نَحَمْيا 7:3 - الكتاب المقدس بالعربي الدارجي هنا تشاد

³ وَ قُلْت لَيْهُمْ: «مَا تَفْتَحَوْا الْبِيبَانْ هَنَا مَدِينَةْ الْقُدُسْ إِلَّا كَنْ الْحَرَّايْ تَطْلَعْ فَوْق. وَ وَاجِبْ لِلْحُرَّاسْ هَنَا النَّهَارْ يِأَكُّدُوا كَدَرْ أَيِّ بَابْ سَدَّوْه بِقُفُلْ قُبَّالْ مَا يُفُوتُوا بِمَغْرِبْ. وَ وَاجِبْ تُخُطُّوا حُرَّاسْ مِنْ سُكَّانْ الْمَدِينَةْ، وَاحِدِينْ فِي الْبَكَانَاتْ الْوَاجِبْ يَحَرْسُوهُمْ وَ وَاحِدِينْ كَمَانْ يَحَرْسُوا جَنْب بُيُوتْهُمْ.»

نَحَمْيا 7:3 Referenca të Kryqëzuara

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

زَبُور 127:1

كَنْ اللّٰهْ مَا يَبْنِي الْبَيْت، الْبَنَّايِينْ يَخْدُمُوا بَلَا فَايْدَةْ. وَ كَنْ اللّٰهْ مَا يَحْفَضْ الْمَدِينَةْ، الْحُرَّاسْ يَحْفَضَوْهَا بَلَا فَايْدَةْ.

نَحَمْيا 13:19

وَ مِثِلْ دَا، أَنَا قُلْت لَيْهُمْ يِسِدُّوا بِيبَانْ مَدِينَةْ الْقُدُسْ قُبَّالْ لَيْلَةْ السَّبْت، وَكِتْ الْوَطَاةْ تَبْقَى ضَلْمَةْ. وَ أَوْرَيْتهُمْ مَا يَفْتَحَوْهُمْ لَحَدِّي يَوْم السَّبْت يِكَمِّلْ. وَ بَتَّانْ خَطَّيْت وَاحِدِينْ مِنْ نَاسِي فِي الْبِيبَانْ أَشَانْ يَدْحَرَوْا النَّاسْ مَا يِنْدَسَّوْا بِالْبُضَاعَةْ.

نَحَمْيا 3:23

وَ جَنْبُهُمْ بَنْيَامِينْ مَعَ حَشُوبْ وَ هُمَّنْ قَاعِدِينْ يَبْنُوا الدُّرْدُرْ الْمُقَابِلْ بَيْتهُمْ. وَ جَنْبُهُمْ عَزَرْيَا وِلَيْد مَعَسِيَّا وِلَيْد وِلَيْدَهْ لِعَنَنْيَا وَ هُو قَاعِدْ يَبْنِي جَنْب بَيْتَهْ.

نَحَمْيا 7:2

وَ أَنَا كَلَّفْت أَخُويِ حَنَانِي كَبِيرْ فِي مَدِينَةْ الْقُدُسْ وَ مَعَايَهْ حَنَنْيَا مَسْؤُولْ فِي الْقَصِرْ. وَ هُو رَاجِلْ أَمِينْ وَ بَخَافْ الرَّبّ زِيَادَةْ مِنْ النَّاسْ الْآخَرِينْ.

نَحَمْيا 7:4

الْمَدِينَةْ كَبِيرَةْ وَ وَسِيعَةْ وَ لَاكِنْ السُّكَّانْ الْقَاعِدِينْ فَوْقهَا شِيَّةْ وَ بُيُوتْهَا كُلَ لِسَّاعْ مَا كَمَّلَوْا بُنَاهُمْ.

زَبُور 147:13

أَشَانْ هُو قَوَّى حَوَادِرْ بِيبَانْكِ وَ بَارَكْ أَوْلَادْكِ فِي أُسُطْكِ.