مِيخا 1:1 - الكتاب المقدس بالعربي الدارجي هنا تشاد

¹ وَ دَاهُو كَلَامْ اللّٰهْ الْقَالَهْ فِي رُؤْيَةْ لِمِيخَا الْمِنْ حِلَّةْ مُورَشَتْ الْبُخُصّ مُدُنْ السَّامِرَةْ وَ مَدِينَةْ الْقُدُسْ. وَ دَا فِي أَيَّامْ حُكُمْ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا.

مِيخا 1:1 Referenca të Kryqëzuara

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

إشَعْيا 1:1

دَاهُو رُؤْيَةْ إِشَعْيَا وِلَيْد أَمُّوصْ التُّخُصّ بَلَدْ يَهُوذَا وَ مَدِينَةْ الْقُدُسْ. وَ الرُّؤْيَةْ دِي كَانَتْ فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا.

هُوشَع 1:1

دَاهُو كَلَامْ اللّٰهْ الْقَالَهْ لِهُوشَعْ وِلَيْد بِيرِي. وَ دَا فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا وَ فِي أَيَّامْ حُكُمْ يَرُبَعَامْ وِلَيْد يَهُآشْ مَلِكْ مَمْلَكَةْ إِسْرَائِيلْ.

عَمُوس 1:1

دَاهُو الْكَلَامْ الْبُخُصّ بَنِي إِسْرَائِيلْ الْجَاءْ لِعَمُوسْ فِي رُؤْيَةْ. وَ عَمُوسْ دَا وَاحِدْ مِنْ رُعْيَانْ الْغَنَمْ هَنَا حِلَّةْ تَقُوعَةْ. وَ الرُّؤْيَةْ دِي بِقَتْ فِي أَيَّامْ حُكُمْ عُزِّيَّا مَلِكْ مَمْلَكَةْ يَهُوذَا وَ فِي أَيَّامْ حُكُمْ يَرُبَعَامْ وِلَيْد يَهُآشْ مَلِكْ مَمْلَكَةْ إِسْرَائِيلْ. وَ دَا بِسَنْتَيْن قَبُلْ الزِّلْزَالْ.

مِيخا 1:5

وَ دَا كُلَّ فِي شَانْ عِصْيَانْ ذُرِّيَّةْ يَعْقُوبْ وَ فِي شَانْ ذُنُوبْ بَنِي إِسْرَائِيلْ. وَ يَاتُو اللَّزَّ ذُرِّيَّةْ يَعْقُوبْ فِي الْعِصْيَانْ؟ دِي مَا مَدِينَةْ السَّامِرَةْ وَلَّا؟ وَ يَاتُو الْحَرَّشْ بَنِي يَهُوذَا لِيَعَبُدُوا إِلٰـهَاتْ فِي الْبَكَانَاتْ الْعَالِيِينْ؟ دِي مَا مَدِينَةْ الْقُدُسْ وَلَّا؟

عَمُوس 6:1

الْعَذَابْ لَيْكُو إِنْتُو الْقَاعِدِينْ مُرْتَاحِينْ فِي جَبَلْ صَهْيُون وَ الْقَاعِدِينْ بِأَمَانْ فِي جَبَلْ السَّامِرَةْ. إِنْتُو تَحْسُبُوا نُفُوسْكُو أَحْسَنْ نَاسْ فِي أَحْسَنْ أُمَّةْ وَ كُلَّ بَنِي إِسْرَائِيلْ يَجُوا لَيْكُو إِنْتُو.

هُوشَع 8:14

بَنِي إِسْرَائِيلْ نِسَوْا خَالِقْهُمْ وَ بَنَوْا لَيْهُمْ قُصُورْ. وَ بَنِي يَهُوذَا كَتَّرَوْا الْمُدُنْ الْقَوِيِّينْ. لَاكِنْ أَنَا نِرَسِّلْ نَارْ فِي مُدُنْهُمْ وَ هِي تَاكُلْ قُصُورْهُمْ.»

هُوشَع 4:15

يَا بَنِي إِسْرَائِيلْ، كَنْ إِنْتُو أَشَّرْمَطْتُوا كُلَ، خَلِّي بَنِي يَهُوذَا مَا يَخْطَوْا! مَا تَمْشُوا لِبَكَانْ الْعِبَادَةْ فِي قِلْقَالْ وَ لَا تَطْلَعَوْا عَلَيْ بَيْت إِيلْ الْفَسْلَةْ وَ مَا تَحَلْفُوا بِاللّٰهْ الْحَيّ.

إشَعْيا 7:9

وَ مَدِينَةْ السَّامِرَةْ، هِي رَاسْ تُرَابْ قَبِيلَةْ أَفْرَايِمْ وَ وِلَيْد رَمَلْيَا، هُو رَاسْ السَّامِرَةْ بَسْ. كَنْ مَا تِآمُنُوا بِكَلَامِي أَنَا الرَّبّ، أَبَداً مَا تَثْبُتُوا.»

