نَحَمْيا 2:1 - الكتاب المقدس بالعربي الدارجي هنا تشاد

¹ فِي الشَّهَرْ الْأَوَّلْ الْأُسْمَهْ نِيسَانْ فِي سَنِةْ 20 هَنَا حُكُمْ أَرْتَحَشْتَا، وَكِتْ الْمَلِكْ قَاعِدْ بَاكُلْ، أَنَا شِلْت خَمَرْ الْعِنَبْ الْقَاعِدْ قِدَّامَهْ وَ أَنْطَيْتَهْ لَيَّهْ. وَ يَوْم وَاحِدْ كُلَ، مَا وَصَّفْت حِزْنِي قِدَّامْ الْمَلِكْ.

نَحَمْيا 2:1 Referenca të Kryqëzuara

عَزْرا 7:1

وَ بَعَدْ دَا، فِي وَكِتْ حُكُمْ أَرْتَحَشْتَا مَلِكْ بَلَدْ فَارِسْ، فِيَّهْ رَاجِلْ وَاحِدْ أُسْمَهْ عَزْرَا. وَ عَزْرَا دَا، هُو وِلَيْد سَرَايَا وِلَيْد عَزَرْيَا وِلَيْد حِلْقِيَّا

نَحَمْيا 1:11

يَا رَبّ، فَكِّرْ فَوْقِي وَ أَسْمَعْ صَلَاتِي وَ صَلَاةْ النَّاسْ الْيَخَافَوْا مِنْ أُسْمَكْ. وَ الْيَوْم دَا، أَنْطِينِي النَّجَاحْ فِي الشَّيّءْ الْأَنَا عَبْدَكْ نِدَوْرَهْ مِنْ الْمَلِكْ أَرْتَحَشْتَا. خَلِّي نَلْقَى مِنَّهْ رَحْمَةْ!» فِي الْوَكِتْ دَاكْ، مَسْؤُولِيّتِي نَنْطِي شَرَابْ لِلْمَلِكْ.

نَحَمْيا 1:1

دَاهُو كَلَامِي أَنَا نَحَمْيَا وِلَيْد حَكَلْيَا. فِي الشَّهَرْ التَّاسِعْ الْأُسْمَهْ كِسْلُو فِي سَنِةْ 20 هَنَا حُكُمْ أَرْتَحَشْتَا، وَكِتْ أَنَا نَحَمْيَا قَاعِدْ فِي قَصِرْ الْمَلِكْ فِي مَدِينَةْ شُوشَةْ،

أسْتِير 3:7

وَ فِي الشَّهَرْ الْأَوَّلْ الْأُسْمَهْ نِيسَانْ فِي سَنِةْ 12 هَنَا حُكُمْ أَشَوِرُوشْ، سَوَّوْا أَمْ عِيَيْدَاتْ الْأُسُمْهَا فُورِيمْ قِدَّامْ هَمَانْ. وَ هُو يِدَوْر يِحَدِّدْ الْيَوْم وَ الشَّهَرْ الْعَدِيلْ لِخِطِّتَهْ وَ خَلَاصْ، أَمْ عِيَيْدَاتْ وَقَعَتْ فِي شَهَرْ 12 الْأُسْمَهْ أَدَارْ.

عَزْرا 7:7

مَعَ نَاسْ وَاحِدِينْ مِنْ بَنِي إِسْرَائِيلْ. وَ النَّاسْ دَوْل هُمَّنْ رُجَالْ الدِّينْ وَ اللَّاوِيِّينْ وَ الْغَنَّايِينْ وَ الْحُرَّاسْ هَنَا بِيبَانْ بَيْت اللّٰهْ وَ الْخَدَّامِينْ هَنَا بَيْت اللّٰهْ. وَ كُلُّهُمْ مَشَوْا فِي مَدِينَةْ الْقُدُسْ فِي السَّنَةْ السَّابْعَةْ هَنَا حُكُمْ الْمَلِكْ أَرْتَحَشْتَا.

تكوين 40:21

وَ قَبَّلْ مَسْؤُولْ النَّاسْ الْيَنْطُوا شَرَابْ لِلْمَلِكْ فِي خِدِمْتَهْ لِيِمِدّ لَيَّهْ بَتَّانْ الْكَاسْ.

تكوين 40:11

وَ عِنْدِي فِي إِيدَيْنِي كَاسْ هَنَا الْمَلِكْ. أَنَا قَطَعْت مِنْ الْعِنَبْ وَ عَصَّرْت أَلْمِيهْ فِي الْكَاسْ دَا وَ مَدَّيْتَهْ لِلْمَلِكْ.»

دَنْيال 9:25

أَعَرِفْ وَ أَفْهَمْ! الْوَكِتْ الْمُحَدَّدْ دَا يِلْقَاسَمْ مِثِلْ نُقُولَهْ لَيْك. يَمْرُقْ قَرَارْ هَنَا قَبِّلِينْ بَنِي إِسْرَائِيلْ وَ بَنِيِينْ مَدِينَةْ الْقُدُسْ بَتَّانْ. وَ مِنْ مَرِقِينْ الْقَرَارْ دَا لَحَدِّي جَايِينْ النَّادُمْ الْمَسَحَوْه وَ دَرَّجَوْه مَلِكْ، يِسَاوِي 7 فِي 7 سَنَةْ يَعْنِي 49 سَنَةْ. وَ بَعَدْ 62 فِي 7 سَنَةْ يَعْنِي 434 سَنَةْ، الْمَدِينَةْ دِي يَبْنُوهَا بَتَّانْ هِي وَ شَوَارِعْهَا وَ يِقَوُّوا دَرَادِرْهَا حَتَّى كَانْ دَا وَكْت الضِّيقَةْ كُلَ.

عَزْرا 4:7

وَ بَتَّانْ فِي أَيَّامْ أَرْتَحَشْتَا مَلِكْ بَلَدْ فَارِسْ، بِشْلَامْ وَ مِتْرَدَاتْ وَ طَبِيلْ وَ رُفْقَانْهُمْ الْآخَرِينْ كُلَ كَتَبَوْا لِلْمَلِكْ جَوَابْ بِاللُّغَّةْ الْأَرَامِيَّةْ وَ تَرْجَمَوْه لَيَّهْ.