عَدد 11:4 - الكتاب المقدس بالعربي الدارجي هنا تشاد

⁴ وَ يَوْم آخَرْ، الْأَجَانِبْ الْقَاعِدِينْ مَعَ بَنِي إِسْرَائِيلْ قِرْمَوْا وَ دَوَّرَوْا لَيْهُمْ لَحَمْ. وَ بَنِي إِسْرَائِيلْ ذَاتْهُمْ قَمَّوْا يَبْكُوا وَ يُقُولُوا: «الْجَحَمْ كَتَلْنَا. نِدَوْرُوا لَحَمْ نَاكُلُوا!

عَدد 11:4 Referenca të Kryqëzuara

1 كُرُنْتُس 10:6

وَ دَا كُلَّ كَيْ بِقِي أَشَانْ يَبْقَى لَيْنَا مَثَلْ. وَ خَلِّي مَا نَبْقَوْا مِثِلْهُمْ أَشَانْ هُمَّنْ حَبَّوْا الشَّرّ.

خُروج 12:38

وَ شَالَوْا بَقَرْ وَ غَنَمْ كَتِيرِينْ مَرَّةْ وَاحِدْ. وَ مَشَوْا مَعَاهُمْ نَاسْ كَتِيرِينْ مِنْ قَبَايِلْ آخَرِينْ.

زَبُور 106:14

فِي الصَّحَرَاء، جَحَمْ اللَّحَمْ كَرَبْهُمْ أَيْوَى، فِي الْخَلَاءْ هُمَّنْ جَرَّبَوْا الرَّبّ.

1 كُرُنْتُس 15:33

مَا تُغُشُّوا نُفُوسْكُو. حَالْ الصَّالِحِينْ تَتْلَفْ فِي أُسْط الْمُذْنِبِينْ.

نَحَمْيا 13:3

وَ وَكِتْ بَنِي إِسْرَائِيلْ سِمْعَوْا الْكَلَامْ دَا مِنْ التَّوْرَاةْ، قَمَّوْا طَرَدَوْا كُلَّ أَجْنَبِي مِنْ أُسُطْهُمْ.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

خُروج 16:3

وَ قَالَوْا لَيْهُمْ: «أَخَيْر لَيْنَا كَنْ اللّٰهْ كَتَلَانَا فِي بَلَدْ مَصِرْ وَكِتْ أَنِحْنَ شَبْعَانِينْ جَنْب الْبُرَامْ هَنَا اللَّحَمْ. وَ لَاكِنْ إِنْتُو مَرَقْتُونَا فِي الصَّحَرَاء دِي لِنُمُوتُوا كُلِّنَا مِنْ الْجُوعْ!»

عَدد 14:22

وَ النَّاسْ دَوْل كُلُّهُمْ شَافَوْا مَجْدِي وَ الْعَجَايِبْ الْأَنَا سَوَّيْتهُمْ فِي مَصِرْ وَ فِي الصَّحَرَاء دِي وَ بَيْدَا كُلَ، جَرَّبَوْنِي عَشَرَةْ مَرَّاتْ وَ مَا سِمْعَوْا كَلَامِي.

عَدد 16:13

إِنْتَ مَرَقْتِنَا مِنْ بَلَدْ الْمَلَانَةْ بِاللَّبَنْ وَ الْعَسَلْ وَ جِبْتِنَا نُمُوتُوا فِي الصَّحَرَاء دِي. دَا مَا تَمَّاكْ وَلَّا؟ وَ بَيْدَا كُلَ، بَتَّانْ تِدَوْر تَحْكِمْ فَوْقنَا؟

إرْمِيا 42:14

وَ أَكُونْ تُقُولُوا: ‹لَا! أَنِحْنَ نَمْشُوا مَصِرْ وَ هِنَاكْ وَ لَا نِشِيفُوا حَرِبْ وَ لَا نَسْمَعَوْا حِسّ بُرُنْجِي وَ لَا يِقَصِّرْ لَيْنَا أَكِلْ. وَ دَا بَسْ الْبَكَانْ الْأَنِحْنَ نَسْكُنُوا فَوْقَهْ.›

خُروج 16:12

«أَنَا سِمِعْت لُوَامَةْ بَنِي إِسْرَائِيلْ. قُولْ لَيْهُمْ: ‹الْيَوْم عَشِيَّةْ، تَاكُلُوا لَحَمْ وَ أَمْبَاكِرْ فَجُرْ، تَشْبَعَوْا بِالْأَكِلْ الْيَنْزِلْ مِنْ السَّمَاءْ. وَ بَيْدَا، تَعَرْفُوا كَدَرْ أَنَا بَسْ اللّٰهْ إِلٰـهْكُو.›»

عَدد 11:18

وَ قُولْ لِلشَّعَبْ: ‹خَصُّصُوا نُفُوسْكُو وَ أَمْبَاكِرْ تَاكُلُوا لَحَمْ أَشَانْ اللّٰهْ سِمِعْ بَكِيكُو وَكِتْ قُلْتُوا: ”الْجَحَمْ كَتَلْنَا نِدَوْرُوا لَحَمْ نَاكُلُوا! أَيْوَى، أَخَيْر لَيْنَا كَنْ قَعَدْنَا فِي مَصِرْ.“ وَ فِي شَانْ دَا، اللّٰهْ يَنْطِيكُو لَحَمْ وَ إِنْتُو تَاكُلُوهْ.

عَدد 14:1

وَ كُلَّ مُجْتَمَعْ بَنِي إِسْرَائِيلْ قَاعِدِينْ يِكَوْرُكُوا وَ يَبْكُوا طُولْ اللَّيْلَةْ دِي.

تَثْنِية 9:22

وَ إِنْتُو غَضَّبْتُوا اللّٰهْ فِي تَبْعِيرَةْ وَ فِي مَسَّةْ وَ فِي قِبْرُوتْ هَتَّاوَةْ.