عَدد 10:10 - الكتاب المقدس بالعربي الدارجي هنا تشاد

¹⁰ أَضُرْبُوا الْبُرُنْجِي فِي فَرَحْكُو وَ عِيدْكُو وَ فِي الْيَوْم الْأَوَّلْ هَنَا كُلِّ شَهَرْ. وَ أَضُرْبُوا الْبُرُنْجِي وَكِتْ تِقَدُّمُوا ضَحَايَا مُحَرَّقِينْ وَ ضَحَايَا السَّلَامَةْ. وَ بَيْدَا، أَنَا إِلٰـهْكُو نِفَكِّرْ فَوْقكُو. وَ أَنَا اللّٰهْ إِلٰـهْكُو.»

عَدد 10:10 Referenca të Kryqëzuara

زَبُور 81:3

أَضُرْبُوا الْبُوقْ فِي أَوَّلْ يَوْم فِي الشَّهَرْ وَ فِي أُسْط الشَّهَرْ فِي يَوْم عِيدْنَا.

1 تَسَلونِيكِي 4:16

أَشَانْ الرَّبّ عِيسَى ذَاتَهْ يَنْزِلْ مِنْ السَّمَاءْ وَ يَامُرْ بِحِسّ عَالِي. وَ حِسّ هَنَا كَبِيرْ الْمَلَائِكَةْ يِنْسَمِعْ وَ مَعَايَهْ حِسّ هَنَا بُرُنْجِي اللّٰهْ. وَ أَوَّلْ شَيّءْ، الْمُؤمِنِينْ بِالْمَسِيحْ الْمَيْتِينْ يَبْعَثَوْا.

نَحَمْيا 12:35

وَ بَتَّانْ وَرَاهُمْ رُجَالْ الدِّينْ الْيَضُرْبُوا الْبُرُنْجِي وَ هُمَّنْ زَكَرِيَّا وَ أَخْوَانَهْ شَمَعْيَا وَ عَزَرِيلْ وَ مِلَلَايْ وَ قِلَلَايْ وَ مَاعَايْ وَ نَتَنِيلْ وَ يَهُوذَا وَ حَنَانِي. وَ جُدُودْ زَكَرِيَّا، هُمَّنْ أَسَافْ وَ زَكُّورْ وَ مِكَايَا وَ مَتَّنْيَا وَ شَمَعْيَا وَ يُونَتَانْ. زَكَرِيَّا مَعَ أَخْوَانَهْ شَايْلِينْ آلَاتْ الْغِنَيْ مِثِلْ آلَاتْ الْأَمَرْ بَيْهُمْ الْمَلِكْ دَاوُدْ نَبِي اللّٰهْ. وَ الْقَاعِدْ فِي رَاسْ النَّاسْ دَوْل كُلَّ كَيْ، هُو عَزْرَا الْكَاتِبْ.

عَزْرا 3:10

وَ وَكِتْ الْبَنَّايِينْ خَطَّوْا أَسَاسْ بَيْت اللّٰهْ، رُجَالْ الدِّينْ قَعَدَوْا أَيِّ وَاحِدْ فِي بَكَانَهْ بِخُلْقَانَهْ الْخَاصِّيْن وَ بِبُرُنْجِي فِي إِيدَهْ. وَ اللَّاوِيِّينْ مِنْ ذُرِّيَّةْ أَسَافْ قَعَدَوْا بِنَقَاقِيرْ أَشَانْ يَحْمُدُوا اللّٰهْ مِثِلْ دَاوُدْ مَلِكْ إِسْرَائِيلْ زَمَانْ أَمَرَاهُمْ بَيَّهْ.

2 أخبار 29:28

وَ كُلَّ الشَّعَبْ قَعَدَوْا سَاجِدِينْ وَ الْغَنَّايِينْ قَاعِدِينْ يِغَنُّوا وَ يَضُرْبُوا الْبُرُنْجِي لَحَدِّي قَدَّمَوْا كُلَّ الضَّحَايَا دَوْل.

2 أخبار 29:26

وَ اللَّاوِيِّينْ وَقَفَوْا فِي بَكَانْهُمْ بِآلَاتْهُمْ هَنَا الْمُسِيقَى السَّوَّاهُمْ دَاوُدْ وَ رُجَالْ الدِّينْ كَمَانْ بِبُرُنْجِي.

عَدد 10:9

«وَ وَكِتْ تَمْشُوا لِلْحَرِبْ ضِدّ عُدْوَانْكُو الْقَاعِدِينْ يَهْجُمُوكُو فِي بَلَدْكُو، أَضُرْبُوا الْبُرُنْجِي الْإِتْنَيْن عِدَّةْ مَرَّاتْ. وَ بَيْدَا، أَنَا اللّٰهْ إِلٰـهْكُو نِفَكِّرْ فَوْقكُو وَ نِنَجِّيكُو مِنْ عُدْوَانْكُو.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

زَبُور 89:15

مَبْرُوكْ لِلشَّعَبْ الْيَعَرْفُوا كِكَّيْف يَشْكُرُوكْ وَ يُرُوغُوا فِي نُورْ وِجْهَكْ، يَا اللّٰهْ!

