نَحَمْيا 1:1 - الكتاب المقدس بالعربي الدارجي هنا تشاد

¹ دَاهُو كَلَامِي أَنَا نَحَمْيَا وِلَيْد حَكَلْيَا. فِي الشَّهَرْ التَّاسِعْ الْأُسْمَهْ كِسْلُو فِي سَنِةْ 20 هَنَا حُكُمْ أَرْتَحَشْتَا، وَكِتْ أَنَا نَحَمْيَا قَاعِدْ فِي قَصِرْ الْمَلِكْ فِي مَدِينَةْ شُوشَةْ،

نَحَمْيا 1:1 Referenca të Kryqëzuara

زَكَرِيَّا 7:1

وَ فِي الْيَوْم الرَّابِعْ هَنَا الشَّهَرْ التَّاسِعْ الْأُسْمَهْ كِسْلُو فِي السَّنَةْ الرَّابْعَةْ هَنَا حُكُمْ الْمَلِكْ دَارِيُوسْ، اللّٰهْ حَجَّى لِزَكَرِيَّا.

نَحَمْيا 10:1

وَ النَّاسْ الْخَطَّوْا خِتِمْهُمْ فِي وَرَقَةْ الْإِسْتِفَاقْ دِي، هُمَّنْ الْوَالِي نَحَمْيَا وِلَيْد حَكَلْيَا وَ صِدْقِيَّا

أسْتِير 1:2

وَ فِي الْوَكِتْ دَا بَسْ، الْمَلِكْ أَشَوِرُوشْ قَعَدْ فِي قَصِرْ الْمَمْلَكَةْ وَ حَكَمْ فِي مَدِينَةْ شُوشَةْ الْقَوِيَّةْ.

دَنْيال 8:2

وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.

عَزْرا 7:7

مَعَ نَاسْ وَاحِدِينْ مِنْ بَنِي إِسْرَائِيلْ. وَ النَّاسْ دَوْل هُمَّنْ رُجَالْ الدِّينْ وَ اللَّاوِيِّينْ وَ الْغَنَّايِينْ وَ الْحُرَّاسْ هَنَا بِيبَانْ بَيْت اللّٰهْ وَ الْخَدَّامِينْ هَنَا بَيْت اللّٰهْ. وَ كُلُّهُمْ مَشَوْا فِي مَدِينَةْ الْقُدُسْ فِي السَّنَةْ السَّابْعَةْ هَنَا حُكُمْ الْمَلِكْ أَرْتَحَشْتَا.

أسْتِير 3:15

وَ بِأَمُرْ الْمَلِكْ، الْمُرَسَّلِينْ مَشَوْا بِسُرْعَةْ وَ بَلَّغَوْا الْقَانُونْ دَا فِي مَدِينَةْ شُوشَةْ الْقَوِيَّةْ. الْمَلِكْ وَ هَمَانْ قَعَدَوْا لِيَشَرْبَوْا وَ لَاكِنْ نَاسْ مَدِينَةْ شُوشَةْ بَرْجَلَوْا مَرَّةْ وَاحِدْ.

نَحَمْيا 2:1

فِي الشَّهَرْ الْأَوَّلْ الْأُسْمَهْ نِيسَانْ فِي سَنِةْ 20 هَنَا حُكُمْ أَرْتَحَشْتَا، وَكِتْ الْمَلِكْ قَاعِدْ بَاكُلْ، أَنَا شِلْت خَمَرْ الْعِنَبْ الْقَاعِدْ قِدَّامَهْ وَ أَنْطَيْتَهْ لَيَّهْ. وَ يَوْم وَاحِدْ كُلَ، مَا وَصَّفْت حِزْنِي قِدَّامْ الْمَلِكْ.

عَزْرا 10:9

وَ قَبِيلَةْ يَهُوذَا وَ قَبِيلَةْ بَنْيَامِينْ كُلُّهُمْ لَمَّوْا فِي مَدِينَةْ الْقُدُسْ فِي الْيَوْم التَّالِتْ. وَ الْيَوْم اللَّمَّوْا فَوْقَهْ دَا، يَوْم 20 هَنَا الشَّهَرْ التَّاسِعْ. وَ كُلَّ الشَّعَبْ اللَّمَّوْا قَعَدَوْا فِي فَضَايَةْ بَيْت اللّٰهْ وَ قَاعِدِينْ يَرْجُفُوا مِنْ الْكَلَامْ الْقَاسِي دَا وَ مِنْ الْمَطَرْ الْقَاعِدْ يُصُبّ.

نَحَمْيا 5:14

وَ مِنْ يَوْم الْمَلِكْ أَرْتَحَشْتَا خَطَّانِي حَاكِمْ فِي بَلَدْ يَهُوذَا، عِنْدِي 12 سَنَةْ. وَ دَا مِنْ سَنِةْ 20 هَنَا مُلْكَهْ لَحَدِّي سَنِةْ 32. وَ فِي الْوَكِتْ دَا، وَ لَا أَنَا وَ لَا أَخْوَانِي، الشَّيّءْ الْوَاجِبْ لِلْحَاكِمْ كُلَ، أَنِحْنَ مَا شِلْنَاهْ.