عَدد 13:17 - الكتاب المقدس بالعربي الدارجي هنا تشاد

¹⁷ وَ مُوسَى رَسَّلَاهُمْ لِيُرُوغُوا بَلَدْ كَنْعَانْ وَ قَالْ لَيْهُمْ: «أَمُرْقُوا مِنْ هِنِي. عَدُّوا بِصَحَرَاء النَّقَبْ وَ أَمْشُوا قِدَّامْ عَلَيْ الْجِبَالْ.

عَدد 13:17 Referenca të Kryqëzuara

قُضياء 1:9

وَ بَعَدْ دَا، قَبِيلَةْ يَهُوذَا مَشَوْا أَشَانْ يِحَارُبُوا الْكَنْعَانِيِّينْ الْقَاعِدِينْ فِي الْجِبَالْ وَ فِي صَحَرَاء نَقَبْ وَ فِي سَهَلَةْ شَفِيلَةْ.

تكوين 12:9

وَ أَبْرَامْ قَاعِدْ يَرْحَلْ شِيَّةْ شِيَّةْ عَلَيْ الْجُنُوبْ.

قُضياء 1:19

وَ اللّٰهْ سَاعَدْ قَبِيلَةْ يَهُوذَا وَ هُمَّنْ شَالَوْا مَنَاطِقْ هَنَا الْجِبَالْ. وَ لَاكِنْ مَا قِدْرَوْا يِشِيلُوا بَلَدْ سُكَّانْ السَّهَلَةْ أَشَانْ السُّكَّانْ دَوْل عِنْدُهُمْ عَرَبَاتْ هَنَا حَدِيدْ لِلْحَرِبْ.

قُضياء 1:15

وَ هِي رَدَّتْ لَيَّهْ وَ قَالَتْ: «هَسَّعْ دَا، بَارِكْنِي. إِنْتَ أَنْطَيْتنِي تُرَابْ فِي صَحَرَاء نَقَبْ وَ هَسَّعْ أَنْطِينِي عُيُونْ أَلْمِي كُلَ.» وَ هُو أَنْطَاهَا عُيُونْ أَلْمِي الْفَوْق وَ التِّحِتْ كُلَ.

يَشُوع 15:3

وَ مِنْ هِنَاكْ، الْحُدُودْ يِحَوُّقُوا جُنُوبْ لِقِيزَانْ الْعَقَارِبْ وَ يِعَدُّوا بِصَحَرَاء سِينْ. وَ الْحُدُودْ دَوْل يَطْلَعَوْا جُنُوبْ لِقَادِشْ بَرْنِيعَ وَ يَمْشُوا لِتُرَابْ حَصْرُونْ وَ يَطْلَعَوْا عَلَيْ أَدَّارْ وَ يِقَبُّلُوا عَلَيْ تُرَابْ قَرْقَعْ.

تكوين 13:1

وَ خَلَاصْ، أَبْرَامْ مَرَقْ مِنْ مَصِرْ، هُو وَ مَرْتَهْ وَ كُلَّ مَالَهْ وَ مَشَوْا لِصَحَرَاءْ نَقَبْ. وَ لُوطْ كُلَ مَشَى مَعَايَهْ.

تَثْنِية 1:44

وَ خَلَاصْ، الْأَمُورِيِّينْ السَّاكْنِينْ فِي الْبَلَدْ دِي مَرَقَوْا فَوْقكُو مِثِلْ نَحَلَةْ وَ طَرَدَوْكُو وَ كَتَلَوْكُو فِي بَلَدْ سَعِيرْ لَحَدِّي حِلَّةْ حُرْمَةْ.

عَدد 14:40

وَ أَمْبَاكِرْ بِفَجُرْ بَدْرِي، بَنِي إِسْرَائِيلْ قَمَّوْا مَشَوْا عَلَيْ بَلَدْ الْجِبَالْ وَ قَالَوْا: «صَحِيحْ، أَنِحْنَ أَذْنَبْنَا وَ لَاكِنْ هَسَّعْ قَصَّدْنَا نَمْشُوا فِي الْبَلَدْ الْوَصَّفَاهَا لَيْنَا اللّٰهْ.»

عَدد 13:29

وَ الْعَمَالِقْ سَاكْنِينْ فِي صَحَرَاء نَقَبْ وَ الْحِتِّيِّينْ وَ الْيَبُوسِيِّينْ وَ الْأَمُورِيِّينْ سَاكْنِينْ فِي بَلَدْ الْجِبَالْ. وَ الْكَنْعَانِيِّينْ سَاكْنِينْ جَنْب الْبَحَرْ الْأَبْيَضْ وَ فِي خَشُمْ بَحَرْ الْأُرْدُنْ.»

تكوين 14:10

فِي تُرَابْ سِدِّيمْ، فِيَّهْ نُقَارْ هَنَا زِفْت. وَكِتْ مَلِكْ سَدُومْ وَ مَلِكْ عَمُورَةْ عَرَّدَوْا، وَاحِدِينْ مِنْ رُجَالْهُمْ وَقَعَوْا فِي النُّقَارْ دَوْل وَ الْآخَرِينْ جَرَوْا مِنْ الدُّوَاسْ وَ أَلَّبَّدَوْا فِي الْحَجَرْ.

تكوين 13:3

وَ رَحَلْ مِنْ صَحَرَاءْ نَقَبْ لَحَدِّي وِصِلْ الْبَكَانْ الْأَوَّلْ قَعَدْ فَوْقَهْ أَمْبَيْن حِلَّةْ بَيْت إِيلْ وَ حِلَّةْ عَايْ.

تكوين 13:17

قُمّ أَمْشِي! وَ رُوغْ الْأَرْض دِي مِنْ طُولْهَا لِعُرْضَهَا أَشَانْ أَنَا نَنْطِيهَا لَيْك.»

عَدد 13:18

وَ شِيفُوا كِكَّيْف الْبَلَدْ دِي وَ أَكُّدُوا مِنْ نَاسْهَا كَنْ قَوِيِّينْ وَلَّا ضَعِيفِينْ وَ كَنْ كَتِيرِينْ وَلَّا شِيَّةْ.

يَشُوع 2:1

وَ مِنْ فَرِيقْهُمْ فِي شِطِّيمْ، يَشُوعْ وِلَيْد نُونْ رَسَّلْ جَوَاسِيسْ إِتْنَيْن بِسِرّ وَ قَالْ لَيْهُمْ: «أَمْشُوا أَكُّدُوا الْبَلَدْ وَ حِلَّةْ أَرِيحَا.» وَ هُمَّنْ مَشَوْا. وَكِتْ وَصَّلَوْا فِي حِلَّةْ أَرِيحَا، دَخَلَوْا فِي بَيْت هَنَا مَرَةْ وَاحِدَةْ شَرْمُوطَةْ أُسُمْهَا رَاحَابْ وَ نَامَوْا فِي الْبَكَانْ دَا.

يَشُوع 10:40

وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.