نَحَمْيا 8:3 - الكتاب المقدس بالعربي الدارجي هنا تشاد

³ وَ هُو قَرَى لَيْهُمْ مِنَّهْ فِي النَّقَعَةْ دِي. وَ مِنْ فَجُرْ لَحَدِّي قَايْلَةْ، هُو قَاعِدْ يَقْرِي قِدَّامْ الرُّجَالْ وَ الْعَوِينْ وَ الْعِيَالْ الْيَقْدَرَوْا يَفْهَمَوْا. وَ هُمَّنْ كُلُّهُمْ قَاعِدِينْ يَسْمَعَوْا عَدِيلْ كَلَامْ التَّوْرَاةْ.

نَحَمْيا 8:3 Referenca të Kryqëzuara

رُؤية 3:22

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.»

رُؤية 2:29

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

أعمال الرُسُل 28:23

وَ قَطَعَوْا لَيَّهْ يَوْم أَشَانْ يِحَجِّي لَيْهُمْ. وَ فِي الْيَوْم دَا، نَاسْ كَتِيرِينْ بِلْحَيْن جَوْا لَمَّوْا فِي بَيْتَهْ. وَ مِنْ الْفَجُرْ لَحَدِّي الْمَغْرِبْ، بُولُسْ قَاعِدْ يَشْهَدْ لِمَمْلَكَةْ اللّٰهْ وَ قَاعِدْ يِحَجِّي لَيْهُمْ بِكَلَامْ تَوْرَاةْ مُوسَى وَ الْأَنْبِيَاء أَشَانْ يِجِيبْهُمْ فِي دَرِبْ عِيسَى.

أعمال الرُسُل 17:11

وَ الْيَهُودْ الْفِي بِرِيَّةْ كَرِيمِينْ مِنْ الْيَهُودْ الْقَاعِدِينْ فِي تَسَلُونِيكِي. هُمَّنْ سِمْعَوْا كَلَامْ اللّٰهْ بِفَرْحَةْ وَ قَمَّوْا يَقْرُوا فِي الْكِتَابْ كُلَّ يَوْم أَشَانْ يَعَرْفُوا كَنْ تَعْلِيمْ هَنَا بُولُسْ صَحِيحْ وَلَّا مَا صَحِيحْ.

أعمال الرُسُل 16:14

وَ بَيْن الْعَوِينْ فِي مَرَةْ وَاحِدَةْ تَاجْرِيَّةْ هَنَا قُمَاشْ غَالِي وَ هِي مِنْ حِلَّةْ ثِيَاتِيرَةْ. هِي مَا مِنْ بَنَاتْ الْيَهُودْ وَ لَاكِنْ قَاعِدَةْ تَعَبُدْ اللّٰهْ مَعَاهُمْ وَ أُسُمْهَا لِيدِيَةْ. وَكِتْ قَاعِدَةْ تَسْمَعْ كَلَامْ بُولُسْ، الرَّبّ فَتَحْ قَلِبْهَا أَشَانْ تُخُطّ بَالْهَا لِكَلَامَهْ وَ تِآمِنْ.

أعمال الرُسُل 15:21

أَشَانْ مِنْ زَمَانْ، فِي نَاسْ قَاعِدِينْ يِبَلُّغُوا كَلَامْ مُوسَى فِي كُلَّ حِلَّةْ وَ يَقْرُوا التَّوْرَاةْ فِي بُيُوتْ الصَّلَاةْ كُلَّ يَوْم السَّبْت.»

أعمال الرُسُل 13:27

سُكَّانْ مَدِينَةْ الْقُدُسْ وَ كُبَارَاتْهُمْ مَا عِرْفَوْا كَدَرْ عِيسَى بَسْ الْمَسِيحْ الْيِنَجِّيهُمْ. هُمَّنْ مَا فِهْمَوْا كَلَامْ الْأَنْبِيَاء الْقَاعِدِينْ يَقْرُوهْ كُلَّ يَوْم السَّبْت وَ خَلَاصْ حَكَمَوْا لَيَّهْ بِالْمَوْت. وَ بَيْدَا، سَوَّوْا الشَّيّءْ الْمَكْتُوبْ لَيَّهْ فِي الْكِتَابْ.