حَبَقُوق 1:1

دَاهُو كَلَامْ الْمُحَاكَمَةْ الْجَاءْ لِلنَّبِي حَبَقُوقْ فِي رُؤْيَةْ.

2 بُطْرُس 1:21

أَشَانْ كَلَامْ الْأَنْبِيَاء أَبَداً مَا جَاءْ مِنْ نِيَّةْ إِنْسَانْ لَاكِنْ الرُّوحْ الْقُدُّوسْ بَسْ لَزَّ الرُّجَالْ دَوْل وَ هُمَّنْ حَجَّوْا كَلَامْ نَازِلْ مِنْ اللّٰهْ.

2 مُلوك 15:5

وَ اللّٰهْ نَزَّلْ مَرَضْ الْجِدَامْ فِي الْمَلِكْ وَ هُو قَعَدْ مُجَدِّمْ لَحَدِّي مَوْتَهْ. وَ هُو سَكَنْ فِي بَيْت وِحَيْدَهْ طَرَفْ. وَ يُوتَامْ وِلَيْد الْمَلِكْ بِقِي مَسْؤُولْ فِي الْقَصِرْ وَ حَكَمْ فِي شَعَبْ الْبَلَدْ.

2 مُلوك 15:32

وَ فِي السَّنَةْ التَّانِيَةْ هَنَا حُكُمْ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ، يُوتَامْ وِلَيْد عُزِّيَّا بِقِي مَلِكْ فِي مَمْلَكَةْ يَهُوذَا.

2 مُلوك 16:1

وَ فِي سَنِةْ 17 هَنَا حُكُمْ فَقَحْ وِلَيْد رَمَلْيَا، أَحَازْ وِلَيْد يُوتَامْ بِقِي مَلِكْ فِي مَمْلَكَةْ يَهُوذَا.

2 مُلوك 18:1

وَ فِي السَّنَةْ التَّالْتَةْ هَنَا حُكُمْ هُوشَعْ وِلَيْد إِيلَى مَلِكْ مَمْلَكَةْ إِسْرَائِيلْ، حِزْقِيَّا وِلَيْد أَحَازْ بِقِي مَلِكْ فِي مَمْلَكَةْ يَهُوذَا.

2 أخبار 28:1

وَ أَحَازْ عِنْدَهْ 20 سَنَةْ وَكِتْ بِقِي مَلِكْ وَ حَكَمْ 16 سَنَةْ فِي مَدِينَةْ الْقُدُسْ. وَ هُو مَا سَوَّى الْعَدِيلْ قِدَّامْ اللّٰهْ مِثِلْ جِدَّهْ دَاوُدْ.

2 أخبار 29:1

وَ حِزْقِيَّا عِنْدَهْ 25 سَنَةْ وَكِتْ بِقِي مَلِكْ وَ حَكَمْ 29 سَنَةْ فِي مَدِينَةْ الْقُدُسْ. وَ أَمَّهْ أُسُمْهَا أَبِيَّا بِنَيَّةْ زَكَرِيَّا.

إشَعْيا 7:1

وَ رَصِينْ مَلِكْ بَلَدْ أَرَامْ وَ فَقَحْ وِلَيْد رَمَلْيَا مَلِكْ مَمْلَكَةْ إِسْرَائِيلْ قَمَّوْا ضِدّ مَدِينَةْ الْقُدُسْ لِيِحَارُبُوهَا وَ لَاكِنْ مَا قِدْرَوْا يَهْجُمُوهَا. وَ دَا فِي أَيَّامْ حُكُمْ أَحَازْ وِلَيْد يُوتَامْ وِلَيْد عُزِّيَّا مَلِكْ مَمْلَكَةْ يَهُوذَا.

مِيخا 3:9

أَسْمَعَوْا الْكَلَامْ دَا، يَا كُبَارَاتْ ذُرِّيَّةْ يَعْقُوبْ وَ يَا حُكَّامْ بَنِي إِسْرَائِيلْ. إِنْتُو تِحَرُّمُوا الْعَدَالَةْ وَ تِعَوُّجُوا أَيِّ شَيّءْ الْعَدِيلْ.

إشَعْيا 1:2

يَا السَّمَاءْ، أَسْمَعَيْ! وَ يَا أَرْض، أَفْتَحَيْ أَدَانْكِ! دَاهُو كَلَامْ اللّٰهْ الْهُو قَالَهْ: «أَنَا أَدَّبْت وَ رَبَّيْت عِيَالْ وَ لَاكِنْ هُمَّنْ أَتْمَرَّدَوْا ضِدِّي.