عَدد 11:2 - الكتاب المقدس بالعربي الدارجي هنا تشاد

² وَ بَنِي إِسْرَائِيلْ كَوْرَكَوْا لِمُوسَى وَ هُو شَحَدْ اللّٰهْ وَ النَّارْ دِي مَاتَتْ.

عَدد 11:2 Referenca të Kryqëzuara

عَدد 21:7

وَ بَنِي إِسْرَائِيلْ جَوْا لِمُوسَى وَ قَالَوْا لَيَّهْ: «أَنِحْنَ أَذْنَبْنَا وَكِتْ قَمَّيْنَا ضِدّ اللّٰهْ وَ ضِدَّكْ إِنْتَ. هَسَّعْ دَا، أَشْحَدْ لَيْنَا اللّٰهْ أَشَانْ يِبَعِّدْ مِنِّنَا الدَّبِيبْ دَا.» وَ مُوسَى شَحَدْ لَيْهُمْ اللّٰهْ.

يَعْقُوب 5:16

فِي شَانْ دَا، أَعْتَرُفُوا بِذُنُوبْكُو أَمْبَيْنَاتْكُو وَ أَسْأَلَوْا اللّٰهْ أَمْبَيْنَاتْكُو أَشَانْ يَشْفِيكُو. دُعَا هَنَا نَادُمْ صَالِحْ عِنْدَهْ قُدْرَةْ شَدِيدَةْ.

1 يُوحَنَّا 5:16

كَنْ نَادُمْ مِنْكُو يِشِيفْ أَخُو وَاحِدْ يَذْنِبْ وَ الذَّنِبْ دَا مَا الذَّنِبْ الْيِوَدِّي النَّاسْ لِلْمَوْت، خَلِّي يَسْأَلْ اللّٰهْ وَ هُو يَنْطِي الْحَيَاةْ لِلنَّادُمْ دَا. هُو يَنْطِي الْحَيَاةْ لِلنَّاسْ الذُّنُوبْهُمْ مَا يِوَدُّوهُمْ لِلْمَوْت. ذَنِبْ آخَرْ قَاعِدْ الْيِوَدِّي النَّاسْ لِلْمَوْت وَ مَا قُلْت لَيْكُو تَسْأَلَوْا اللّٰهْ لِلنَّاسْ الْقَاعِدِينْ يِسَوُّوهْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

أعمال الرُسُل 8:24

وَ سِيمُونْ قَالْ: «أَسْأَلَوْا لَيِّ رَبِّنَا أَشَانْ الشَّيّءْ الْقُلْتُوهْ مَا يَجِي فَوْقِي.»

إرْمِيا 42:2

لِلنَّبِي إِرْمِيَا. وَ قَالَوْا: «مِنْ فَضْلَكْ، شَحَدْنَاكْ وَ أَقْبَلْ دُعَانَا. أَسْأَلْ اللّٰهْ إِلٰـهَكْ فِي شَانَّا أَنِحْنَ الْفَضَّلْنَا أَشَانْ نَقَصْنَا بِقِينَا شِيَّةْ مِثِلْ إِنْتَ قَاعِدْ تِشِيفَهْ.

إرْمِيا 37:3

وَ بَيْدَا كُلَ، الْمَلِكْ صِدْقِيَّا رَسَّلْ يَهُوكَلْ وِلَيْد شَلَمْيَا وَ صَفَنْيَا وِلَيْد مَعَسِيَّا رَاجِلْ الدِّينْ أَشَانْ يُقُولُوا لِلنَّبِي إِرْمِيَا: «مِنْ فَضْلَكْ، أَسْأَلْ اللّٰهْ إِلٰـهْنَا فِي شَانَّا!»

إرْمِيا 15:1

وَ اللّٰهْ قَالْ لَيِّ: «كَنْ الْيَوْم مُوسَى وَ صَمُوِيلْ يَجُوا يَشْحَدَوْنِي كُلَ، الشَّعَبْ دَوْل أَنَا مَا نَرْحَمْهُمْ. يَلَّا أَطْرُدْهُمْ مِنْ قِدَّامِي وَ خَلِّي يَمْشُوا!

إشَعْيا 37:4

وَ أَكُونْ اللّٰهْ إِلٰـهَكْ يَسْمَعْ كَلَامْ قَايِدْ الدَّيْش السِّيدَهْ مَلِكْ بَلَدْ أَشُورْ رَسَّلَهْ لِيِعَيِّرْ اللّٰهْ الْحَيّ. وَ أَكُونْ اللّٰهْ إِلٰـهَكْ يَسْمَعْ كَلَامَهْ وَ يِعَاقِبَهْ. هَسَّعْ دَا، أَسْأَلْ اللّٰهْ فِي شَانْ الشَّعَبْ الْفَضَّلَوْا.›»

زَبُور 106:23

اللّٰهْ قَرَّرْ يِكَمِّلْهُمْ وَ لَاكِنْ مُوسَى الْهُو عَزَلَهْ وَقَفْ فِي خَشُمْ الْخُرْمَةْ قِدَّامَهْ لِيِقَبِّلْ غَضَبَهْ الْمُدَمِّرْ.

خُروج 34:9

وَ قَالْ: «يَا رَبّ، كَنْ إِنْتَ رِضِيتْ لَيِّ، أَمْشِي مَعَانَا. يَا رَبّ، حَتَّى كَانْ أَنِحْنَ شَعَبَكْ رَاسْنَا قَوِي كُلَ، أَغْفِرْ لَيْنَا خَطَايَانَا وَ ذُنُوبْنَا. وَ أَجْعَلْنَا شَعَبَكْ الْحَلَالَكْ.»

عَدد 12:11

وَ هَارُونْ قَالْ لِمُوسَى: «يَا سِيدِي، اللّٰهْ يِخَلِّيكْ! مَا تِنَزِّلْ فَوْقنَا عِقَابْ بِسَبَبْ الذَّنِبْ السَّوَّيْنَاهْ مِثِلْ مَا عِنْدِنَا رَاسْ.

عَدد 12:13

وَ فِي شَانْ دَا، مُوسَى شَحَدْ اللّٰهْ وَ قَالْ: «يَا إِلٰـهِي، أَشْفِيهَا!»

خُروج 10:18

وَ مُوسَى مَرَقْ مِنْ بَكَانْ الْمَلِكْ وَ سَأَلْ اللّٰهْ.