أعمال الرُسُل 13:15

وَ بَعَدْ قَرَوْا مِنْ التَّوْرَاةْ وَ مِنْ كِتَابْ الْأَنْبِيَاء، مَسَائِيلْ هَنَا بَيْت الصَّلَاةْ رَسَّلَوْا لَيْهُمْ وَ قَالَوْا: «يَا الْأَخْوَانْ، كَنْ عِنْدُكُو كَلَامْ التِّشَجُّعُوا بَيَّهْ النَّاسْ، خَلَاصْ حَجُّوهْ.»

لُوقا 19:48

لَاكِنْ فُرْصَةْ مَا لِقَوْهَا أَشَانْ كُلَّ الشَّعَبْ قَاعِدِينْ مَعَايَهْ وَ يَسْمَعَوْا كَلَامَهْ بِنِيَّةْ وَاحِدَةْ.

لُوقا 8:18

أَشَانْ دَا، خُطُّوا بَالْكُو وَ أَسْمَعَوْا عَدِيلْ. أَشَانْ يَنْطُوا النَّادُمْ الْعِنْدَهْ. وَ لَاكِنْ النَّادُمْ الْمَا عِنْدَهْ، الشِّيَّةْ الْهُو عِنْدَهْ كُلَ، يِشِيلُوهْ مِنَّهْ.»

مَرْخُوس 12:37

وَ فِي الْكَلَامْ دَا، دَاوُدْ قَالْ الْمَسِيحْ هُو سِيدَهْ. وَ بِمِثِلْ دَا، كِكَّيْف الْمَسِيحْ يَبْقَى وِلَيْدَهْ؟» وَ نَاسْ كَتِيرِينْ بِلْحَيْن قَاعِدِينْ يَسْمَعَوْا كَلَامَهْ بِفَرَحْ.

أعمال الرُسُل 20:11

وَ بُولُسْ قَبَّلْ فَوْق فِي الْقَصِرْ وَ كَسَّرْ الْخُبْزَةْ وَ أَكَلْ مَعَاهُمْ. وَ بَعَدْ دَا، قَمَّ يِكَلِّمْ بَتَّانْ لَحَدِّي الْفَجُرْ. وَ فَجُرْ قَمَّ سَافَرْ.

أعمال الرُسُل 20:7

وَ يَوْم الْأَحَدْ، وَكِتْ لَمَّيْنَا مَعَ الْمُؤمِنِينْ أَشَانْ نَكْسُرُوا سَوَا الْخُبْزَةْ هَنَا عَشَاءْ الرَّبّ، بُولُسْ قَمَّ فَسَّرْ لَيْنَا لَحَدِّي أُسْط اللَّيْل أَشَانْ دَوَّرْ يِسَافِرْ بِفَجُرْ.

نَحَمْيا 8:1

وَ فِي الْيَوْم الْأَوَّلْ هَنَا الشَّهَرْ السَّابِعْ، كُلَّ بَنِي إِسْرَائِيلْ لَمَّوْا بِقَلِبْ وَاحِدْ فِي النَّقَعَةْ الْقِدَّامْ خَشُمْ الْبَابْ الْبِنَادُوهْ بَابْ الْأَلْمِي. وَ قَالَوْا لِعَزْرَا الْكَاتِبْ: «جِيبْ لَيْنَا كِتَابْ تَوْرَاةْ مُوسَى الْاللّٰهْ نَزَّلَهْ لِبَنِي إِسْرَائِيلْ.» وَ خَلَاصْ، عَزْرَا جَابْ كِتَابْ التَّوْرَاةْ قِدَّامْ الرُّجَالْ وَ الْعَوِينْ وَ الْعِيَالْ الْيَقْدَرَوْا يَفْهَمَوْا.

