عَدد 10:33 - الكتاب المقدس بالعربي الدارجي هنا تشاد

³³ وَ قَمَّوْا مِنْ جَبَلْ اللّٰهْ وَ مَشَوْا مَسَافَةْ تَلَاتَةْ يَوْم. وَ صَنْدُوقْ مُعَاهَدَةْ اللّٰهْ وَدَّوْه قِدَّامْهُمْ أَشَانْ يَعَرْفُوا الْبَكَانْ الْيَنْزُلُوا فَوْقَهْ.

عَدد 10:33 Referenca të Kryqëzuara

تَثْنِية 1:33

وَ هُو مَاشِي قِدَّامْكُو فِي الدَّرِبْ لِيِفَتِّشْ لَيْكُو بَكَانْ التَّنْزُلُوا فَوْقَهْ. وَ مَاشِي قِدَّامْكُو بِاللَّيْل فِي عَمُودْ هَنَا نَارْ لِيِضَوِّي لَيْكُو فِي الدَّرِبْ الْإِنْتُو مَاشِينْ فَوْقَهْ وَ بِنَهَارْ فِي عَمُودْ هَنَا سَحَابْ.

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

حِزْقِيال 20:6

وَ فِي الْيَوْم دَا، أَنَا حَلَفْت لَيْهُمْ كَدَرْ نَمْرُقْهُمْ مِنْ بَلَدْ مَصِرْ وَ نِوَدِّيهُمْ عَلَيْ الْبَلَدْ الْأَنَا عَزَلْتَهَا لَيْهُمْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ وَ جَمِيلَةْ مِنْ كُلَّ الْبُلْدَانْ.

إرْمِيا 6:16

وَ دَاهُو اللّٰهْ قَالْ: «أَقْعُدُوا فِي مَشْبَكْ الدُّرُوبْ وَ شِيفُوا وَ أَسْأَلَوْا وَ أَعَرْفُوا مِنْ الطُّرُقْ الزَّمَانْ. وَ أَعَزُلُوا طَرِيقْ الْخَيْر وَ أَمْشُوا فَوْقَهْ وَ بَيْدَا، تَلْقَوْا رَاحَةْ لِنُفُوسْكُو. وَ لَاكِنْ إِنْتُو أَبَيْتُوا وَ قُلْتُوا: ‹أَنِحْنَ مَا نَمْشُوا فَوْقَهْ.›

إرْمِيا 3:16

وَ دَاهُو كَلَامْ اللّٰهْ: «وَكِتْ إِنْتُو تَلْدَوْا وَ تَبْقَوْا كَتِيرِينْ فِي الْبَلَدْ، فِي الْوَكِتْ دَاكْ، مَا يِحَجُّوا بَتَّانْ بِصَنْدُوقْ مُعَاهَدَةْ اللّٰهْ وَ نَادُمْ يِفَكِّرْ فَوْقَهْ مَا فِيهْ وَ نَادُمْ يِذَّكَّرَهْ كُلَ مَا فِيهْ وَ مَا يَقْرَمَوْا لَيَّهْ وَ لَا يَصْنَعَوْه بَتَّانْ لِتَانِي مَرَّةْ.

إشَعْيا 66:1

دَاهُو اللّٰهْ قَالْ: «السَّمَاءْ عَرْشِي وَ الْأَرْض بَكَانْ نُخُطّ رِجِلَيْنِي. هَلْ تَقْدَرَوْا تَبْنُوا بَيْت الْيِشِيلْنِي وَلَّا؟ وَلَّا تَقْدَرَوْا تَبْنُوا لَيِّ بَكَانْ لِلرَّاحَةْ؟

إشَعْيا 28:12

هُو قَالْ لَيْهُمْ: «دَاهُو بَكَانْ الْجُمَّةْ، جُمُّوا الْعَيَّانْ! وَ دَاهُو بَكَانْ الرَّاحَةْ!» وَ لَاكِنْ هُمَّنْ مَا دَوَّرَوْا يَسْمَعَوْه.

زَبُور 95:11

وَ أَشَانْ دَا، فِي زَعَلِي أَنَا حَلَفْت وَ قُلْت مَا يَدْخُلُوا فِي رَاحْتِي.

