مِيخا 1:7 - الكتاب المقدس بالعربي الدارجي هنا تشاد

⁷ وَ كُلَّ أَصْنَامْهَا يِلْكَسَّرَوْا وَ كُلَّ مَالْ بَيْتهُمْ، نِحَرِّقَهْ بِنَارْ. وَ نِخَرِّبْ كُلَّ أَصْنَامْهَا أَشَانْ هِي صَنَعَتْهُمْ بِمَالْ أُجْرَةْ شَرْمَطَتْهَا. وَ هَسَّعْ بِحَدِيدْ الْأَصْنَامْ دَوْل يِأَجُّرُوا شَرَامِيطْ آخَرَاتْ.»

مِيخا 1:7 Referenca të Kryqëzuara

تَثْنِية 23:18

وَ لِتِكَفُّوا أَيِّ نَذِرْ، أَبَداً مَا تِجِيبُوا مِنْ مَالْ الشَّرْمَطَةْ هَنَا مَرَةْ أَوْ رَاجِلْ لِبَيْت اللّٰهْ إِلٰـهْكُو أَشَانْ هُمَّنْ الْإِتْنَيْن دَوْل، اللّٰهْ إِلٰـهْكُو حَرَّمَاهُمْ.

هُوشَع 2:12

وَ نَخْرِبْ جِنَيْنَاتْ عِنَبْهَا وَ شَدَرْ تِينْهَا الْبِسَبَبْهُمْ هِي قَالَتْ: ‹دَوْل هَدَايَا الْأَنْطَوْهُمْ لَيِّ صُدْقَانِي.› أَنَا نِسَوِّيهُمْ كَدَادَةْ الْيَرْتَعَوْا فَوْقهَا الْحَيْوَانَاتْ.

رُؤية 18:3

وَ دَا بِقِي أَشَانْ كُلَّ الْأُمَمْ شِرْبَوْا الْخَمَرْ الْهِي أَنْطَتْهُمْ وَ الْخَمَرْ دَا يِمَثِّلْ شَهْوِتْهَا الْفَاسْدَةْ. وَ مُلُوكْ الْأَرْض زَنَوْا مَعَاهَا وَ تُجَّارْ الدُّنْيَا لِقَوْا مَالْ كَتِيرْ بِلْحَيْن مِنْ شَهْوِتْهَا الْكَتِيرَةْ الْمَا عِنْدَهَا حَدّ.»

هُوشَع 8:6

عِجِلْكُو دَا مِنْكُو إِنْتُو بَنِي إِسْرَائِيلْ بَسْ وَ إِنْسَانْ بَسْ صَنَعَهْ. هُو مَا إِلٰـهْ! وَ فِي شَانْ دَا، عِجِلْ السَّامِرَةْ يِلْكَسَّرْ.

رُؤية 18:9

وَ مُلُوكْ الْأَرْض الزَّنَوْا مَعَاهَا وَ شَارَكَوْهَا فِي شَهْوِتْهَا يِشِيفُوا الدُّخَّانْ الْيَطْلَعْ مِنْ النَّارْ التَّاكُلْهَا وَ هُمَّنْ يَحْزَنَوْا وَ يَبْكُوا لَيْهَا.

يُوِيل 3:3

هُمَّنْ أَلْقَاسَمَوْا شَعَبِي بِأَمْ عِيَيْدَاتْ وَ بَاعَوْا الْأَوْلَادْ لِيِكَفُّوا الْعَزَبَاتْ وَ بَاعَوْا الْبَنَاتْ لِيَشَرْبَوْا خَمَرْ.

هُوشَع 2:5

أَمُّهُمْ أَشَّرْمَطَتْ. أَيْوَى، هِي الْوِلْدَتْهُمْ أَلْغَطَّتْ بِالْعَيْب وَكِتْ قَالَتْ: ‹أَنَا نَجْرِي وَرَاءْ صُدْقَانِي الْيَنْطُونِي أَكِلْ وَ أَلْمِي وَ صُوفْ غَنَمْ وَ قُمَاشْ وَ دِهِنْ وَ شَرَابْ.›

إشَعْيا 27:9

وَ بِمِثِلْ دَا، يِنْقَشَّ خَطَا يَعْقُوبْ وَ دَاهُو نَتِيجَةْ غُفْرَانْ ذَنْبَهْ. يَعْقُوبْ يِكَسِّرْ حُجَارْ الْمَدْبَحْ وَ يِسَوِّيهُمْ مِثِلْ الدَّقِيقْ الْمَرْحُوكْ. وَ الْعِيدَانْ الْغَزَّوْهُمْ لِعِبَادَةْ أَشِيرَةْ وَ مَخَابِرْ الْبَخُورْ، كُلُّهُمْ يَبْقَوْا مَا فِيهُمْ.

