مِيخا 6:1 - الكتاب المقدس بالعربي الدارجي هنا تشاد

¹ أَسْمَعَوْا الْكَلَامْ الْيُقُولَهْ لَيِّ اللّٰهْ: «قُمّ سَوِّي شَرِيعَةْ قِدَّامْ الْحُجَارْ وَ خَلِّي الْجِبَالْ يَسْمَعَوْا حِسَّكْ.

مِيخا 6:1 Referenca të Kryqëzuara

إرْمِيا 22:29

يَا بَلَدِي، بَلَدِي! يَا بَلَدِي، أَسْمَعَيْ كَلَامْ اللّٰهْ!

تَثْنِية 32:1

يَا سَمَاءْ، أَسْمَعَيْ وَ أَنَا نِحَجِّي. يَا أَرْض، خُطِّي بَالْكِ لِكَلَامْ خَشْمِي.

مِيخا 1:2

أَسْمَعَوْا، يَا كُلَّ الشُّعُوبْ! أَسْمَعَيْ، يَا الْأَرْض وَ كُلَّ شَيّءْ الْفَوْقكِ. اللّٰهْ الرَّبّ يَشْهَدْ ضِدُّكُو. أَيْوَى، الرَّبّ يُلُومْكُو مِنْ بَيْتَهْ الْمُقَدَّسْ.

حِزْقِيال 36:1

«يَا إِبْن آدَمْ، أَتْنَبَّأْ لِجِبَالْ إِسْرَائِيلْ وَ قُولْ: ‹يَا نَاسْ جِبَالْ إِسْرَائِيلْ، أَسْمَعَوْا كَلَامْ اللّٰهْ.

زَبُور 50:4

هُو نَادَى السَّمَاوَاتْ وَ الْأَرْض أَشَانْ يَشْهَدَوْا فِي مُحَاكَمَةْ شَعَبَهْ.

تَثْنِية 4:26

وَ خَلَاصْ الْيَوْم بَسْ، أَنَا نِشَهِّدْ فَوْقكُو السَّمَاوَاتْ وَ الْأَرْض. كَنْ سَوَّيْتُوا فَسَالَةْ مِثِلْ دِي، اللّٰهْ يُقُشُّكُو طَوَّالِي مِنْ الْبَلَدْ التِّشِيلُوهَا وَرَثَةْ وَ تَقْعُدُوا فَوْقهَا غَادِي لِبَحَرْ الْأُرْدُنْ. وَ الْأَرْض دِي مَا تَقْعُدُوا فَوْقهَا تِطَوُّلُوا أَشَانْ هُو يِدَمِّرْكُو مَرَّةْ وَاحِدْ.

حِزْقِيال 36:8

وَ إِنْتُو، يَا جِبَالْ إِسْرَائِيلْ، تِقَوُّمُوا شَدَرْ وَ يِسَوُّوا فُرُوعْ وَ يَلْدَوْا فَوَاكِهْ لِشَعَبِي بَنِي إِسْرَائِيلْ أَشَانْ قَرِيبْ يِقَبُّلُوا هِنِي.

إشَعْيا 1:2

يَا السَّمَاءْ، أَسْمَعَيْ! وَ يَا أَرْض، أَفْتَحَيْ أَدَانْكِ! دَاهُو كَلَامْ اللّٰهْ الْهُو قَالَهْ: «أَنَا أَدَّبْت وَ رَبَّيْت عِيَالْ وَ لَاكِنْ هُمَّنْ أَتْمَرَّدَوْا ضِدِّي.

لُوقا 19:40

وَ عِيسَى رَدَّ لَيْهُمْ وَ قَالْ: «نُقُولْ لَيْكُو كَنْ النَّاسْ دَوْل سَكَتَوْا كُلَ، الْحُجَارْ يِعِيطُوا بِنَفْس الْكَلَامْ.»

