مَلاخِـي 1:2 - الكتاب المقدس بالعربي الدارجي هنا تشاد

² اللّٰهْ قَالْ: «أَنَا نِحِبُّكُو.» وَ لَاكِنْ إِنْتُو قُلْتُوا: «كِكَّيْف نَعَرْفُوا كَدَرْ إِنْتَ تِحِبِّنَا؟» وَ دَاهُو كَلَامْ اللّٰهْ: «صَحِيحْ، عِيسُو أَخُو جِدُّكُو يَعْقُوبْ. وَ لَاكِنْ أَنَا حَبَّيْت يَعْقُوبْ

مَلاخِـي 1:2 Referenca të Kryqëzuara

إرْمِيا 31:3

زَمَانْ، أَنَا اللّٰهْ بِنْت لَيْهُمْ وَ قُلْت: ‹أَنَا نِحِبُّكُو حُبّ أَبَدِي وَ بَيْدَا، نَرْحَمْكُو دَايْماً.›

تَثْنِية 10:15

وَ لِأَبَّهَاتْكُو بَسْ، اللّٰهْ عَزَلَاهُمْ لِيِحِبُّهُمْ. وَ بَعَدْهُمْ، حَبَّاكُو إِنْتُو ذُرِّيِّتْهُمْ وَ عَزَلَاكُو مِنْ أُسُطْ كُلَّ الشُّعُوبْ مِثِلْ إِنْتُو قَاعِدِينْ تِشِيفُوهْ الْيَوْم.

تَثْنِية 4:37

وَ دَا أَشَانْ هُو حَبَّ أَبَّهَاتْكُو وَ عَزَلْ ذُرِّيِّتْهُمْ الْبَعَدْهُمْ. وَ مَرَقَاكُو مِنْ بَلَدْ مَصِرْ بِقُدُرْتَهْ الْكَبِيرَةْ

مَلاخِـي 2:17

وَ زَعَّلْتُوا اللّٰهْ بِكَلَامْكُو الْكَتِيرْ. وَ إِنْتُو قُلْتُوا: «كِكَّيْف زَعَّلْنَاهْ بِكَلَامْنَا؟» وَ زَعَّلْتُوهْ بِكَلَامْكُو الْبُقُولْ: «أَيِّ نَادُمْ كَنْ يِسَوِّي فَسِلْ، دَا عَدِيلْ قِدَّامْ اللّٰهْ وَ النَّاسْ الْمِثِلْ دَوْل بَسْ اللّٰهْ يِرِيدْهُمْ!» وَ بَتَّانْ قُلْتُوا: «الْإِلٰـهْ الْيَحْكِمْ بِالْعَدَالَةْ دَا قَاعِدْ يِسَوِّي شُنُو؟»

إرْمِيا 2:31

وَ إِنْتُو نَاسْ الْيَوْم دَوْل، أَسْمَعَوْا كَلَامِي أَنَا اللّٰهْ. يَا بَنِي إِسْرَائِيلْ، هَلْ أَنَا بِقِيتْ لَيْكُو مُخِيفْ مِثِلْ الصَّحَرَاء؟ وَلَّا بِقِيتْ لَيْكُو مِثِلْ الْبَلَدْ الْعِنْدَهَا ضَلَامْ أَزْرَقْ كُرُمْ؟ مَالَا نَاسْ شَعَبِي بُقُولُوا: ‹يَلَّا نَمْشُوا! مَا نِقَبُّلُوا لَيْك أَبَداً!›

إرْمِيا 2:5

دَاهُو اللّٰهْ قَالْ: ‹وَيْن الْعَيْب الْأَبَّهَاتْكُو لِقَوْه فَوْقِي لِيِبَعُّدُوا مِنِّي؟ هُمَّنْ تَابَعَوْا الْأَصْنَامْ الْمَا نَافْعِينْ وَ بِقَوْا نَاسْ مَا نَافْعِينْ.

إشَعْيا 43:4

أَشَانْ إِنْتَ مُهِمّ لَيِّ وَ إِنْتَ مُشَرَّفْ وَ أَنَا نِحِبَّكْ، نَنْطِي نَاسْ فِي بَدَلَكْ وَ شُعُوبْ فِي بَدَلْ حَيَاتَكْ.

تكوين 48:4

وَ قَالْ لَيِّ: ‹دَاهُو أَنَا نِسَوِّيكْ تَلْدَ عِيَالْ وَ تَبْقَوْا كَتِيرِينْ أَشَانْ إِنْتَ تَبْقَى جِدّ هَنَا عَايِلَةْ كَبِيرَةْ. وَ بَعَدَكْ، نَنْطِي بَلَدْ كَنْعَانْ لِذُرِّيّتَكْ مِثِلْ وَرَثَةْ إِلَى الْأَبَدْ.›

تكوين 27:33

وَ مِنْ سِمِعْ الْكَلَامْ دَا، إِسْحَاقْ قَمَّ يَرْجِفْ شَدِيدْ وَ قَالْ: «يَاتُو الْمَشَى الْقَنِيصْ وَ جَابْ لَيِّ لَحَمْ؟ وَ أَنَا أَكَلْت مِنَّهْ هَسَّعْ قُبَّالْ إِنْتَ مَا تَجِي وَ أَنَا بَارَكْتَهْ. وَ أَكِيدْ هُو يَبْقَى مُبَارَكْ!»

