نَحَمْيا 2:3 - الكتاب المقدس بالعربي الدارجي هنا تشاد

³ وَ قُلْت لِلْمَلِكْ: «اللّٰهْ يِطَوِّلْ عُمْرَكْ إِلَى الْأَبَدْ! يَا الْمَلِكْ، الْمَدِينَةْ الْقُبُورْ جُدُودِي قَاعِدِينْ فَوْقهَا خِرْبَتْ وَ بِيبَانْهَا كُلَ تَشَّوْهُمْ. أَشَانْ دَا بَسْ، أَنَا حَزْنَانْ.»

نَحَمْيا 2:3 Referenca të Kryqëzuara

نَحَمْيا 1:3

وَ هُمَّنْ قَالَوْا لَيِّ: «النِّجَوْا مِنْ الْهُجُومْ وَ فَضَّلَوْا فِي الْبَلَدْ هِنَاكْ، هُمَّنْ قَاعِدِينْ بِضِيقَةْ شَدِيدَةْ وَ دَا عَيْب لَيْهُمْ. وَ الدُّرْدُرْ الْمُحَوِّقْ مَدِينَةْ الْقُدُسْ مُكَسَّرْ وَ بِيبَانَهْ أَنْتَشَّوْا.»

دَنْيال 2:4

وَ هُمَّنْ قَالَوْا لِلْمَلِكْ بِاللُّغَّةْ الْأَرَامِيَّةْ: «يَا الْمَلِكْ، اللّٰهْ يَنْصُرَكْ! مِنْ فَضْلَكْ، حَجِّي لِعَبِيدَكْ بِالرُّؤْيَةْ الْإِنْتَ شِفْتَهَا وَ أَنِحْنَ كَمَانْ نِفَسُّرُوا لَيْك مَعَنَاتْهَا.»

1 مُلوك 1:31

وَ بَتْشَابَعْ وَقَعَتْ فِي الْأَرْض وَ سَجَدَتْ قِدَّامْ الْمَلِكْ وَ قَالَتْ: «اللّٰهْ يَنْصُرْ سِيدِي الْمَلِكْ دَاوُدْ إِلَى الْأَبَدْ.»

دَنْيال 5:10

وَ وَكِتْ الْمَلِكَةْ أَمّ الْمَلِكْ سِمْعَتْ بِالشَّيّءْ الْكَانْ لِلْمَلِكْ وَ مُوَظَّفِينَهْ، جَاتْ وَ دَخَلَتْ فِي بَكَانْ الْعَازُومَةْ وَ قَالَتْ: «الْمَلِكْ، اللّٰهْ يَنْصُرَكْ. مَا تَخَافْ وَ وِجْهَكْ كُلَ خَلِّي مَا يِلْغَيَّرْ.

زَبُور 137:6

وَ خَلِّي لِسَانِي يِلْصَقْ فِي سُقْعِي كَنْ مَا أَذَّكَّرْتِكِ وَ كَنْ مَا خَطَّيْتكِ فِي أَوَّلْ فَرَحِي!

دَنْيال 6:21

وَ طَوَّالِي، دَنْيَالْ رَدَّ لِلْمَلِكْ وَ قَالْ: «يَا الْمَلِكْ، اللّٰهْ يَنْصُرَكْ.

دَنْيال 6:6

خَلَاصْ الْوُزَرَاء وَ الْمُوَكَّلِينْ دَوْل مَشَوْا لَمَّوْا عَجَلَةْ كَيْ بَكَانْ الْمَلِكْ وَ قَالَوْا: «يَا مَلِكْ دَارِيُوسْ، اللّٰهْ يَنْصُرَكْ.

مَراثِي إرْمِيا 2:9

وَ بِيبَانْ مَدِينَةْ صَهْيُون أَنْدَفَنَوْا فِي التُّرَابْ وَ هُو دَمَّرَاهُمْ وَ كَسَّرْ حَوَادِرْهُمْ. وَ الْمَلِكْ وَ كُبَارَاتَهْ أَنْكَرَبَوْا فِي إِيدَيْن الْأُمَمْ الْآخَرِينْ. وَ شُرُوطْ التَّوْرَاةْ وَدَّرَوْا وَ الْأَنْبِيَاء كُلَ مَا لِقَوْا رُؤْيَةْ مِنْ اللّٰهْ.

2 أخبار 32:33

وَ حِزْقِيَّا مَاتْ وَ لِحِقْ أَبَّهَاتَهْ وَ دَفَنَوْه قَرِيبْ لِلدَّرِبْ الطَّالِعْ عَلَيْ قُبُورْ ذُرِّيَّةْ دَاوُدْ. وَ فِي مَوْتَهْ، كُلَّ نَاسْ بَلَدْ يَهُوذَا وَ سُكَّانْ مَدِينَةْ الْقُدُسْ شَرَّفَوْه. وَ وِلَيْدَهْ مَنَسَّى حَكَمْ فِي بَدَلَهْ.

