عَدد 10:29 - الكتاب المقدس بالعربي الدارجي هنا تشاد

²⁹ وَ مُوسَى قَالْ لِحُبَابْ وِلَيْد نَسِيبَهْ رَعُوِيلْ الْمِدْيَانِي: «أَنِحْنَ سَايْرِينْ لِلْبَكَانْ الْاللّٰهْ قَالْ يَنْطِيهْ لَيْنَا. تَعَالْ نَمْشُوا سَوَا وَ نِسَوُّوا لَيْك الْخَيْر أَشَانْ اللّٰهْ قَالْ يِسَوِّي لِبَنِي إِسْرَائِيلْ الْخَيْر.»

عَدد 10:29 Referenca të Kryqëzuara

تكوين 12:7

وَ اللّٰهْ بَانْ لِأَبْرَامْ وَ قَالْ: «الْبَلَدْ دِي نَنْطِيهَا لِذُرِّيّتَكْ.» وَ فِي الْبَكَانْ دَا، أَبْرَامْ بَنَى مَدْبَحْ لِيِقَدِّمْ فَوْقَهْ ضَحَايَا لِلّٰهْ الْبَانْ لَيَّهْ.

قُضياء 4:11

وَ فِي الْوَكِتْ دَا، حَابَرْ الْقِينِي أَنْفَرَقْ مِنْ الْقِينِيِّينْ الْآخَرِينْ الْمِنْ عِيَالْ حُبَابْ نَسِيبْ مُوسَى. وَ بَنَى خَيْمِتَهْ جَنْب الشَّدَرَةْ الْكَبِيرَةْ هَنَا صَعْنَنِيمْ قَرِيبْ لِقَدَشْ.

خُروج 3:1

وَ مُوسَى قَاعِدْ يَسْرَحْ بِغَنَمْ هَنَا نَسِيبَهْ يَسْرُونْ وَ هُو بَسْ رَاجِلْ الدِّينْ هَنَا بَلَدْ مِدْيَانْ. وَ يَوْم وَاحِدْ، مُوسَى سَاقْ الْغَنَمْ غَادِي لِلصَّحَرَاء وَ وِصِلْ فِي جَبَلْ اللّٰهْ الْأُسْمَهْ حُورِيبْ.

خُروج 2:18

وَكِتْ الْبَنَاتْ قَبَّلَنْ فِي بَيْت أَبُوهِنْ رَعُوِيلْ، هُو سَأَلَاهِنْ: «مَالَا الْيَوْم قَبَّلْتَنْ عَجَلَةْ كَيْ؟»

تكوين 32:12

وَ أَوَّلْ إِنْتَ قُلْت لَيِّ: ‹نِسَوِّي لَيْك الْخَيْر وَ نِسَوِّي ذُرِّيّتَكْ كَتِيرَةْ مِثِلْ رَمْلَةْ هَنَا خَشُمْ الْبَحَرْ النَّادُمْ مَا يَقْدَرْ يَحْسِبْهَا مِنْ الْكَتَرَةْ.›»

رُؤية 22:17

وَ الرُّوحْ الْقُدُّوسْ وَ الْعَرُوسْ يُرُدُّوا لِلْمَسِيحْ وَ يُقُولُوا «تَعَالْ.» وَ خَلِّي أَيِّ نَادُمْ الْيَسْمَعْ الْكَلَامْ دَا يُقُولْ: «تَعَالْ.» وَ أَيِّ نَادُمْ الْعَطْشَانْ، خَلِّي يَجِي. وَ أَيِّ نَادُمْ الْيِدَوْر يَشْرَبْ أَلْمِي الْحَيَاةْ، خَلِّي يِشِيلَهْ بَلَا تَمَنْ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

تِيطُس 1:2

وَ بِسَبَبْ الْإِيمَانْ دَا، يَرْجَوْا بِعَشَمْ الْحَيَاةْ الْأَبَدِيَّةْ الْهُو وَاعَدَاهُمْ بَيْهَا مِنْ قُبَّالْ بِدَايَةْ الدُّنْيَا. وَ اللّٰهْ أَبَداً مَا يَكْدِبْ.

