عَدد 12:6 - الكتاب المقدس بالعربي الدارجي هنا تشاد

⁶ وَ قَالْ: «أَسْمَعَوْا كَلَامِي. كَنْ فِي نَبِي فِي أُسُطْكُو أَنَا اللّٰهْ نِعَرِّفْ نَفْسِي لَيَّهْ بِرُؤْيَةْ وَ نِكَلِّمْ لَيَّهْ وَكِتْ هُو نَايِمْ.

عَدد 12:6 Referenca të Kryqëzuara

1 مُلوك 3:5

وَ فِي قِبْعُونْ، اللّٰهْ بَانْ لِسُلَيْمَانْ بِاللَّيْل فِي رُؤْيَةْ وَ قَالْ لَيَّهْ: «أَطْلُبْ مِنِّي الشَّيّءْ الْإِنْتَ تِدَوْرَهْ وَ أَنَا نَنْطِيهْ لَيْك.»

تكوين 46:2

وَ بِاللَّيْل الرَّبّ حَجَّى لِإِسْرَائِيلْ، الْمَعْرُوفْ بِيَعْقُوبْ، فِي رُؤْيَةْ وَ قَالْ: «يَعْقُوبْ، يَعْقُوبْ!» وَ يَعْقُوبْ قَالْ: «نَعَمْ.»

لُوقا 1:22

وَ وَكِتْ هُو مَرَقْ خَلَاصْ، مَا قِدِرْ يِحَجِّي لَيْهُمْ. وَ فِهْمَوْا كَدَرْ هُو شَافْ رُؤْيَةْ فِي بَيْت اللّٰهْ. وَ قَاعِدْ يِحَجِّي لَيْهُمْ بِوَصِفْ أَشَانْ هُو بِقِي أَبْكَمْ.

لُوقا 1:11

وَ وَكِتْ زَكَرِيَّا دَخَلْ فِي بَيْت اللّٰهْ، طَوَّالِي وَاحِدْ مِنْ مَلَائِكَةْ اللّٰهْ بَانْ لَيَّهْ. وَ هُو شَافْ الْمَلَكْ وَاقِفْ بِنُصّ الزَّيْنَايْ لِمُخْبَرْ الْبَخُورْ.

دَنْيال 10:8

وَ أَنَا دَنْيَالْ فَضَّلْت وِحَيْدِي قَاعِدْ نِشِيفْ الرُّؤْيَةْ الْعَجِيبَةْ دِي. وَ أَنَا أَنْبَهَتْ وَ وِجْهِي أَلْغَيَّرْ وَ قُدُرْتِي بِقَتْ مَا فِيهَا.

حِزْقِيال 1:1

وَ فِي الْيَوْم الْخَامِسْ هَنَا الشَّهَرْ الرَّابِعْ فِي السَّنَةْ التَّلَاتِينْ مِنْ عُمْرِي، أَنَا حِزْقِيَالْ قَاعِدْ أَمْبَيْن النَّاسْ الْوَدَّوْهُمْ فِي الْغُرْبَةْ فِي بَلَدْ بَابِلْ جَنْب بَحَرْ خَابُورْ. وَ السَّمَاءْ أَنْفَتَحَتْ وَ أَنَا شِفْت رُؤْيَةْ مِنْ الرَّبّ.

أعمال الرُسُل 10:11

وَ فِي الرُّؤْيَةْ دِي، شَافْ السَّمَاءْ فَاتِحْ وَ شَيّءْ مِثِلْ قِطْعَةْ كَبِيرَةْ مَفْلُولَةْ وَ مَكْرُوبَةْ مِنْ جَوَانِبْهَا الْأَرْبَعَةْ نَازْلَةْ فِي الْأَرْض.

مَتَّى 1:20

وَ وَكِتْ هُو لِسَّاعْ قَاعِدْ يِفَكِّرْ فِي الْكَلَامْ دَا، وَاحِدْ مِنْ مَلَائِكَةْ اللّٰهْ جَاءْ لَيَّهْ فِي رُؤْيَةْ وَ قَالْ: «يَا يُوسُفْ وِلَيْد دَاوُدْ، مَا تَخَافْ. شِيلْ مَرْيَمْ فِي بَيْتَكْ وَ خَلِّي تَبْقَى مَرْتَكْ أَشَانْ الصَّغِيرْ الْفِي بَطُنْهَا دَا، جَاءْ بِقُدْرَةْ الرُّوحْ الْقُدُّوسْ.

