مِيخا 2:7 - الكتاب المقدس بالعربي الدارجي هنا تشاد

⁷ يَا ذُرِّيَّةْ يَعْقُوبْ، دَا بِنْقَالْ وَلَّا؟ هَلْ صَبُرْ اللّٰهْ كَمَّلْ وَلَّا؟ وَ مِثِلْ دَا بَسْ، هُو يُقُمّ وَلَّا؟ وَ كَلَامِي مَا يِجِيبْ الْخَيْر لِلنَّادُمْ الْيَمْشِي عَدِيلْ وَلَّا؟

مِيخا 2:7 Referenca të Kryqëzuara

زَبُور 84:11

أَيْوَى، اللّٰهْ الرَّبّ مِثِلْ حَرَّايْ وَ مِثِلْ دَرَقَةْ، هُو يَنْطِي الرَّحْمَةْ وَ الشَّرَفْ. هُو مَا يَمْنَعْ الْخَيْر لِلْيَمْشُوا فِي الطَّرِيقْ الْعَدِيلْ.

إرْمِيا 15:16

وَكِتْ كَلَامَكْ جَاءْ لَيِّ، أَنَا طَوَّالِي شِلْتَهْ مِثِلْ الْجِيعَانْ يِشِيلْ الْخُبْزَةْ. وَ كَلَامَكْ فَرَّحْنِي وَ بِقِي لَيِّ سُرُورْ فِي قَلْبِي. يَا اللّٰهْ الْإِلٰـهْ الْقَادِرْ! يَعَرْفُونِي بِأُسْمَكْ.

زَبُور 15:2

هُو النَّادُمْ الْكَامِلْ الْيِسَوِّي الْعَدَالَةْ وَ مِنْ قَلْبَهْ يُقُولْ الْحَقّ.

زَكَرِيَّا 4:6

وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

هُوشَع 14:9

خَلِّي الْحَكِيمْ يَفْهَمْ الْأَشْيَاءْ دَوْل وَ خَلِّي الْفَاهِمْ يَعَرِفْهُمْ. أَشَانْ دَرِبْ اللّٰهْ عَدِيلْ الْفَوْقَهْ الصَّالِحِينْ يُرُوغُوا وَ الْعَاصِيِينْ يِتَّرْتَعَوْا.

إشَعْيا 50:2

وَكِتْ أَنَا جِيتْ، مَالَا مَا فِي نَادُمْ؟ وَكِتْ نَادَيْت، مَالَا نَادُمْ مَا رَدَّ لَيِّ؟ هَلْ إِيدِي قِصَيْرَةْ لَحَدِّي مَا تَفْدَى وَلَّا؟ وَ هَلْ مَا عِنْدِي أَيِّ قُدْرَةْ لِنِنَجِّي وَلَّا؟ أَعَرْفُوا! أَنَا نِكِشّ لِلْبَحَرْ وَ نِيَبِّسَهْ وَ لِلْوُدْيَانْ، نِسَوِّيهُمْ صَحَرَاء. مِنْ قِلَّةْ أَلْمِي الْحُوتْ يُمُوتْ أَيْوَى، مِنْ الْعَطَشْ هُو يُمُوتْ وَ يِعَفِّنْ.

أمْثال 28:18

الْيَمْشِي عَدِيلْ، يَنْجَى وَ الْأَعْوَجْ يِشِيلْ دُرُوبْ تِنَيْن وَ يَقَعْ عَجَلَةْ.

أمْثال 10:29

دَرِبْ اللّٰهْ يَحْمِي التَّمَامِينْ وَ لَاكِنْ يَهْلِكْ الْفَسْلِينْ.

أمْثال 10:9

الْيَمْشِي عَدِيلْ يِعِيشْ بِأَمَانْ وَ لَاكِنْ الْمَا يَمْشِي عَدِيلْ يِنْعَرِفْ.

2 تِمُوتَاوُس 3:5

وَ يِنْكَرْبُوا فِي الشُّغُلْ الْيِوَصِّفْ التَّقْوَى لَاكِنْ فِي قُلُوبْهُمْ يَابَوْا مَا يِتَابُعُوا التَّقْوَى. أَنْقَرِعْ مِنْ النَّاسْ الْمِثِلْ دَوْل.

