَلَامْ الْهُو قَالَهْ فَوْقَكْ.

يَشُوع 2:3

وَ الْمَلِكْ رَسَّلْ لِرَاحَابْ وَ قَالْ لَيْهَا: «أَمُرْقِي الرُّجَالْ الْجَوْا وَ دَخَلَوْا فِي بَيْتكِ، أَشَانْ هُمَّنْ جَوْا لِيُرُوغُوا كُلَّ الْبَلَدْ.»

يَشُوع 1:9

وَ أَذَّكَّرْ كَدَرْ أَنَا أَمَرْتَكْ أَبْقَى شَدِيدْ وَ فَحَلْ. مَا تَرْجِفْ وَ لَا تَخَافْ أَشَانْ أَنَا اللّٰهْ إِلٰـهَكْ نُكُونْ مَعَاكْ فِي أَيِّ بَكَانْ الْإِنْتَ تَمْشِي فَوْقَهْ.»

يَشُوع 1:6

أَبْقَى شَدِيدْ وَ فَحَلْ! أَشَانْ إِنْتَ بَسْ التِّوَدِّي الشَّعَبْ دَا فِي الْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ.

تَثْنِية 1:25

وَ جَابَوْا مَعَاهُمْ مِنْ فَوَاكِهْ الْبَلَدْ دِي وَ وَصَّفَوْهُمْ لَيْنَا. وَ كَلَّمَوْا لَيْنَا وَ قَالَوْا: «الْبَلَدْ الْيَنْطِيهَا لَيْنَا اللّٰهْ إِلٰـهْنَا دِي، هِي عَدِيلَةْ.»

عَدد 13:19

وَ بَتَّانْ أَكُّدُوا عَدِيلْ كَنْ الْبَلَدْ دِي زَيْنَةْ وَلَّا فَسْلَةْ وَ أَكُّدُوا مِنْ بُيُوتْهَا كَنْ خِيَمْ سَاكِتْ وَلَّا مُدُنْ قَوِيِّينْ.

تَثْنِية 1:24

وَ الرُّجَالْ دَوْل مَشَوْا عَلَيْ بَلَدْ الْجِبَالْ وَ وَصَّلَوْا لَحَدِّي وَادِي أَشْكُولْ وَ رَاغَوْه.

دَنْيال 11:24

وَ وَكِتْ الْبَلَدْ فِي السَّلَامْ، هُو يَدْخُلْ فِي الْمَنَاطِقْ الْيُقُمّ فَوْقهُمْ الْمَعَاشْ بِزِيَادَةْ وَ يِسَوِّي شَيّءْ الْأَبَّهَاتَهْ وَ جُدُودَهْ أَبَداً مَا سَوَّوْه. هُو يَنْهَبْ الْبَلَدْ وَ يِقَسِّمْ الْكَسِيبَةْ لِنَاسَهْ. وَ عِنْدَهْ نِيَّةْ فَسْلَةْ ضِدّ الْمُدُنْ الْقَوِيِّينْ وَ لَاكِنْ فِعِلَهْ دَا مَا يِطَوِّلْ.

يَشُوع 2:1

وَ مِنْ فَرِيقْهُمْ فِي شِطِّيمْ، يَشُوعْ وِلَيْد نُونْ رَسَّلْ جَوَاسِيسْ إِتْنَيْن بِسِرّ وَ قَالْ لَيْهُمْ: «أَمْشُوا أَكُّدُوا الْبَلَدْ وَ حِلَّةْ أَرِيحَا.» وَ هُمَّنْ مَشَوْا. وَكِتْ وَصَّلَوْا فِي حِلَّةْ أَرِيحَا، دَخَلَوْا فِي بَيْت هَنَا مَرَةْ وَاحِدَةْ شَرْمُوطَةْ أُسُمْهَا رَاحَابْ وَ نَامَوْا فِي الْبَكَانْ دَا.