مِيخا 5:2 - الكتاب المقدس بالعربي الدارجي هنا تشاد

² وَ اللّٰهْ قَالْ: «إِنْتِ، يَا بَيْت لَحَمْ أَفْرَاتَةْ، إِنْتِ صَغَيْرَةْ لِتِنْحَسْبِي أَمْبَيْن عَايِلَاتْ يَهُوذَا. وَ لَاكِنْ نَادُمْ وَاحِدْ يَمْرُقْ مِنْكِ الْيَحْكِمْ بِأُسْمِي فِي بَنِي إِسْرَائِيلْ. وَ قَعَرَهْ جَايِ مِنْ بَعِيدْ مِنْ الزَّمَنْ الْقَدِيمْ.»

مِيخا 5:2 Referenca të Kryqëzuara

مَتَّى 2:6

<يَا بَيْت لَحَمْ فِي دَارْ بَنِي يَهُوذَا، إِنْتِ مَا حِلَّةْ الْأَصْغَرْ لِحُكَّامْ يَهُوذَا أَشَانْ نَادُمْ وَاحِدْ يَمْرُقْ مِنْكِ وَ هُو الْحَاكِمْ الْيَبْقَى رَاعِي لِأُمَّتِي بَنِي إِسْرَائِيلْ.>»

يُوحَنَّا 7:42

الْمَسِيحْ يَجِي مِنْ ذُرِّيَّةْ سَيِّدْنَا دَاوُدْ وَ مِنْ بَيْت لَحَمْ، الْحِلَّةْ الرَّبَّوْا فَوْقهَا دَاوُدْ. مَا مَكْتُوبْ فِي الْكِتَابْ وَلَّا؟»

زَبُور 90:2

وَ قَبُلْ الْجِبَالْ مَا يُكُونُوا، إِنْتَ خَلَقْت الْأَرْض وَ الْعَالَمْ. إِنْتَ بَسْ الرَّبّ مِنْ الْبِدَايَةْ لِلنِّهَايَةْ.

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

زَكَرِيَّا 9:9

«يَا صَهْيُون الْمِثِلْ بِنَيَّةْ، أَفْرَحَيْ زِيَادَةْ! عِيطِي بِفَرَحْ، يَا مَدِينَةْ الْقُدُسْ الْمِثِلْ بِنَيَّةْ! دَاهُو مَلِكِّ جَايِ لَيْكِ. هُو عَادِلْ وَ مُنَّصِرْ. هُو مِسْكِينْ وَ رَاكِبْ فِي حُمَارْ، فِي دَحَشْ وِلَيْد حُمَارَةْ.

تكوين 49:10

عَصَاةْ الْمُلُكْ تَقْعُدْ فِي عَايِلَةْ يَهُوذَا وَ عَصَاةْ الْحُكُمْ كُلَ مَا تَمْرُقْ مِنْ إِيدَيْهُمْ لَحَدِّي يَجِي النَّادُمْ الْوَاجِبْ لَيَّهْ الْمُلُكْ. وَ كُلَّ الشُّعُوبْ يِكَرُّمُوهْ.

كُلُوسِي 1:17

إِبْن اللّٰهْ هُو قُبَّالْ كُلَّ شَيّءْ وَ بِقُدُرْتَهْ كُلَّ شَيّءْ قَاعِدْ ثَابِتْ.

رُؤية 19:16

وَ عِنْدَهْ أُسُمْ مَكْتُوبْ فِي خَلَقَهْ وَ فِي دَارِجْتَهْ وَ الْأُسُمْ دَا، هُو مَلِكْ الْمُلُوكْ وَ رَبّ الْأَرْبَابْ.