1 صَمُوِيل 4:3

وَ وَكِتْ النَّاسْ الْعَرَّدَوْا مِنْ الْحَرِبْ وَصَّلَوْا فِي الْمُعَسْكَرْ دَا، شُيُوخْ بَنِي إِسْرَائِيلْ قَالَوْا: «مَالَا اللّٰهْ هَزَمْنَا الْيَوْم قِدَّامْ الْفِلِسْطِيِّينْ؟ يَلَّا! نَمْشُوا نِجِيبُوا صَنْدُوقْ مُعَاهَدَةْ اللّٰهْ مِنْ حِلَّةْ شِيلَوْه وَ نِشِيلُوهْ مَعَانَا أَشَانْ يِنَجِّينَا مِنْ عَدُونَا.»

قُضياء 20:27

بَنِي إِسْرَائِيلْ سَأَلَوْا اللّٰهْ أَشَانْ فِي الْوَكِتْ دَاكْ، صَنْدُوقْ مُعَاهَدَةْ الرَّبّ قَاعِدْ فِي بَيْت إِيلْ.

يَشُوع 4:7

وَ إِنْتُو تُقُولُوا لَيْهُمْ: ‹دَا أَشَانْ أَلْمِي هَنَا بَحَرْ الْأُرْدُنْ وَقَفْ وَكِتْ صَنْدُوقْ مُعَاهَدَةْ اللّٰهْ قَاعِدْ يَقْطَعْ الْبَحَرْ. وَ الْحُجَارْ دَوْل هُمَّنْ ذِكْرَةْ لِبَنِي إِسْرَائِيلْ إِلَى الْأَبَدْ كَدَرْ أَلْمِي بَحَرْ الْأُرْدُنْ وَقَفْ.›»

تَثْنِية 31:26

شِيلُوا كِتَابْ التَّوْرَاةْ دَا وَ خُطُّوهْ جَنْب صَنْدُوقْ مُعَاهَدَةْ اللّٰهْ إِلٰـهْكُو وَ هُو يَقْعُدْ مِثِلْ شَهَادَةْ ضِدّ بَنِي إِسْرَائِيلْ.

تَثْنِية 9:9

وَ وَكِتْ أَنَا طَلَعْت فِي الْجَبَلْ لِنِشِيلْ اللِّيحَانْ هَنَا الْحَجَرْ الْفَوْقهُمْ الْمُعَاهَدَةْ السَّوَّاهَا اللّٰهْ مَعَاكُو، أَنَا قَعَدْت 40 يَوْم وَ 40 لَيْلَةْ وَ لَا أَكَلْت وَ لَا شِرِبْت.

عَدد 10:12

وَ بَنِي إِسْرَائِيلْ كُلَ خَلَاصْ سَارَوْا مِنْ صَحَرَاء سِينَاء لَحَدِّي بَكَانْ السَّحَابَايْ نَزَلَتْ فَوْقَهْ فِي كَدَادَةْ فَارَانْ.

خُروج 19:3

وَ فِي الْبَكَانْ دَا، مُوسَى طَلَعْ فِي الْجَبَلْ لِيِقَابِلْ الرَّبّ. وَ هُو نَادَاهْ مِنْ رَاسْ الْجَبَلْ وَ قَالْ لَيَّهْ: «قُولْ الْكَلَامْ دَا لِذُرِّيَّةْ يَعْقُوبْ. خَبِّرْ بَنِي إِسْرَائِيلْ وَ قُولْ لَيْهُمْ:

إشَعْيا 11:10

وَ فِي الْيَوْم دَا، عِرِقْ يَسَّى يَبْقَى مِثِلْ رَايَةْ لِلشُّعُوبْ. وَ الْأُمَمْ يِفَتُّشُوهْ وَ بَكَانَهْ الْيِنْجَمَّ فَوْقَهْ عَظِيمْ.

إرْمِيا 31:2

دَاهُو اللّٰهْ قَالْ: «الشَّعَبْ النِّجَوْا مِنْ الْمَوْت، لِقَوْا رِضَايِ فِي الصَّحَرَاء. وَ بَنِي إِسْرَائِيلْ مُتَوَجِّهِينْ عَلَيْ الرَّاحَةْ.