دَنْيال 8:2

وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.

مَتَّى 2:19

وَ وَكِتْ هِرُودُسْ مَاتْ، يُوسُفْ قَاعِدْ فِي مَصِرْ وَ وَاحِدْ مِنْ مَلَائِكَةْ اللّٰهْ جَاءْ لَيَّهْ فِي حِلِمْ.

دَنْيال 7:1

وَ فِي أَوَّلْ سَنَةْ هَنَا حُكُمْ بَلْشَاصَرْ مَلِكْ بَابِلْ، دَنْيَالْ شَافْ رُؤْيَةْ وَكِتْ هُو نَايِمْ فِي فُرَاشَهْ. وَ بَعَدْ دَا، هُو كَتَبْ الرُّؤْيَةْ دِي. وَ دِي هِي رُؤْيَةْ دَنْيَالْ.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

زَبُور 105:15

وَ قَالْ: «مَا تِلَمُّسُوا النَّاسْ الْأَنَا مَسَحْتُهُمْ وَ دَرَّجْتُهُمْ وَ مَا تِسَوُّوا الْفَسَالَةْ لِأَنْبِيَائِي.»

زَبُور 89:19

وَ خَلَاصْ، بِرُؤْيَةْ إِنْتَ كَلَّمْت لِمُؤمِنِينَكْ وَ قُلْت: «أَنَا سَاعَدْت وَاحِدْ فَحَلْ أَيْوَى، دَرَّجْت صَبِي فِي الشَّعَبْ.

أيُّوب 33:15

هُو يِحَجِّي فِي حِلِمْ وَ فِي الرُّؤْيَةْ بِاللَّيْل وَكِتْ الْإِنْسَانْ نَايِمْ نَوْم شَدِيدْ فِي فُرَاشَهْ.

أيُّوب 4:13

وَكِتْ أَفْكَارْ الْبِخَوُّفُوا يَجُوا مِنْ حِلِمْ اللَّيْل وَ وَكِتْ نَوْم شَدِيدْ كَرَبْ النَّاسْ،

خُروج 7:1

خَلَاصْ، اللّٰهْ قَالْ لِمُوسَى: «أَسْمَعْ عَدِيلْ. أَنَا نِسَوِّي كَلَامَكْ مِثِلْ كَلَامْ إِلٰـهْ قِدَّامْ الْمَلِكْ وَ هَارُونْ أَخُوكْ يَبْقَى لَيْك مِثِلْ رَسُولَكْ.

تكوين 20:7

وَ هَسَّعْ قَبِّلْ الْمَرَةْ دِي لِرَاجِلْهَا أَشَانْ هُو نَبِي وَ هُو يَسْأَلْنِي أَنَا اللّٰهْ أَشَانْ مَا تُمُوتْ. لَاكِنْ كَنْ مَا قَبَّلْتَهَا كَمَانْ، أَعَرِفْ كَدَرْ إِنْتَ وَ كُلَّ شَعَبَكْ تُمُوتُوا.»

تكوين 15:1

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

رُؤية 11:10

وَ كُلَّ سُكَّانْ الْأَرْض يَفْرَحَوْا بِمَوْت الشُّهُودْ الْإِتْنَيْن دَوْل. وَ يِعَيُّدُوا وَ يَنْطُوا أَمْبَيْنَاتْهُمْ بَرَكَاتْ الْعِيدْ أَشَانْ أَوَّلْ كَلَامْ الْأَنْبِيَاء الْإِتْنَيْن دَوْل بِقِي قَاسِي لِسُكَّانْ الْأَرْض.

رُؤية 11:3

وَ فِي الْمُدَّةْ دِي، نَنْطِي قُدْرَةْ لِشُهُودِي الْإِتْنَيْن أَشَانْ يِتْنَبَّأَوْا لَيْهُمْ فِي مُدَّةْ هَنَا 1 260 يَوْم. وَ لَابْسِينْ خُلْقَانْ هَنَا حِزِنْ.»

