مِيخا 2:1 - الكتاب المقدس بالعربي الدارجي هنا تشاد

¹ الْعَذَابْ لِلْيَنْوُوا الْفَسَالَةْ وَ يِخَطُّطُوا الشَّرّ بِاللَّيْل! بِفَجُرْ، يُقُمُّوا يِسَوُّوا خِطِّتْهُمْ أَشَانْ عِنْدُهُمْ الْقُدْرَةْ لِيِسَوُّوهَا.

مِيخا 2:1 Referenca të Kryqëzuara

زَبُور 36:4

فِي فُرَاشَهْ، هُو يَنْوِي الْفَسَالَةْ وَ الدَّرِبْ الشَّايْلَهْ مَا عَدِيلْ وَ مَا يَرْفُضْ الشَّرّ.

إشَعْيا 32:7

الْغَشَّاشْ عَمَلَهْ فَسِلْ. هُو يِخَطِّطْ الْفَسَالَةْ لِيِدَمِّرْ الْمَسَاكِينْ بِكَلَامْ كِدِبْ وَكِتْ يِدَافُعُوا لِحُقُوقْهُمْ.

نَاحُوم 1:11

وَ مِنْكُو إِنْتُو بَسْ مَرَقْ نَادُمْ الْخَطَّطْ الْفَسَالَةْ ضِدّ اللّٰهْ وَ مُسْتَشَارْ الْمَا نَافِعْ.

رَوْمَا 1:30

وَ قَطَّاعِينْ وَ عُدْوَانْ اللّٰهْ. هُمَّنْ شَمَّاتِينْ وَ مُسْتَكْبِرِينْ وَ فَشَّارِينْ وَ يِفَتُّشُوا أَيِّ طَرِيقَةْ لِيِسَوُّوا الشَّرّ وَ عَايْقِينْ وَالْدَيْنهُمْ.

إرْمِيا 18:18

وَ نَاسْ وَاحِدِينْ قَالَوْا: «يَلَّا خَلِّي نُقُمُّوا بِمُؤآمَرَةْ ضِدّ إِرْمِيَا. بَلَايَهْ كُلَ عِنْدِنَا رُجَالْ دِينْ كَتِيرِينْ الْيِقَرُّونَا شُرُوطْ التَّوْرَاةْ وَ عِنْدِنَا حُكُمَاءْ الْيِوَصُّونَا وَ عِنْدِنَا أَنْبِيَاء الْيِحَجُّوا لَيْنَا كَلَامْ اللّٰهْ. يَلَّا نَمْشُوا نَهْجُمُوهْ بِكَلَامْ الْيِعَيِّبَهْ وَ مَا نَجْعَلَوْا كَلَامَهْ الْيُقُولَهْ.»

إشَعْيا 59:3

أَشَانْ إِيدَيْكُو مُلَطَّخِينْ بِالدَّمّ وَ أَصَابِعْكُو بِالْخَطَا. خُشُومْكُو يِكَلُّمُوا بِالْكِدِبْ وَ لِسْنَيْكُو يِخَالُوا بِالْغَشّ.

أمْثال 4:16

النَّاسْ دَوْل مَا يُنُومُوا كَنْ مَا سَوَّوْا الْفَسِلْ وَ مَا يَنْعَسَوْا كَنْ مَا رَمَوْا نَادُمْ.

أمْثال 3:27

كَنْ عِنْدَكْ قُدْرَةْ لِتِسَوِّي الزَّيْن مَا تَمْنَعَهْ لِلنَّاسْ الْحَوْجَانِينْ لَيَّهْ.

تكوين 31:29

أَنَا نَقْدَرْ نِسَوِّي لَيْكُو شَيّءْ فَسِلْ لَاكِنْ اللّٰهْ رَبّ أَبُوكْ قَالْ لَيِّ فِي اللَّيْلَةْ الْفَاتَتْ: ‹أَنْقَرِعْ! مَا تِكَلِّمْ لِيَعْقُوبْ وَ لَا بِخَيْر وَ لَا بِشَرّ.›

أعمال الرُسُل 23:12

وَ وَكِتْ الْوَطَاةْ أَصْبَحَتْ، يَهُودْ وَاحِدِينْ أَلآمَرَوْا فِي بُولُسْ وَ حَلَفَوْا مَا يَاكُلُوا وَ لَا يَشَرْبَوْا شَيّءْ إِلَّا كَنْ كَتَلَوْه.

يُوحَنَّا 19:11

وَ عِيسَى رَدَّ لَيَّهْ وَ قَالْ: «إِنْتَ مَا عِنْدَكْ سُلْطَةْ فَوْقِي إِلَّا السُّلْطَةْ الْاللّٰهْ أَنْطَاهَا لَيْك. وَ أَشَانْ دَا، النَّادُمْ السَّلَّمَانِي لَيْك هُو خَاطِي مِنَّكْ زِيَادَةْ.»

