مِيخا 4:9 - الكتاب المقدس بالعربي الدارجي هنا تشاد

⁹ هَسَّعْ، مَالَا تِعَوِّي؟ أَشَانْ مَا فِي مَلِكْ فَوْقكِ وَلَّا؟ وَ مَالَا الْوَجَعْ كَرَبْكِ مِثِلْ الْمَرَةْ الْقَاعِدَةْ تِطَالِقْ؟ أَشَانْ مُسْتَشَارْكِ وَدَّرْ وَلَّا؟

مِيخا 4:9 Referenca të Kryqëzuara

إرْمِيا 8:19

دَاهُو قَاعِدْ نَسْمَعْ أُمَّتِي الْمِثِلْ بِنْت أَمِّي قَاعِدَةْ تِكَوْرِكْ لِلْفَزَعْ فِي كُلَّ الْبَلَدْ. وَ هِي تُقُولْ: «اللّٰهْ مَا قَاعِدْ فِي صَهْيُون وَلَّا؟ وَ صَهْيُون مَا عِنْدَهَا مَلِكْ وَلَّا؟» وَ اللّٰهْ قَالْ: «هُمَّنْ غَضَّبَوْنِي بِأَصْنَامْهُمْ وَ بِإِلٰـهَاتْهُمْ الْأَجْنَبِيِّينْ الزَّايْلِينْ.»

هُوشَع 10:3

وَ هَسَّعْ هُمَّنْ يُقُولُوا: «أَنِحْنَ مَا عِنْدِنَا مَلِكْ أَشَانْ مَا خُفْنَا مِنْ اللّٰهْ. وَ كَنْ عِنْدِنَا مَلِكْ كُلَ، يِسَوِّي لَيْنَا شُنُو؟»

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

مَراثِي إرْمِيا 4:20

الْمَلِكْ الْاللّٰهْ مَسَحَهْ وَ دَرَّجَهْ، هُو مِثِلْ رُوحْنَا وَ قُلْنَا نِعِيشُوا تِحْتَهْ مَعَ الْأُمَمْ. وَ لَاكِنْ الْعَدُو رَمَاهْ فِي الشَّرَكْ وَ كَرَبَهْ.

إرْمِيا 50:43

وَ وَكِتْ مَلِكْ بَابِلْ سِمِعْ الْخَبَرْ، إِيدَيْنَهْ أَنْرَخَوْا. وَ الْخَوْف وَ الْوَجَعْ كَرَبَوْه مِثِلْ الْمَرَةْ الْقَاعِدَةْ تِطَالِقْ.»

إرْمِيا 22:23

يَا الْمَلِكْ، إِنْتَ السَّاكِنْ فِي قَصِرْ لُبْنَانْ وَ فِي بَيْتَكْ الْمِثِلْ عُشّ الْمَبْنِي بِحَطَبْ الْأَرْز. فِي وَكْت التَّعَبْ، إِنْتَ تَقْنِتْ مِثِلْ قَنِيتْ الْمَرَةْ الْقَاعِدَةْ تِطَالِقْ.»

إرْمِيا 4:21

لَحَدِّي مَتَى نِشِيفْ رَايَةْ الْحَرِبْ وَ نَسْمَعْ حِسّ الْبُوقْ؟»

إشَعْيا 26:17

مِثِلْ مَرَةْ الْغَلْبَانَةْ الْقَرَّبَتْ لِلْوَالُودَةْ قَاعِدَةْ تِتَّنَّ وَ تَصْرَخْ مِنْ وَجَعْ الطَّلَقَةْ، دِي بَسْ حَالِتْنَا أَنِحْنَ قِدَّامَكْ إِنْتَ، يَا اللّٰهْ.

إشَعْيا 21:3

وَ بِسَبَبْ دَا، صُلْبِي قَاعِدْ يَرْجِفْ مِنْ التَّعَبْ وَ وَجَعْ شَدِيدْ كَرَبَانِي مِثِلْ وَجَعْ هَنَا الْمَرَةْ الْقَاعِدَةْ تِطَالِقْ. مِنْ شِدَّةْ الْوَجَعْ، مَا نَسْمَعْ وَ مِنْ شِدَّةْ الْخَوْف، مَا نِشِيفْ.

