مِيخا 1:6 - الكتاب المقدس بالعربي الدارجي هنا تشاد

⁶ وَ اللّٰهْ قَالْ: «السَّامِرَةْ نِسَوِّيهَا كَوْم هَنَا تُرَابْ وَ كَدَادَةْ الْيَزْرَعَوْا فَوْقهَا جِنَيْنَاتْ الْعِنَبْ. وَ الْحُجَارْ الْبَنَوْهَا بَيْهُمْ، نِدَفِّقْهُمْ فِي الْوَادِي وَ أَسَاسْهَا، نِخَلِّيهْ يِبِينْ.

مِيخا 1:6 Referenca të Kryqëzuara

حِزْقِيال 13:14

وَ أَنَا نَهْدِمْ الدُّرْدُرْ الطَّلَّسْتُوهْ بِبُهْيَةْ وَ نَرْمِيهْ فِي التُّرَابْ وَ أَسَاسَهْ يِبِينْ. وَ الدُّرْدُرْ دَا يَقَعْ وَ يَرْحَكُّو تِحْتَهْ. وَ بَيْدَا، تَعَرْفُوا كَدَرْ أَنَا بَسْ اللّٰهْ.

مِيخا 3:12

وَ فِي شَانْ دَا، بِسَبَبْكُو إِنْتُو، صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.

مَراثِي إرْمِيا 4:1

يَا السَّلَامْ! الدَّهَبْ يِوَدِّرْ لَوْنَهْ وَلَّا؟ وَ الدَّهَبْ الصَّافِي يِلْغَيَّرْ وَلَّا؟ وَ الْحُجَارْ الْمُقَدَّسِينْ شَتَّوْا فِي مَشْبَكْ الشَّوَارِعْ.

2 مُلوك 19:25

«‹وَ لَاكِنْ، يَا سَنْحَرِيبْ، إِنْتَ مَا فِهِمْت كَدَرْ مِنْ وَكِتْ طَوِيلْ، أَنَا قَرَّرْت الشَّيّءْ دَا. وَ مِنْ زَمَانْ أَنَا كَوَّنْتَهْ وَ هَسَّعْ، نِحَقِّقَهْ. وَ إِنْتَ كَمَانْ، قَاعِدْ تِدَمِّرْ الْمُدُنْ الْقَوِيِّينْ وَ يَبْقَوْا كَوْم هَنَا تُرَابْ.

مَتَّى 24:2

وَ عِيسَى قَالْ لَيْهُمْ: «شِفْتُوا كُلَّ الْبُيُوتْ دَوْل؟ نُقُولْ لَيْكُو الْحَقّ، مَا يِخَلُّوا حَجَرْ يَقْعُدْ فَوْق حَجَرْ. يَرْمُوهُمْ كُلُّهُمْ!»

حَبَقُوق 3:13

وَ إِنْتَ مَرَقْت لِتِنَجِّي شَعَبَكْ وَ تِنَجِّي النَّادُمْ الْإِنْتَ مَسَحْتَهْ وَ دَرَّجْتَهْ مَلِكْ. وَ دَمَّرْت بَيْت الشَّرِيرْ. أَيْوَى، هُو أَنْهَدَمْ مِنْ رَاسَهْ لَحَدِّي أَسَاسَهْ. وَقْفَةْ.

عَمُوس 5:11

إِنْتُو تِتَعُّبُوا الضَّعِيفْ وَ بِقُوءْ، تِشِيلُوا قَمَحَهْ. وَ أَشَانْ دَا، الْبُيُوتْ السَّمْحِينْ هَنَا الْحَجَرْ الْبَنَيْتُوهُمْ أَبَداً مَا تَسْكُنُوا فَوْقهُمْ. وَ شَدَرْ الْعِنَبْ الزَّرَعْتُوهْ أَبَداً مَا تَشَرْبَوْا مِنْ خَمَرَهْ.

هُوشَع 13:16

نَاسْ مَدِينَةْ السَّامِرَةْ خَاطِيِّينْ أَشَانْ عِصَوْا إِلٰـهُّمْ. يَكْتُلُوهُمْ فِي الْحَرِبْ وَ يَرْحَكَوْا عِيَالْهُمْ وَ يُشُقُّوا بُطُونْ عَوِينْهُمْ الْغَلْبَانَاتْ.»

إرْمِيا 51:37

وَ بَابِلْ تَبْقَى كَوْم هَنَا تُرَابْ وَ مَرْقَدْ هَنَا بَعَاشِيمْ وَ بَكَانْ خَرَابْ وَ بَهِيتَةْ وَ تَبْقَى فَاضِيَةْ مِنْ سُكَّانْهَا.

