مِيخا 3:6 - الكتاب المقدس بالعربي الدارجي هنا تشاد

⁶ وَ فِي شَانْ دَا، إِنْتُو الْأَنْبِيَاء، يَبْقَى لَيْكُو لَيْل بَلَا رُؤْيَةْ. وَ يَبْقَى لَيْكُو ضَلَامْ، مَا تَقْدَرَوْا تِشَوُّفُوا. وَ الْحَرَّايْ تَقَعْ لَيْكُو، يَا الْأَنْبِيَاء، وَ الْيَوْم يِضَلِّمْ لَيْكُو.»

مِيخا 3:6 Referenca të Kryqëzuara

إشَعْيا 29:10

أَشَانْ اللّٰهْ نَزَّلْ فَوْقكُو رُوحْ هَنَا نَوْم. هُو سَدَّ عُيُونْ أَنْبِيَائْكُو وَ غَطَّى وُجُوهْ نَاسْكُو الْيِشِيفُوا رُؤْيَةْ.

إشَعْيا 59:10

نِدَّقَّشَوْا مِثِلْ عَمْيَانِينْ فِي الدَّرَادِرْ أَيْوَى، نِدَّقَّشَوْا مِثِلْ الْمَا عِنْدُهُمْ عُيُونْ. وَ قَايْلَةْ بَسْ، نِتَّرْتَعَوْا مِثِلْ فِي اللَّيْل وَ فِي لُبّ النَّاسْ الطَّيْبِينْ، بِقِينَا مِثِلْ الْمَيْتِينْ.

إرْمِيا 15:9

وَ أَمّ السَّبْعَةْ أَوْلَادْ تَحْزَنْ وَ نَفَسْهَا يِنْقَطِعْ. نَهَارْهَا يَبْقَى لَيْهَا لَيْل وَ عَشَمْهَا يِنْقَطِعْ وَ تِدَنْقِرْ رَاسْهَا. وَ الْفَضَّلَوْا مِنْهُمْ نِسَلِّمْهُمْ لِسَيْف عُدْوَانْهُمْ.» وَ دَا كَلَامْ اللّٰهْ.

إرْمِيا 13:16

مَجُّدُوا اللّٰهْ إِلٰـهْكُو قَبُلْ مَا يِرَسِّلْ لَيْكُو الضَّلَامْ وَ قَبُلْ رِجْلَيْكُو مَا يِتَّرْتَعَوْا فِي الْجِبَالْ الْغَطَّاهُمْ الضَّلَامْ. إِنْتُو تَرْجَوْا النُّورْ بِعَشَمْ وَ لَاكِنْ هُو يِبَدِّلَهْ بِالضَّلَامْ الْهَالِكْ وَ يِسَوِّيكُو مِثِلْ قَاعِدِينْ فِي لُبّ سَحَابَايْ زَرْقَةْ.

زَبُور 74:9

أَنِحْنَ مَا شِفْنَا بَتَّانْ عَلَامَاتْ الرَّبّ وَ مَا فِي أَنْبِيَاء. وَ فِي أُسُطْنَا، مَا فِي نَادُمْ الْيَعَرِفْ الشَّيّءْ دَا يَقْعُدْ لِمَتَى.

حِزْقِيال 7:26

وَ تَجِي مَصِيبَةْ وَرَاءْ مَصِيبَةْ وَ خَبَرْ شَيْن وَرَاءْ خَبَرْ شَيْن. كَنْ يِفَتُّشُوا رُؤْيَةْ مِنْ نَبِي كُلَ، مَا يَلْقَوْهَا وَ رَاجِلْ الدِّينْ مَا يِعَلِّمْ شُرُوطْ التَّوْرَاةْ وَ الشُّيُوخْ كُلَ مَا عِنْدُهُمْ شَوْرَةْ.

عَمُوس 8:11

وَ دَاهُو كَلَامْ اللّٰهْ الرَّبّ: «يَجِي يَوْم وَاحِدْ الْفَوْقَهْ نِجِيبْ الْجُوعْ فِي كُلَّ الْبَلَدْ. وَ دَا مَا جُوعْ هَنَا أَكِلْ وَ لَا عَطَشْ لِلْأَلْمِي لَاكِنْ دَا جُوعْ وَ عَطَشْ لِكَلَامِي أَنَا اللّٰهْ.

مِيخا 2:6

وَ نَاسْ وَاحِدِينْ قَالَوْا لَيِّ: «مَا تِتْنَبَّأْ مِثِلْ دَا! مَا تُقُولْ كَدَرْ نَلْقَوْا الْعَيْب. لَا! وَدِّرِينْ الشَّرَفْ مَا يَبْقَى.»

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

حِزْقِيال 13:9

وَ أَنَا نَرْفَعْ إِيدِي ضِدّ الْأَنْبِيَاء الْيِشِيفُوا رُؤْيَةْ سَاكِتْ وَ يِشَوُّفُوا بِكِدِبْ. هُمَّنْ دَوْل مَا يَحْضَرَوْا فِي مَلَمَّةْ شَعَبِي وَ أَسَامَيْهُمْ مَا يِسَّجَّلَوْا فِي كِتَابْ بَنِي إِسْرَائِيلْ وَ هُمَّنْ مَا يِقَبُّلُوا فِي بَلَدْ إِسْرَائِيلْ. وَ بَيْدَا، تَعَرْفُوا كَدَرْ أَنَا بَسْ اللّٰهْ الرَّبّ.