مِيخا 1:5 - الكتاب المقدس بالعربي الدارجي هنا تشاد

⁵ وَ دَا كُلَّ فِي شَانْ عِصْيَانْ ذُرِّيَّةْ يَعْقُوبْ وَ فِي شَانْ ذُنُوبْ بَنِي إِسْرَائِيلْ. وَ يَاتُو اللَّزَّ ذُرِّيَّةْ يَعْقُوبْ فِي الْعِصْيَانْ؟ دِي مَا مَدِينَةْ السَّامِرَةْ وَلَّا؟ وَ يَاتُو الْحَرَّشْ بَنِي يَهُوذَا لِيَعَبُدُوا إِلٰـهَاتْ فِي الْبَكَانَاتْ الْعَالِيِينْ؟ دِي مَا مَدِينَةْ الْقُدُسْ وَلَّا؟

مِيخا 1:5 Referenca të Kryqëzuara

عَمُوس 8:14

نَاسْ وَاحِدِينْ يَحَلْفُوا بِصَنَمْ مَدِينَةْ السَّامِرَةْ وَ يُقُولُوا: ‹يِعِيشْ إِلٰـهْكِ، يَا حِلَّةْ دَانْ! وَ يِعِيشْ إِلٰـهْكِ، يَا حِلَّةْ بِيرْ سَبْعَةْ!› وَ النَّاسْ دَوْل يَهْلَكَوْا مَرَّةْ وَاحِدْ وَ بَتَّانْ مَا يُقُمُّوا.»

إرْمِيا 2:19

وَ خَلِّي فَسَالِتْكُو تِقَبِّلْ لَيْكُو فِي رَاسْكُو وَ كُفُرْكُو يِعَاقِبْكُو. وَ أَعَرْفُوا كِكَّيْف الشَّيّءْ دَا فَسِلْ وَ مُرّ كَدَرْ تَابَوْنِي أَنَا اللّٰهْ إِلٰـهْكُو وَ أَبَداً مَا تَخَافَوْا مِنِّي.» وَ دَا كَلَامْ اللّٰهْ الرَّبّ الْقَادِرْ.

مَراثِي إرْمِيا 5:16

وَ تَاجْنَا وَقَعْ مِنْ رَاسْنَا. يَا خَسَارِتْنَا، دَا أَشَانْ أَذْنَبْنَا.

إرْمِيا 6:19

يَا الْأَرْض، أَسْمَعَيْ! أَنَا بَسْ نِجِيبْ الْفَسَالَةْ فِي الشَّعَبْ دَا وَ هِي نَتِيجَةْ أَفْكَارْهُمْ. هُمَّنْ مَا خَطَّوْا بَالْهُمْ لِكَلَامِي وَ رَفَضَوْا شُرُوطِي الْفِي التَّوْرَاةْ.

إرْمِيا 4:18

وَ دَا تَمَنْ حَالْكِ وَ عَمَلْكِ وَ دِي نَتِيجَةْ فَسَالِتْكِ. صَحِيحْ، دَا مُرّ زِيَادَةْ لَحَدِّي قَلِبْكِ يِنْقَطِعْ.»

إرْمِيا 2:17

يَا بَنِي إِسْرَائِيلْ، إِنْتُو بَسْ جِبْتُوهْ فِي رَاسْكُو أَشَانْ إِنْتُو أَبَيْتُوا اللّٰهْ إِلٰـهْكُو وَكِتْ هُو قَاعِدْ يُقُودْكُو فِي الدَّرِبْ الْعَدِيلْ.

1 مُلوك 13:32

أَشَانْ الْكَلَامْ الْقَالَهْ اللّٰهْ ضِدّ الْمَدْبَحْ هَنَا بَيْت إِيلْ وَ ضِدّ كُلَّ بُيُوتْ الْعِبَادَةْ فِي الْبَكَانَاتْ الْعَالِيِينْ فِي حِلَّالْ السَّامِرَةْ، أَكِيدْ يِلْحَقَّقْ.»

عَمُوس 6:1

الْعَذَابْ لَيْكُو إِنْتُو الْقَاعِدِينْ مُرْتَاحِينْ فِي جَبَلْ صَهْيُون وَ الْقَاعِدِينْ بِأَمَانْ فِي جَبَلْ السَّامِرَةْ. إِنْتُو تَحْسُبُوا نُفُوسْكُو أَحْسَنْ نَاسْ فِي أَحْسَنْ أُمَّةْ وَ كُلَّ بَنِي إِسْرَائِيلْ يَجُوا لَيْكُو إِنْتُو.

هُوشَع 7:1

وَ وَكِتْ نِدَوْر نَشْفِي بَنِي إِسْرَائِيلْ، خَطَا أَفْرَايِمْ وَ فَسَالَةْ السَّامِرَةْ يِبِينُوا أَشَانْ فِعِلْهُمْ كُلَّ غَشّ. السَّرَّاقْ يَدْخُلْ فِي الْبُيُوتْ وَ رَبَّاطِينْ الدُّرُوبْ يَقْعُدُوا فِي الشَّوَارِعْ.

إرْمِيا 5:25

وَ خَطَايَاكُو إِنْتُو بَسْ دَحَرَوْا مِنْكُو الْأَشْيَاءْ دَوْل وَ ذُنُوبْكُو مَنَعَوْا مِنْكُو الْخَيْر.

