عَدد 11:17 - الكتاب المقدس بالعربي الدارجي هنا تشاد

¹⁷ وَ فِي الْبَكَانْ دَا، أَنَا نَنْزِلْ وَ نِكَلِّمْ مَعَاكْ وَ نِشِيلْ مِنْ الرُّوحْ الْقَاعِدْ فَوْقَكْ وَ نُخُطَّهْ فَوْقهُمْ. وَ بَيْدَا، هُمَّنْ يِشِيلُوا مَعَاكْ مَسْؤُولِيَّةْ الشَّعَبْ وَ بَتَّانْ إِنْتَ مَا تِشِيلْهَا وِحَيْدَكْ.

عَدد 11:17 Referenca të Kryqëzuara

1 صَمُوِيل 10:6

وَ طَوَّالِي، رُوحْ اللّٰهْ يَنْزِلْ فَوْقَكْ إِنْتَ بِشِدَّةْ وَ تِتْنَبَّأْ مَعَاهُمْ وَ تِغَيِّرْ وَ تَبْقَى رَاجِلْ آخَرْ.

عَدد 11:25

وَ اللّٰهْ نَزَلْ فِي لُبّ السَّحَابَايْ وَ كَلَّمْ لَيَّهْ. وَ شَالْ مِنْ الرُّوحْ الْقَاعِدْ فَوْق مُوسَى وَ خَطَّاهْ فَوْق السَّبْعِينْ شُيُوخْ. وَ وَكِتْ الرُّوحْ قَعَدْ فَوْقهُمْ، طَوَّالِي قَمَّوْا يِتْنَبَّأَوْا وَ بَتَّانْ يَوْم آخَرْ مَا سَوَّوْه.

1 كُرُنْتُس 2:12

وَ اللّٰهْ أَنْطَانَا الرُّوحْ الْقُدُّوسْ وَ الرُّوحْ الْقُدُّوسْ دَا مَا جَايِ مِنْ الدُّنْيَا. هُو رُوحْ اللّٰهْ النَّازِلْ لَيْنَا أَشَانْ نَعَرْفُوا الرَّحْمَةْ الْاللّٰهْ أَنْطَاهَا لَيْنَا.

2 مُلوك 2:9

وَ وَكِتْ قَاعِدِينْ يُشُقُّوا الْبَحَرْ دَا، إِلِيَاسْ قَالْ لِأَلْيَسَعْ: «أَطْلُبْ مِنِّي الشَّيّءْ الْوَاجِبْ نِسَوِّي لَيْك قُبَّالْ مَا يَرْفَعَوْنِي مِنْ جَنْبَكْ.» وَ أَلْيَسَعْ رَدَّ لَيَّهْ وَ قَالْ: «خَلِّي يَنْزِلْ فَوْقِي رُوحْ مِثِلْ الرُّوحْ الْعِنْدَكْ مَرَّتَيْن.»

يُوِيل 2:28

«وَ بَعَدْ دَا، أَنَا نِنَزِّلْ رُوحِي فِي كُلَّ النَّاسْ. أَوْلَادْكُو وَ بَنَاتْكُو يِتْنَبَّأَوْا وَ شِيَّابْكُو يَحْلَمَوْا بِحِلِمْ وَ صُبْيَانْكُو يِشِيفُوا رُؤْيَةْ.

2 مُلوك 2:15

وَ نَاسْ مَجْمُوعَةْ الْأَنْبِيَاء الْقَاعِدِينْ مُقَابِلِينْ أَرِيحَا شَافَوْه وَ قَالَوْا: «رُوحْ إِلِيَاسْ قَاعِدْ فِي أَلْيَسَعْ!» وَ هُمَّنْ مَشَوْا لَاقَوْه وَ وَقَعَوْا بِوُجُوهُّمْ وَ سَجَدَوْا قِدَّامَهْ.

