مِيخا 2:9 - الكتاب المقدس بالعربي الدارجي هنا تشاد

⁹ وَ لِعَوِينْ شَعَبِي، تَطُرْدُوهِنْ أَيِّ وَاحِدَةْ مِنْ بَيْتهَا التِّرِيدَهْ. وَ أَيِّ وَكِتْ، تَقْلَعَوْا مِنْ عِيَالْهِنْ الشَّرَفْ الْاللّٰهْ أَنْطَاهُمْ.

مِيخا 2:9 Referenca të Kryqëzuara

حَبَقُوق 2:14

أَشَانْ الْأَرْض تِنْمَلِي بِمَعْرَفَةْ مَجْد اللّٰهْ مِثِلْ الْبَحَرْ يِنْمَلِي بِأَلْمِي.

حِزْقِيال 39:21

«وَ نُخُطّ مَجْدِي فِي أُسْط الْأُمَمْ وَ كُلَّ الْأُمَمْ يِشِيفُوا الْعِقَابْ النِّسَوِّيهْ وَ الْإِيدْ النَّرْفَعْهَا ضِدُّهُمْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

2 كُرُنْتُس 3:18

وَ أَنِحْنَ مَا عِنْدِنَا مِنْدِيلْ الْيِغَطِّي وُجُوهْنَا. وَ كُلِّنَا قَاعِدِينْ نِشِيفُوا نُورْ اللّٰهْ الْمَجِيدْ. وَ النُّورْ دَا يِبِينْ فَوْقنَا وَاضِحْ. وَ النُّورْ الْمَجِيدْ دَا يَجِي مِنْ رُوحْ اللّٰهْ الْقَاعِدْ يِغَيِّرْنَا زِيَادَةْ لَحَدِّي صُورِتْنَا تَبْقَى مِثِلْ صُورَةْ اللّٰهْ الْمَجِيدَةْ.

لُوقا 20:47

وَ لَاكِنْ هُمَّنْ يَاكُلُوا بُيُوتْ الْأَرَامِلْ وَ يُقُمُّوا يِصَلُّوا صَلَاةْ طَوِيلَةْ أَشَانْ النَّاسْ يِشِيفُوهُمْ. وَ خَلَاصْ الْعَذَابْ الْيَرْجَاهُمْ يَبْقَى شَدِيدْ زِيَادَةْ.»

مَرْخُوس 12:40

وَ لَاكِنْ هُمَّنْ يَاكُلُوا بُيُوتْ الْأَرَامِلْ وَ يُقُمُّوا يِصَلُّوا صَلَاةْ طَوِيلَةْ أَشَانْ النَّاسْ يِشِيفُوهُمْ. وَ أَشَانْ دَا، الْعَذَابْ الْيَرْجَاهُمْ يَبْقَى شَدِيدْ زِيَادَةْ.»

مَتَّى 23:13

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تِسِدُّوا بَابْ مَمْلَكَةْ اللّٰهْ مِنْ النَّاسْ. وَ إِنْتُو ذَاتْكُو مَا تِنْدَسَّوْا وَ النَّاسْ الْيِدَوْرُوا يِنْدَسَّوْا إِنْتُو تَدْحَرَوْهُمْ مِنَّهْ.

زَكَرِيَّا 2:5

وَ دَاهُو كَلَامْ اللّٰهْ: ‹أَنَا ذَاتِي نُكُونْ لَيْهَا دُرْدُرْ هَنَا نَارْ مُحَوِّقْهَا. وَ فِي أُسُطْهَا، نُكُونْ مَجْدَهَا.›»

مِيخا 2:2

هُمَّنْ يَطْمَعَوْا فِي زِرَاعَةْ الْآخَرِينْ وَ يَقْلَعَوْهُمْ وَ يِتْمَنَّوْا الْبُيُوتْ وَ يِشِيلُوهُمْ. يَظُلْمُوا النَّاسْ وَ عَايِلَاتْهُمْ وَ رُجَالْ وَ وَرَثَتْهُمْ.

يُوِيل 3:6

وَ إِنْتُو بِعْتُوا نَاسْ يَهُوذَا وَ مَدِينَةْ الْقُدُسْ لِلْيُونَانِيِّينْ أَشَانْ تِبَعُّدُوهُمْ مِنْ بَلَدْهُمْ.

إرْمِيا 10:20

وَ خِيَمْنَا أَشَّلَّعَوْا وَ كُلَّ حُبَالْهُمْ أَلْقَطَّعَوْا. وَ عِيَالْنَا فَاتَوْا وَ بِقَوْا مَا فِيهُمْ. وَ مَا فِي نَادُمْ الْيِسَاعِدْنَا نَبْنُوا خِيَمْنَا وَ نَعَمُرُوا فَرِيقْنَا.»

زَبُور 72:19

بَارَكْ اللّٰهْ الْأُسْمَهْ مَجِيدْ إِلَى الْأَبَدْ وَ خَلِّي كُلَّ الْأَرْض تِنْمَلِي بِمَجْدَهْ. آمِينْ! آمِينْ!

1 صَمُوِيل 26:19

وَ هَسَّعْ دَا، مِنْ فَضْلَكْ يَا سِيدِي، أَسْمَعْ كَلَامِي أَنَا عَبْدَكْ. كَنْ اللّٰهْ بَسْ لَزَّاكْ أَشَانْ تِطَارِدْنِي، وَاجِبْ أَنَا نِقَدِّمْ لَيَّهْ ضَحِيَّةْ. لَاكِنْ كَنْ مِنْ نَاسْ بَسْ، خَلِّي اللّٰهْ يَلْعَنْهُمْ! أَشَانْ الْيَوْم هُمَّنْ طَرَدَوْنِي مِنْ الْبَلَدْ الْأَنْطَاهَا اللّٰهْ وَرَثَةْ لِشَعَبَهْ وَ دَا مِثِلْ هُمَّنْ قَالَوْا لَيِّ: ‹أَمْشِي وَ أَعَبُدْ إِلٰـهَاتْ آخَرِينْ.›

عَمُوس 2:7

وَ يِدِسُّوا رُوسَيْ الضَّعِيفِينْ فِي التُّرَابْ وَ يَظُلْمُوا الْمَسَاكِينْ فِي الشَّرِيعَةْ. الْوَلَدْ وَ أَبُوهْ يَمْشُوا لِمَرَةْ وَاحِدَةْ وَ بَيْدَا، مَا يِحْتَرُمُوا أُسْمِي الْمُقَدَّسْ.