مِيخا 2:4 - الكتاب المقدس بالعربي الدارجي هنا تشاد

⁴ وَ فِي الْيَوْم دَا، يَضُرْبُوا فَوْقكُو مَثَلْ وَ يُنُوحُوا نُوَاحْ وَ يُقُولُوا: «كَمَّلَوْنَا وَ خَرَبَوْنَا! اللّٰهْ بَدَّلْ أَرْض وَرَثَتْنَا بِبَلَدْ الْغُرْبَةْ. وَ قَلَعْ مِنِّنَا أَرْضِنَا وَ قَسَّمْ وَرَثَتْنَا لِعُدْوَانَّا.»

مِيخا 2:4 Referenca të Kryqëzuara

حَبَقُوق 2:6

وَ كُلَّ النَّاسْ دَوْل مَا يَضُرْبُوا بَيَّهْ مَثَلْ وَلَّا؟ وَ مَا يِشَّمَّتَوْا لَيَّهْ وَلَّا؟» وَ يُقُولُوا: «الْعَذَابْ لِلْيَغْنِي نَفْسَهْ بِخُمَامْ الْمَا حَقَّهْ. وَ دَا يَقْعُدْ لَحَدِّي مَتَى؟ وَ بَيْدَا، هُو يِزِيدْ الدُّيُونْ فِي رَاسَهْ.

مِيخا 1:15

يَا سُكَّانْ مَرِيشَةْ، نِجِيبْ لَيْكُو بَتَّانْ نَادُمْ يِشِيلْ بَلَدْكُو. وَ كُبَارَاتْ بَنِي إِسْرَائِيلْ الْعِنْدُهُمْ شَرَفْ يِعَرُّدُوا وَ يِلَّبَّدَوْا فِي عَدُلَّامْ.

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إشَعْيا 24:3

وَ كُلَّ الْأَرْض تِدَّمَّرْ دَمَارْ كَامِلْ وَ يَنْهَبَوْهَا مَرَّةْ وَاحِدْ أَشَانْ دَا كَلَامْ اللّٰهْ الْهُو قَالَهْ.

إشَعْيا 6:11

وَ أَنَا قُلْت: «دَا لِمَتَى، يَا رَبِّي؟» وَ هُو قَالْ: «لَحَدِّي كُلَّ الْمُدُنْ يِدَّمَّرَوْا وَ يَبْقَوْا فَاضِيِينْ مِنْ سُكَّانْهُمْ وَ الْبُيُوتْ يَبْقَوْا بَلَا نَاسْ وَ الْأَرْض تِدَّمَّرْ وَ تَخْرَبْ.

تَثْنِية 28:29

وَ مِثِلْ عَمْيَانِينْ يِدَّقَّشَوْا فِي الضَّلَامْ بِقَايْلَةْ، إِنْتُو كُلَ مَا تَنْجَحَوْا فِي دَرِبْكُو. وَ أَكِيدْ تِنْظَلْمُوا وَ حَقُّكُو يَقْلَعَوْه وَ مَا فِي نَادُمْ الْيِنَجِّيكُو.

عَدد 23:7

وَ خَلَاصْ، بَدَا بِالشِّعِرْ وَ قَالْ: «مِنْ أَرَامْ، بَلَاقْ مَلِكْ مُوَابْ جَابَانِي وَ مِنْ جِبَالْ الصَّبَاحْ، نَادَانِي وَ قَالْ: ‹تَعَالْ لِيَعْقُوبْ أَلْعَنَهْ لَيِّ وَ تَعَالْ عَيِّرْ إِسْرَائِيلْ عَدُويِ.›

مَرْخُوس 12:12

وَ فِي الْبَكَانْ دَا، الْكُبَارَاتْ دَوَّرَوْا يَكُرْبُوا عِيسَى فِي السِّجِنْ أَشَانْ فِهْمَوْا كَدَرْ بِالْمَثَلْ دَا عِيسَى حَجَّى فَوْقهُمْ لَاكِنْ هُمَّنْ خَافَوْا مِنْ النَّاسْ. وَ أَشَانْ دَا، قَمَّوْا خَلَّوْه وَ فَاتَوْا.

