عَدد 1:51 - الكتاب المقدس بالعربي الدارجي هنا تشاد

⁵¹ وَ وَكِتْ تِسِيرُوا، اللَّاوِيِّينْ بَسْ يِفَرْتُقُوهَا. وَ وَكِتْ تَنْزُلُوا كُلَ، هُمَّنْ بَسْ يَبْنُوهَا. لَاكِنْ أَيِّ نَادُمْ آخَرْ كَنْ يِقَرِّبْ لِلْخَيْمَةْ دِي، وَاجِبْ يُمُوتْ.

عَدد 1:51 Referenca të Kryqëzuara

عَدد 3:38

وَ مُوسَى وَ هَارُونْ وَ أَوْلَادَهْ يَنْزُلُوا قِدَّامْ خَيْمَةْ الْإِجْتِمَاعْ مِنْ جِيهَاتْ الصَّبَاحْ. وَ هُمَّنْ يَحْفَضَوْا بَنِي إِسْرَائِيلْ قِدَّامْ الْبَيْت الْمُقَدَّسْ. وَ أَيِّ نَادُمْ آخَرْ كَنْ يِقَرِّبْ لِلْبَيْت دَا وَاجِبْ يُمُوتْ.

عَدد 3:10

وَ كَلِّفْ هَارُونْ وَ أَوْلَادَهْ لِيَحْفَضَوْا خِدْمَةْ رُجَالْ الدِّينْ دِي لَيْهُمْ هُمَّنْ بَسْ. وَ أَيِّ نَادُمْ آخَرْ كَنْ يِسَوِّي نَفْسَهْ رَاجِلْ دِينْ، وَاجِبْ يُمُوتْ.»

2 صَمُوِيل 6:7

وَ اللّٰهْ غِضِبْ غَضَبْ شَدِيدْ ضِدّ عُزَّى وَ طَوَّالِي ضَرَبَهْ أَشَانْ خَطَايَهْ. وَ عُزَّى وَقَعْ مَاتْ هِنَاكْ جَنْب صَنْدُوقْ الرَّبّ.

1 صَمُوِيل 6:19

وَ اللّٰهْ ضَرَبْ سُكَّانْ حِلَّةْ بَيْت شَمْس أَشَانْ هُمَّنْ شَافَوْا لُبّ صَنْدُوقْ اللّٰهْ. وَ مَاتَوْا مِنْهُمْ 70 رَاجِلْ. وَ الشَّعَبْ بِقَوْا حَزْنَانِينْ أَشَانْ اللّٰهْ ضَرَبَاهُمْ ضَرْبَةْ شَدِيدَةْ.

عَدد 18:22

وَ بَيْدَا، بَنِي إِسْرَائِيلْ مَا يِقَرُّبُوا بَتَّانْ لِخَيْمَةْ الْإِجْتِمَاعْ أَشَانْ دَا ذَنِبْ الْيِجِيبْ لَيْهُمْ الْمَوْت.

عَدد 16:40

وَ دَا يَنْطِي فِكِرْ لِبَنِي إِسْرَائِيلْ أَشَانْ أَيِّ نَادُمْ الْمَا مِنْ ذُرِّيَّةْ هَارُونْ مَا يِقَدِّمْ بَخُورْ لِلّٰهْ وَ يَحْرَقْ مِثِلْ قُورَحْ وَ بَنِي إِسْرَائِيلْ الْمَعَايَهْ. وَ دَا مِثِلْ اللّٰهْ قَالَهْ بِوَاسِطَةْ مُوسَى.

عَدد 10:11

وَ فِي يَوْم 20 هَنَا الشَّهَرْ التَّانِي فِي السَّنَةْ التَّانِيَةْ بَعَدْ بَنِي إِسْرَائِيلْ مَرَقَوْا مِنْ بَلَدْ مَصِرْ، السَّحَابَايْ قَمَّتْ مِنْ خَيْمَةْ الْعِبَادَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ وَ مَشَتْ.

عَدد 17:13

وَ أَيِّ نَادُمْ الْيِقَرِّبْ لِخَيْمَةْ اللّٰهْ دَا يُمُوتْ! وَ دَا، مَا نُمُوتُوا كُلِّنَا لَحَدِّي آخِرْنَا وَلَّا؟»

عَدد 18:3

اللَّاوِيِّينْ يَخْدُمُوا تِحِتْ أَمْرَكْ وَ يَحْفَضَوْا كُلَّ خَيْمَةْ الْعِبَادَةْ وَ لَاكِنْ مَا يِقَرُّبُوا لِلْمُعِدَّاتْ الْمُخَصَّصِينْ وَ لَا لِلْمَدْبَحْ أَشَانْ مَا يِجِيبُوا الْمَوْت لِنُفُوسْهُمْ وَ لَا لَيْكُو إِنْتُو.

عَدد 18:7

وَ إِنْتَ هَارُونْ وَ أَوْلَادَكْ أَحْفَضَوْا خِدْمَةْ رُجَالْ الدِّينْ وَ أَخْدُمُوا فِي أَيِّ شَيّءْ الْبُخُصّ الْمَدْبَحْ وَ الْبَكَانْ الْمُقَدَّسْ مَرَّةْ وَاحِدْ الْقَاعِدْ غَادِي لِلسِّتَارْ. وَ خِدْمَةْ رُجَالْ الدِّينْ دِي، أَنَا أَنْطَيْتهَا لَيْكُو إِنْتُو بَسْ. وَ أَيِّ نَادُمْ آخَرْ كَنْ يِقَرِّبْ لِلْخِدْمَةْ دِي يُمُوتْ.»

عَدد 17:5

وَ النَّادُمْ الْعَصَاتَهْ تِخَضِّرْ وَ تِسَوِّي نُوَّارْ، هُو دَا بَسْ الْأَنَا عَزَلْتَهْ. وَ بَيْدَا، أَنَا نِوَقِّفْ اللُّوَامَةْ الْقَايْمَيْن بَيْهَا بَنِي إِسْرَائِيلْ ضِدُّكُو.»

عَدد 18:4

وَ هُمَّنْ بَسْ يِسَاعُدُوكُو وَ يَخْدُمُوا مَعَاكُو فِي كُلَّ الْخِدْمَةْ التُّكُونْ فِي خَيْمَةْ الْإِجْتِمَاعْ وَ يَحْفَضَوْهَا. نَادُمْ آخَرْ كَيْ مَا يَجِي يَخْدِمْ مَعَاكُو.