2 أخبار 7:6

وَ رُجَالْ الدِّينْ وَاقْفِينْ فِي بَكَانْهُمْ وَ اللَّاوِيِّينْ كَمَانْ بِآلَاتْهُمْ هَنَا الْمُسِيقَى الدَّاوُدْ سَوَّاهُمْ لَيْهُمْ لِيَشْكُرُوا بَيْهُمْ اللّٰهْ. وَ هُمَّنْ يَشْكُرُوا بِكَلِمَاتْ دَاوُدْ وَ بُقُولُوا: «أَشْكُرُوا اللّٰهْ أَشَانْ رَحْمَتَهْ دَايْمَةْ إِلَى الْأَبَدْ.» وَ وَكِتْ شَكَرَوْا اللّٰهْ، رُجَالْ الدِّينْ يَضُرْبُوا الْبُرُنْجِي وَ كُلَّ بَنِي إِسْرَائِيلْ وَاقْفِينْ.

1 أخبار 16:42

وَ هَيْمَانْ وَ يَدُوتُونْ هُمَّنْ دَوْل يَضُرْبُوا الْبُرُنْجِي وَ النُّقَّارَةْ وَ آلَاتْ الْمُسِيقَى لِيَشْكُرُوا الرَّبّ بِغِنَيْ. وَ أَوْلَادْ يَدُوتُونْ كَمَانْ يَحَرْسُوا الْبَابْ.

1 أخبار 15:28

وَ كُلَّ بَنِي إِسْرَائِيلْ وَدَّوْا صَنْدُوقْ مُعَاهَدَةْ اللّٰهْ فِي أُورُشَلِيمْ بِزَغْرَاطْ وَ ضَرِبِينْ بُوقْ وَ بُرُنْجِي وَ نُقَّارَةْ وَ بِضَرِبِينْ أَمْ سِبَيْبَةْ وَ جِقِنْدِيَّةْ.

1 أخبار 15:24

وَ عُبَيْد أَدَوْم وَ يَحِيَا هُمَّنْ كُلَ حُرَّاسْ الصَّنْدُوقْ. وَ رُجَالْ الدِّينْ شَبَنْيَا وَ يُشَافَاطْ وَ نَتَنِيلْ وَ عَمَاسَايْ وَ زَكَرِيَّا وَ بَنَايَا وَ أَلِعَازَرْ، هُمَّنْ يَضُرْبُوا الْبُرُنْجِي قِدَّامْ صَنْدُوقْ الرَّبّ.

يَشُوع 4:7

وَ إِنْتُو تُقُولُوا لَيْهُمْ: ‹دَا أَشَانْ أَلْمِي هَنَا بَحَرْ الْأُرْدُنْ وَقَفْ وَكِتْ صَنْدُوقْ مُعَاهَدَةْ اللّٰهْ قَاعِدْ يَقْطَعْ الْبَحَرْ. وَ الْحُجَارْ دَوْل هُمَّنْ ذِكْرَةْ لِبَنِي إِسْرَائِيلْ إِلَى الْأَبَدْ كَدَرْ أَلْمِي بَحَرْ الْأُرْدُنْ وَقَفْ.›»

عَدد 29:1

«‹وَ فِي الْيَوْم الْأَوَّلْ هَنَا الشَّهَرْ السَّابِعْ، تِلِمُّوا مَلَمَّةْ خَاصَّةْ. وَ فِي الْيَوْم دَا، مَا تِسَوُّوا أَيِّ خِدْمَةْ قَاسِيَةْ. وَ فِي الْيَوْم دَا بَسْ، تَضُرْبُوا الْبُوقْ.

لاوِيِّين 23:24

حَجِّي لِبَنِي إِسْرَائِيلْ وَ قُولْ لَيْهُمْ: «الْيَوْم الْأَوَّلْ هَنَا الشَّهَرْ السَّابِعْ دَا يُكُونْ لَيْكُو يَوْم هَنَا جُمَّةْ وَ دَا يَوْم التِّلِمُّوا لَيِّ فَوْقَهْ مَلَمَّةْ خَاصَّة وَ تَضُرْبُوا بُرُنْجِي وَ تِذَّكَّرَوْنِي.

