نَحَمْيا 1:4 - الكتاب المقدس بالعربي الدارجي هنا تشاد

⁴ وَكِتْ أَنَا سِمِعْت الْكَلَامْ دَا، بِقِيتْ حَزْنَانْ وَ قَعَدْت تِحِتْ وَ بَكَيْت. وَ قَاعِدْ نُصُومْ وَ نِصَلِّي مُدَّةْ أَيَّامْ لِلّٰهْ رَبّ السَّمَاوَاتْ

نَحَمْيا 1:4 Referenca të Kryqëzuara

دَنْيال 9:3

وَ فِي الْبَكَانْ دَا، طَوَّالِي أَنَا وَجَّهْت لِلرَّبّ إِلٰـهِي وَ شَحَدْتَهْ بِالصَّلَاةْ وَ الصِّيَامْ. وَ لِبِسْت خَلَقْ التَّوْبَةْ وَ صَبَّيْت رُمَادْ فِي رَاسِي.

زَبُور 137:1

جَنْب بُحُورْ بَابِلْ، تِحِتْ قَعَدْنَا وَ وَكِتْ أَذَّكَّرْنَا صَهْيُون، بَكَيْنَا.

عَزْرا 10:1

وَ عَزْرَا قَاعِدْ قِدَّامْ بَيْت اللّٰهْ وَ وَكِتْ يِصَلِّي وَ يَسْجُدْ وَ يَبْكِي وَ يِعْتَرِفْ، شَعَبْ بَنِي إِسْرَائِيلْ جَوْا لَيَّهْ كَتِيرِينْ مَرَّةْ وَاحِدْ، رُجَالْ وَ عَوِينْ وَ عِيَالْ. وَ هُمَّنْ كُلَّ بَكَوْا بِزِيَادَةْ.

نَحَمْيا 2:4

وَ بَتَّانْ الْمَلِكْ سَأَلَانِي وَ قَالْ: «تِدَوْر نِسَوِّي لَيْك شُنُو؟» وَكِتْ قَالْ لَيِّ الْكَلَامْ دَا، أَنَا صَلَّيْت لِلّٰهْ رَبّ السَّمَاوَاتْ.

رَوْمَا 12:15

أَفْرَحَوْا مَعَ الْفَرْحَانِينْ وَ أَحْزَنَوْا مَعَ الْحَزْنَانِينْ.

صَفَنْيا 3:18

وَ اللّٰهْ قَالْ: «يَا شَعَبِي، أَنَا نِلِمّ النَّاسْ الْمَا قِدْرَوْا عَيَّدَوْا مَعَاكُو وَ الْبَعِيدِينْ مِنْكُو وَ نَمْرُقْ عَيْبهُمْ الْبِقِي لَيْهُمْ تَقِيلْ.

دَنْيال 2:18

وَ قَالْ لَيْهُمْ خَلِّي يَشْحَدَوْا نِعْمَةْ اللّٰهْ رَبّ السَّمَاوَاتْ لِيِعَرِّفْهُمْ السِّرّ دَا أَشَانْ مَا يَكْتُلُوهُمْ هُو وَ رُفْقَانَهْ مَعَ الْمُسْتَشَارِينْ الْآخَرِينْ هَنَا بَابِلْ.

عَزْرا 9:3

وَ وَكِتْ أَنَا سِمِعْت الْكَلَامْ دَا، شَرَّطْت جَوَّانِيّتِي وَ جَلَّابِيّتِي وَ مَلَّطْت صُوفْ رَاسِي وَ دِقْنِي وَ قَعَدْت تِحِتْ مُتَحَيِّرْ.

يُونُس 1:9

وَ يُونُسْ رَدَّ لَيْهُمْ وَ قَالْ: «أَنَا عِبْرَانِي وَ نَعَبُدْ اللّٰهْ رَبّ السَّمَاوَاتْ، الْخَلَقْ الْأَرْض وَ الْبَحَرْ.