تَثْنِية 28:32

وَ أَوْلَادْكُو وَ بَنَاتْكُو يَنْطُوهُمْ لِشَعَبْ آخَرِينْ وَ عُيُونْكُو يَعْيَوْا مِنْ الشَّوْف فَوْقهُمْ كُلَّ يَوْم وَ مَا تَقْدَرَوْا تِسَوُّوا شَيّءْ.

أعمال الرُسُل 23:15

أَشَانْ دَا، رَسُّلُوا لِلْقَايِدْ الرَّوْمَانِي وَ قُولُوا لَيَّهْ إِنْتُو وَ نَاسْ الْمَجْلَسْ تِدَوْرُوا تِأَكُّدُوا مِنْ كَلَامْ بُولُسْ. وَ أَطُلْبُوا مِنْ الْقَايِدْ هُو يِوَدِّيهْ لَيْكُو. وَ أَنِحْنَ كَمَانْ، جَاهِزِينْ. نَكْتُلُوا بُولُسْ قُبَّالْ مَا يَجِي فِي بَكَانْ الْمَجْلَسْ.»

أمْثال 12:2

سِيدْ الزَّيْن يَلْقَى رِضَى مِنْ اللّٰهْ وَ الْفِكْرَهْ هَوَانْ، اللّٰهْ يَجْعَلَهْ خَاطِي.

لُوقا 20:19

وَ فِي الْيَوْم دَا ذَاتَهْ، الْعُلَمَاءْ وَ كُبَارَاتْ رُجَالْ الدِّينْ دَوَّرَوْا يَكُرْبُوهْ أَشَانْ فِهْمَوْا كَدَرْ بِالْمَثَلْ دَا عِيسَى حَجَّى فَوْقهُمْ لَاكِنْ هُمَّنْ خَايْفِينْ مِنْ النَّاسْ.

مَرْخُوس 15:1

وَ وَكِتْ الْوَطَاةْ أَصْبَحَتْ، كُبَارَاتْ رُجَالْ الدِّينْ وَ الشُّيُوخْ وَ الْعُلَمَاءْ وَ كُلَّ نَاسْ الْمَجْلَسْ لَمَّوْا وَ أَشَّاوَرَوْا. وَ عِيسَى رَبَطَوْه وَ وَدَّوْه وَ سَلَّمَوْه لِبِلَاطُسْ الْوَالِي الرَّوْمَانِي.

حِزْقِيال 11:2

وَ اللّٰهْ قَالْ لَيِّ: «يَا إِبْن آدَمْ، دَوْل الرُّجَالْ الْيِخَطُّطُوا الظُّلُمْ وَ يِوَصُّوا بِالْفَسَالَةْ فِي الْمَدِينَةْ دِي.

أسْتِير 9:25

وَ لَاكِنْ وَكِتْ الْكَلَامْ دَا وَصَّلْ بَكَانْ الْمَلِكْ، هُو كَتَبْ قَرَارْ كَدَرْ الْخِطَّةْ الْفَسْلَةْ الْهَمَانْ دَوَّرْ يِسَوِّيهَا فِي الْيَهُودْ تِقَبِّلْ فِي رَاسَهْ وَ خَلِّي يِعَلُّقُوهْ فِي عُودْ، هُو وَ أَوْلَادَهْ.

أسْتِير 5:14

وَ خَلَاصْ، مَرْتَهْ زَرَشْ وَ كُلَّ رُفْقَانَهْ قَالَوْا لَيَّهْ: «سَوِّي لَيْك عُودْ طُولَهْ 50 دُرَاعْ وَ أَمْبَاكِرْ فَجُرْ، أَطْلُبْ مِنْ الْمَلِكْ خَلِّي يِعَلُّقُوا فَوْقَهْ مَرْدَكَايْ. وَ بَعَدْ دَا، إِنْتَ تَمْشِي فَرْحَانْ فِي الْعَازُومَةْ مَعَ الْمَلِكْ.» وَ الْكَلَامْ دَا بِقِي حَلُو لِهَمَانْ وَ قَمَّ جَهَّزْ لَيَّهْ الْعُودْ.

أسْتِير 3:8

وَ خَلَاصْ، هَمَانْ قَالْ لِلْمَلِكْ أَشَوِرُوشْ: «فِيَّهْ شَعَبْ مُشَتَّتْ وَ مُفَرَّقْ فِي لُبّ الشُّعُوبْ هَنَا كُلَّ وُلَايَاتْ مَمْلَكَتَكْ. وَ قَوَانِينْهُمْ شِقْ مِنْ قَوَانِينْ كُلَّ الشُّعُوبْ الْآخَرِينْ وَ هُمَّنْ مَا قَاعِدِينْ يِطَبُّقُوا قَانُونَكْ، يَا الْمَلِكْ. وَ دَا مَا وَاجِبْ الْمَلِكْ يِخَلِّيهُمْ فِي رَاحَةْ.