أعمال الرُسُل 7:5

وَ فِي الْبَلَدْ دِي، اللّٰهْ مَا أَنْطَاهْ أَرْض وَرَثَةْ وَ لَا بَكَانْ صَغَيَّرْ يُخُطّ فَوْقَهْ رِجِلَيْنَهْ كُلَ. وَ لَاكِنْ اللّٰهْ وَاعَدَهْ وَ قَالْ يَنْطِي الْبَلَدْ دِي وَرَثَةْ لَيَّهْ هُو وَ لِعِيَالَهْ. وَ فِي الْوَكِتْ دَا، إِبْرَاهِيمْ مَا عِنْدَهْ وِلَيْد وَاحِدْ كُلَ.

إرْمِيا 50:5

هُمَّنْ يَسْأَلَوْا مِنْ دَرِبْ جَبَلْ صَهْيُون وَ يِوَجُّهُوا عَلَيْهَا. وَ يُقُولُوا: ‹يَلَّا! نِنْرَبْطُوا مَعَ اللّٰهْ بِمُعَاهَدَةْ دَايْمَةْ الْأَبَداً مَا تِنَّسِي.›»

إشَعْيا 2:3

وَ شُعُوبْ كَتِيرِينْ يَجُوا وَ يُقُولُوا: «تَعَالُوا نَطْلَعَوْا فِي جَبَلْ اللّٰهْ، فِي بَيْت إِلٰـهْ يَعْقُوبْ. هُو يِعَلِّمْنَا دَرْبَهْ وَ أَنِحْنَ نَمْشُوا فَوْقَهْ.» أَشَانْ مِنْ صَهْيُون، يَمُرْقُوا شُرُوطْ التَّوْرَاةْ وَ مِنْ مَدِينَةْ الْقُدُسْ يَمْرُقْ كَلَامْ اللّٰهْ.

زَبُور 34:8

دُوقُوا وَ شِيفُوا اللّٰهْ رَحِيمْ. مَبْرُوكْ لِلنَّادُمْ الْهُو مَلْجَئَهْ.

1 صَمُوِيل 15:6

وَ شَاوُولْ قَالْ لِلْقِينِيِّينْ: «أَمُرْقُوا مِنْ أُسْط الْعَمَالِقْ وَ أَمْشُوا! مَا نِدَمِّرْكُو مَعَاهُمْ أَشَانْ إِنْتُو سَوَّيْتُوا الْخَيْر لِبَنِي إِسْرَائِيلْ وَكِتْ هُمَّنْ مَارْقِينْ مِنْ بَلَدْ مَصِرْ.» وَ خَلَاصْ، الْقِينِيِّينْ أَنْفَرَقَوْا مِنْ الْعَمَالِقْ.

قُضياء 1:16

وَ ذُرِّيَّةْ قِينِي نَسِيبْ مُوسَى مَرَقَوْا مِنْ مَدِينَةْ النَّخَلْ وَ مَشَوْا مَعَ قَبِيلَةْ يَهُوذَا فِي كَدَادَةْ يَهُوذَا عَلَيْ جُنُوبْ عَرَادْ. وَ هُمَّنْ سَكَنَوْا مَعَ الشَّعَبْ هِنَاكْ.

عَدد 23:19

الْإِلٰـهْ مَا مِثِلْ الْإِنْسَانْ يَكْدِبْ وَ لَا مِثِلْ بَنِي آدَم يَنْدَمْ. كُلَّ شَيّءْ الْيُقُولَهْ، هُو يِسَوِّيهْ وَ يِحَقِّقْ كَلَامَهْ الْيِحَجِّيهْ.

خُروج 18:27

وَ خَلَاصْ، مُوسَى عَدَّى نَسِيبَهْ يَسْرُونْ وَ هُو قَبَّلْ بَلَدَهْ.

