مِيخا 2:12 - الكتاب المقدس بالعربي الدارجي هنا تشاد

¹² وَ اللّٰهْ قَالْ: «أَكِيدْ أَنَا نِلِمُّكُو كُلُّكُو، يَا ذُرِّيَّةْ يَعْقُوبْ وَ نَجْمَعْكُو كُلُّكُو الْفَضَّلْتُوا مِنْ بَنِي إِسْرَائِيلْ. وَ نِجِيبْكُو سَوَا مِثِلْ غَنَمْ فِي الزَّرِيبَةْ وَ مِثِلْ دَوْر فِي أُسْط الْمَرْعَى. وَ تَبْقَوْا مَجْمُوعَةْ كَبِيرَةْ الْعِنْدَهَا حَرَكَةْ.

مِيخا 2:12 Referenca të Kryqëzuara

حِزْقِيال 36:37

وَ دَاهُو اللّٰهْ الرَّبّ قَالْ: «بَتَّانْ أَنَا نِخَلِّي بَنِي إِسْرَائِيلْ يِفَتُّشُونِي أَشَانْ نُقُمّ نِسَاعِدْهُمْ. وَ نِكَتِّرْ نَاسْهُمْ مِثِلْ الْغَنَمْ.

مِيخا 7:18

يَاتُو إِلٰـهْ مِثْلَكْ إِنْتَ، يَا اللّٰهْ؟ إِنْتَ التَّغْفِرْ الْخَطَا وَ تَحْمَلْ عِصْيَانْ النَّاسْ الْفَضَّلَوْا مِنْ شَعَبَكْ الْمِثِلْ وَرَثَتَكْ. غَضَبَكْ مَا يَقْعُدْ دَايْماً أَشَانْ إِنْتَ تِحِبّ الْخَيْر.

مِيخا 7:14

يَا رَبّ، قُودْ شَعَبَكْ الْمِثِلْ وَرَثَتَكْ مِثِلْ رَاعِي يُقُودْ غَنَمَهْ بِدُقْلَهْ. هُمَّنْ قَاعِدِينْ وِحَيْدهُمْ فِي الْغَابَةْ مُحَوَّقَةْ بِجِنَيْنَاتْ عِنَبْ. خَلِّيهُمْ يَسْرَحَوْا مِثِلْ زَمَانْ فِي مَرْعَى بَاشَانْ وَ فِي بَكَانْ هَنَا سَرْحَةْ فِي قِلْعَادْ.

مِيخا 5:7

وَ الْفَضَّلَوْا مِنْ ذُرِّيَّةْ يَعْقُوبْ يُكُونُوا فِي أُسُطْ شُعُوبْ كَتِيرِينْ. يَبْقَوْا مِثِلْ مَطَرَةْ الْجَايَةْ مِنْ اللّٰهْ وَ مِثِلْ كَرَنْج فِي الْقَشّ. مَا يَرْجَوْا شَيّءْ مِنْ نَادُمْ وَ لَا يُخُطُّوا عَشَمْهُمْ فِي إِنْسَانْ.

عَمُوس 1:12

وَ فِي شَانْ دَا، أَنَا نِنَزِّلْ نَارْ فِي مَنْطَقَةْ تَيْمَانْ التَّاكُلْ كُلَّ قُصُورْ حِلَّةْ بُصْرَةْ.»

هُوشَع 1:11

بَنِي يَهُوذَا وَ بَنِي إِسْرَائِيلْ يِلِمُّوا سَوَا وَ يِدَرُّجُوا نَادُمْ وَاحِدْ كَبِيرْ فَوْقهُمْ. وَ يَكْتَرَوْا فِي أَرْضُهُمْ فِي يَوْم كَبِيرْ الْبِنَادُوهْ يَزْرَعِيلْ (مَعَنَاتَهْ اللّٰهْ يَزْرَعْ).

حِزْقِيال 37:21

وَ إِنْتَ قُولْ لَيْهُمْ: ‹دَاهُو اللّٰهْ الرَّبّ قَالْ: ”أَنَا نِشِيلْ بَنِي إِسْرَائِيلْ مِنْ بَيْن الْأُمَمْ الْهُمَّنْ مُشَتَّتِينْ فِي أُسُطْهُمْ. وَ نِلِمُّهُمْ مِنْ كُلِّ جِيهَةْ وَ نِوَدِّيهُمْ فِي أَرْضُهُمْ.

حِزْقِيال 34:31

وَ إِنْتُو شَعَبِي الْمِثِلْ غَنَمِي الْأَنَا نَسْرَحْ بَيْكُو وَ أَنَا إِلٰـهْكُو.» وَ دَا كَلَامْ اللّٰهْ الرَّبّ.

حِزْقِيال 34:22

وَ أَنَا نَجِي نَفْزَعْ غَنَمِي وَ بَتَّانْ مَا يَنْهَبَوْهُمْ. وَ نَحْكِمْ بَيْن غَنَمَايْ وَ آخَرَةْ.

حِزْقِيال 34:11

دَاهُو اللّٰهْ الرَّبّ قَالْ: «أَنَا ذَاتِي نَجِي نِفَتِّشْ غَنَمِي وَ نِرَيِّسْهُمْ.

إرْمِيا 23:3

وَ أَنَا ذَاتِي نِلِمّ شَعَبِي الْفَضَّلَوْا وَ نِجِيبْهُمْ مِنْ كُلَّ الْبُلْدَانْ الْأَنَا شَتَّتُّهُمْ فَوْقهُمْ. وَ مِثِلْ الْغَنَمْ، نِجِيبْهُمْ فِي مَرْعَاهُمْ وَ هُمَّنْ يَلْدَوْا وَ يَبْقَوْا كَتِيرِينْ.