2 أخبار 31:1

وَ وَكِتْ عَيَّدَوْا الْعِيدْ دَا خَلَاصْ، كُلَّ بَنِي إِسْرَائِيلْ الْحَاضْرِينْ مَشَوْا فِي حِلَّالْ بَلَدْ يَهُوذَا وَ رَمَوْا الْحُجَارْ الْغَزَّوْهُمْ لِلْعِبَادَةْ وَ كَسَّرَوْا الْعِيدَانْ الْغَزَّوْهُمْ لِعِبَادَةْ أَشِيرَةْ وَ هَدَّمَوْا الْبَكَانَاتْ الْعَالِيِينْ وَ الْمَدَابِحْ الْفِي كُلَّ أَرْض قَبَايِلْ يَهُوذَا وَ بَنْيَامِينْ وَ أَفْرَايِمْ وَ مَنَسَّى. وَ بَعَدْ دَا، كُلَّ بَنِي إِسْرَائِيلْ قَبَّلَوْا فِي حِلَّالْهُمْ، أَيِّ وَاحِدْ فِي أَرْض وَرَثَتَهْ.

تَثْنِية 9:21

وَ أَنَا شِلْت الصَّنَمْ هَنَا الْعِجِلْ وَ هُو الذَّنِبْ الْإِنْتُو سَوَّيْتُوهْ. وَ حَرَّقْتَهْ فِي النَّارْ وَ قَطَّعْتَهْ وَ رِحِكْتَهْ لَحَدِّي بِقِي دَقِيقْ وَ صَبَّيْت الدَّقِيقْ دَا فِي الْوَادِي النَّازِلْ مِنْ الْجَبَلْ.

لاوِيِّين 26:30

وَ أَنَا نِدَمِّرْ بَكَانَاتْكُو الْعَالِيِينْ وَ نِكَسِّرْ مَخَابِرْكُو هَنَا الْبَخُورْ. وَ نُرُصّ جَنَازَاتْكُو مَعَ جَنَازَاتْ أَصْنَامْكُو وَ نَكْرَهْكُو.

1 صَمُوِيل 5:4

وَ أَمْبَاكِرْ كُلَ بِفَجُرْ بَدْرِي، قَمَّوْا وَ دَاهُو لِقَوْا دَقُون وَاقْعِ بِوِجْهَهْ قِدَّامْ صَنْدُوقْ اللّٰهْ! وَ رَاسَهْ وَ إِيدَيْنَهْ مُقَطَّعِينْ وَ وَاقِعِينْ فِي عَتَبَةْ الْبَيْت. وَ فَضَّلَتْ إِلَّا جِتِّتَهْ بَسْ.

إشَعْيا 2:18

كُلَّ الْإِلٰـهَاتْ يِوَدُّرُوا.

إشَعْيا 23:17

وَ بَعَدْ 70 سَنَةْ، اللّٰهْ يِفَكِّرْ لِصُورْ وَ هِي تِقَبِّلْ لِرِبَاهَا الْأَوَّلْ. وَ هِي تِشَّرْمَطْ بَتَّانْ مَعَ كُلَّ مَمَالِكْ الْأَرْض.

حِزْقِيال 6:6

وَ فِي أَيِّ بَكَانْ التَّسْكُنُوا فَوْقَهْ، الْمُدُنْ يَخْرَبَوْا وَ الْبَكَانَاتْ الْعَالِيِينْ يِلْهَدَّمَوْا. وَ مَدَابِحْكُو يَخْرَبَوْا وَ يِدَّمَّرَوْا وَ أَصْنَامْكُو يِلْكَسَّرَوْا وَ يَقَعَوْا تِحِتْ وَ مَخَابِرْكُو يِلْكَسَّرَوْا وَ خِدْمِتْكُو تِدَّمَّرْ.

هُوشَع 2:14

«وَ بَيْدَا كُلَ، نِحَجِّي لِإِسْرَائِيلْ بِكَلَامْ حَلُو وَ نِوَدِّيهَا فِي الْكَدَادَةْ وَ نِكَلِّمْ لَيْهَا بِحُبّ.

هُوشَع 8:5

يَا نَاسْ مَدِينَةْ السَّامِرَةْ، خَلُّوا صَنَمْكُو الْهُو عِجِلْ هَنَا دَهَبْ! أَنَا غِضِبْت زِيَادَةْ ضِدُّكُو. إِنْتُو مَا بَرِيِّينْ! وَ تَقْعُدُوا مِثِلْ كَيْ لَحَدِّي مَتَى؟