خُروج 18:1

يَسْرُونْ رَاجِلْ الدِّينْ هَنَا بَلَدْ مِدْيَانْ وَ هُو نَسِيبْ مُوسَى. وَ سِمِعْ بِكُلَّ شَيّءْ الرَّبّ سَوَّاهْ لِمُوسَى وَ لِشَعَبَهْ بَنِي إِسْرَائِيلْ وَ كِكَّيْف اللّٰهْ مَرَقَاهُمْ مِنْ بَلَدْ مَصِرْ.

خُروج 3:8

أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

تكوين 13:15

كُلَّ الْأَرْض التِّشِيفْهَا دِي، أَنَا نَنْطِيهَا لَيْك وَ لِذُرِّيّتَكْ إِلَى الْأَبَدْ.

خُروج 6:4

وَ أَنَا سَوَّيْت مَعَاهُمْ مُعَاهَدَتِي وَ قُلْت نَنْطِيهُمْ بَلَدْ كَنْعَانْ الْهُمَّنْ قَاعِدِينْ فَوْقهَا أَجَانِبْ.

خُروج 18:12

خَلَاصْ، يَسْرُونْ نَسِيبْ مُوسَى قَدَّمْ ضَحِيَّةْ مُحَرَّقَةْ وَ ضَحَايَا آخَرِينْ لِلرَّبّ. وَ هَارُونْ وَ كُلَّ شُيُوخْ بَنِي إِسْرَائِيلْ جَوْا لِيَاكُلُوا مَعَ نَسِيبْ مُوسَى قِدَّامْ الرَّبّ.

عَدد 10:28

وَ دَا بَسْ النِّظَامْ السَّايْرِينْ بَيَّهْ بَنِي إِسْرَائِيلْ. هُمَّنْ سَايْرِينْ حَسَبْ مَجْمُوعَاتْهُمْ الْعَسْكَرِيَّةْ.

تَثْنِية 4:40

وَ إِنْتُو وَ لِعِيَالْكُو، أَحْفَضَوْا الشُّرُوطْ وَ الْوَصَايَا النَّامُرْكُو بَيْهُمْ الْيَوْم أَشَانْ تَلْقَوْا الْخَيْر وَ عُمُرْكُو كُلَ يَبْقَى طَوِيلْ فِي الْأَرْض الْأَنْطَاهَا لَيْكُو اللّٰهْ إِلٰـهْكُو لِلْأَبَدْ.

تَثْنِية 30:5

وَ اللّٰهْ إِلٰـهْكُو يِقَبِّلْكُو فِي الْبَلَدْ الْجُدُودْكُو شَالَوْهَا وَرَثَةْ وَ إِنْتُو كُلَ تِشِيلُوهَا. وَ هُو يِسَوِّي لَيْكُو الْخَيْر وَ يِكَتِّرْكُو زِيَادَةْ مِنْ جُدُودْكُو.

زَبُور 95:1

تَعَالُوا نِغَنُّوا بِفَرَحْ لِلّٰهْ وَ نَمْدَحَوْا مَلْجَئْنَا وَ مُنَجِّينَا.

زَبُور 100:1

يَا بَنِي آدَم! يَلَّا أَفْرَحَوْا كُلُّكُو لِلّٰهْ

تكوين 17:8

وَ نَنْطِيكْ إِنْتَ وَ ذُرِّيّتَكْ كُلَّ التُّرَابْ هَنَا بَلَدْ كَنْعَانْ الْإِنْتَ سَاكِنْ فَوْقهَا أَجْنَبِي. وَ الْبَلَدْ دِي تَبْقَى وَرَثَتْهُمْ إِلَى الْأَبَدْ وَ أَنَا نَبْقَى إِلٰـهُّمْ.»

خُروج 2:21

وَ مُوسَى قَصَّدْ يَقْعُدْ فِي بَيْت الرَّاجِلْ دَا. وَ الرَّاجِلْ دَا جَوَّزْ بِنَيِّتَهْ صِفُّورَةْ لِمُوسَى.