إرْمِيا 51:25

وَ أَكِيدْ أَنَا نُقُمّ ضِدِّكِ إِنْتِ، يَا بَابِلْ الْمِثِلْ جَبَلْ الْخَرَابْ، إِنْتِ الْخَرَبْتِ كُلَّ الْأَرْض. أَنَا نِمِدّ إِيدِي لِنَضْرُبْكِ وَ نِدَرْدِقْكِ مِنْ رُوسَيْ الْجِبَالْ وَ نَحْرِقْكِ بِنَارْ. وَ دَا كَلَامْ اللّٰهْ.

إرْمِيا 9:11

وَ اللّٰهْ قَالْ: «أَنَا نِسَوِّي مَدِينَةْ الْقُدُسْ كَوْم هَنَا تُرَابْ وَ مَرْقَدْ هَنَا بَعَاشِيمْ. وَ حِلَّالْ بَلَدْ يَهُوذَا يَخْرَبَوْا وَ يَفْضَوْا مِنْ سُكَّانْهُمْ.»

إشَعْيا 25:12

يَا مُوَابْ! اللّٰهْ يَرْمِي وَ يِنَزِّلْ دَرَادِرْكِ الْقَوِيِّينْ وَ طُوَالْ وَ يَرْمِيهُمْ فِي الْعَجَاجْ وَ التُّرَابْ.

إشَعْيا 25:2

إِنْتَ سَوَّيْت مَدِينَةْ عُدْوَانَّا كَوْم هَنَا تُرَابْ وَ الْحِلَّةْ الْقَوِيَّةْ سَوَّيْتهَا دَرَادِرْ مُهَدَّمِينْ وَ قَصِرْ الْأَجَانِبْ مَا بِقِي مَدِينَةْ وَ بَتَّانْ مَا يِنْبَنِي.

2 صَمُوِيل 17:13

وَ كَنْ هُو عَرَّدْ وَ دَخَلْ فِي حِلَّةْ وَاحِدَةْ، كُلَّ بَنِي إِسْرَائِيلْ يِشِيلُوا حُبَالْ يَرْبُطُوا دَرَادِرْهَا وَ يُكُرُّوهَا وَ يَرْمُوهَا فِي الْوَادِي لَحَدِّي مَا يِفَضِّلْ مِنْهَا شَيّءْ.»

إشَعْيا 17:1

مُحَاكَمَةْ مَدِينَةْ دِمَشْق. دِمَشْق بَتَّانْ مَا تُكُونْ مَدِينَةْ. هِي تِلْهَدَّمْ وَ تَبْقَى كَوْم هَنَا تُرَابْ.

إرْمِيا 31:5

وَ بَتَّانْ تِمَقِّنِي جِنَيْنَةْ عِنَبْ فِي جِبَالْ السَّامِرَةْ. وَ الْيِمَقُّنُوا الْجِنَيْنَاتْ يَفْرَحَوْا بِإِنْتَاجْهُمْ.

2 مُلوك 18:9

وَ السَّنَةْ الرَّابْعَةْ هَنَا حُكُمْ حِزْقِيَّا، دِي هِي السَّنَةْ السَّابْعَةْ هَنَا حُكُمْ هُوشَعْ وِلَيْد إِيلَى مَلِكْ مَمْلَكَةْ إِسْرَائِيلْ. وَ فِي السَّنَةْ دِي، شَلْمَنَاسَرْ مَلِكْ بَلَدْ أَشُورْ جَاءْ لِمَدِينَةْ السَّامِرَةْ وَ حَاصَرْهَا.

2 مُلوك 18:10

وَ بَعَدْ مُدَّةْ تَلَاتَةْ سَنَةْ، هُو شَالْ الْمَدِينَةْ دِي. وَ دَا فِي السَّنَةْ السَّادْسَةْ هَنَا حُكُمْ حِزْقِيَّا وَ السَّنَةْ التَّاسْعَةْ هَنَا حُكُمْ هُوشَعْ مَلِكْ مَمْلَكَةْ إِسْرَائِيلْ.

عَمُوس 6:8

اللّٰهْ الرَّبّ حَلَفْ بِنَفْسَهْ وَ دَاهُو كَلَامْ اللّٰهْ: «أَنَا اللّٰهْ الْإِلٰـهْ الْقَادِرْ نَكْرَهْ إِسْتِكْبَارْ بَنِي إِسْرَائِيلْ. وَ نَبْغُضْ قُصُورْهُمْ وَ نِسَلِّمْ مَدِينِتْهُمْ وَ كُلَّ شَيّءْ الْعِنْدَهَا لِعَدُوهُمْ.