عَدد 11:18 - الكتاب المقدس بالعربي الدارجي هنا تشاد

¹⁸ وَ قُولْ لِلشَّعَبْ: ‹خَصُّصُوا نُفُوسْكُو وَ أَمْبَاكِرْ تَاكُلُوا لَحَمْ أَشَانْ اللّٰهْ سِمِعْ بَكِيكُو وَكِتْ قُلْتُوا: ”الْجَحَمْ كَتَلْنَا نِدَوْرُوا لَحَمْ نَاكُلُوا! أَيْوَى، أَخَيْر لَيْنَا كَنْ قَعَدْنَا فِي مَصِرْ.“ وَ فِي شَانْ دَا، اللّٰهْ يَنْطِيكُو لَحَمْ وَ إِنْتُو تَاكُلُوهْ.

عَدد 11:18 Referenca të Kryqëzuara

خُروج 19:10

وَ اللّٰهْ قَالْ لِمُوسَى: «قَبِّلْ لِلشَّعَبْ وَ خَصِّصْهُمْ الْيَوْم وَ أَمْبَاكِرْ. وَ خَلِّي يِغَسُّلُوا خُلْقَانْهُمْ.

أعمال الرُسُل 7:39

«وَ لَاكِنْ جُدُودْنَا أَبَوْا مَا سِمْعَوْه. هُمَّنْ مَا دَوَّرَوْا يِتَابُعُوهْ. وَ فِي قُلُوبْهُمْ دَوَّرَوْا يِقَبُّلُوا فِي مَصِرْ.

عَدد 11:1

وَ يَوْم وَاحِدْ، بَنِي إِسْرَائِيلْ قَمَّوْا يَشْكُوا بِزَعَلْ لِلّٰهْ. وَ وَكِتْ هُو سِمِعْ شَكْوَاهُمْ، غِضِبْ غَضَبْ شَدِيدْ وَ نَزَّلْ فَوْقهُمْ نَارْ وَ النَّارْ دِي حَرَقَتْ طَرَفْ فَرِيقْهُمْ.

قُضياء 21:2

وَ بَعَدْ الْحَرِبْ دَا، الشَّعَبْ جَوْا فِي بَيْت إِيلْ وَ قَعَدَوْا قِدَّامْ الرَّبّ لَحَدِّي الْعَشِيَّةْ. وَ هُمَّنْ بَكَوْا زِيَادَةْ وَ دُمُوعْهُمْ كُلَ دَفَّقَوْا كَتِيرْ.

يَشُوع 7:13

قُمّ أَمْشِي خَصِّصْ الشَّعَبْ وَ قُولْ لَيْهُمْ: ‹خَصُّصُوا نُفُوسْكُو لِأَمْبَاكِرْ أَشَانْ دَاهُو اللّٰهْ إِلٰـهْ بَنِي إِسْرَائِيلْ قَالْ: ”فِي خُمَامْ حَرَامْ قَاعِدْ فِي أُسُطْكُو، يَا بَنِي إِسْرَائِيلْ. وَ إِنْتُو مَا تَقْدَرَوْا تَوَاجُهُوا عُدْوَانْكُو كَنْ مَا مَرَقْتُوا الْخُمَامْ الْحَرَامْ دَا مِنْ أُسُطْكُو.

خُروج 19:15

وَ هُو قَالْ لَيْهُمْ: «جَهُّزُوا نُفُوسْكُو لِلْيَوْم التَّالِتْ. مَا تَرُقْدُوا مَعَ عَوِينْكُو فِي الْمُدَّةْ دِي.»

تكوين 35:2

وَ يَعْقُوبْ قَالْ لِعَايِلْتَهْ وَ لِكُلَّ النَّاسْ الْقَاعِدِينْ مَعَايَهْ: «بَعُّدُوا مِنْكُو الْأَصْنَامْ الْأَجْنَبِيِّينْ وَ طَهُّرُوا قُلُوبْكُو وَ غَيَّرَوْا خُلْقَانْكُو.

خُروج 19:22

وَ حَتَّى كَانْ رُجَالْ الدِّينْ دَوَّرَوْا يِقَرُّبُوا لَيِّ كُلَ، خَلِّي يِخَصُّصُوا نُفُوسْهُمْ أَشَانْ أَنَا اللّٰهْ مَا نَضْرُبْهُمْ.»

عَدد 11:19

وَ اللَّحَمْ دَا، مَا تَاكُلُوهْ لِمُدَّةْ يَوْم أَوْ يَوْمَيْن أَوْ خَمْسَةْ أَوْ عَشَرَةْ أَوْ 20 يَوْم.

أيُّوب 20:13

هُو يُمُصَّهَا وَ مَا يَقِيفْ وَ يُضُمَّهَا فِي شِدْقَهْ.

أيُّوب 20:23

وَكِتْ هُو مَشْغُولْ بِبَطْنَهْ، الرَّبّ يِنَزِّلْ فَوْقَهْ غَضَبَهْ الشَّدِيدْ وَ يِنَزِّلَهْ فَوْقَهْ مِثِلْ مَطَرَةْ وَ دَا بَسْ يَبْقَى أَكْلَهْ.

زَبُور 78:20

صَحِيحْ، هُو ضَرَبْ الْحَجَرْ وَ الْأَلْمِي جَرَى مِنَّهْ بِكَتَرَةْ وَ بِقِي وُدْيَانْ كَتِيرِينْ. وَ لَاكِنْ هُو يَقْدَرْ يَنْطِي خُبْزَةْ وَ يِقَدِّمْ لَحَمْ لِشَعَبَهْ وَلَّا؟»

خُروج 16:8

وَ مُوسَى قَالْ بَتَّانْ: «اللّٰهْ هُو بَسْ الْيَنْطِيكُو بِعَشِيَّةْ لَحَمْ تَاكُلُوهْ. وَ بِفَجُرْ، تَشْبَعَوْا بِأَكِلْ مِنْ السَّمَاءْ أَشَانْ هُو سِمِعْ لُوَامِتْكُو. وَ كَنْ تُلُومُونَا أَنِحْنَ دَا، إِنْتُو لُمْتُوا اللّٰهْ.»