رَوْمَا 8:9

لَاكِنْ إِنْتُو مَا عَايْشِينْ حَسَبْ طَبِيعَةْ الْإِنْسَانْ. إِنْتُو عَايْشِينْ حَسَبْ الرُّوحْ الْقُدُّوسْ أَشَانْ رُوحْ اللّٰهْ سَاكِنْ فِيكُو. وَ كَنْ نَادُمْ مَا عِنْدَهْ رُوحْ الْمَسِيحْ، هُو مَا هَنَا الْمَسِيحْ.

1 تَسَلونِيكِي 4:8

وَ أَشَانْ دَا، أَيِّ نَادُمْ الْيَابَى الْكَلَامْ دَا، مَا يَابَى كَلَامْ إِنْسَانِي بَسْ لَاكِنْ يَابَى كَلَامْ اللّٰهْ النَّزَّلْ فَوْقكُو الرُّوحْ الْقُدُّوسْ.

نَحَمْيا 9:20

وَ نَزَّلْت لَيْهُمْ رُوحَكْ الزَّيْن أَشَانْ يَنْطِيهُمْ الْفِهِمْ. وَ أَنْطَيْتهُمْ الْمَنَّةْ وَكِتْ جِيعَانِينْ وَ وَكِتْ عَطْشَانِينْ، أَنْطَيْتهُمْ أَلْمِي.

خُروج 18:22

وَ خَلِّيهُمْ يِشَارُعُوا الشَّعَبْ فِي كُلَّ وَكِتْ. هُمَّنْ يِشَارُعُوهُمْ فِي مَشَاكِلْهُمْ الدُّقَاقْ وَ لَاكِنْ مَشَاكِلْهُمْ الْكُبَارْ كَمَانْ يِوَدُّوهُمْ لَيْك إِنْتَ. وَ دَا يِخَفِّفْ لَيْك إِنْتَ أَشَانْ هُمَّنْ كُلَ يِشِيلُوا التَّقَلَةْ مَعَاكْ.

يَهُوذَا 1:19

هُمَّنْ بَسْ الْيِسَبُّبُوا أَمْبَيْنَاتْكُو الْفُرْقَةْ. هُمَّنْ يِتَابُعُوا فِكِرْ الْإِنْسَانْ بَسْ وَ مَا عِنْدُهُمْ الرُّوحْ الْقُدُّوسْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

عَدد 12:5

وَ طَوَّالِي، اللّٰهْ نَزَلْ فِي عَمُودْ هَنَا سَحَابْ وَ وَقَفْ فِي خَشُمْ بَابْ الْخَيْمَةْ وَ نَادَى هَارُونْ وَ مَرْيَمْ وَ هُمَّنْ زَحَفَوْا قِدَّامْ.

خُروج 19:20

وَ اللّٰهْ نَزَلْ فِي رَاسْ جَبَلْ سِينَاء وَ نَادَى مُوسَى لِيَرْكَبْ فِي رَاسْ الْجَبَلْ. وَ مُوسَى رِكِبْ.

تكوين 11:5

وَ وَكِتْ النَّاسْ يِدَوْرُوا يَلْحَقَوْا السَّمَاءْ، مِنْ فَوْق اللّٰهْ شَافَاهُمْ وَ شَافْ الْمَدِينَةْ وَ الْقَصِرْ الْبَنِي آدَم قَاعِدِينْ يَبْنُوهْ.

يُوحَنَّا 7:39

وَ بِالْكَلَامْ دَا، هُو حَجَّى بِالرُّوحْ الْقُدُّوسْ الْبَعَدَيْن يَنْزِلْ فِي النَّاسْ الْمُؤمِنِينْ بَيَّهْ. وَ فِي الْوَكِتْ دَا، اللّٰهْ لِسَّاعْ مَا نَزَّلْ الرُّوحْ أَشَانْ عِيسَى لِسَّاعْ مَا طَلَعْ فِي مَجْدَهْ.

يُوحَنَّا 3:13

مَا فِي نَادُمْ وَاحِدْ طَلَعْ فِي السَّمَاءْ إِلَّا إِبْن الْإِنْسَانْ النَّزَلْ مِنْ السَّمَاءْ.