تكوين 25:23

وَ اللّٰهْ قَالْ لَيْهَا: «فِي أُمَّتَيْن فِي بَطُنْكِ، شُعُوبْ إِتْنَيْن يِنْفَرْقُوا. وَكِتْ تَلْدَيْهُمْ، الْوَاحِدْ يَبْقَى شَدِيدْ مِنْ الْآخَرْ وَ الْكَبِيرْ يَخْدِمْ لِلصَّغَيَّرْ.»

لُوقا 10:29

وَ لَاكِنْ الْعَالِمْ دَوَّرْ يِوَصِّفْ كَدَرْ هُو عِنْدَهْ حَقّ وَ قَالْ لَيَّهْ: «يَاتُو مِنْ النَّاسْ أَخُويِ؟»

يُوحَنَّا 15:12

«وَ الْوَصِيَّةْ النَّنْطِيهَا لَيْكُو دِي هِي، وَاجِبْ تِرَّايَدَوْا أَمْبَيْنَاتْكُو مِثِلْ أَنَا نِرِيدْكُو.

تَثْنِية 23:5

وَ لَاكِنْ اللّٰهْ إِلٰـهْكُو أَبَى مَا سِمِعْ كَلَامْ بَلْعَامْ وَ بَدَّلْ لَيْكُو اللَّعَنَةْ بِبَرَكَةْ أَشَانْ اللّٰهْ إِلٰـهْكُو يِحِبُّكُو.

تَثْنِية 33:3

أَكِيدْ هُو يِحِبّ الشَّعَبْ وَ كُلَّ صَالِحِينَهْ فِي إِيدَيْنَهْ. وَ هُمَّنْ قَاعِدِينْ تِحْتَهْ وَ يَسْمَعَوْا تَعْلِيمَهْ.

إشَعْيا 63:1

دَا يَاتُو الْجَايِ مِنْ بَلَدْ أَدَوْم، مِنْ مَدِينَةْ بُصْرَةْ بِخُلْقَانَهْ عِنْدُهُمْ نُقَتْ حُمُرْ؟ دَا يَاتُو الْجَايِ بِخُلْقَانْ الْيِشِيلُوا الْعَيْن وَ عَظِيمْ بِكَتَرَةْ قُدُرْتَهْ؟ اللّٰهْ قَالْ: «دَا أَنَا! وَ أَنَا بَسْ النِّحَجِّي بِعَدَالَةْ وَ عِنْدِي الْقُدْرَةْ لِنِنَجِّي.»

عَمُوس 1:11

وَ دَاهُو اللّٰهْ قَالْ: «بِسَبَبْ نَاسْ بَلَدْ أَدَوْم عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ مَشَوْا بِزَعَلْ وَرَاءْ أَخْوَانْهُمْ وَ كَتَلَوْهُمْ بِالْسَّيْف بَلَا مَحَنَّةْ. وَ أَشَانْ زَعَلْهُمْ ضِدّ أَخْوَانْهُمْ مَا وَقَفْ وَ كَرَبَوْا لَيْهُمْ الْعَدَاوَةْ فِي قَلِبْهُمْ لِمُدَّةْ طَوِيلَةْ.

تكوين 25:25

الْأَوَّلَانِي مَرَقْ وَ جِلْدَهْ كُلَّ مَكْسِي بِصُوفْ. أَشَانْ دَا، سَمَّوْه عِيسُو (مَعَنَاتَهْ أَبُو صُوفْ).

تكوين 25:26

وَ بَعَدْ دَا، التَّانِي كُلَ مَرَقْ وَ كَارِبْ كَعَبْ أَخُوهْ عِيسُو. أَشَانْ دَا، سَمَّوْه يَعْقُوبْ (مَعَنَاتَهْ كَارِبْ كَعَبْ وَلَّا النَّجِيضْ). وَ إِسْحَاقْ عِنْدَهْ 60 سَنَةْ وَكِتْ وِلِدْ الْعِيَالْ دَوْل.

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

2 مُلوك 3:8

وَ قَالْ بَتَّانْ: «بِالدَّرِبْ الْوَيْنُو نَمْشُوا؟» وَ يُورَامْ قَالْ لَيَّهْ: «بِدَرِبْ الْمَاشِي بِصَحَرَاء أَدَوْم.»