مِيخا 1:8 - الكتاب المقدس بالعربي الدارجي هنا تشاد

⁸ وَ فِي شَانْ دَا، أَنَا مِيخَا نَحْزَنْ وَ نَبْكِي بِحِزِنْ وَ نَمْشِي بَلَا نِعْلَيْ وَ عَرْيَانْ. وَ نَبْكِي مِثِلْ الْبَعَشَوْم وَ نِكِرّ مِثِلْ النَّعَامْ.

مِيخا 1:8 Referenca të Kryqëzuara

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

إرْمِيا 9:19

مِنْ صَهْيُون أَنْسَمَعْ بَكِي الشَّكْوَةْ الْبُقُولْ: «أَنِحْنَ خِرِبْنَا وَ الْعَيْب كَتَلْنَا. أَشَانْ طَرَدَوْنَا مِنْ بَلَدْنَا وَ هَدَّمَوْا بُيُوتْنَا.»

إرْمِيا 9:10

فِي الْجِبَالْ، أَنَا نَحْزَنْ وَ نَبْكِي وَ فِي مَرَاعِي الْكَدَادَةْ، أَنَا نُنُوحْ أَشَانْ الْأَرْض حِرْقَتْ وَ مَا فِي نَادُمْ الْيَجِي فَوْقهَا. وَ حِسّ هَنَا بَهِيمَةْ كُلَ مَا يِنْسَمِعْ وَ الطُّيُورْ وَ الْوُحُوشْ كُلُّهُمْ عَرَّدَوْا مِنْهَا.

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

إرْمِيا 4:19

وَ إِرْمِيَا قَالْ: «بُطُونِي! بُطُونِي حِرْقَوْا! أَنَا نِتَّنَّ مِنْ الْوَجَعْ وَ قَلْبِي يَضْرُبْ. وَ نَفْسِي مُبَرْجَلَةْ وَ مَا نَقْدَرْ نَسْكُتْ. أَشَانْ أَنَا سِمِعْت حِسّ الْبُوقْ وَ كُرَوْرَاكْ الْحَرِبْ.

إشَعْيا 21:3

وَ بِسَبَبْ دَا، صُلْبِي قَاعِدْ يَرْجِفْ مِنْ التَّعَبْ وَ وَجَعْ شَدِيدْ كَرَبَانِي مِثِلْ وَجَعْ هَنَا الْمَرَةْ الْقَاعِدَةْ تِطَالِقْ. مِنْ شِدَّةْ الْوَجَعْ، مَا نَسْمَعْ وَ مِنْ شِدَّةْ الْخَوْف، مَا نِشِيفْ.

إشَعْيا 16:9

وَ فِي شَانْ دَا، أَنَا نَبْكِي مَعَ يَعْزِيرْ لِعِنَبْ سِبْمَةْ وَ نَرْوِيكُو بِدُمُوعِي، يَا حَشْبُونْ وَ أَلِعَالَةْ. أَشَانْ فِي قَطِعْكُو وَ لَمِّينْكُو هَنَا الْعِنَبْ، الْغِنَيْ هَنَا الْفَرَحْ بِقِي مَا فِيهْ.

إشَعْيا 13:21

حَيْوَانَاتْ الْكَدَادَةْ يَسْكُنُوهَا وَ طُيُورْ أَمْ قُقُّمْ يَمْلَوْا بُيُوتْهَا. وَ النَّعَامْ يَسْكُنْهَا وَ تُيُوسْ الْحَجَرْ يَلْعَبَوْا فَوْقهَا.

زَبُور 102:6

أَنَا بِقِيتْ مِثِلْ بَجَعْ الْكَدَادَةْ وَ مِثِلْ أَمْ قُقُّمْ هِنْت بَكَانْ الْخِرِبْ.

أيُّوب 30:29

أَنَا بِقِيتْ أَخُو الْبَعَاشِيمْ وَ رَفِيقْ النَّعَامْ.

1 صَمُوِيل 19:24

وَ خَلَاصْ، شَاوُولْ سَلَّ خَلَقَهْ وَ هُو كُلَ قَاعِدْ يِتْنَبَّأْ قِدَّامْ صَمُوِيلْ. وَ وَقَعْ عَرْيَانْ وَ قَاعِدْ وَاقْعِ طُولْ الْيَوْم دَا وَ طُولْ اللَّيْلَةْ دِي. وَ بِسَبَبْ دَا بَسْ، النَّاسْ يُقُولُوا: «شَاوُولْ كُلَ بِقِي نَبِي مَعَاهُمْ وَلَّا؟»

إشَعْيا 13:22

الْمَرَافْعِينْ يَبْكُوا فِي بُيُوتْهَا السَّمْحِينْ وَ الْبَعَاشِيمْ فِي قُصُورْهَا الْكُبَارْ. وَكِتْهَا قَرِيبْ يَجِي وَ أَيَّامْهَا مَحْسُوبِينْ.

إشَعْيا 32:11

بَرْجِلَنْ، يَا الْمُنْجَمَّاتْ! أَرْجِفَنْ، يَا الْقَاعِدَاتْ بِأَمَانْ! أَسَّلَّبَنْ وَ أَقْعُدَنْ عَرْيَانَاتْ وَ أَرْبُطَنْ فِرَادْ فِي صَلَبَاكَنْ.

حِزْقِيال 32:18

«يَا إِبْن آدَمْ، غَنِّي نُوَاحْ الْحِزِنْ لِشَعَبْ مَصِرْ، لَيْهُمْ هُمَّنْ وَ أُمَمْ آخَرِينْ عَظِيمِينْ. خَلِّي نُوَاحَكْ يِنَزِّلْهُمْ تِحِتْ الْأَرْض مَعَ النَّزَلَوْا فِي الْقُبُورْ.

مِيخا 2:4

وَ فِي الْيَوْم دَا، يَضُرْبُوا فَوْقكُو مَثَلْ وَ يُنُوحُوا نُوَاحْ وَ يُقُولُوا: «كَمَّلَوْنَا وَ خَرَبَوْنَا! اللّٰهْ بَدَّلْ أَرْض وَرَثَتْنَا بِبَلَدْ الْغُرْبَةْ. وَ قَلَعْ مِنِّنَا أَرْضِنَا وَ قَسَّمْ وَرَثَتْنَا لِعُدْوَانَّا.»

2 مُلوك 18:13

وَ فِي سَنِةْ 14 هَنَا حُكُمْ حِزْقِيَّا، سَنْحَرِيبْ مَلِكْ بَلَدْ أَشُورْ هَجَمْ الْمُدُنْ الْقَوِيِّينْ هَنَا مَمْلَكَةْ يَهُوذَا وَ قَلَعَاهُمْ.

أسْتِير 4:1

وَ وَكِتْ مَرْدَكَايْ سِمِعْ بِكُلَّ الشَّيّءْ الْكَانْ دَا، شَرَّطْ خُلْقَانَهْ وَ لِبِسْ خُلْقَانْ الْحِزِنْ وَ صَبَّ رُمَادْ فِي رَاسَهْ وَ مَشَى فِي لُبّ الْحِلَّةْ. وَ صَرَخْ صِرَاخْ شَدِيدْ هَنَا وَجِيعْ.