مِيخا 3:8 - الكتاب المقدس بالعربي الدارجي هنا تشاد

⁸ وَ لَاكِنْ أَنَا مَلَانْ بِقُدْرَةْ أَشَانْ رُوحْ اللّٰهْ نَزَلْ فَوْقِي. وَ عِنْدِي الْعَدَالَةْ وَ الْفَحَالِيَّةْ لِنِخَبِّرْ ذُرِّيَّةْ يَعْقُوبْ بِعِصْيَانْهُمْ وَ بَنِي إِسْرَائِيلْ بِذَنِبْهُمْ.

مِيخا 3:8 Referenca të Kryqëzuara

إشَعْيا 58:1

«نَادِي بِطُولْ حِسَّكْ! مَا تَسْكُتْ! أَرْفَعْ حِسَّكْ مِثِلْ الْبُوقْ! وَ خَبِّرْ شَعَبِي بِعِصْيَانْهُمْ أَيْوَى، خَبِّرْ ذُرِّيَّةْ يَعْقُوبْ بِذُنُوبْهُمْ!

1 كُرُنْتُس 2:4

وَ كَلَّمْت لَيْكُو بِتَعْلِيمْ هَيِّنْ وَ مَا جِبْتُكُو فِي الدَّرِبْ بِكَلَامْ الْيِرَضِّيكُو وَ لَا بِحِكْمَةْ إِنْسَانِي وَ لَاكِنْ كَلَّمْت لَيْكُو بِكَلَامْ الْعِنْدَهْ قُدْرَةْ الْجَايِ مِنْ الرُّوحْ الْقُدُّوسْ.

حِزْقِيال 43:10

«وَ إِنْتَ، يَا إِبْن آدَمْ، خَبِّرْ بَنِي إِسْرَائِيلْ بِرُؤْيَةْ الْبَيْت الْمُقَدَّسْ. وَ خَلِّي الْعَيْب يَكْرُبْهُمْ بِسَبَبْ خَطَاهُمْ وَ يِفَكُّرُوا عَدِيلْ فِي بُنَى الْبَيْت دَا.

حِزْقِيال 16:2

«يَا إِبْن آدَمْ، عَرِّفْ لِمَدِينَةْ الْقُدُسْ الْمُحَرَّمَاتْ الْهِي سَوَّتْهُمْ.

أيُّوب 32:18

أَشَانْ أَنَا مَلَانْ بِكَلَامْ وَ رُوحْ فِي دَاخِلِي تَجْبُرْنِي لِنِكَلِّمْ.

مَتَّى 7:29

أَشَانْ هُو عَلَّمَاهُمْ بِالْقُدْرَةْ الْاللّٰهْ أَنْطَاهَا لَيَّهْ وَ مَا مِثِلْ كَلَامْ عُلَمَاهُمْ.

حِزْقِيال 22:2

«يَا إِبْن آدَمْ، مَالَا مَا تِحَاكِمْهَا؟ أَيْوَى، حَاكِمْ الْمَدِينَةْ الْمَلَانَةْ بِالدَّمّ وَ عَرِّفْهَا كُلَّ مُحَرَّمَاتْهَا.

حِزْقِيال 20:4

«يَا إِبْن آدَمْ، مَالَا مَا تِحَاكِمْهُمْ؟ أَيْوَى، حَاكِمْهُمْ وَ عَرِّفْهُمْ مُحَرَّمَاتْ جُدُودْهُمْ.

حِزْقِيال 3:14

وَ الرُّوحْ رَفَعَانِي فَوْق وَ وَدَّانِي وَ أَنَا مَشَيْت بِغَضَبْ شَدِيدْ فِي نَفْسِي. وَ قُدْرَةْ اللّٰهْ قَاعِدَةْ فَوْقِي بِشِدَّةْ.

إرْمِيا 20:9

وَ كَنْ نُقُولْ فِي نَفْسِي مَا نِفَكِّرْ لِلّٰهْ وَ لَا نِحَجِّي بَتَّانْ بِكَلَامَهْ الْأَمَرَانِي بَيَّهْ، خَلَاصْ دَا يَبْقَى لَيِّ مِثِلْ نَارْ تَحْرِقْنِي فِي دَاخِلِي وَ مِثِلْ جَمُرْ فِي عُضَامِي. وَ دَا فَاتَانِي، مَا نَقْدَرْ نَحْمَلَهْ.

إرْمِيا 1:18

وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا.

إرْمِيا 6:11

وَ هَسَّعْ، أَنَا أَنْمَلَيْت بِغَضَبْ اللّٰهْ وَ عِيِيتْ مَا نَقْدَرْ نَحْمَلَهْ.» وَ اللّٰهْ قَالْ: «خَلِّي غَضَبِي يَنْزِلْ فِي الْعِيَالْ الْفِي الشَّوَارِعْ وَ فِي كُلَّ مَجْمُوعَةْ الشَّبَابْ. وَ الرُّجَالْ وَ الْعَوِينْ يِنْكَرْبُوا وَ النَّاسْ الْكُبَارْ وَ الشِّيَّابْ كُلَ.

مَرْخُوس 3:17

وَ يَعْقُوبْ وِلَيْد زَبَدِي وَ يُوحَنَّا أَخُو يَعْقُوبْ وَ عِيسَى سَمَّى أَوْلَادْ زَبَدِي دَوْل بُوَانْ أَرْجِسْ مَعَنَاتَهْ أَوْلَادْ الدَّقْدَاقْ.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

إشَعْيا 61:2

أَنَا نَعْلِنْ سَنِةْ نِعْمَةْ اللّٰهْ وَ يَوْم التَّارْ هَنَا إِلٰـهْنَا. وَ دَا، لِنِصَبِّرْ كُلَّ الْحَزْنَانِينْ.

مَراثِي إرْمِيا 2:14

بِرُؤْيَةْ سَاكِتْ، أَنْبِيَائْكِ حَجَّوْكِ وَ مَا أَوْرَوْكِ بِالْخَطَا الْإِنْتِ سَوَّيْتِيهْ أَشَانْ تُتُوبِي وَ مَا يِوَدُّوكِ فِي الْغُرْبَةْ. بِرُؤْيَةْ، حَجَّوْكِ وَ بِكَلَامْ كِدِبْ، غَشَّوْكِ.

حِزْقِيال 23:36

وَ اللّٰهْ قَالْ لَيِّ: «يَا إِبْن آدَمْ، مَالَا مَا تِحَاكِمْ أُهُولَةْ وَ أُهُولِيبَةْ؟ أَيْوَى، حَاكِمْهِنْ وَ عَرِّفْهِنْ بِمُحَرَّمَاتْهِنْ.