إشَعْيا 13:8

هُمَّنْ يِنْبَهْتُوا وَ يَكْرُبْهُمْ وَجَعْ وَ طَلَقَةْ وَ يِتَّنَّوْا مِثِلْ مَرَةْ الْقَاعِدَةْ تِطَالِقْ. وَ الْوَاحِدْ يِشِيفْ الْآخَرْ كُلُّهُمْ مُنْبَهِتِينْ وَ يِسَلُّلُوا عُيُونْهُمْ مِنْ الْخَوْف.

يُوحَنَّا 16:21

«كَنْ مَرَةْ غَلْبَانَةْ وَ وَكْت الْوَالُودَةْ جَاءْ، هِي تَتْعَبْ تَعَبْ شَدِيدْ. وَ وَكِتْ وِلْدَتْ صَغِيرْهَا خَلَاصْ، هِي فَرْحَانَةْ وَ تَنْسَى التَّعَبْ أَشَانْ جَابَتْ نَادُمْ فِي الدُّنْيَا.

رُؤية 12:2

وَ هِي غَلْبَانَةْ وَ وَجَعْ الطَّلَقَةْ كَرَبَاهَا وَ هِي صَرَخَتْ وَ قَرِيبْ تَلْدَ.

إرْمِيا 48:41

حِلَّةْ قَرْيُوتْ يِشِيلُوهَا وَ بَكَانَاتْهَا الْقَوِيِّينْ يَكُرْبُوهُمْ. وَ فِي الْيَوْم دَا، قَلِبْ عَسْكَرْ مُوَابْ يَبْقَى مِثِلْ قَلِبْ الْمَرَةْ الْقَاعِدَةْ تِطَالِقْ.

هُوشَع 13:13

وَ وَجَعْ يَجِي لَيْهُمْ مِثِلْ وَجَعْ الطَّلَقَةْ. وَ هُمَّنْ مِثِلْ وِلَيْد الْمَا عِنْدَهْ حِكْمَةْ. فِي وَكِتْ الْوَالُودَةْ، مَا يَمْرُقْ مِنْ بَطُنْ أَمَّهْ!

مِيخا 5:3

وَ اللّٰهْ يِخَلِّي شَعَبَهْ لِوَكِتْ شِيَّةْ لَحَدِّي الْمَرَةْ الْغَلْبَانَةْ تَلْدَ وِلَيْدهَا. وَ أَخْوَانَّا الْفَضَّلَوْا فِي الْغُرْبَةْ يِقَبُّلُوا مِنْ هِنَاكْ وَ يِلِمُّوا مَعَ بَنِي إِسْرَائِيلْ.

إرْمِيا 4:31

أَنَا نَسْمَعْ بَكِي مِثِلْ شَكْوَةْ هَنَا مَرَةْ التِّطَالِقْ، مِثِلْ صِرَاخْ أَمْ بِكَيْرِيَّةْ التَّلْدَ. وَ دِي صَهْيُون الْمِثِلْ بِنَيَّةْ، تَصْرَخْ وَ تِنَاهِجْ وَ تِمِدّ إِيدَيْنهَا لِلْفَزَعْ. وَ تُقُولْ: «يَا خَسَارْتِي! أَنَا وَقَعْت مَيْتَةْ قِدَّامْ الْكَتَّالِينْ.»

إرْمِيا 30:10

«وَ إِنْتُو، يَا ذُرِّيَّةْ عَبْدِي يَعْقُوبْ، مَا تَخَافَوْا وَ مَا تِنْبَهْتُوا، يَا بَنِي إِسْرَائِيلْ! أَكِيدْ أَنَا نِنَجِّيكُو مِنْ الْبَلَدْ الْبَعِيدَةْ وَ نِجِيبْ ذُرِّيِّتْكُو مِنْ بَلَدْ الْغُرْبَةْ. ذُرِّيَّةْ يَعْقُوبْ يَجُوا وَ يَقْعُدُوا بِرَاحَةْ وَ أَمَانْ وَ أَكِيدْ مَا فِي نَادُمْ يِبَشْتِنْهُمْ. وَ دَا كَلَامْ اللّٰهْ.