مِيخا 4:11 - الكتاب المقدس بالعربي الدارجي هنا تشاد

¹¹ وَ هَسَّعْ، عَسْكَرْ هَنَا أُمَمْ كَتِيرِينْ لَمَّوْا وَ قَمَّوْا ضِدِّكِ. هُمَّنْ بُقُولُوا: «خَلِّي تَقْعُدْ فِي النَّجَاسَةْ. وَ خَلِّي عُيُونَّا يِشِيفُوا دَمَارْ صَهْيُون!»

مِيخا 4:11 Referenca të Kryqëzuara

عُبَدْيا 1:12

مَا وَاجِبْ تَفْرَحَوْا فِي يَوْم دَمَارْ أَخْوَانْكُو، فِي يَوْم مَصِيبِتْهُمْ. وَ مَا وَاجِبْ تَفْرَحَوْا بِسَبَبْ بَنِي يَهُوذَا فِي يَوْم أَدَّمَّرَوْا. وَ مَا وَاجِبْ تَطُلْقُوا لِسَانْكُو فِي يَوْم ضِيقِتْهُمْ.

مِيخا 7:10

وَ عُدْوَانِي يِشِيفُوا نَجَاتِي وَ الْعَيْب يِغَطِّيهُمْ أَشَانْ هُمَّنْ قَالَوْا لَيِّ: «وَيْن اللّٰهْ إِلٰـهَكْ؟» وَ فِي شَانْ دَا، نِشِيفْهُمْ بِعُيُونِي وَ يَقَعَوْا وَ يِفَجُّقُوهُمْ مِثِلْ طِينَةْ فِي الشَّارِعْ.

إرْمِيا 52:4

وَ فِي شَانْ دَا، فِي الْيَوْم الْعَاشِرْ هَنَا الشَّهَرْ الْعَاشِرْ فِي السَّنَةْ التَّاسْعَةْ هَنَا حُكُمْ صِدْقِيَّا، نَبُوخَدْنَصَرْ مَلِكْ بَابِلْ جَاءْ بِكُلَّ عَسْكَرَهْ لِمَدِينَةْ الْقُدُسْ. وَ هُمَّنْ نَزَلَوْا وَ حَوَّقَوْهَا بِرَدْمِيَّةْ.

زَبُور 129:5

هُو يِعَيِّبْ كُلَّ النَّاسْ الْيَكْرَهَوْا صَهْيُون وَ يِقَبِّلْهُمْ وَرَاءْ.

إشَعْيا 10:7

وَ لَاكِنْ هُو مَا يَفْهَمْ مِثِلْ دَا وَ قَلْبَهْ كُلَ مَا يِفَكِّرْ مِثِلْ دَا. أَشَانْ فِي قَلْبَهْ إِلَّا الدَّمَارْ وَ كَتِلْ الْأُمَمْ بِكَتَرَةْ.

إشَعْيا 17:12

الْعَذَابْ! دَاهُو الْحِسّ الشَّدِيدْ هَنَا شُعُوبْ الْمَا عِنْدُهُمْ عَدَدْ. حَرَكَتْهُمْ شَدِيدَةْ مِثِلْ حَرَكَةْ الْبَحَرْ وَ حِسُّهُمْ شَدِيدْ مِثِلْ حِسّ أَلْمِي السَّيْل.

إشَعْيا 29:7

وَ مِثِلْ حِلِمْ وَلَّا رُؤْيَةْ بِاللَّيْل، الدَّيْش مِنْ الْأُمَمْ الْهَجَمَوْا مَدِينَةْ أَرِيِيلْ يِوَدُّرُوا. أَيْوَى، دَوْل كُلَّ النَّاسْ الْحَارَبَوْهَا وَ حَاصَرَوْا دَرَادِرْهَا وَ ضَايَقَوْهَا.

حِزْقِيال 26:3

وَ فِي شَانْ دَا، دَاهُو اللّٰهْ الرَّبّ قَالْ: «يَا مَدِينَةْ صُورْ! دَاهُو أَنَا نُقُمّ ضِدِّكِ وَ نِقَوِّمْ ضِدِّكِ أُمَمْ كَتِيرِينْ مِثِلْ الْبَحَرْ وَكِتْ يِقَوِّمْ مَوْجَهْ.

زَبُور 83:5

أَيْوَى، هُمَّنْ أَشَّاوَرَوْا كُلُّهُمْ وَ أَسْتَفَقَوْا ضِدَّكْ.

حِزْقِيال 38:17

دَاهُو اللّٰهْ الرَّبّ قَالْ: «زَمَانْ، أَنَا حَجَّيْت بَيْك بِوَاسِطَةْ عَبِيدِي أَنْبِيَاء بَنِي إِسْرَائِيلْ الْأَتْنَبَّأَوْا فِي الْوَكِتْ دَاكْ مُدَّةْ سِنِينْ. وَ إِنْتَ بَسْ الْأَنَا نِجِيبَكْ ضِدُّهُمْ.

زَكَرِيَّا 12:3

وَ فِي الْيَوْم دَا، أَنَا نُخُطّ مَدِينَةْ الْقُدُسْ قِدَّامْ كُلَّ الشُّعُوبْ مِثِلْ حَجَرْ كَبِيرْ الْأَبَداً مَا يَقْدَرَوْا يَرْفَعَوْه. وَ أَيِّ نَادُمْ الْيِحَاوِلْ يَرْفَعَهْ، يِنْجَرِحْ. وَ كُلَّ أُمَمْ الْأَرْض يِلِمُّوا وَ يُقُمُّوا ضِدّ الْحَجَرْ دَا.