1 صَمُوِيل 17:12

وَ دَاوُدْ دَا، هُو وِلَيْد رَاجِلْ وَاحِدْ مِنْ خَشُمْ بَيْت أَفْرَاتَةْ الْأُسْمَهْ يَسَّى وَ هُو مِنْ حِلَّةْ بَيْت لَحَمْ فِي تُرَابْ يَهُوذَا. وَ يَسَّى دَا عِنْدَهْ تَمَانَةْ أَوْلَادْ. وَ فِي وَكِتْ حُكُمْ شَاوُولْ، هُو شَيَّبْ وَ بِقِي كَبِيرْ زِيَادَةْ.

تكوين 48:7

«وَ وَكِتْ أَنَا مُقَبِّلْ مِنْ فَدَّانْ أَرَامْ، أَمَّكْ رَاحِيلْ مَاتَتْ فِي إِيدَيْنِي فِي دَرِبْ بَلَدْ كَنْعَانْ قَرِيبْ لِحِلَّةْ أَفْرَاتَةْ. وَ فِي الْبَكَانْ دَا، أَنَا دَفَنْتَهَا فِي دَرِبْ حِلَّةْ أَفْرَاتَةْ الْبِنَادُوهَا الْيَوْم بَيْت لَحَمْ.»

1 يُوحَنَّا 1:1

الْكَلَامْ النِّبَلُّغُوهْ لَيْكُو قَاعِدْ مِنْ الْبِدَايَةْ وَ أَنِحْنَ سِمِعْنَاهْ وَ شِفْنَاهْ بِعُيُونَّا لَحَدِّي عِرِفْنَاهْ عَدِيلْ كَيْ وَ لَمَّسْنَاهْ بِإِيدَيْنَّا وَ هُو كَلَامْ الْحَيَاةْ.

عِبْرَانِيِّين 13:8

عِيسَى الْمَسِيحْ أَبَداً مَا يِلْغَيَّرْ. هُو قَاعِدْ مِنْ أَوَّلْ وَ الْيَوْم وَ إِلَى الْأَبَدْ.

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

رَعُوث 4:11

الشُّيُوخْ وَ كُلَّ الشَّعَبْ الْقَاعِدِينْ فِي خَشُمْ بَابْ الْحِلَّةْ قَالَوْا: «أَنِحْنَ شَاهِدِينْ! اللّٰهْ يِبَارِكْ الْمَرَةْ التَّدْخُلْ فِي بَيْتَكْ وَ يِسَوِّيهَا مِثِلْ رَاحِيلْ وَ لَيْئَةْ، هِنَّ الْإِتْنَيْن أَمَّهَاتْ ذُرِّيَّةْ يَعْقُوبْ جِدِّنَا. وَ إِنْتَ تَبْقَى غَنِيْ فِي خَشُمْ بَيْت أَفْرَاتَةْ وَ مَشْهُورْ زِيَادَةْ فِي بَيْت لَحَمْ.

تكوين 35:19

وَ رَاحِيلْ مَاتَتْ وَ دَفَنَوْهَا فِي دَرِبْ حِلَّةْ أَفْرَاتَةْ الْمَعْرُوفَةْ الْيَوْم بِبَيْت لَحَمْ.

عِبْرَانِيِّين 7:14

أَشَانْ رَبِّنَا عِيسَى هُو مِنْ قَبِيلَةْ يَهُوذَا وَ دَا مَعْرُوفْ. وَ فِي الشَّيّءْ الْبُخُصّ قَبِيلَةْ يَهُوذَا، مُوسَى أَبَداً مَا قَالْ شَيّءْ فِي رُجَالْ الدِّينْ.

عَمُوس 9:11

«وَ فِي الْيَوْم دَا، نَبْنِي مِنْ جَدِيدْ مَدِينَةْ دَاوُدْ الْمُكَسَّرَةْ. وَ نِكَدِّكْ نُقَارْهَا وَ نِعَدِّلْ دَرَادِرْهَا وَ هِي تَبْقَى مِثِلْ أَوَّلْ.