صَفَنْيا 1:2

دَاهُو كَلَامْ اللّٰهْ: «أَكِيدْ نُقُشّ كُلَّ شَيّءْ مِنْ وِجْه الْأَرْض.

مِيخا 2:10

يَلَّا قُمُّوا أَمْشُوا! الْبَلَدْ دِي بَتَّانْ مَا عِنْدَهَا لَيْكُو رَاحَةْ أَشَانْ بِنَجَاسِتْكُو، جِبْتُوا فَوْقهَا الدَّمَارْ وَ دَا دَمَارْ كَامِلْ مَرَّةْ وَاحِدْ!

عَمُوس 5:17

وَ النُّوَاحْ يَبْقَى فِي كُلَّ جِنَيْنَاتْ الْعِنَبْ وَكِتْ نُشُقّ فِي أُسُطْكُو وَ نِعَاقِبْكُو.» وَ دَا، اللّٰهْ بَسْ قَالَهْ.

عَمُوس 5:1

يَا بَنِي إِسْرَائِيلْ، أَسْمَعَوْا الْكَلَامْ الْأَنَا نَبْكِي وَ نُنُوحْ بَيَّهْ.

يُوِيل 1:13

يَا رُجَالْ الدِّينْ، أَلْبَسَوْا خُلْقَانْ الْحِزِنْ وَ نُوحُوا وَ أَبْكُوا، يَا إِنْتُو الْخَدَّامِينْ فِي الْمَدْبَحْ. تَعَالُوا أَحْزَنَوْا طُولْ اللَّيْل بِخُلْقَانْ الْحِزِنْ، يَا خَدَّامِينْ إِلٰـهِي. هَدَايَا الدَّقِيقْ وَ هَدَايَا الشَّرَابْ مَا يِقَدُّمُوهُمْ بَتَّانْ فِي بَيْت اللّٰهْ إِلٰـهْكُو.

يُوِيل 1:8

أَبْكُوا مِثِلْ مَرَةْ صَبِيَّةْ الرَّبَطَتْ شُوَالْ مِثِلْ فَرْدَةْ مِنْ الْحِزِنْ أَشَانْ تَبْكِي لِرَاجِلْهَا هَنَا شَبَابْهَا.

حِزْقِيال 16:44

«شِيفِي! يَضُرْبُوا فَوْقكِ مَثَلْ الْبُقُولْ: ‹الْبِنَيَّةْ مِثِلْ أَمَّهَا.›

حِزْقِيال 2:10

وَ فَلَّتْ الْكِتَابْ دَا قِدَّامِي وَ هُو مَكْتُوبْ مِنْ جَايْ وَ جَايْ. وَ مَكْتُوبْ فَوْقَهْ كَلَامْ هَنَا نُوَاحْ وَ حِزِنْ وَ تَعَبْ.

إرْمِيا 14:18

وَ كَنْ نَمْشِي فِي الْكَدَادَةْ، دَاهُو نِشِيفْ الْمَيْتِينْ بِالْحَرِبْ. وَ كَنْ نَدْخُلْ فِي الْمَدِينَةْ، دَاهُو نِشِيفْ التَّعْبَانِينْ بِالْجُوعْ. الْأَنْبِيَاء وَ رُجَالْ الدِّينْ يِلِفُّوا فِي الْبَلَدْ وَ لَاكِنْ مَا يَفْهَمَوْا شَيّءْ.»

