عَدد 10:9 - الكتاب المقدس بالعربي الدارجي هنا تشاد

⁹ «وَ وَكِتْ تَمْشُوا لِلْحَرِبْ ضِدّ عُدْوَانْكُو الْقَاعِدِينْ يَهْجُمُوكُو فِي بَلَدْكُو، أَضُرْبُوا الْبُرُنْجِي الْإِتْنَيْن عِدَّةْ مَرَّاتْ. وَ بَيْدَا، أَنَا اللّٰهْ إِلٰـهْكُو نِفَكِّرْ فَوْقكُو وَ نِنَجِّيكُو مِنْ عُدْوَانْكُو.

عَدد 10:9 Referenca të Kryqëzuara

1 صَمُوِيل 10:18

وَ هُو قَالْ لِبَنِي إِسْرَائِيلْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹أَنَا بَسْ الْمَرَقْتُكُو إِنْتُو بَنِي إِسْرَائِيلْ مِنْ مَصِرْ. وَ أَنَا بَسْ النَّجَّيْتكُو مِنْ مَلِكْ مَصِرْ وَ مِنْ كُلَّ الْمُلُوكْ الْقَاعِدِينْ يِسْتَعْمَرَوْكُو.›

قُضياء 2:18

وَ وَكِتْ اللّٰهْ خَطَّ لَيْهُمْ الْحُكَّامْ، هُو كَانْ مَعَ أَيِّ حَاكِمْ. وَ فِي كُلَّ مُدَّةْ حَيَاتَهْ، اللّٰهْ يِنَجِّيهُمْ لِبَنِي إِسْرَائِيلْ مِنْ عُدْوَانْهُمْ. وَكِتْ قَاعِدِينْ يَقُنْتُوا مِنْ النَّاسْ الْيَظُلْمُوهُمْ وَ يِتَعُّبُوهُمْ، اللّٰهْ حَنَّ فَوْقهُمْ.

تكوين 8:1

وَ خَلَاصْ بَعَدْ دَا، الرَّبّ فَكَّرْ لِنُوحْ وَ لِكُلَّ الْحَيْوَانَاتْ وَ الْبَهَايِمْ الْقَاعِدِينْ مَعَايَهْ فِي السَّفِينَةْ. وَ الرَّبّ رَسَّلْ رِيحْ فِي الْأَرْض وَ الْأَلْمِي بَدَا يَنْقُصْ.

زَبُور 106:42

عُدْوَانْهُمْ ظَلَمَوْهُمْ وَ هُمَّنْ أَنْهَزَمَوْا قِدَّامْهُمْ.

زَبُور 106:4

يَا اللّٰهْ! إِنْتَ الرَّضْيَانْ لِشَعَبَكْ، فَكِّرْ فَوْقِي وَ بِنَجَاتَكْ، سَاعِدْنِي.

2 أخبار 13:14

وَ وَكِتْ عَسْكَرْ مَمْلَكَةْ يَهُوذَا أَنْلَفَتَوْا وَرَاهُمْ، شَافَوْا كَدَرْ هَجَمَوْهُمْ مِنْ قِدَّامْ وَ مِنْ وَرَاءْ. وَ خَلَاصْ، هُمَّنْ كَوْرَكَوْا لِلّٰهْ. وَ وَكِتْ رُجَالْ الدِّينْ ضَرَبَوْا الْبُرُنْجِي،

قُضياء 10:12

وَ الصَّيْدُونِيِّينْ وَ الْعَمَالِقْ وَ الْمَاعَوْنِيِّينْ ظَلَمَوْكُو وَ وَكِتْ صَرَخْتُوا لَيِّ، أَنَا مَا نَجَّيْتكُو مِنْهُمْ وَلَّا؟

قُضياء 10:8

وَ مِنْ الْوَكِتْ دَا، هُمَّنْ رِحْكَوْا بَنِي إِسْرَائِيلْ وَ ظَلَمَوْهُمْ فِي مُدَّةْ 18 سَنَةْ لَحَدِّي كُلَّ بَنِي إِسْرَائِيلْ الْقَاعِدِينْ صَبَاحْ لِبَحَرْ الْأُرْدُنْ فِي بَلَدْ الْأَمُورِيِّينْ فِي تُرَابْ قِلْعَادْ.