2 صَمُوِيل 12:16

وَ دَاوُدْ شَحَدْ الرَّبّ فِي شَانْ الْوِلَيْد وَ قَاعِدْ يُصُومْ. وَ وَكِتْ يَمْشِي بَيْتَهْ بِاللَّيْل، يَرْقُدْ فِي التُّرَابْ.

زَبُور 136:26

أَشْكُرُوا إِلٰـهْ السَّمَاوَاتْ، أَشَانْ رَحْمَتَهْ دَايْمَةْ إِلَى الْأَبَدْ!

دَنْيال 10:2

وَ فِي الْوَكِتْ دَا، أَنَا دَنْيَالْ حِزِنْت لِمُدَّةْ تَلَاتَةْ أُسْبُوعْ.

2 مُلوك 22:19

وَ قَلْبَكْ خَافْ وَ إِنْتَ أَلْمَسْكَنْت قِدَّامِي أَنَا اللّٰهْ وَكِتْ إِنْتَ سِمِعْت الْكَلَامْ الْأَنَا قُلْتَهْ ضِدّ مَدِينَةْ الْقُدُسْ وَ سُكَّانْهَا. وَ الْكَلَامْ دَا بُقُولْ: ”الْبَكَانْ دَا يَبْقَى خَرَابْ وَ مَلْعُونْ.“ وَ إِنْتَ شَرَّطْت خُلْقَانَكْ مِنْ الْحِزِنْ وَ بَكَيْت قِدَّامِي وَ أَنَا كُلَ سِمِعْتَكْ. وَ دَا كَلَامْ اللّٰهْ.

2 أخبار 6:13

أَشَانْ أَوَّلْ، الْمَلِكْ سُلَيْمَانْ سَوَّى بَكَانْ عَالِي هَنَا نَحَاسْ فِي أُسْط الْفَضَايْ، طُولَهْ 5 دُرَاعْ وَ عُرْضَهْ 5 دُرَاعْ وَ طُولَهْ الْفَوْق كُلَ 3 دُرَاعْ. وَ رِكِبْ فَوْق فِي الْبَكَانْ دَا وَ بَرَكْ قِدَّامْ كُلَّ جَمَاعَةْ بَنِي إِسْرَائِيلْ وَ رَفَعْ إِيدَيْنَهْ عَلَيْ السَّمَاءْ.

عَزْرا 1:2

دَاهُو كَلَامِي أَنَا كُورَشْ مَلِكْ بَلَدْ فَارِسْ. اللّٰهْ رَبّ السَّمَاوَاتْ أَنْطَانِي كُلَّ مَمَالِكْ الْأَرْض وَ كَلَّفَانِي أَشَانْ نَبْنِي لَيَّهْ بَيْت فِي مَدِينَةْ الْقُدُسْ فِي بَلَدْ يَهُوذَا.

عَزْرا 9:5

وَ وَكِتْ قَدِّمِينْ الْهَدِيَّةْ هَنَا الدَّقِيقْ بِعَشِيَّةْ، أَنَا قَمَّيْت مِنْ حِيرْتِي دِي بِخُلْقَانِي الْمُشَرَّطِينْ وَ بَرَكْت وَ رَفَعْت إِيدَيْنِي لِلّٰهْ إِلٰـهِي

نَحَمْيا 2:20

وَ أَنَا رَدَّيْت وَ قُلْت لَيْهُمْ: «اللّٰهْ رَبّ السَّمَاوَاتْ، هُو بَسْ يَنْطِينَا النَّجَاحْ وَ أَنِحْنَ عَبِيدَهْ نُقُمُّوا نَبْنُوا بَسْ. وَ إِنْتُو كَمَانْ مَا عِنْدُكُو قِسِمْ فِي مَدِينَةْ الْقُدُسْ وَ لَا عِنْدُكُو حَقّ فَوْقهَا وَ لَا نَعَرْفُوا لَيْكُو شَيّءْ هِنِي!»

زَبُور 102:15

الْأُمَمْ يَخَافَوْا مِنْ أُسُمْ اللّٰهْ وَ كُلَّ مُلُوكْ الْأَرْض يَخَافَوْا مِنْ مَجْدَهْ.