لُوقا 9:3 - الكتاب المقدس بالعربي الدارجي هنا تشاد

³ وَ قَالْ لَيْهُمْ: «مَا تِشِيلُوا مَعَاكُو شَيّءْ لِلسَّفَرْ وَ لَا عَصَاةْ وَ لَا مُخْلَاةْ وَ لَا أَكِلْ وَ لَا قُرُسْ. وَ مَا تِشِيلُوا مَعَاكُو خُلْقَانْ هَنَا غِيَارْ.

لُوقا 9:3 Referenca të Kryqëzuara

لُوقا 22:35

وَ عِيسَى قَالْ لَيْهُمْ: «شُنُو قَصَّرْ لَيْكُو وَكِتْ رَسَّلْتُكُو فِي أُسْط النَّاسْ بَلَا جُزْلَانْ وَ لَا مُخْلَاةْ وَ لَا نَعَالْ؟» وَ رَدَّوْا لَيَّهْ وَ قَالَوْا: «شَيّءْ مَا قَصَّرْ لَيْنَا.»

زَبُور 37:3

أَتْوَكَّلْ عَلَيْ اللّٰهْ وَ سَوِّي الْخَيْر وَ فِي الْبَلَدْ، تَسْكُنْ بِأَمَانْ.

2 تِمُوتَاوُس 2:4

الْعَسْكَرِي الْقَاعِدْ يِسَوِّي خِدِمْتَهْ مَا لَمَّاهْ بِخِدْمَةْ النَّاسْ الْمَا عَسْكَرْ. هُو يُخُطّ بَالَهْ لِكَلَامْ كَبِيرَهْ الْيَامُرَهْ وَ يِدَوْر رِضَى مِنَّهْ هُو بَسْ.

لُوقا 12:22

وَ عِيسَى حَجَّى لِتَلَامِيذَهْ وَ قَالْ: «فِي شَانْ دَا، نُقُولْ لَيْكُو مَا تِهِمُّوا لِحَيَاتْكُو فِي شَانْ الْأَكِلْ وَ لَا لِجِسِمْكُو فِي شَانْ الْخُلْقَانْ.

لُوقا 3:11

وَ رَدَّ لَيْهُمْ وَ قَالْ: «النَّادُمْ الْعِنْدَهْ خُلْقَانْ إِتْنَيْن، خَلِّي يَنْطِي وَاحِدْ لِلْمَا عِنْدَهْ. وَ النَّادُمْ الْعِنْدَهْ أَكِلْ، خَلِّي يِسَوِّي نَفْس الشَّيّءْ.»

لُوقا 12:28

وَ كَنْ اللّٰهْ يِلَبِّسْ الْقَشّ بِالنُّوَّارْ مِثِلْ دَا وَ الْقَشّ دَا قَاعِدْ الْيَوْم وَ أَمْبَاكِرْ يَزْقُلُوهْ فِي نَارْ الْفُرُنْ، أَكِيدْ بِزِيَادَةْ هُو يِلَبِّسْكُو إِنْتُو. شِدُّوا حَيْلكُو إِنْتُو الْإِيمَانْكُو لِسَّاعْ ضَعِيفْ.

لُوقا 5:29

وَ لَاوِي سَوَّى لَيَّهْ عَازُومَةْ كَبِيرَةْ فِي بَيْتَهْ. وَ فِي نَاسْ كَتِيرِينْ الْيِلِمُّوا الضَّرَايِبْ وَ نَاسْ آخَرِينْ جَوْا وَ قَاعِدِينْ يَاكُلُوا مَعَايَهْ.

مَرْخُوس 6:7

وَ عِيسَى نَادَى تَلَامِيذَهْ الْأَتْنَا عَشَرْ وَ رَسَّلَاهُمْ إِتْنَيْن إِتْنَيْن. وَ أَنْطَاهُمْ سُلْطَةْ أَشَانْ يَطُرْدُوا الشَّوَاطِينْ.

لُوقا 9:4

وَ أَيِّ بَيْت التِّدَلُّوا فَوْقَهْ، أَقْعُدُوا فَوْقَهْ لَحَدِّي تَمُرْقُوا مِنْ الْحِلَّةْ.