نَحَمْيا 8:4

وَ عَزْرَا الْكَاتِبْ رَاكِبْ فَوْق فِي بَكَانْ عَالِي الْعَدَّلَوْه بِخَشَبْ لِلْمَلَمَّةْ هَنَا الْيَوْم دَا. وَ جَنْبَهْ بِنُصَّهْ الزَّيْنَايْ قَاعِدِينْ مَتِّتْيَا وَ شَمَعْ وَ عَنَايَا وَ أُرِيَّا وَ حِلْقِيَّا وَ مَعَسِيَّا. وَ بِنُصَّهْ الْإِسْرَايْ كَمَانْ قَاعِدِينْ فَدَايَا وَ مِشَيِيلْ وَ مَلْكِيَّا وَ حَشُمْ وَ حَشْبَدَانَا وَ زَكَرِيَّا وَ مَشُلَّامْ. دَوْل النَّاسْ الْقَاعِدِينْ جَنْب عَزْرَا.

نَحَمْيا 8:5

وَ وَكِتْ هُو قَاعِدْ فِي الْبَكَانْ الْعَالِي وَ النَّاسْ شَافَوْه فَتَحْ الْكِتَابْ، كُلُّهُمْ قَمَّوْا فَوْق.

تَثْنِية 31:9

وَ مُوسَى كَتَبْ الْوَصَايَا دَوْل وَ أَنْطَاهُمْ لِرُجَالْ الدِّينْ عِيَالْ لَاوِي الشَّايْلِينْ صَنْدُوقْ مُعَاهَدَةْ اللّٰهْ وَ لِكُلَّ شُيُوخْ بَنِي إِسْرَائِيلْ.

يَشُوع 8:35

وَ مِنْ كُلَّ الْكَلَامْ الْكَتَبَهْ مُوسَى، مَا فِي كَلَامْ الْيَشُوعْ مَا قَرَاهْ قِدَّامْ كُلَّ مُجْتَمَعْ بَنِي إِسْرَائِيلْ وَ الْعَوِينْ وَ الْعِيَالْ وَ الْأَجَانِبْ الْقَاعِدِينْ مَعَاهُمْ.

نَحَمْيا 8:18

وَ مِنْ أَوَّلْ يَوْم هَنَا الْعِيدْ لَحَدِّي كُمَالْتَهْ، قَاعِدِينْ يَقْرُوا مِنْ كِتَابْ تَوْرَاةْ اللّٰهْ كُلَّ يَوْم. وَ الْعِيدْ دَا قَعَدَوْا فَوْقَهْ سَبْعَةْ يَوْم وَ فِي الْيَوْم التَّامِنْ كَمَانْ، كَمَّلَوْا الْعِيدْ بِحَفْلَةْ كَبِيرَةْ حَسَبْ الْقَانُونْ.

نَحَمْيا 10:29

كُلِّنَا كَيْ لَمَّيْنَا مَعَ أَخْوَانَّا وَ نَاسْنَا الْكُبَارْ. لَمَّيْنَا أَشَانْ نِسْتَفُقُوا وَ نَحَلْفُوا كَدَرْ نِطَبُّقُوا تَوْرَاةْ اللّٰهْ الْهُو نَزَّلَهْ بِوَاسِطَةْ مُوسَى عَبْدَهْ. نَحَلْفُوا أَشَانْ نَسْمَعَوْا وَ نِسَوُّوا حَسَبْ الْوَصَايَا وَ الْقَوَانِينْ وَ الشُّرُوطْ هَنَا اللّٰهْ رَبِّنَا.

نَحَمْيا 13:1

وَ فِي الْيَوْم الْقَرَوْا لِلشَّعَبْ مِنْ كِتَابْ مُوسَى، لِقَوْا بَكَانْ الْبُقُولْ بَنِي عَمُّونْ وَ الْمُوَابِيِّينْ أَبَداً مَا يِلْخَلْبَطَوْا مَعَ جَمَاعَةْ الرَّبّ.