2 أخبار 28:27

وَ أَحَازْ مَاتْ وَ لِحِقْ أَبَّهَاتَهْ وَ دَفَنَوْه فِي مَدِينَةْ الْقُدُسْ وَ لَاكِنْ مَا سَتَرَوْه فِي قُبُورْ مُلُوكْ بَنِي إِسْرَائِيلْ. وَ وِلَيْدَهْ حِزْقِيَّا حَكَمْ فِي بَدَلَهْ.

2 أخبار 21:20

وَ يَهُورَامْ عِنْدَهْ 32 سَنَةْ وَكِتْ بِقِي مَلِكْ وَ حَكَمْ 8 سَنَةْ فِي مَدِينَةْ الْقُدُسْ. وَ وَكِتْ مَاتْ، نَادُمْ وَاحِدْ الْبَكَى لَيَّهْ كُلَ مَا فِيهْ. وَ دَفَنَوْه فِي مَدِينَةْ دَاوُدْ لَاكِنْ مَا فِي قَبُرْ الْمُلُوكْ.

دَنْيال 3:9

وَ هُمَّنْ قَالَوْا لِلْمَلِكْ نَبُوخَدْنَصَرْ: «اللّٰهْ يَنْصُرَكْ!

زَبُور 102:14

عَبِيدَكْ يِحِبُّوا حُجَارْهَا وَ مُنْرَبِطِينْ فِي تُرَابْهَا.

لاوِيِّين 26:31

وَ نِسَوِّي مُدُنْكُو خَرَابْ وَ بَكَانَاتْ الْمُقَدَّسِينْ فَاضِيِينْ وَ مَا نُشُمّ الرِّيحَةْ التِّحَرُّقُوهَا لِرِضَايِ.

2 مُلوك 25:8

وَ فِي الْيَوْم السَّابِعْ هَنَا الشَّهَرْ الْخَامِسْ فِي سَنِةْ 19 هَنَا حُكُمْ نَبُوخَدْنَصَرْ مَلِكْ بَابِلْ، نَبُوزَرَدَانْ كَبِيرْ الْحُرَّاسْ وَ مَسْؤُولْ لِمَلِكْ بَابِلْ دَخَلْ فِي مَدِينَةْ الْقُدُسْ.

2 أخبار 36:19

وَ حَرَّقَوْا بَيْت اللّٰهْ وَ هَدَّمَوْا دُرْدُرْ مَدِينَةْ الْقُدُسْ وَ تَشَّوْا كُلَّ قُصُورْهَا وَ دَمَّرَوْا كُلَّ الْخُمَامْ الْغَالِيِّينْ.

نَحَمْيا 2:13

وَ مَرَقْت بِاللَّيْل مِنْ مَدِينَةْ الْقُدُسْ بِخَشُمْ الْبَابْ الْبِنَادُوهْ بَابْ الْوَادِي وَ مَاشِي عَلَيْ عَيْن الْأَلْمِي الْبِنَادُوهَا عَيْن الْغُولْ وَ عَلَيْ خَشُمْ الْبَابْ الْبِنَادُوهْ بَابْ الزِّبَالَةْ. وَ قَاعِدْ نِشِيفْ الدُّرْدُرْ الْمُحَوِّقْ مَدِينَةْ الْقُدُسْ الْكَسَّرْ وَ بِيبَانَهْ التَّشَّوْهُمْ.

إرْمِيا 52:12

وَ فِي الْيَوْم الْعَاشِرْ هَنَا الشَّهَرْ الْخَامِسْ فِي سَنِةْ 19 هَنَا حُكُمْ نَبُوخَدْنَصَرْ مَلِكْ بَابِلْ، نَبُوزَرَدَانْ كَبِيرْ الْحُرَّاسْ الْيَخْدِمْ لِمَلِكْ بَابِلْ دَخَلْ فِي مَدِينَةْ الْقُدُسْ.

أسْتِير 8:6

وَ كِكَّيْف نَقْدَرْ نَحْمَلْ وَ نِشِيفْ الْفَسَالَةْ التَّلْحَقْ شَعَبِي؟ وَ كِكَّيْف نَقْدَرْ نَحْمَلْ وَ نِشِيفْ دَمَارْ أَهَلِي؟»

زَبُور 38:7

أَشَانْ صُلْبِي بَوْجَعْنِي وَ جِسْمِي كُلَّ مَا عَافَيْ.

زَبُور 102:15

الْأُمَمْ يَخَافَوْا مِنْ أُسُمْ اللّٰهْ وَ كُلَّ مُلُوكْ الْأَرْض يَخَافَوْا مِنْ مَجْدَهْ.