إرْمِيا 4:13

وَ الشَّعَبْ قَالَوْا: «دَاهُو الْعَدُو جَايِ مِثِلْ السَّحَابْ الشَّايِلْ وَ عَرَبَاتْهُمْ هَنَا الْحَرِبْ مِثِلْ رِيحْ أَمْ زَوْبَعَانَةْ وَ خَيْلهُمْ سَرِيعِينْ زِيَادَةْ مِنْ الصُّقُورَةْ. يَا خَسَارِتْنَا! أَنِحْنَ أَدَّمَّرْنَا!»

إشَعْيا 14:4

وَ خَلَاصْ فِي الْيَوْم دَا، تِغَنُّوا بِالْمَثَلْ دَا وَ تِشَّمَّتَوْا لِمَلِكْ بَابِلْ وَ تُقُولُوا: «كِكَّيْف وَقَفْ الْمُضَايِقْ؟ وَ كِكَّيْف الْجَايِرْ بِقِي مَا فِيهْ؟

أيُّوب 27:1

وَ بَتَّانْ أَيُّوبْ كَلَّمْ وَ قَالْ:

2 أخبار 35:25

وَ النَّبِي إِرْمِيَا كَتَبْ غِنَيْ هَنَا حِزِنْ لِيُوشِيَّا. وَ مِنْ الْوَكِتْ دَا، الْغَنَّايِينْ وَ الْغَنَّايَاتْ يِغَنُّوا بِيُوشِيَّا فِي غِنَيْهُمْ لَحَدِّي الْيَوْم. وَ الْغِنَيْ دَا بِقِي عَادَةْ فِي إِسْرَائِيلْ وَ مَكْتُوبْ فِي كِتَابْ النُّوَاحْ.

2 صَمُوِيل 1:17

وَ خَلَاصْ، دَاوُدْ غَنَّى غِنَيْ هَنَا حِزِنْ لِشَاوُولْ وَ وِلَيْدَهْ يُونَتَانْ.

عَدد 24:15

وَ خَلَاصْ، بَدَا بِالشِّعِرْ وَ قَالْ: «دَا كَلَامْ بَلْعَامْ وِلَيْد بَعُورْ. دَا كَلَامْ الرَّاجِلْ الْيِشِيفْ عَدِيلْ.

عَدد 24:3

وَ بَدَا بِالشِّعِرْ وَ قَالْ: «دَا كَلَامْ بَلْعَامْ وِلَيْد بَعُورْ. دَا كَلَامْ الرَّاجِلْ الْيِشِيفْ عَدِيلْ.

عَدد 23:18

وَ خَلَاصْ، بَلْعَامْ بَدَا بِالشِّعِرْ وَ قَالْ: «قُمّ، يَا بَلَاقْ، وَ أَسْمَعْ وَ خُطّ أَدَانَكْ لَيِّ، يَا وِلَيْد صِفُّورْ.

إرْمِيا 6:12

وَ بُيُوتْهُمْ وَ زِرَاعِتْهُمْ وَ عَوِينْهُمْ يَبْقَوْا لِنَاسْ آخَرِينْ أَشَانْ أَنَا مَدَّيْت إِيدِي لِنَضْرُبْ سُكَّانْ الْبَلَدْ. وَ دَا كَلَامْ اللّٰهْ.

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

مِيخا 1:8

وَ فِي شَانْ دَا، أَنَا مِيخَا نَحْزَنْ وَ نَبْكِي بِحِزِنْ وَ نَمْشِي بَلَا نِعْلَيْ وَ عَرْيَانْ. وَ نَبْكِي مِثِلْ الْبَعَشَوْم وَ نِكِرّ مِثِلْ النَّعَامْ.

إرْمِيا 9:16

وَ أَنَا نِشَتِّتْهُمْ بَيْن الْأُمَمْ الْأَبَداً مَا يَعَرْفُوهُمْ وَ لَا هُمَّنْ وَ لَا جُدُودْهُمْ. وَ نِجِيبْ الْحَرِبْ فِي أُسُطْهُمْ لَحَدِّي نِكَمِّلْهُمْ.»