خُروج 28:29

وَ بَيْدَا، وَكِتْ هَارُونْ يَدْخُلْ فِي الْبَكَانْ الْمُقَدَّسْ، يِشِيلْ أَسَامَيْ قَبَايِلْ بَنِي إِسْرَائِيلْ فِي صَدْرَهْ فِي صِدَيْرِيَّةْ الْقَرَارْ أَشَانْ يَبْقَوْا ذِكْرَةْ دَايْمَةْ قِدَّامْ اللّٰهْ.

رُؤية 22:17

وَ الرُّوحْ الْقُدُّوسْ وَ الْعَرُوسْ يُرُدُّوا لِلْمَسِيحْ وَ يُقُولُوا «تَعَالْ.» وَ خَلِّي أَيِّ نَادُمْ الْيَسْمَعْ الْكَلَامْ دَا يُقُولْ: «تَعَالْ.» وَ أَيِّ نَادُمْ الْعَطْشَانْ، خَلِّي يَجِي. وَ أَيِّ نَادُمْ الْيِدَوْر يَشْرَبْ أَلْمِي الْحَيَاةْ، خَلِّي يِشِيلَهْ بَلَا تَمَنْ.

1 تَسَلونِيكِي 4:18

أَشَانْ دَا، أَشَّاجَعَوْا أَمْبَيْنَاتْكُو بِالْكَلَامْ دَا.

1 كُرُنْتُس 15:52

وَ دَا يَبْقَى عَجَلَةْ، مِثِلْ رَمْشَةْ عَيْن. وَ يَبْقَى فِي ضَرِبِينْ الْبُرُنْجِي الْأَخِيرْ. أَشَانْ حِسّ الْبُرُنْجِي يِنْسَمِعْ وَ الْمَيْتِينْ يَبْعَثَوْا بِالْجِسِمْ الْمَا يَتْلَفْ وَ كُلِّنَا كَيْ نِلْغَيَّرَوْا.

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.

زَبُور 150:3

أَحْمُدُوهْ بِحِسّ الْبُوقْ وَ أَحْمُدُوهْ بِأَمْ سِبَيْبَةْ وَ جِقِنْدِيَّةْ.

خُروج 30:16

شِيلْ الْفُضَّةْ هَنَا الْكَفَّارَةْ دِي مِنْ بَنِي إِسْرَائِيلْ وَ أَسْتَعْمَلْهَا لِخِدْمَةْ خَيْمَةْ الْإِجْتِمَاعْ. وَ تَبْقَى كَفَّارَةْ لِبَنِي إِسْرَائِيلْ وَ ذِكْرَةْ قِدَّامْ اللّٰهْ.»

عَدد 28:11

«‹وَ فِي أَوَّلْ يَوْم فِي أَيِّ شَهَرْ، تِقَدُّمُوا لِلّٰهْ ضَحِيَّةْ مُحَرَّقَةْ إِتْنَيْن تَوْر وَ كَبِشْ وَ سَبْعَةْ خَرُوفْ أَوْلَادْ سَنَةْ. وَ كُلَّ الْبَهَايِمْ دَوْل يُكُونُوا مَا عِنْدُهُمْ أَيِّ عَيْب.

1 صَمُوِيل 20:5

وَ دَاوُدْ رَدَّ لَيَّهْ وَ قَالْ: «أَمْبَاكِرْ دَا عِيدْ هَنَا أَوَّلْ يَوْم فِي الشَّهَرْ. وَاجِبْ أَنَا نِلْعَشَّى مَعَ الْمَلِكْ. لَاكِنْ خَلِّينِي نَمْشِي نِلَّبَّدْ فِي الْكَدَادَةْ لَحَدِّي الْعَشِيَّةْ.

2 مُلوك 4:23

وَ رَاجِلْهَا سَأَلْهَا وَ قَالْ: «مَالَا تِدَوْرِي تَمْشِي لَيَّهْ الْيَوْم؟ الْيَوْم وَ لَا عِيدْ هَنَا أَوَّلْ يَوْم فِي كُلِّ شَهَرْ وَ لَا يَوْم السَّبْت.» وَ هِي قَالَتْ لَيَّهْ: «عَافَيْ بَسْ.»

يَشُوع 6:4

وَ سَبْعَةْ رُجَالْ دِينْ يُرُوغُوا قِدَّامْ صَنْدُوقْ اللّٰهْ وَ أَيِّ وَاحِدْ مِنْهُمْ يِشِيلْ بُوقْ هَنَا قَرِنْ كَبِشْ. وَ فِي الْيَوْم السَّابِعْ، رُوغُوا وَ حَوُّقُوا الْحِلَّةْ سَبْعَةْ مَرَّاتْ وَ رُجَالْ الدِّينْ يَضُرْبُوا الْبُوقْ.

زَبُور 81:4

وَ دَا يُكُونْ شَرْط لِبَنِي إِسْرَائِيلْ وَ قَانُونْ مِنْ إِلٰـهْ يَعْقُوبْ.