إرْمِيا 30:21

وَ شَيْخهُمْ يُكُونْ مِنْهُمْ وَ مَلِكْهُمْ يَمْرُقْ مِنْ أُسُطْهُمْ. وَ أَنَا نِشِيلَهْ وَ نِقَرِّبَهْ لَيِّ وَ هُو يُكُونْ قَرِيبْ مِنِّي. وَ يَاتُو الْيِقَرِّبْ لَيِّ بَلَا إِذِنْ وَ يِدِسّ نَفْسَهْ فِي الْخُطُورَةْ؟ وَ دَا كَلَامْ اللّٰهْ.

إشَعْيا 53:2

عَبْد اللّٰهْ كِبِرْ قِدَّامَهْ مِثِلْ بِذْرَةْ وَ مِثِلْ عِرِقْ الْمَرَقْ مِنْ أَرْض جَفَافْ. هُو مَا عِنْدَهْ شَكِلْ وَ لَا عَظَمَةْ لِنِشِيفُوهْ وَ لَا عِنْدَهْ شَبَهْ الْيَعَجِبْ.

1 صَمُوِيل 10:19

وَ لَاكِنْ الْيَوْم إِنْتُو أَبَيْتُوا إِلٰـهْكُو النَّجَّاكُو مِنْ كُلَّ الْمَصَايِبْ وَ مِنْ كُلَّ التَّعَبْ. وَ قُلْتُوا لَيَّهْ: ‹أَيْوَى! دَرِّجْ لَيْنَا مَلِكْ!› هَسَّعْ دَا، تَعَالُوا قِدَّامْ اللّٰهْ بِقَبَايِلْكُو وَ خُشُومْ بُيُوتْكُو.»

لُوقا 23:38

وَ فَوْق مِنْ رَاسَهْ فِي كَلَامْ مَكْتُوبْ الْيُقُولْ: «دَا مَلِكْ الْيَهُودْ.»

لُوقا 23:2

وَ قَمَّوْا يُخُطُّوا فَوْقَهْ تُهْمَةْ. وَ قَالَوْا: «كَرَبْنَا النَّادُمْ دَا أَشَانْ هُو قَاعِدْ يِتَلِّفْ شَعَبْنَا وَ يَدْحَرْهُمْ مَا يِكَفُّوا الْمِيرِي لِسُلْطَانْ الرَّوْمَانِيِّينْ. وَ هُو سَوَّى نَفْسَهْ الْمَسِيحْ، الْمَلِكْ.»

1 أخبار 5:2

وَ حَتَّى كَانْ يَهُوذَا بِقِي شَدِيدْ مِنْ أَخْوَانَهْ وَ يَمْرُقْ مِنَّهْ الْمَلِكْ كُلَ، حَقّ الْبُكُورِيَّةْ أَنْطَوْه لِيُوسُفْ.

1 أخبار 4:4

وَ حُورْ بِكِرْ أَفْرَاتَةْ بَنَى حِلَّةْ بَيْت لَحَمْ وَ هُو عِنْدَهْ أَوْلَادْ إِتْنَيْن وَ هُمَّنْ فَنُوِيلْ الْبَنَى حِلَّةْ قَدُورْ وَ عِزَارْ الْبَنَى حِلَّةْ حُوشَى.

خُروج 18:21

وَ بَعَدْ دَا، أَعَزِلْ مِنْ كُلَّ الشَّعَبْ رُجَالْ قَادْرِينْ وَ خَايْفِينْ مِنْ الرَّبّ وَ أَمِينِينْ وَ مَا يَقْبَلَوْا الرَّشْوَةْ. وَ خُطُّهُمْ مَسْؤُولِينْ فِي الشَّعَبْ. وَاحِدِينْ مِنْهُمْ يِسَوُّوا شَرِيعَةْ لِأَلِفْ نَادُمْ وَ لِمِيَةْ وَ لِخَمْسِينْ وَ لَا عَشَرَةْ.