يَشُوع 6:5

وَ وَكِتْ تَسْمَعَوْا رُجَالْ الدِّينْ يَضُرْبُوا حِسّ طَوِيلْ فِي الْبُوقْ، خَلِّي كُلَّ الشَّعَبْ يِعِيطُوا. وَ الدُّرْدُرْ الْمُحَوِّقْ الْحِلَّةْ يَقَعْ وَ خَلَاصْ، كُلُّكُو تَهْجُمُوا الْحِلَّةْ، أَيِّ وَاحِدْ بِالْفَرَقَةْ الْقِدَّامَهْ.»

عَدد 31:6

وَ مُوسَى شَالْ مِنْ أَيِّ قَبِيلَةْ 1 000 رَاجِلْ وَ رَسَّلَاهُمْ لِلْحَرِبْ. وَ رَاجِلْ الدِّينْ فِينْحَاسْ وِلَيْد أَلِعَازَرْ كُلَ مَشَى مَعَاهُمْ. وَ هُو عِنْدَهْ كُلَّ الْمُعِدَّاتْ الْمُخَصَّصِينْ وَ الْبُرُنْجِي الْيَنْطُوا بَيَّهْ إِشَارَاتْ فِي الْحَرِبْ.

1 كُرُنْتُس 14:8

كَنْ الْبُرُنْجِي مَا يِنَادِي الْعَسْكَرْ بِحِسّ وَاضِحْ، يَاتُو الْيِجَهِّزْ نَفْسَهْ لِلْحَرِبْ؟

عَمُوس 3:6

كَنْ الْبُوقْ بَكَى فِي لُبّ الْحِلَّةْ، سُكَّانْهَا مَا يِبَرْجُلُوا وَلَّا؟ كَنْ شَيّءْ فَسِلْ جَاءْ فِي الْحِلَّةْ، مَا اللّٰهْ بَسْ جَعَلَهْ وَلَّا؟

إرْمِيا 6:17

أَنَا خَطَّيْت فَوْقكُو أَنْبِيَاء مِثِلْ حُرَّاسْ وَ قُلْت لَيْكُو خُطُّوا بَالْكُو وَكِتْ تَسْمَعَوْا حِسّ الْبُوقْ. لَاكِنْ إِنْتُو رَدَّيْتُوا وَ قُلْتُوا: ‹أَنِحْنَ مَا نَسْمَعَوْا.›

إرْمِيا 4:21

لَحَدِّي مَتَى نِشِيفْ رَايَةْ الْحَرِبْ وَ نَسْمَعْ حِسّ الْبُوقْ؟»

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إرْمِيا 4:5

يَلَّا قُمُّوا خَبُّرُوا فِي بَلَدْ يَهُوذَا وَ مَدِينَةْ الْقُدُسْ وَ أَضُرْبُوا الْبُوقْ فِي كُلَّ الْبَلَدْ. وَ عِيطُوا بِحِسّ عَالِي وَ قُولُوا: «لِمُّوا وَ أَدْخُلُوا فِي الْمُدُنْ الْقَوِيِّينْ.»

إشَعْيا 58:1

«نَادِي بِطُولْ حِسَّكْ! مَا تَسْكُتْ! أَرْفَعْ حِسَّكْ مِثِلْ الْبُوقْ! وَ خَبِّرْ شَعَبِي بِعِصْيَانْهُمْ أَيْوَى، خَبِّرْ ذُرِّيَّةْ يَعْقُوبْ بِذُنُوبْهُمْ!

إشَعْيا 18:3

أَسْمَعَوْا، إِنْتُو كُلُّكُو الْقَاعِدِينْ فِي الْعَالَمْ، إِنْتُو السَّاكْنِينْ فِي الْأَرْض! وَكِتْ الرَّايَةْ يَرْفَعَوْهَا فِي رُوسَيْ الْجِبَالْ، شِيفُوهَا! وَ وَكِتْ يَضُرْبُوا الْبُوقْ، أَسْمَعَوْه!

زَبُور 136:23

هُو فَكَّرْ فَوْقنَا وَكِتْ أَنِحْنَ تَعْبَانِينْ، أَشَانْ رَحْمَتَهْ دَايْمَةْ إِلَى الْأَبَدْ

قُضياء 6:34

وَ رُوحْ اللّٰهْ نَزَلْ فِي قِدْعُونْ وَ هُو ضَرَبْ الْبُوقْ وَ خَشُمْ بَيْت أَبِعَازَرْ مَشَوْا وَرَايَهْ.