2 كُرُنْتُس 6:12

أَنِحْنَ مَا سَدَّيْنَا لَيْكُو الدَّرِبْ وَ لَاكِنْ إِنْتُو بَسْ سَدَّيْتُوا لَيْنَا دَرِبْكُو.

رَوْمَا 7:13

وَ بِمِثِلْ دَا، الشَّيّءْ الْعَدِيلْ كَتَلَانِي وَلَّا؟ لَا! لَاكِنْ الذَّنِبْ كَرَبْ الشَّيّءْ الْعَدِيلْ وَ بَيَّهْ سَبَّبْ لَيِّ الْمَوْت وَ الذَّنِبْ يِنْعَرِفْ. وَ بِالْوَصِيَّةْ بَسْ، شَرّ الذَّنِبْ يِنْعَرِفْ مَرَّةْ وَاحِدْ.

يُوحَنَّا 8:39

وَ رَدَّوْا لَيَّهْ وَ قَالَوْا: «إِبْرَاهِيمْ هُو أَبُونَا.» وَ عِيسَى قَالْ: «كَنْ صَحِيحْ إِنْتُو عِيَالْ إِبْرَاهِيمْ، إِنْتُو تِسَوُّوا الشَّيّءْ الْإِبْرَاهِيمْ سَوَّاهْ.

مَتَّى 3:8

سَوُّوا الْعَمَلْ الْيِوَصِّفْ كَدَرْ إِنْتُو تُبْتُوا بِالصَّحِيحْ!

مِيخا 3:9

أَسْمَعَوْا الْكَلَامْ دَا، يَا كُبَارَاتْ ذُرِّيَّةْ يَعْقُوبْ وَ يَا حُكَّامْ بَنِي إِسْرَائِيلْ. إِنْتُو تِحَرُّمُوا الْعَدَالَةْ وَ تِعَوُّجُوا أَيِّ شَيّءْ الْعَدِيلْ.

إرْمِيا 2:4

وَ أَنَا إِرْمِيَا قُلْت: «إِنْتُو ذُرِّيَّةْ يَعْقُوبْ مَعَ كُلَّ عَايِلَةْ بَنِي إِسْرَائِيلْ، أَسْمَعَوْا كَلَامْ اللّٰهْ.

إشَعْيا 58:1

«نَادِي بِطُولْ حِسَّكْ! مَا تَسْكُتْ! أَرْفَعْ حِسَّكْ مِثِلْ الْبُوقْ! وَ خَبِّرْ شَعَبِي بِعِصْيَانْهُمْ أَيْوَى، خَبِّرْ ذُرِّيَّةْ يَعْقُوبْ بِذُنُوبْهُمْ!

أمْثال 14:2

الْمَاشِي فِي الدَّرِبْ الْعَدِيلْ، خَايِفْ مِنْ اللّٰهْ. وَ الشَّايِلْ الدَّرِبْ الْأَعْوَجْ، عَاصِي اللّٰهْ.

أمْثال 2:7

اللّٰهْ يَحْفَضْ الْحِكْمَةْ لِلْعَدِيلِينْ وَ هُو مِثِلْ دَرَقَةْ يَحْمِي التَّمَامِينْ.

زَبُور 119:65

يَا اللّٰهْ، إِنْتَ سَوَّيْت الْخَيْر لَيِّ أَنَا عَبْدَكْ حَسَبْ كَلَامَكْ.

عَدد 11:23

وَ اللّٰهْ قَالْ لِمُوسَى: «إِيدِي أَنَا اللّٰهْ قِصَيْرَةْ وَلَّا؟ وَ هَسَّعْ تِشِيفْ كَنْ كَلَامِي يِلْحَقَّقْ لَيْك وَلَّا لَا.»

زَبُور 119:68

إِنْتَ عَدِيلْ وَ تِسَوِّي الْخَيْر، عَلِّمْنِي شُرُوطَكْ!

زَبُور 18:26

مَعَ الطَّاهِرِينْ، تُكُونْ طَاهِرْ وَ مَعَ الْعُوُجْ، تُكُونْ أَعْوَجْ.