رُؤية 21:6

وَ أَوْرَانِي وَ قَالْ: «خَلَاصْ، كُلَّ شَيّءْ كَمَّلْ. أَنَا الْأَوَّلْ وَ الْأَخِيرْ. أَنَا الْبِدَايَةْ وَ النِّهَايَةْ. وَ أَنَا نَنْطِي إِذِنْ لِأَيِّ نَادُمْ الْعَطْشَانْ أَشَانْ يَشْرَبْ أَلْمِي مِنْ بِيرْ أَلْمِي الْحَيَاةْ بَلَا تَمَنْ.

رُؤية 2:8

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ إِزْمِيرْ. دَاهُو كَلَامِي، أَنَا الْأَوَّلْ وَ الْأَخِيرْ، أَنَا الْمُتّْ وَ حِيِيتْ.

زَبُور 132:6

أَيْوَى، فِي أَفْرَاتَةْ سِمِعْنَا خَبَرْ هَنَا صَنْدُوقْ مُعَاهَدَةْ اللّٰهْ وَ فِي زَرَعْ يَعَرْ لِقِينَاهْ.

1 أخبار 2:54

وَ ذُرِّيَّةْ سَلْمَا هُمَّنْ نَاسْ بَيْت لَحَمْ وَ حِلَّةْ نَطُوفَا وَ عَطَرُوتْ بَيْت يُوَابْ وَ نُصّ سُكَّانْ مَنَاحَتْ وَ الصُّورْعِيِّينْ.

1 صَمُوِيل 23:23

شِيفُوا وَ أَعَرْفُوا كُلَّ الْبَكَانْ الْيِلَّبَّدْ فَوْقَهْ. أَكُّدُوا مِنَّهْ وَ تَعَالُوا لَيِّ وَ أَنَا نَمْشِي مَعَاكُو. وَ خَلَاصْ، كَنْ هُو قَاعِدْ فِي لُبّ الْبَلَدْ دِي، أَنَا نَلْقَاهْ كَنْ نِفَتِّشَهْ فِي لُبّ كُلَّ خُشُومْ بُيُوتْ يَهُوذَا كُلَ!»

1 صَمُوِيل 17:18

وَ هَاكْ الْجِبْنَةْ الْعَشَرَةْ دَوْل وَ وَدِّيهُمْ لِقَايِدْ الْأَلِفْ. وَ أَلْأَكَّدْ مِنْ عَافِيَةْ أَخْوَانَكْ وَ جِيبْ لَيِّ مِنْهُمْ شَيّءْ الْيِوَصِّفْ كَدَرْ هُمَّنْ عَافَيْ.

تَثْنِية 1:15

وَ أَنَا شِلْت نَاسْ وَ خَطَّيْتهُمْ كُبَارَاتْ فِي قَبَايِلْكُو وَ النَّاسْ دَوْل هُمَّنْ رُجَالْ الْعِنْدُهُمْ حِكْمَةْ وَ مَعْرُوفِينْ. وَ أَنَا خَطَّيْتهُمْ كُبَارَاتْ فِي عَشَرَاتْ وَ خَمْسِينَاتْ وَ مِيَاتْ وَ آلَافْ وَ خَطَّيْتهُمْ مِثِلْ مُرَاقِبِينْ فِي قَبَايِلْكُو.

1 صَمُوِيل 8:12

وَ يِشِيلْ وَاحِدِينْ مِنْهُمْ وَ يِسَوِّيهُمْ قُيَّادْ فِي آلَافْ وَ قُيَّادْ فِي خَمْسِينَاتْ. وَ يَحَرْتُوا زَرْعَهْ وَ يَقْطَعَوْا إِنْتَاجَهْ وَ يَصْنَعَوْا لَيَّهْ سِلَاحْ هَنَا الْحَرِبْ وَ آلَاتْ عَرَبَاتَهْ هَنَا الْحَرِبْ.

