مِيخا 3:1 - الكتاب المقدس بالعربي الدارجي هنا تشاد

¹ وَ أَنَا مِيخَا قُلْت: «أَسْمَعَوْا، يَا كُبَارَاتْ ذُرِّيَّةْ يَعْقُوبْ وَ حُكَّامْ بَنِي إِسْرَائِيلْ. مَا إِنْتُو بَسْ الْوَاجِبْ تَعَرْفُوا الْعَدَالَةْ وَلَّا؟

مِيخا 3:1 Referenca të Kryqëzuara

هُوشَع 5:1

«يَا رُجَالْ الدِّينْ، أَسْمَعَوْا الْكَلَامْ دَا! يَا بَنِي إِسْرَائِيلْ، خُطُّوا بَالْكُو! يَا نَاسْ بَيْت الْمَلِكْ، خُطُّوا أَدَانْكُو! الشَّرِيعَةْ دِي مُوَجِّهَةْ لَيْكُو إِنْتُو أَشَانْ فِي مِصْفَةْ، كَجَّيْتُوا شَرَكْ لِشَعَبِي وَ فِي جَبَلْ تَابُورْ، خَطَّيْتُوا لَيْهُمْ أَمْ كَجَّامَةْ.

إشَعْيا 1:10

يَا بَنِي يَهُوذَا، قُيَّادْكُو فَسْلِينْ مِثِلْ قُيَّادْ سَدُومْ. أَسْمَعَوْا كَلَامْ اللّٰهْ الْيُقُولَهْ لَيْكُو! يَا بَنِي يَهُوذَا، شَعَبْكُو فَسْلِينْ مِثِلْ نَاسْ عَمُورَةْ. خُطُّوا أَدَانْكُو لِوَصَايَا إِلٰـهْنَا!

1 كُرُنْتُس 6:5

وَ دَا عَيْب فَوْقكُو. مَا فِي نَادُمْ مِنْكُو عِنْدَهْ حِكْمَةْ أَشَانْ يَحْكِمْ أَمْبَيْنَاتْ أَخْوَانَهْ وَلَّا؟

عَمُوس 4:1

أَسْمَعَنْ، يَا الْعَوِينْ الْقَاعِدَاتْ فِي جِبَالْ مَدِينَةْ السَّامِرَةْ! إِنْتَنْ مِثِلْ بَقَرْ الْيَسْرَحَوْا فِي مَرْعَى بَاشَانْ. إِنْتَنْ تَظُلْمَنْ الْمَسَاكِينْ وَ تِتَعِّبَنْ الْفَقْرَانِينْ. وَ تَامُرَنْ سِيَادْ بُيُوتْكَنْ وَ تُقُولَنْ: «جِيبْ لَيِّ نَشْرَبْ!»

زَبُور 14:4

الْيِسَوُّوا الظُّلُمْ مَا عِنْدُهُمْ الْمَعْرَفَةْ وَلَّا؟ هُمَّنْ يَاكُلُوا شَعَبِي مِثِلْ يَاكُلُوا الْخُبْزَةْ وَ مَا يَشْحَدَوْا اللّٰهْ.

تَثْنِية 16:18

وَ خُطُّوا لَيْكُو قُضْيَاءْ وَ مُرَاقِبِينْ فِي كُلَّ الْمُدُنْ الْيَنْطِيهُمْ لَيْكُو اللّٰهْ إِلٰـهْكُو حَسَبْ قَبَايِلْكُو، لِيَحْكُمُوا بَيْن الشَّعَبْ بِالْحَقّ.

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

حِزْقِيال 34:2

«يَا إِبْن آدَمْ، أَتْنَبَّأْ ضِدّ رُعْيَانْ إِسْرَائِيلْ. أَتْنَبَّأْ وَ قُولْ لِلرُّعْيَانْ دَوْل: ‹دَاهُو اللّٰهْ الرَّبّ قَالْ: ”الْعَذَابْ لَيْكُو إِنْتُو، يَا رُعْيَانْ إِسْرَائِيلْ التَّسْرَحَوْا بِنُفُوسْكُو بَسْ! الرُّعْيَانْ مَا وَاجِبْ يَسْرَحَوْا بِالْغَنَمْ وَلَّا؟

مِيخا 2:13

وَ الْيُفُكّ لَيْكُو الْخُرْمَةْ يَمْشِي قِدَّامْكُو. إِنْتُو تُفُكُّوا الْخُرْمَةْ وَ تُفُوتُوا بِالْبَابْ وَ تَمُرْقُوا بَيَّهْ. وَ مَلِكُّو يَمْشِي قِدَّامْكُو. أَيْوَى، أَنَا اللّٰهْ عَلَيْ رَاسْكُو.»

نَحَمْيا 13:17

وَ أَنَا هَرَجْت كُبَارَاتْ يَهُوذَا وَ قُلْت لَيْهُمْ: «شُنُو الْفَسَالَةْ الْقَاعِدِينْ تِسَوُّوهَا دِي؟ مَالَا مَا تِحْتَرُمُوا يَوْم السَّبْت؟

إشَعْيا 10:2

هُمَّنْ يَدْحَرَوْا الْمِسْكِينْ مِنْ الشَّرِيعَةْ وَ يَقْلَعَوْا الْحَقّ مِنْ فَقْرَانْ شَعَبِي. وَ يَكْسَبَوْا الْأَرَامِلْ وَ يَنْهَبَوْا الْأَتَامَا.

حِزْقِيال 22:6

«‹”يَا مَدِينَةْ الْقُدُسْ، دَاهُو مُلُوكْ بَنِي إِسْرَائِيلْ الْفِي لُبِّكِ، أَيِّ وَاحِدْ يَكْتُلْ دِمَّةْ حَسَبْ قُدُرْتَهْ.

حِزْقِيال 34:3

إِنْتُو تَشَرْبَوْا لَبَنْ الْغَنَمْ وَ تَلْبَسَوْا صُوفْهُمْ وَ تَدْبَحَوْا الْغَنَمْ السُّمَانْ. وَ لَاكِنْ بَيْدَا كُلَ، مَا سَرَحْتُوا بَيْهُمْ.

عَمُوس 6:1

الْعَذَابْ لَيْكُو إِنْتُو الْقَاعِدِينْ مُرْتَاحِينْ فِي جَبَلْ صَهْيُون وَ الْقَاعِدِينْ بِأَمَانْ فِي جَبَلْ السَّامِرَةْ. إِنْتُو تَحْسُبُوا نُفُوسْكُو أَحْسَنْ نَاسْ فِي أَحْسَنْ أُمَّةْ وَ كُلَّ بَنِي إِسْرَائِيلْ يَجُوا لَيْكُو إِنْتُو.