قُضياء 6:9

أَنَا نَجَّيْتكُو مِنْ إِيدْ الْمَصْرِيِّينْ وَ مِنْ كُلَّ النَّاسْ الظَّلَمَوْكُو وَ طَرَدْتُهُمْ قِدَّامْكُو وَ أَنْطَيْتكُو بَلَدْهُمْ.

قُضياء 3:27

وَ وَكِتْ وِصِلْ هِنَاكْ، ضَرَبْ الْبُوقْ فِي جِبَالْ أَفْرَايِمْ. وَ كُلَّ بَنِي إِسْرَائِيلْ نَزَلَوْا مَعَايَهْ مِنْ الْجِبَالْ وَ هُو مَاشِي قِدَّامْهُمْ.

صَفَنْيا 1:16

وَ دَا يَوْم ضَرَبَانْ الْبُوقْ وَ كُرَوْرَاكْ الْحَرِبْ ضِدّ الْمُدُنْ الْقَوِيِّينْ وَ بَكَانَاتْهُمْ هَنَا الْمُرَاقَبَةْ.

هُوشَع 5:8

اللّٰهْ قَالْ: «أَضُرْبُوا الْبُوقْ فِي قِبَيْعَةْ وَ أَضُرْبُوا الْبُرُنْجِي فِي الرَّامَةْ. عِيطُوا لِبَيْت إِيلْ الْفَسْلَةْ وَ شِيفُوا وَرَاكُو، يَا نَاسْ بَنْيَامِينْ!

حِزْقِيال 7:14

كَنْ يَضُرْبُوا الْبُوقْ وَ يِجَهُّزُوا سِلَاحْهُمْ كُلَ، نَادُمْ وَاحِدْ كُلَ مَا يَمْشِي لِلْحَرِبْ أَشَانْ غَضَبِي يِدَمِّرْ كُلَّ نَاسْ الْبَلَدْ.

إرْمِيا 6:1

يَا النَّاسْ الْفِي أَرْض قَبِيلَةْ بَنْيَامِينْ، عَرُّدُوا مِنْ مَدِينَةْ الْقُدُسْ وَ فَتُّشُوا لَيْكُو مَلْجَأْ. فِي حِلَّةْ تَقُوعَةْ، أَضُرْبُوا الْبُوقْ وَ قَبُّضُوا النَّارْ مِثِلْ إِشَارَةْ فِي أَعَالِي بَيْت كَرَمْ. دَاهُو مِنْ مُنْشَاقْ الْفَسَالَةْ بَانَتْ وَ دَمَارْ كَبِيرْ جَايِ.

لاوِيِّين 23:24

حَجِّي لِبَنِي إِسْرَائِيلْ وَ قُولْ لَيْهُمْ: «الْيَوْم الْأَوَّلْ هَنَا الشَّهَرْ السَّابِعْ دَا يُكُونْ لَيْكُو يَوْم هَنَا جُمَّةْ وَ دَا يَوْم التِّلِمُّوا لَيِّ فَوْقَهْ مَلَمَّةْ خَاصَّة وَ تَضُرْبُوا بُرُنْجِي وَ تِذَّكَّرَوْنِي.

2 أخبار 13:12

شِيفُوا! اللّٰهْ وَ رُجَالْ الدِّينْ هِنَيْه قَاعِدِينْ مَعَانَا وَ عِنْدِنَا الْبُرُنْجِي النَّضُرْبُوهْ لِحَرَكَةْ الْحَرِبْ ضِدُّكُو. يَا نَاسْ مَمْلَكَةْ إِسْرَائِيلْ، مَا تِحَارُبُوا اللّٰهْ رَبّ جُدُودْكُو أَشَانْ إِنْتُو مَا تَنْجَحَوْا!»

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.

تَثْنِية 20:1

وَ وَكِتْ تَمُرْقُوا لِلْحَرِبْ ضِدّ عُدْوَانْكُو وَ تِشِيفُوا الْخَيْل وَ عَرَبَاتْ الْحَرِبْ وَ نَاسْ كَتِيرِينْ مِنْكُو، مَا تَخَافَوْا مِنْهُمْ أَشَانْ اللّٰهْ إِلٰـهْكُو الْمَرَقَاكُو مِنْ بَلَدْ مَصِرْ قَاعِدْ مَعَاكُو.