خُروج 18:25

وَ عَزَلْ رُجَالْ قَادْرِينْ مِنْ كُلَّ بَنِي إِسْرَائِيلْ وَ خَطَّاهُمْ مَسْؤُولِينْ فِي الشَّعَبْ. وَ وَاحِدِينْ مِنْهُمْ يِسَوُّوا شَرِيعَةْ لِأَلِفْ نَادُمْ وَ لِمِيَةْ وَ لِخَمْسِينْ وَ لَا عَشَرَةْ.

مَتَّى 2:1

وِلْدَوْا عِيسَى فِي حِلَّةْ بَيْت لَحَمْ فِي دَارْ الْيَهُودِيَّةْ فِي زَمَنْ الْمَلِكْ هِرُودُسْ. وَ بَعَدْ وِلْدَوْه، مُسَافِرِينْ وَاحِدِينْ جَوْا لِمَدِينَةْ الْقُدُسْ مِنْ صَبَاحْ. وَ هُمَّنْ مُنَجِّمِينْ.

تكوين 35:16

وَ خَلَاصْ، يَعْقُوبْ وَ عَايِلْتَهْ قَمَّوْا مِنْ بَيْت إِيلْ. وَ وَكِتْ هُمَّنْ لِسَّاعْهُمْ بَعِيدْ مِنْ حِلَّةْ أَفْرَاتَةْ، رَاحِيلْ طَالَقَتْ. وَ وَالُودِتْهَا بِقَتْ قَاسِيَةْ.

قُضياء 17:7

وَ فِيَّهْ صَبِي وَاحِدْ لَاوِي السَّاكِنْ فِي بَيْت لَحَمْ فِي تُرَابْ قَبِيلَةْ يَهُوذَا.

رَعُوث 1:1

فِي وَكِتْ الْحُكَّامْ قُبَّالْ بَنِي إِسْرَائِيلْ مَا عِنْدُهُمْ مَلِكْ، جُوعْ شَدِيدْ جَاءْ فِي بَلَدْ يَهُوذَا وَ فِي شَانْ دَا، رَاجِلْ وَاحِدْ مِنْ حِلَّةْ بَيْت لَحَمْ مَشَى لِبَلَدْ مُوَابْ لِيَسْكُنْ هِنَاكْ. وَ الرَّاجِلْ دَا مَشَى مَعَ مَرْتَهْ وَ أَوْلَادَهْ الْإِتْنَيْن.

إشَعْيا 55:4

وَ دَاهُو أَنَا ثَبَّتَّهْ مِثِلْ شَاهِدْ فِي الْأُمَمْ وَ قَايِدْ الْيُقُودْ الشَّعَبْ.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

زَكَرِيَّا 13:7

دَاهُو كَلَامْ اللّٰهْ الْقَادِرْ: «يَا سَيْف، قُمّ ضِدّ رَاعِيِّ. أَيْوَى، قُمّ ضِدّ قَرِيبِي! أَضْرُبْ الرَّاعِي وَ الْغَنَمْ يِشِتُّوا وَ نَضْرُبْ حَتَّى الدُّقَاقْ كُلَ.

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

مِيخا 4:10

أَتَّنَّيْ مِنْ الْوَجَعْ، يَا صَهْيُون الْمِثِلْ بِنَيَّةْ. أَيْوَى، أَتَّنَّيْ مِثِلْ الْمَرَةْ الْقَاعِدَةْ تِطَالِقْ. أَشَانْ هَسَّعْ، إِنْتِ تَمُرْقِي مِنْ الْمَدِينَةْ وَ تَمْشِي تَسْكُنِي فِي الْكَدَادَةْ وَ تِسَافِرِي لَحَدِّي بَابِلْ. وَ هِنَاكْ إِنْتِ تَنْجَيْ، هِنَاكْ اللّٰهْ يَفْدَاكِ مِنْ إِيدْ عُدْوَانْكِ.