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

أعمال الرُسُل 10:17

وَ بُطْرُسْ أَلْعَجَّبْ وَ بَدَا يَسْأَلْ فِي نَفْسَهْ شُنُو مَعَنَى الرُّؤْيَةْ الشَّافَاهَا. وَ فِي الْوَكِتْ دَا بَسْ، الرُّجَالْ الْكَرْنِيلِي رَسَّلَاهُمْ لِقَوْا بَيْت سِمْعَانْ الدَّبَّاغِي وَ جَوْا وَقَفَوْا فِي خَشُمْ الْبَيْت.

لُوقا 20:6

وَ كَنْ قُلْنَا يَحْيَى عِنْدَهْ إِذِنْ مِنْ النَّاسْ بَسْ، النَّاسْ يَرْجُمُونَا. أَشَانْ فِي فِكِرْهُمْ، أَكِيدْ يَحْيَى نَبِي.»

مَتَّى 23:37

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مَتَّى 23:34

«وَ خَلَاصْ نِرَسِّلْ لَيْكُو أَنْبِيَاء وَ عُلَمَاءْ حَكِيمِينْ وَ مُعَلِّمِينْ. وَ وَاحِدِينْ مِنْهُمْ تَكْتُلُوهُمْ فِي صَلِيبْ وَ آخَرِينْ تَفُرْشُوهُمْ فِي بُيُوتْ الصَّلَاةْ وَ تَطُرْدُوهُمْ مِنْ حِلَّةْ وَاحِدَةْ لِحِلَّةْ آخَرَةْ.

مَتَّى 23:31

وَ مِثِلْ دَا، تَشْهَدَوْا فَوْق نُفُوسْكُو وَ تُقُولُوا إِنْتُو أَوْلَادْ كَتَّالِينْ الْأَنْبِيَاء!

مَتَّى 27:19

وَ وَكِتْ هُو قَاعِدْ فِي كُرْسِي الْحُكُمْ، مَرْتَهْ رَسَّلَتْ لَيَّهْ كَلَامْ وَ قَالَتْ: «أَنْقَرِعْ، مَا تِسَوِّي شَيّءْ فَسِلْ لِلنَّادُمْ الْبَرِي دَا. أَشَانْ الْيَوْم أَنَا حِلِمْت بَيَّهْ وَ تِعِبْت بِلْحَيْن فِي شَانَهْ.»

عِبْرَانِيِّين 1:1

فِي الزَّمَنْ الْفَاتْ، اللّٰهْ كَلَّمْ لِجُدُودْنَا بِوَاسِطَةْ الْأَنْبِيَاء عِدَّةْ مَرَّاتْ وَ بِطُرُقْ شِقْ شِقْ.

تكوين 28:12

وَ هُو رِئِي. وَ فِي الرُّؤْيَةْ دِي هُو شَافْ طَلَّاعَةْ خَطَّوْهَا فِي الْأَرْض وَ رَاسْهَا فِي السَّمَاءْ. وَ مَلَائِكَةْ اللّٰهْ يَطْلَعَوْا وَ يَنْزُلُوا بَيْهَا.

عَدد 24:4

دَا كَلَامْ النَّادُمْ الْيَسْمَعْ كَلَامْ الْإِلٰـهْ وَ وَكِتْ يَسْجُدْ، عُيُونَهْ يِنْفَتْحُوا يِشِيفْ الرُّؤْيَةْ الْيِوَصِّفْهَا لَيَّهْ اللّٰهْ الْقَادِرْ.

1 صَمُوِيل 3:15

وَ بَعَدْ دَا، صَمُوِيلْ قَبَّلْ رَقَدْ. وَ بِفَجُرْ، قَمَّ فَتَحْ بِيبَانْ بَيْت اللّٰهْ. وَ هُو خَافْ مَا قِدِرْ يِأَوْرِيهْ لِعَالِي بِالرُّؤْيَةْ دِي.

1 صَمُوِيل 28:6

وَ شَاوُولْ سَأَلْ اللّٰهْ لَاكِنْ اللّٰهْ مَا رَدَّ لَيَّهْ وَ لَا بِرُؤْيَةْ وَ لَا بِأُرِيمْ وَ لَا بِالْأَنْبِيَاء.

1 مُلوك 3:15

وَ وَكِتْ سُلَيْمَانْ وِعِى، هُو عِرِفْ كَدَرْ هُو رِئِي. وَ خَلَاصْ، قَمَّ مَشَى أُورُشَلِيمْ وَ وَقَفْ قِدَّامْ صَنْدُوقْ مُعَاهَدَةْ الرَّبّ. وَ هُو قَدَّمْ ضَحَايَا مُحَرَّقِينْ وَ ضَحَايَا سَلَامَةْ. وَ بَعَدْ دَا، هُو سَوَّى عَازُومَةْ لِمَسَائِيلَهْ.

