عَدد 10:2 - الكتاب المقدس بالعربي الدارجي هنا تشاد

² «سَوِّي لَيْك بُرُنْجِي إِتْنَيْن مَدْقُوقِينْ مِنْ فُضَّةْ لِتِنَادِي بَيْهُمْ مُجْتَمَعْ بَنِي إِسْرَائِيلْ وَكِتْ يِلِمُّوا أَوْ وَكِتْ يِسِيرُوا حَسَبْ مُعَسْكَرَاتْهُمْ.

عَدد 10:2 Referenca të Kryqëzuara

يُوِيل 1:14

خَصُّصُوا يَوْم هَنَا صِيَامْ وَ قَرُّرُوا مَلَمَّةْ خَاصَّة. لِمُّوا الشُّيُوخْ وَ كُلَّ سُكَّانْ الْبَلَدْ فِي بَيْت اللّٰهْ إِلٰـهْكُو وَ كَوْرُكُوا لَيَّهْ.

إشَعْيا 1:13

وَقُّفُوا مَا تِجِيبُوا لَيِّ بَتَّانْ ضَحَايَاكُو الْمَكْرُوهِينْ وَ بَخُورْكُو دَا مُحَرَّمْ لَيِّ! وَقُّفُوا ضَحَايَاكُو هَنَا أَوَّلْ يَوْم فِي كُلِّ شَهَرْ وَ هَنَا كُلِّ يَوْم سَبْت وَ مَلَمَّاتْكُو أَشَانْ أَنَا مَا نَقْبَلْ الْفَسَالَةْ فِي مَلَمَّاتْكُو الْخَاصِّينْ.

زَبُور 81:3

أَضُرْبُوا الْبُوقْ فِي أَوَّلْ يَوْم فِي الشَّهَرْ وَ فِي أُسْط الشَّهَرْ فِي يَوْم عِيدْنَا.

أفَسُس 4:5

وَ رَبِّنَا هُو وَاحِدْ وَ إِيمَانَّا وَاحِدْ وَ غَطِّسِينَّا كُلَ وَاحِدْ.

هُوشَع 8:1

«أَضُرْبُوا الْبُوقْ وَ جَهُّزُوا نُفُوسْكُو! الْعَدُو يَنْزِلْ مِثِلْ الصَّقُرْ فِي شَعَبِي أَنَا اللّٰهْ. أَشَانْ هُمَّنْ نَقَضَوْا مُعَاهَدَتِي وَ عِصَوْا شُرُوطِي هَنَا التَّوْرَاةْ.

زَبُور 89:15

مَبْرُوكْ لِلشَّعَبْ الْيَعَرْفُوا كِكَّيْف يَشْكُرُوكْ وَ يُرُوغُوا فِي نُورْ وِجْهَكْ، يَا اللّٰهْ!

2 أخبار 5:12

وَ كُلَّ اللَّاوِيِّينْ الْغَنَّايِينْ، هُمَّنْ أَسَافْ وَ هَيْمَانْ وَ يَدُوتُونْ وَ عِيَالْهُمْ وَ أَخْوَانْهُمْ لَابْسِينْ خُلْقَانْ مِنْ قُمَاشْ هَنَا كَتَّانْ وَ وَاقْفِينْ بِالنُّصّ الصَّبْحَانِي هَنَا الْمَدْبَحْ بِآلَاتْ الْمُسِيقَى مِثِلْ نَقَاقِيرْ وَ أَمْ سِبَيْبَةْ وَ جِقِنْدِيَّةْ. وَ مَعَاهُمْ 120 رُجَالْ دِينْ الْقَاعِدِينْ يَضُرْبُوا الْبُرُنْجِي.

2 مُلوك 12:13

وَ لَاكِنْ بِالْفُضَّةْ الْجَابَوْهَا لِبَيْت اللّٰهْ دِي، مَا سَوَّوْا بَيْهَا وَ لَا مَوَاعِينْ هَنَا فُضَّةْ وَ لَا سَكَاكِينْ وَ لَا كِيسَانْ وَ لَا بُوقْ وَ لَا أَيِّ آلَةْ هَنَا دَهَبْ أَوْ فُضَّةْ.

عَدد 10:7

وَ لَاكِنْ وَكِتْ تِنَادُوا مُجْتَمَعْ الشَّعَبْ لِيِلِمُّوا، أَضُرْبُوا الْبُرُنْجِي مَرَّةْ وَاحِدَةْ بَسْ.

خُروج 25:31

«‹وَ أَصْنَعْ لَيِّ فَانُوسْ مِنْ دَهَبْ صَافِي. الْفَانُوسْ دَا وَ قَعَرَهْ وَ سَاقَهْ وَ كِيَيْسَاتَهْ وَ دَكَارْمَهْ وَ زُهُورَهْ كُلَّ كَيْ صُنْعَةْ وَاحِدَةْ بَسْ.

خُروج 25:18

أَصْنَعْ مِنْ الدَّهَبْ مَخْلُوقِينْ سَمَاوِيِّينْ إِتْنَيْن وَ خُطُّهُمْ أَيِّ وَاحِدْ فِي طَرَفْ السِّدَادَةْ مُلْقَابِلِينْ.

عَدد 10:1

وَ اللّٰهْ حَجَّى لِمُوسَى وَ قَالْ:

إرْمِيا 4:5

يَلَّا قُمُّوا خَبُّرُوا فِي بَلَدْ يَهُوذَا وَ مَدِينَةْ الْقُدُسْ وَ أَضُرْبُوا الْبُوقْ فِي كُلَّ الْبَلَدْ. وَ عِيطُوا بِحِسّ عَالِي وَ قُولُوا: «لِمُّوا وَ أَدْخُلُوا فِي الْمُدُنْ الْقَوِيِّينْ.»

يُوِيل 2:1

أَضُرْبُوا الْبُوقْ فِي صَهْيُون وَ عِيطُوا فِي جَبَلْ اللّٰهْ الْمُقَدَّسْ. وَ خَلِّي كُلَّ سُكَّانْ الْبَلَدْ يَرْجُفُوا أَشَانْ يَوْم اللّٰهْ جَايِ وَ قَرَّبْ.