أيُّوب 24:14

وَ الْكَاتِلْ يُقُمّ فِي وَكْت الشَّقَاقْ يَكْتُلْ الْمِسْكِينْ وَ الْفَقْرَانْ وَ يَسْرِقْ بِاللَّيْل.

أمْثال 14:22

الْيَنْوِي الْفَسَالَةْ يِوَدِّرْ نَفْسَهْ وَ الْيَنْوِي الْخَيْر يَلْقَى رَحْمَةْ وَ أَمَانْ.

إشَعْيا 29:20

أَشَانْ الْمُجْرِمِينْ يِوَدُّرُوا وَ الشَّمَّاتِينْ يَبْقَوْا مَا فِيهُمْ وَ الْيِسَوُّوا الشَّرّ يِكَمُّلُوا.

حِزْقِيال 33:26

وَ تَاكُلُوا بِقُدْرَةْ سُيُوفْكُو وَ عَوِينْكُو يِسَوَّنْ الْحَرَامْ. وَ أَيِّ رَاجِلْ مِنْكُو يَرْقُدْ مَعَ مَرِةْ جَارَهْ وَ يِنَجِّسْهَا. وَ بَيْدَا، تَوْرُثُوا الْبَلَدْ دِي وَلَّا؟“›

حِزْقِيال 38:10

وَ دَاهُو اللّٰهْ الرَّبّ قَالْ: «فِي الْيَوْم دَا، كَلَامْ كَتِيرْ يَجِي فِي قَلْبَكْ وَ إِنْتَ تِشِيلْ نِيَّةْ فَسْلَةْ.

حِزْقِيال 46:18

وَ الْمَلِكْ مَا يِشِيلْ شَيّءْ مِنْ وَرَثَةْ الشَّعَبْ وَ مَا يَظْلُمْهُمْ فِي حَقُّهُمْ. وَ شَيّءْ الْحَقَّهْ هُو بَسْ يَنْطِيهْ لِعِيَالَهْ وَرَثَةْ. أَشَانْ مَا فِي نَادُمْ وَاحِدْ مِنْ شَعَبِي يَدْحَرَوْه مِنْ وَرَثَتَهْ.»

مِيخا 6:12

فِي الْمَدِينَةْ، فِيَّهْ نَاسْ غَنِيِّينْ مَلَانِينْ بِالْعُنُفْ. وَ سُكَّانْهَا يِحَجُّوا بِالْكِدِبْ وَ لِسَانْهُمْ يِكَلِّمْ بِالْغَشّ.

زَكَرِيَّا 7:10

مَا تَظُلْمُوا الْأَرْمَلَةْ وَ لَا الْأَتِيمْ وَ لَا الْأَجْنَبِي وَ لَا الْمِسْكِينْ. وَ خَلِّي نَادُمْ مَا يِشِيلْ نِيَّةْ لِيِسَوِّي الْفَسَالَةْ لِأَخُوهْ.›»

1 مُلوك 21:7

وَ خَلَاصْ، إِزَبِيلْ مَرْتَهْ قَالَتْ لَيَّهْ: «هَلْ دَا مَا إِنْتَ بَسْ الْقَاعِدْ تَحْكِمْ فِي مَمْلَكَةْ إِسْرَائِيلْ وَلَّا؟ قُمّ آكُلْ وَ أَفْرَحْ. وَ أَنَا نَنْطِيكْ جِنَيْنَةْ نَابُوتْ الْمِنْ حِلَّةْ يَزْرَعِيلْ.»

أيُّوب 15:35

الْيَغْلَبْ بِالتَّعَبْ يِجِيبْ الشَّرّ وَ يَلْدَ الْغَشّ.

زَبُور 36:5

يَا اللّٰهْ! رَحْمَتَكْ قَاعِدَةْ فِي السَّمَاءْ وَ صِدْقَكْ يَمْشِي لَحَدِّي السَّحَابْ.

زَبُور 58:3

الْعَاصِيِينْ مُنَافِقِينْ مِنْ هُمَّنْ فِي رِحِمْ أَمَّهَاتْهُمْ وَ الْكَدَّابِينْ مُوَدِّرِينْ مِنْ يَوْم مَرَقَوْا مِنْ بُطُونْ أَمَّهَاتْهُمْ.

إشَعْيا 3:14

اللّٰهْ يِحَاكِمْ كُبَارَاتْ شَعَبَهْ وَ مَسَائِيلْهُمْ. وَ يُقُولْ: «إِنْتُو دَمَّرْتُوا جِنَيْنَاتْ الْعِنَبْ! وَ الْخُمَامْ السَّرَقْتُوهْ مِنْ الْمَسَاكِينْ قَاعِدْ فِي بُيُوتْكُو.

إشَعْيا 5:8

الْعَذَابْ لِلْيِلِمُّوا بَيْت فِي بَيْت وَ زَرَعْ فِي زَرَعْ لَحَدِّي يِشِيلُوا كُلَّ الْبَكَانْ وَ يَسْكُنُوا وِحَيْدهُمْ فِي أُسْط الْبَلَدْ.