مِيخا 4:5 - الكتاب المقدس بالعربي الدارجي هنا تشاد

⁵ كُلَّ الشُّعُوبْ دَوْل يِتَابُعُوا إِلٰـهَاتْهُمْ. وَ أَنِحْنَ كَمَانْ نِتَابُعُوا اللّٰهْ إِلٰـهْنَا دَايْماً وَ إِلَى الْأَبَدْ.

مِيخا 4:5 Referenca të Kryqëzuara

زَكَرِيَّا 10:12

نِشَدِّدْ شَعَبِي بِقُدُرْتِي أَنَا اللّٰهْ وَ بِأُسْمِي، يِعِيشُوا وَ يَعَبُدُونِي.» وَ دَا كَلَامْ اللّٰهْ.

كُلُوسِي 3:17

وَ كُلَّ شَيّءْ التِّسَوُّوهْ، كَنْ بِكَلَامْ وَلَّا بِفِعِلْ، سَوُّوهْ بِأُسُمْ الرَّبّ عِيسَى وَ بِأُسْمَهْ أَشْكُرُوا اللّٰهْ أَبُوكُو.

يَشُوع 24:15

وَ لَاكِنْ كَنْ مَا تِدَوْرُوا تَعَبُدُوا اللّٰهْ، أَعَزُلُوا الْيَوْم الْإِلٰـهْ التِّدَوْرُوا تَعَبُدُوهْ. مُمْكِنْ تِشِيلُوا إِلٰـهَاتْ الْعَبَدَوْهُمْ جُدُودْكُو غَادِي لِبَحَرْ الْفُرَاتْ، وَلَّا تِشِيلُوا إِلٰـهَاتْ الْأَمُورِيِّينْ مِنْ الْبَلَدْ الْإِنْتُو سَاكْنِينْ فَوْقهَا. وَ لَاكِنْ أَنَا وَ عَايِلْتِي كَمَانْ، أَنِحْنَ نَعَبُدُوا اللّٰهْ!»

إشَعْيا 2:5

يَا ذُرِّيَّةْ يَعْقُوبْ، تَعَالُوا نُرُوغُوا فِي نُورْ اللّٰهْ.

زَبُور 48:14

أَشَانْ الرَّبّ دَا، هُو إِلٰـهْنَا دَايْماً وَ إِلَى الْأَبَدْ. هُو يُقُودْنَا لَحَدِّي الْمَوْت.

كُلُوسِي 2:6

أَشَانْ دَا، نُقُولْ لَيْكُو أَوَّلْ إِنْتُو سِمِعْتُوا كَدَرْ الْمَسِيحْ عِيسَى هُو بَسْ الرَّبّ وَ آمَنْتُوا بَيَّهْ وَ خَلَاصْ وَاجِبْ تِتَابُعُوا دَرْبَهْ تَمَامْ.

إشَعْيا 26:8

أَيْوَى فِي طَرِيقْ عَدَالْتَكْ، نُخُطُّوا عَشَمْنَا فَوْقَكْ، يَا اللّٰهْ! أَنِحْنَ مُشْتَاقِينْ لِنِنَادُوا أُسْمَكْ وَ نِذَّكَّرَوْك.

2 مُلوك 17:34

وَ لَحَدِّي الْيَوْم كُلَ، هُمَّنْ قَاعِدِينْ يِتَابُعُوا الْعَادَاتْ الْقَدِيمِينْ. هُمَّنْ مَا خَايْفِينْ مِنْ اللّٰهْ وَ مَا قَاعِدِينْ يِطَبُّقُوا الشُّرُوطْ وَ الْقَوَانِينْ وَ كِتَابْ التَّوْرَاةْ وَ الْوَصَايَا الْأَنْطَاهُمْ اللّٰهْ لِذُرِّيَّةْ يَعْقُوبْ. وَ دَا يَعْقُوبْ الْاللّٰهْ سَمَّاهْ إِسْرَائِيلْ.

2 مُلوك 17:29

وَ لَاكِنْ بَيْدَا كُلَ، أَيِّ أُمَّةْ سَوَّتْ لَيْهَا صَنَمْ وَ خَطَّتَهْ فِي الْبَكَانَاتْ الْعَالِيِينْ الْبَنَوْهُمْ نَاسْ السَّامِرَةْ لِلْعِبَادَةْ. وَ أَيِّ أُمَّةْ سَوَّتْ مِثِلْ دَا فِي الْحِلَّالْ السَّاكْنِينْ فَوْقهُمْ.

تكوين 17:1

وَكِتْ أَبْرَامْ عِنْدَهْ 99 سَنَةْ، اللّٰهْ بَانْ لَيَّهْ وَ قَالْ: «أَنَا اللّٰهْ الْقَادِرْ. تَابِعْ كَلَامِي وَ أَبْقَى دَايْماً صَالِحْ.

زَبُور 71:16

يَا اللّٰهْ الرَّبّ! أَنَا نَجِي وَ نِخَبِّرْ بِأَعْمَالَكْ الْقَوِيِّينْ وَ نِذَّكَّرْ عَدَالْتَكْ إِنْتَ بَسْ.

أعمال الرُسُل 14:16

فِي الزَّمَنْ الْفَاتْ، اللّٰهْ خَلَّى كُلَّ الْقَبَايِلْ يِعِيشُوا مِثِلْ هُمَّنْ يِدَوْرُوا.

إشَعْيا 26:13

يَا اللّٰهْ إِلٰـهْنَا، سِيَادْ آخَرِينْ بَلَاكْ إِنْتَ مَلَكَوْا فَوْقنَا لَاكِنْ أُسْمَكْ إِنْتَ وِحَيْدَكْ بَسْ، أَنِحْنَ نَذْكُرُوهْ.

تَثْنِية 27:10

وَ أَسْمَعَوْا كَلَامْ اللّٰهْ إِلٰـهْكُو وَ طَبُّقُوا وَصِيَّاتَهْ وَ شُرُوطَهْ النَّامُرْكُو بَيْهُمْ الْيَوْم.»

زَبُور 20:6

وَ هَسَّعْ نَعَرِفْ كَدَرْ اللّٰهْ يِنَجِّي الْمَلِكْ الْهُو مَسَحَهْ وَ دَرَّجَهْ وَ يُرُدّ لَيَّهْ مِنْ بَكَانَهْ الْمُقَدَّسْ فِي السَّمَاوَاتْ بِفَزَعْ زَيْنَايْتَهْ الْقَوِيَّةْ.

إرْمِيا 32:40

وَ أَنَا نِسَوِّي مَعَاهُمْ مُعَاهَدَةْ دَايْمَةْ. مَا نِخَلِّيهُمْ وَ نِسَوِّي لَيْهُمْ الْخَيْر. وَ نَمْلَا قُلُوبْهُمْ بِخَوْف مِنِّي أَشَانْ مَا يِخَلُّوا دَرْبِي.