زَبُور 50:1

اللّٰهْ إِلٰـهْ الْإِلٰـهَاتْ حَجَّى وَ نَادَى الْأَرْض مِنْ بَكَانْ طَلُوعْ الْحَرَّايْ لَحَدِّي وَقُوعْهَا.

مِيخا 1:4

وَ الْجِبَالْ يُمُوعُوا تِحْتَهْ وَ حُجَارْ خُشُومْ الْوُدْيَانْ يِنْقَطْعُوا مِثِلْ الشَّمْعَةْ فِي النَّارْ وَ مِثِلْ أَلْمِي الصَّبَّوْه فِي دِلَّيَّةْ.

حِزْقِيال 37:4

وَ هُو قَالْ لَيِّ: «أَتْنَبَّأْ لِلْعُضَامْ دَوْل وَ قُولْ لَيْهُمْ: ‹يَا الْعُضَامْ الْيَابْسِينْ، أَسْمَعَوْا كَلَامْ اللّٰهْ!

إرْمِيا 13:15

وَ إِرْمِيَا قَالْ: «يَا بَنِي إِسْرَائِيلْ، خُطُّوا أَدَانْكُو وَ أَسْمَعَوْا! مَا تِسْتَكْبَرَوْا أَشَانْ دَا كَلَامْ اللّٰهْ الْهُو قَالَهْ.

عَمُوس 3:1

يَا بَنِي إِسْرَائِيلْ، أَسْمَعَوْا كَلَامْ اللّٰهْ الْقَالَهْ ضِدُّكُو، ضِدُّكُو إِنْتُو الْقَبَايِلْ الْمَرَقَاكُو مِنْ بَلَدْ مَصِرْ:

1 صَمُوِيل 15:16

وَ صَمُوِيلْ قَالْ لِشَاوُولْ: «أَسْكُتْ! خَلِّي نِكَلِّمَكْ بِالْكَلَامْ الْاللّٰهْ قَالَهْ لَيِّ أَلْبَارَحْ.» وَ شَاوُولْ قَالْ: «كَلِّمْ!»

1 صَمُوِيل 12:7

وَ هَسَّعْ دَا، تَعَالُوا. أَنَا مَضْلُومْ فَوْقكُو قِدَّامْ اللّٰهْ. وَ نِفَكِّرْكُو بِكُلَّ شَيّءْ الْعَادِلْ الْاللّٰهْ سَوَّاهْ لَيْكُو إِنْتُو وَ لِجُدُودْكُو.

مِيخا 5:15

وَ بِغَضَبْ وَ زَعَلْ، نِشِيلْ التَّارْ فِي الْأُمَمْ الْأَبَوْا مَا يَسْمَعَوْنِي.»

مِيخا 6:2

يَا الْجِبَالْ! أَسْمَعَوْا شَكْوَةْ اللّٰهْ! إِنْتُو يَا أَسَاسْ الْأَرْض الْقَوِي، خُطُّوا بَالْكُو! اللّٰهْ يِجِيبْ شَعَبَهْ فِي الشَّرِيعَةْ وَ يُلُومْ بَنِي إِسْرَائِيلْ.»

إشَعْيا 3:13

اللّٰهْ قَمَّ لِيِشَارِعْ وَ لِيِعَاقِبْ الشُّعُوبْ.

حِزْقِيال 6:3

وَ قُولْ: ‹يَا جِبَالْ إِسْرَائِيلْ! أَسْمَعَوْا كَلَامْ اللّٰهْ الرَّبّ. وَ دَاهُو اللّٰهْ الرَّبّ حَجَّى لِلْجِبَالْ وَ الْحُجَارْ وَ الرُّجُولْ وَ الْوُدْيَانْ وَ قَالْ: ”دَاهُو أَنَا نِجِيبْ لَيْكُو الْحَرِبْ وَ نِهَدِّمْ بَكَانَاتْكُو الْعَالِيِينْ هَنَا عِبَادَةْ الْأَصْنَامْ.