مِيخا 2:8 - الكتاب المقدس بالعربي الدارجي هنا تشاد

⁸ لَحَدِّي هَسَّعْ، إِنْتُو شَعَبِي بِقِيتُوا عُدْوَانْ اللّٰهْ. النَّاسْ الْيِقَبُّلُوا مِنْ الْحَرِبْ وَ يَحْسُبُوا عِنْدُهُمْ أَمَانْ، إِنْتُو تِسِلُّوا خُلْقَانْهُمْ.

مِيخا 2:8 Referenca të Kryqëzuara

إشَعْيا 9:21

قَبِيلَةْ مَنَسَّى تُقُمّ ضِدّ قَبِيلَةْ أَفْرَايِمْ وَ قَبِيلَةْ أَفْرَايِمْ تُقُمّ ضِدّ قَبِيلَةْ مَنَسَّى وَ كُلُّهُمْ سَوَا يُقُمُّوا ضِدّ بَنِي يَهُوذَا. وَ بَيْدَا كُلَ، زَعَلَهْ مَا يَقِيفْ وَ إِيدَهْ قَاعِدَةْ مَرْفُوعَةْ لِلْعِقَابْ.

زَبُور 55:20

الْخَايِنْ رَفَعْ إِيدَهْ ضِدّ نَاسْ السَّلَامْ وَ مَا أَحْتَرَمْ مُعَاهَدَتَهْ.

2 صَمُوِيل 20:19

وَ أَنَا مِنْ النَّاسْ الْهَادِيِينْ وَ أَمِينِينْ فِي بَلَدْ إِسْرَائِيلْ. وَ إِنْتَ قَاعِدْ تِفَتِّشْ دَرِبْ التَّهْلِكْ حِلِّتْنَا الْمُهِمَّةْ فِي إِسْرَائِيلْ. مَالَا تِدَوْر تِدَمِّرْ الْوَرَثَةْ الْأَنْطَاهَا لَيْنَا اللّٰهْ؟»

إرْمِيا 12:8

وَ شَعَبِي بِقِي لَيِّ مِثِلْ دُودْ فِي لُبّ الْغَابَةْ. هُو يِكِرّ ضِدِّي وَ بَيْدَا، أَنَا مَا نِحِبَّهْ.

مِيخا 3:2

وَ لَاكِنْ إِنْتُو تَكْرَهَوْا الْخَيْر وَ تِحِبُّوا الشَّرّ. تَسْلَخَوْا فَرْوَةْ النَّاسْ مِنْ جِسِمْهُمْ وَ تَقْطَعَوْا لَحَمْهُمْ وَ تِخَلُّوا إِلَّا عُضَامْهُمْ.

مِيخا 3:3

إِنْتُو تَاكُلُوا لَحَمْ شَعَبِي وَ تَسْلَخَوْا فَرْوِتْهُمْ وَ تِكَسُّرُوا عُضَامْهُمْ. وَ تِقَطُّعُوا لَحَمْ شَعَبِي مِثِلْ تُصُبُّوهْ فِي بُرْمَةْ وَ تِرَكُّبُوهْ فِي كَلَوْل.»

مِيخا 7:2

وَ مَا فِي بَتَّانْ رَاجِلْ وَاحِدْ صَالِحْ فِي الْبَلَدْ وَ لَا رَاجِلْ عَدِيلْ بَيْن النَّاسْ. هُمَّنْ كُلُّهُمْ يَكُرْسُوا لِيِدَفُّقُوا الدَّمّ وَ أَيِّ وَاحِدْ يُكُجّ شَرَكْ لِأَخُوهْ.

مِيخا 7:3

وَ إِيدَيْهُمْ نَشِيطِينْ لِيِسَوُّوا الْفَسَالَةْ. الْمَسْؤُولْ يَطْلُبْ هَدِيَّةْ وَ الْقَاضِي يِشِيلْ الرَّشْوَةْ. وَ الْقَادِرْ يُقُولْ أَيِّ شَيّءْ الْهُو يِدَوْرَهْ وَ كُلُّهُمْ مُلْآمِرِينْ سَوَا.