إشَعْيا 44:3

أَشَانْ أَنَا نِنَزِّلْ مَطَرْ فِي الْأَرْض الْعَطْشَانَةْ وَ نِجَرِّي وُدْيَانْ فِي أَرْض جَفَافْ. مِثِلْ دَا، نِنَزِّلْ رُوحِي فِي ذُرِّيّتَكْ وَ بَرَكَتِي فِي عِيَالَكْ.

عَدد 27:18

وَ اللّٰهْ رَدَّ لِمُوسَى وَ قَالْ: «شِيلْ يَشُوعْ وِلَيْد نُونْ الرُّوحِي قَاعِدَةْ فَوْقَهْ وَ خُطّ إِيدَكْ فَوْقَهْ.

عَدد 12:8

وَ نِكَلِّمْ مَعَايَهْ خَشُمْ بِخَشُمْ بِكَلَامْ وَاضِحْ مَا مُلَبَّدْ. وَ أَنَا نِبَيِّنْ نَفْسِي لَيَّهْ وَ هُو يِشِيفْنِي أَنَا اللّٰهْ. وَ بَيْدَا، مَالَا مَا خُفْتُوا وَ قَمَّيْتُوا ضِدّ مُوسَى عَبْدِي؟»

خُروج 34:5

وَ خَلَاصْ، اللّٰهْ نَزَلْ فِي عَمُودْ السَّحَابْ فِي الْبَكَانْ الْمُوسَى وَاقِفْ فَوْقَهْ. وَ عَالَنْ أُسْمَهْ هُو اللّٰهْ.

خُروج 19:11

وَ يُكُونُوا جَاهِزِينْ لِلْيَوْم التَّالِتْ أَشَانْ فِي الْيَوْم دَا، أَنَا اللّٰهْ نَنْزِلْ فِي جَبَلْ سِينَاء قِدَّامْ كُلَّ الشَّعَبْ.

تكوين 18:33

وَكِتْ اللّٰهْ كَمَّلْ كَلَامَهْ مَعَ إِبْرَاهِيمْ، هُو خَلَّاهْ. وَ إِبْرَاهِيمْ قَبَّلْ بَيْتَهْ.

تكوين 17:22

وَ وَكِتْ الرَّبّ كَمَّلْ كَلَامَهْ، فَاتْ خَلَّاهْ لِإِبْرَاهِيمْ.

تكوين 17:3

أَبْرَامْ سَجَدْ قِدَّامْ الرَّبّ وَ هُو قَالْ لَيَّهْ:

خُروج 18:18

إِنْتَ قَاعِدْ تِتَعِّبْ نَفْسَكْ وَ تِتَعِّبْ الشَّعَبْ كُلَ مَعَاكْ أَشَانْ الشَّيّءْ دَا فَاتْ قُدُرْتَكْ. وَ إِنْتَ وِحَيْدَكْ مَا تَقْدَرْ تِسَوِّيهْ.

إشَعْيا 63:11

بَعَدْ دَا، شَعَبَهْ أَذَّكَّرَوْا الْوَكِتْ الْفَاتْ، الْوَكِتْ هَنَا مُوسَى. وَ قَالَوْا: «وَيْن هُو الْمَرَقْ شَعَبَهْ مِنْ الْبَحَرْ مَعَ رُعْيَانْ غَنَمَهْ؟ وَ وَيْن هُو الْخَطَّ فَوْقهُمْ رُوحَهْ الْمُقَدَّسْ؟

عَدد 7:89

وَ وَكِتْ مُوسَى يَدْخُلْ فِي خَيْمَةْ الْإِجْتِمَاعْ لِيِكَلِّمْ مَعَ اللّٰهْ، هُو يَسْمَعْ حِسَّهْ يَجِي لَيَّهْ مِنْ فَوْق لِسِدَادَةْ صَنْدُوقْ الْفَوْقَهْ لِيحَانْ الْمُعَاهَدَةْ أَمْبَيْن الْمَخْلُوقِينْ السَّمَاوِيِّينْ الْإِتْنَيْن الْمَصْنُوعِينْ فِي ضَهَرْ السِّدَادَةْ. وَ يِكَلِّمْ مَعَايَهْ.