2 أخبار 34:3

وَ فِي السَّنَةْ التَّامْنَةْ هَنَا حُكْمَهْ وَكِتْ هُو لِسَّاعْ صَبِي، بَدَا يِتَابِعْ اللّٰهْ رَبّ جِدَّهْ دَاوُدْ. وَ فِي السَّنَةْ 12 هَنَا حُكْمَهْ، قَمَّ يِطَهِّرْ بَلَدْ يَهُوذَا وَ مَدِينَةْ الْقُدُسْ مِنْ الْبَكَانَاتْ الْعَالِيِينْ هَنَا الْعِبَادَةْ وَ مِنْ الْعِيدَانْ الْغَزَّوْهُمْ لِعِبَادَةْ أَشِيرَةْ وَ الْأَصْنَامْ وَ التَّمَاثِيلْ هَنَا حَدِيدْ.

2 أخبار 34:4

وَ فِي قِدَّامَهْ بَسْ، هَدَّمَوْا الْمَدَابِحْ هَنَا إِلٰـهْ بَعَلْ وَ الْمَخَابِرْ الْيِحَرُّقُوا فَوْقهُمْ الْبَخُورْ الْقَاعِدِينْ بِفَوْق الْمَدَابِحْ. وَ قَطَعْ الْعِيدَانْ الْغَزَّوْهُمْ لِعِبَادَةْ أَشِيرَةْ وَ كَسَّرْ الْأَصْنَامْ وَ التَّمَاثِيلْ هَنَا حَدِيدْ وَ رِحِكَاهُمْ دَقِيقْ وَ شَتَّتْ الدَّقِيقْ دَا فِي الْقُبُورْ هَنَا النَّاسْ الْقَدَّمَوْا لَيْهُمْ ضَحَايَا.

إشَعْيا 7:9

وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

عَمُوس 7:9

أَنَا نِهَدِّمْ الْبَكَانَاتْ الْعَالِيِينْ هَنَا عِبَادَةْ ذُرِّيَّةْ إِسْحَاقْ وَ نِكَسِّرْ مَدَابِحْ بَنِي إِسْرَائِيلْ وَ نِقَوِّمْ حَرِبْ ضِدّ عَايِلَةْ الْمَلِكْ يَرُبَعَامْ.»

مِيخا 1:13

يَا سُكَّانْ لَكِيشْ، أَرْبُطُوا عَرَبَاتْ الْحَرِبْ فِي الْخَيْل أَشَانْ إِنْتُو لَزَّيْتُوا فِي الذَّنِبْ صَهْيُون الْمِثِلْ بِنَيَّةْ وَ فِيكُو أَنْلَقَى عِصْيَانْ بَنِي إِسْرَائِيلْ.

1 مُلوك 11:7

وَ فِي الْوَكِتْ دَا، سُلَيْمَانْ عَدَّلْ بَكَانْ عَالِي فِي رَاسْ الْجَبَلْ الْمُقَابِلْ مَدِينَةْ الْقُدُسْ لِكَمُوشْ الصَّنَمْ الْمُحَرَّمْ هَنَا نَاسْ مُوَابْ وَ لِمُولَكْ الصَّنَمْ الْمُحَرَّمْ هَنَا بَنِي عَمُّونْ.

1 مُلوك 16:24

وَ هُو شَرَى مِنْ سَامَرْ جَبَلْ بِـ‍ 70 كِيلَوْ فُضَّةْ. وَ بَنَى مَدِينَةْ فِي رَاسْ الْجَبَلْ دَا وَ قَوَّاهَا وَ سَمَّاهَا مَدِينَةْ السَّامِرَةْ. وَ دَا الْأُسُمْ الْأَوَّلْ هَنَا سَامَرْ سِيدْ الْجَبَلْ.

إرْمِيا 23:13

زَمَانْ، فِي أَنْبِيَاء مَدِينَةْ السَّامِرَةْ، أَنَا شِفْت شَيّءْ مَكْرُوهْ. هُمَّنْ أَتْنَبَّأَوْا بِإِلٰـهْ بَعَلْ وَ لِشَعَبِي بَنِي إِسْرَائِيلْ، مَرَقَوْهُمْ مِنْ الدَّرِبْ الْعَدِيلْ.

إرْمِيا 23:14

وَ لَاكِنْ فِي أَنْبِيَاء مَدِينَةْ الْقُدُسْ، أَنَا شِفْت شَيّءْ مُحَرَّمْ زِيَادَةْ. هُمَّنْ قَاعِدِينْ يِسَوُّوا الزِّنَى وَ حَيَاتْهُمْ كُلَّهَا غَشّ. وَ يِشَجُّعُوا النَّاسْ الْيِسَوُّوا الْفَسَالَةْ أَشَانْ وَاحِدْ مِنْهُمْ كُلَ مَا يِقَبِّلْ مِنْ فَسَالْتَهْ. وَ كُلُّهُمْ نِشِيفْهُمْ مِثِلْ نَاسْ سَدُومْ الْفَسْلِينْ. وَ سُكَّانْ مَدِينَةْ الْقُدُسْ نِشِيفْهُمْ مِثِلْ نَاسْ عَمُورَةْ الْهَوَانِينْ.

حِزْقِيال 16:46

وَ أَخُتْكِ الْكَبِيرَةْ هِي مَدِينَةْ السَّامِرَةْ الْقَاعِدَةْ مُنْشَاقْ مِنْكِ مَعَ بَنَاتْهَا. وَ طَرِيدِتْكِ حِلَّةْ سَدُومْ الْقَاعِدَةْ جُنُوبْ مِنْكِ مَعَ بَنَاتْهَا.