عَدد 12:2 - الكتاب المقدس بالعربي الدارجي هنا تشاد

² وَ هُمَّنْ قَالَوْا: «اللّٰهْ وَ لَا كَلَّمْ لِمُوسَى وِحَيْدَهْ؟ هُو مَا كَلَّمْ لَيْنَا أَنِحْنَ كُلَ وَلَّا؟» وَ اللّٰهْ سِمِعْ كَلَامْهُمْ.

عَدد 12:2 Referenca të Kryqëzuara

عَدد 16:3

وَ هُمَّنْ كُلُّهُمْ قَمَّوْا ضِدّ مُوسَى وَ هَارُونْ وَ قَالَوْا: «شُغُلْكُو دَا بِقِي لَيْنَا كَتِيرْ! كُلَّ مُجْتَمَعْ بَنِي إِسْرَائِيلْ كُلُّهُمْ مُخَصَّصِينْ لِلّٰهْ وَ اللّٰهْ قَاعِدْ مَعَاهُمْ. وَ مَالَا إِنْتُو تِشِيفُوا نُفُوسْكُو زِيَادَةْ مِنْ جَمَاعَةْ اللّٰهْ؟»

فِلِبِّي 2:14

فِي كُلَّ شَيّءْ مَا تَشْكُوا وَ لَا تِهَارُجُوا أَمْبَيْنَاتْكُو.

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

مِيخا 6:4

وَ دَا أَشَانْ أَنَا مَرَقْتُكُو مِنْ بَلَدْ مَصِرْ وَلَّا؟ أَشَانْ فَدَيْتكُو مِنْ الْعُبُودِيَّةْ وَلَّا؟ أَشَانْ رَسَّلْت مُوسَى وَ هَارُونْ وَ مَرْيَمْ لِيُقُودُوكُو وَلَّا؟

إشَعْيا 37:4

وَ أَكُونْ اللّٰهْ إِلٰـهَكْ يَسْمَعْ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»

رَوْمَا 12:10

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

2 مُلوك 19:4

وَ أَكُونْ اللّٰهْ إِلٰـهَكْ يَسْمَعْ كُلَّ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»

عَدد 11:1

وَ يَوْم وَاحِدْ، بَنِي إِسْرَائِيلْ قَمَّوْا يَشْكُوا بِزَعَلْ لِلّٰهْ. وَ وَكِتْ هُو سِمِعْ شَكْوَاهُمْ، غِضِبْ غَضَبْ شَدِيدْ وَ نَزَّلْ فَوْقهُمْ نَارْ وَ النَّارْ دِي حَرَقَتْ طَرَفْ فَرِيقْهُمْ.

1 بُطْرُس 5:5

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

2 صَمُوِيل 11:27

وَ بَعَدْ وَكْت الْحِزِنْ كَمَّلْ خَلَاصْ، دَاوُدْ رَسَّلْ جَابَوْهَا لَيَّهْ وَ هُو خَطَّاهَا فِي بَيْتَهْ. وَ هِي بِقَتْ لَيَّهْ مَرْتَهْ وَ وِلْدَتْ لَيَّهْ وِلَيْد. وَ لَاكِنْ اللّٰهْ غِضِبْ لِدَاوُدْ بِسَبَبْ الشَّيّءْ الْهُو سَوَّاهْ.

عَدد 11:29

وَ مُوسَى قَالْ لَيَّهْ: «إِنْتَ حَسُودْ لَيِّ وَلَّا شُنُو؟ أَيْوَى، خَلِّي اللّٰهْ يِنَزِّلْ رُوحَهْ فِي كُلَّ الشَّعَبْ وَ يِسَوِّيهُمْ كُلُّهُمْ أَنْبِيَاء.»

رَوْمَا 12:3

وَ بِالنِّعْمَةْ الْاللّٰهْ أَنْطَاهَا لَيِّ، نِوَصِّي أَيِّ وَاحِدْ مِنْكُو مَا يِسْتَكْبَرْ. خَلِّي أَيِّ وَاحِدْ مَا يِنْغَشَّ لَاكِنْ يِشِيفْ نَفْسَهْ حَسَبْ قُدْرَةْ الْإِيمَانْ الْاللّٰهْ أَنْطَاهْ لَيَّهْ.

أمْثال 13:10

فِي بَكَانْ الْإِسْتِكْبَارْ، فِيَّهْ هُرَاجْ وَ فِي بَكَانْ الْيَسْمَعَوْا الْوَصِيَّةْ، فِيَّهْ حِكْمَةْ.

خُروج 7:10

وَ خَلَاصْ مُوسَى وَ هَارُونْ مَشَوْا لِلْمَلِكْ وَ سَوَّوْا مِثِلْ اللّٰهْ أَمَرَاهُمْ بَيَّهْ. هَارُونْ زَقَلْ عَصَاتَهْ قِدَّامْ الْمَلِكْ مَعَ خَدَّامِينَهْ وَ الْعَصَاةْ بِقَتْ دَابِي.

خُروج 5:1

وَ بَعَدْ دَا، مُوسَى وَ هَارُونْ مَشَوْا لِفِرْعَوْن مَلِكْ مَصِرْ وَ قَالَوْا لَيَّهْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹خَلِّي شَعَبِي يَمُرْقُوا لِيِعَيُّدُوا بِأُسْمِي فِي الصَّحَرَاء.›»

تكوين 29:33

وَ لَيْئَةْ غِلْبَتْ بَتَّانْ وَ وِلْدَتْ وِلَيْد وَ قَالَتْ: «اللّٰهْ سِمِعْ كَدَرْ أَنَا مَا مَرْيُودَةْ وَ أَنْطَانِي بَتَّانْ لَيَّهْ هُو دَا.» وَ بَيْدَا، سَمَّتَهْ شِمْعُونْ (مَعَنَاتَهْ هُو سِمِعْ).

خُروج 4:30

وَ هَارُونْ كَلَّمَاهُمْ بِكُلَّ كَلَامْ اللّٰهْ الْقَالَهْ لِمُوسَى وَ سَوَّوْا الْعَجَايِبْ قِدَّامْ الشَّعَبْ.

عَدد 12:3

وَ مُوسَى كَمَانْ، هُو رَاجِلْ مِسْكِينْ وَ مَا يِشِيفْ نَفْسَهْ زِيَادَةْ مِنْ كُلَ نَاسْ الْأَرْض.

خُروج 4:14

خَلَاصْ فِي الْبَكَانْ دَا، اللّٰهْ غِضِبْ مِنْ كَلَامْ مُوسَى وَ قَالْ: «أَخُوكْ هَارُونْ اللَّاوِي مَا قَاعِدْ وَلَّا؟ أَنَا نَعَرِفْ كَدَرْ هُو يَقْدَرْ يِحَجِّي عَدِيلْ. وَ هَسَّعْ، هُو جَايِ فِي الدَّرِبْ لِيِلَاقِيكْ. وَ وَكِتْ يِشِيفَكْ، يَفْرَحْ بِلْحَيْن.