إرْمِيا 23:25

«أَنَا نَسْمَعْ كَلَامْ الْأَنْبِيَاء دَوْل الْيِتْنَبَّأَوْا بِكِدِبْ بِأُسْمِي وَ يُقُولُوا: ‹أَنَا رِئِيتْ! أَنَا رِئِيتْ!›

دَنْيال 2:19

وَ بِاللَّيْل، السِّرّ دَا أَنْكَشَفْ لِدَنْيَالْ فِي رُؤْيَةْ. وَ خَلَاصْ، دَنْيَالْ شَكَرْ اللّٰهْ رَبّ السَّمَاوَاتْ

تكوين 28:16

وَ يَعْقُوبْ قَمَّ مِنْ نَوْمَهْ وَ قَالْ: «أَكِيدْ! اللّٰهْ قَاعِدْ فِي الْبَكَانْ دَا وَ أَنَا مَا عِرِفْتَهْ.»

تكوين 37:5

وَ يَوْم وَاحِدْ، يُوسُفْ رِئِي وَ خَبَّرْ أَخْوَانَهْ بِالرُّؤْيَةْ وَ قَالْ لَيْهُمْ:

تكوين 37:9

وَ يُوسُفْ رِئِي بَتَّانْ وَ كَلَّمْ لِأَخْوَانَهْ وَ قَالْ لَيْهُمْ: «أَنَا بَتَّانْ حِلِمْت. الْحَرَّايْ وَ الْقَمَرْ وَ إِحْدَى عَشَرْ نُجُومْ سَجَدَوْا لَيِّ.»

تَثْنِية 18:15

وَ اللّٰهْ إِلٰـهْكُو يَمْرُقْ لَيْكُو مِنْ أَخْوَانْكُو نَبِي مِثْلِي أَنَا وَ إِنْتُو تَسْمَعَوْا كَلَامَهْ.

تَثْنِية 18:18

أَنَا نَمْرُقْ لَيْهُمْ فِي أُسُطْهُمْ نَبِي مِثْلَكْ وَ أَنَا نَنْطِيهْ كُلَّ كَلَامِي وَ هُو يِحَجِّي لَيْهُمْ بِكُلَّ شَيّءْ النَّامُرَهْ بَيَّهْ.

1 صَمُوِيل 3:21

وَ دَايْماً اللّٰهْ قَاعِدْ يِبَيِّنْ نَفْسَهْ فِي شِيلَوْه بِكَلَامَهْ الْهُو قَاعِدْ يُقُولَهْ لِصَمُوِيلْ.

2 صَمُوِيل 7:4

وَ لَاكِنْ فِي اللَّيْلَةْ دِي، اللّٰهْ حَجَّى لِنَاتَانْ وَ قَالْ:

هُوشَع 12:11

أَكِيدْ، شَعَبْ قِلْعَادْ فَسْلِينْ وَ مَا عِنْدُهُمْ فَايْدَةْ أَشَانْ يِقَدُّمُوا تِيرَانْ ضَحَايَا فِي قِلْقَالْ. وَ بَيْدَا، مَدَابِحْهُمْ يِلْهَدَّمَوْا وَ يَبْقَوْا كَوْم هَنَا تُرَابْ فِي الزَّرَعْ الْمَحْرُوتْ.

يُوِيل 3:1

«أَيْوَى، أَكِيدْ فِي أَيَّامْ الْوَكِتْ دَا، أَنَا نِقَبِّلْ نَاسْ بَلَدْ يَهُوذَا وَ مَدِينَةْ الْقُدُسْ مِنْ الْغُرْبَةْ.

زَكَرِيَّا 1:8

فِي اللَّيْلَةْ دِي، أَنَا شِفْت رُؤْيَةْ. أَنَا شِفْت رَاجِلْ رَاكِبْ فِي جُوَادْ أَحْمَرْ وَ وَاقِفْ فِي أُسُطْ شَدَرْ الْوَادِي. وَ وَرَايَهْ فِي خَيْل حُمُرْ وَ شُقُرْ وَ بُيُضْ بِرُكَّابْهُمْ.