عَدد 12:3 - الكتاب المقدس بالعربي الدارجي هنا تشاد

³ وَ مُوسَى كَمَانْ، هُو رَاجِلْ مِسْكِينْ وَ مَا يِشِيفْ نَفْسَهْ زِيَادَةْ مِنْ كُلَ نَاسْ الْأَرْض.

عَدد 12:3 Referenca të Kryqëzuara

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

يَعْقُوب 3:13

يَاتُو مِنْكُو حَكِيمْ وَ فَاهِمْ؟ خَلِّي يِوَصِّفْ عَمَلَهْ بِحَالَهْ السَّمْحَةْ بِنَفَسْ بَارِدْ وَ حِكْمَةْ.

2 كُرُنْتُس 12:11

خَلَاصْ، أَنَا حَجَّيْت لَيْكُو مِثِلْ نَادُمْ الْمَا عِنْدَهْ فِكِرْ. إِنْتُو لَزَّيْتُونِي أَشَانْ نُقُولْ الْكَلَامْ دَا. وَ إِنْتُو بَسْ النَّاسْ الْوَاجِبْ يِكَرُّمُونِي أَشَانْ أَنَا مَا صَغَيَّرْ بِأَيِّ شَيّءْ مِنْ الرُّسُلْ الْإِنْتُو تُقُولُوا هُمَّنْ كُبَارْ، كَنْ أَنَا نَادُمْ مَا نَافِعْ كُلَ.

2 كُرُنْتُس 11:5

وَ الرُّسُلْ الْإِنْتُو تُقُولُوا هُمَّنْ كُبَارْ دَوْل، أَنَا نُقُولْ أَنَا مَا صَغَيَّرْ مِنْهُمْ بِشَيّءْ.

مَتَّى 5:5

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

1 بُطْرُس 3:4

فِي بَدَلَهْ، أَنْكَرْبَنْ فِي الْجَمَالْ الدَّخْلَانِي وَ هُو جَمَالْ النَّفَسْ الْبَارِدْ وَ الْهُدُوءْ. وَ الْجَمَالْ الدَّخْلَانِي، هُو مِثِلْ حَجَرْ غَالِي الْأَبَداً مَا يَتْلَفْ وَ قِيمْتَهْ كَبِيرَةْ قِدَّامْ اللّٰهْ.

1 تَسَلونِيكِي 2:7

أَنِحْنَ رُسُلْ الْمَسِيحْ وَ عِنْدِنَا حَقّ لِنَطُلْبُوا مِنْكُو شَيّءْ كَتِيرْ، لَاكِنْ أَنِحْنَ مَا شِلْنَا مِنْكُو شَيّءْ. وَكِتْ أَنِحْنَ قَاعِدِينْ فِي أُسُطْكُو، حَنَّيْنَا فَوْقكُو مِثِلْ الْأَمّ التِّحِنّ فِي عِيَالْهَا.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

مَتَّى 21:5

<قُولُوا لِنَاسْ جَبَلْ صَهْيُون الْمِثِلْ بِنَيَّةْ: «دَاهُو مَلِكُّو جَايِ لَيْكُو. وَ هُو مِسْكِينْ وَ رَاكِبْ فِي حُمَارْ. أَيْوَى، هُو رَاكِبْ فِي دَحَشْ وِلَيْد حُمَارَةْ.»>

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

زَبُور 147:6

اللّٰهْ يِسَاعِدْ الْمَسَاكِينْ وَ يَرْمِي الْعَاصِيِينْ فِي التُّرَابْ.

عَدد 12:4

وَ طَوَّالِي، اللّٰهْ كَلَّمْ لِمُوسَى وَ هَارُونْ وَ مَرْيَمْ وَ قَالْ لَيْهُمْ: «إِنْتُو التَّلَاتَةْ تَعَالُوا فِي خَيْمَةْ الْإِجْتِمَاعْ.» وَ خَلَاصْ هُمَّنْ التَّلَاتَةْ مَشَوْا.