إشَعْيا 34:6

وَ سَيْف اللّٰهْ مَلَانْ بِدَمّ وَ شَبْعَانْ بِشَحَمْ بِدَمّ الْخُرْفَانْ وَ التُّيُوسْ وَ بِشَحَمْ كِلَاوَةْ الْكُبْشَانْ. أَشَانْ فِيَّهْ ضَحِيَّةْ لِلّٰهْ فِي مَدِينَةْ بُصْرَةْ وَ فِي كَتِلْ كَتِيرْ فِي بَلَدْ أَدَوْم.

إشَعْيا 27:12

وَ فِي الْيَوْم دَا، اللّٰهْ يِحِتّ الشَّدَرْ مِنْ بَحَرْ الْفُرَاتْ لَحَدِّي وَادِي مَصِرْ. وَ يِلَقُّطُوكُو الْوَاحِدْ بَعَدْ الْآخَرْ، يَا بَنِي إِسْرَائِيلْ!

إشَعْيا 11:11

وَ فِي الْيَوْم دَا، الرَّبّ يِمِدّ إِيدَهْ لِتَانِي مَرَّةْ لِيَفْدَى الْفَضَّلَوْا مِنْ شَعَبَهْ الْقَاعِدِينْ فِي بُلْدَانْ أَشُورْ وَ مَصِرْ وَ فَتْرُوسْ وَ الْحَبَشَةْ وَ عِلَامْ وَ شِنْعَارْ وَ حَمَاتْ وَ فِي جَزَايِرْ الْبَحَرْ.

إرْمِيا 3:18

وَ فِي الْوَكِتْ دَاكْ، بَنِي يَهُوذَا يِلِمُّوا مَعَ بَنِي إِسْرَائِيلْ. وَ مِنْ بَلَدْ الْمُنْشَاقْ هُمَّنْ يَجُوا سَوَا فِي الْبَلَدْ الْأَنَا أَنْطَيْتهَا لِجُدُودْهُمْ مِثِلْ وَرَثَةْ.»

تكوين 36:33

وَ بَالَعْ مَاتْ وَ يُبَابْ وِلَيْد زَارَحْ مِنْ حِلَّةْ بُصْرَةْ حَكَمْ فِي بَدَلَهْ.

إشَعْيا 5:17

الْحُمْلَانْ يَسْرَحَوْا فِي الْحِلَّةْ الْخَرْبَانَةْ مِثِلْ فِي مَرْعَاهُمْ وَ الْغَنَمْ السُّمَانْ يَاكُلُوا فِي بَكَانْهَا الْخَرَابْ.

مِيخا 2:13

وَ الْيُفُكّ لَيْكُو الْخُرْمَةْ يَمْشِي قِدَّامْكُو. إِنْتُو تُفُكُّوا الْخُرْمَةْ وَ تُفُوتُوا بِالْبَابْ وَ تَمُرْقُوا بَيَّهْ. وَ مَلِكُّو يَمْشِي قِدَّامْكُو. أَيْوَى، أَنَا اللّٰهْ عَلَيْ رَاسْكُو.»

مِيخا 4:8

يَا جَبَلْ صَهْيُون الْمِثِلْ بِنَيَّةْ، إِنْتَ تِرَاقِبْ شَعَبَكْ مِنْ فَوْق مِثِلْ قَصِرْ الْحُرَّاسْ هَنَا الْغَنَمْ. سُلْطِتَكْ الْأَوَّلْ تِقَبِّلْ لَيْك وَ بَتَّانْ مَدِينَةْ الْقُدُسْ الْمِثِلْ بِنَيَّةْ تَبْقَى عَاصِمَةْ مَمْلَكَةْ.»

مِيخا 5:8

وَ الْفَضَّلَوْا مِنْ ذُرِّيَّةْ يَعْقُوبْ يُكُونُوا بَيْن الْأُمَمْ فِي أُسُطْ شُعُوبْ كَتِيرِينْ. يَبْقَوْا مِثِلْ دُودْ أَمْبَيْن حَيْوَانَاتْ الْغَابَةْ وَ مِثِلْ فَرْخ الدُّودْ أَمْبَيْن دَوْر الْغَنَمْ. وَ فِي أَيِّ بَكَانْ الْيَمْشِي، يَكْتُلْ وَ يِشَرِّطْ وَ مَا فِي نَادُمْ الْيِخَلِّصْ مِنَّهْ.

1 أخبار 1:44

وَ بَالَعْ مَاتْ وَ يُبَابْ وِلَيْد زَارَحْ مِنْ حِلَّةْ بُصْرَةْ حَكَمْ فِي بَدَلَهْ.

حِزْقِيال 34:13

وَ نَمْرُقْهُمْ مِنْ أُسْط الشُّعُوبْ وَ نِلِمُّهُمْ مِنْ الْبُلْدَانْ وَ نِقَبِّلْهُمْ فِي أَرْضُهُمْ. وَ نِسَرِّحْهُمْ فِي جِبَالْ إِسْرَائِيلْ وَ فِي الْوُدْيَانْ وَ فِي كُلَّ الْبَكَانَاتْ الْيَقْدَرَوْا يَسْكُنُوا فَوْقهُمْ النَّاسْ فِي الْبَلَدْ.

صَفَنْيا 3:20

فِي الْيَوْم دَا، أَنَا نِقَبِّلْكُو وَ فِي الْوَكِتْ دَا، نِلِمُّكُو سَوَا. شِيفُوا! نِقَبِّلْكُو مِنْ الْغُرْبَةْ وَ أُسُمْكُو يَبْقَى طَالِعْ وَ نِشَرِّفْكُو فِي أُسْط كُلَّ شُعُوبْ الْأَرْض.» وَ دَا، اللّٰهْ بَسْ قَالَهْ.