لُوقا 9:1 - الكتاب المقدس بالعربي الدارجي هنا تشاد

¹ وَ عِيسَى نَادَى تَلَامِيذَهْ الْأَتْنَا عَشَرْ وَ أَنْطَاهُمْ سُلْطَةْ وَ قُدْرَةْ أَشَانْ يَطُرْدُوا أَيِّ شَيْطَانْ وَ يَشْفُوا الْمَرْضَانِينْ.

لُوقا 9:1 Referenca të Kryqëzuara

يُوحَنَّا 14:12

«أَسْمَعَوْا نُقُولْ لَيْكُو الْحَقّ، أَيِّ نَادُمْ الْيِآمِنْ بَيِّ، هُو كُلَ يِسَوِّي الْأَعْمَالْ الْأَنَا نِسَوِّيهُمْ. أَيْوَى هُو يِسَوِّي أَعْمَالْ كُبَارْ زِيَادَةْ أَشَانْ أَنَا نِقَبِّلْ لِأَبُويِ.

لُوقا 10:19

أَنَا أَنْطَيْتكُو قُدْرَةْ أَشَانْ تِفَجُّقُوا الدَّبِيبْ وَ الْعَقَارِبْ. وَ أَنْطَيْتكُو قُدْرَةْ لَحَدِّي تِنَّصُرُوا فِي كُلَّ قُدْرَةْ إِبْلِيسْ الْعَدُو. مَا فِي شَيّءْ الْيِتَعِّبْكُو.

أعمال الرُسُل 4:30

بَيِّنْ قُدُرْتَكْ وَ أَشْفِي الْمَرْضَانِينْ وَ سَوِّي عَلَامَاتْ وَ عَجَايِبْ بِأُسُمْ عِيسَى عَبْدَكْ الْقُدُّوسْ.»

مَتَّى 16:19

وَ نَنْطِيكْ مَفَاتِيحْ هَنَا مَمْلَكَةْ اللّٰهْ. أَيِّ شَيّءْ الْإِنْتَ جَعَلْتَهْ حَرَامْ فِي الْأَرْض، اللّٰهْ فِي السَّمَاءْ كُلَ يَجْعَلَهْ حَرَامْ. وَ أَيِّ شَيّءْ الْإِنْتَ جَعَلْتَهْ حَلَالْ فِي الْأَرْض، اللّٰهْ فِي السَّمَاءْ كُلَ يَجْعَلَهْ حَلَالْ.»

أعمال الرُسُل 1:8

وَ لَاكِنْ وَكِتْ الرُّوحْ الْقُدُّوسْ يَنْزِلْ فَوْقكُو، تَلْقَوْا قُدْرَةْ أَشَانْ تَشْهَدَوْا لَيِّ فِي مَدِينَةْ الْقُدُسْ وَ فِي كُلَّ دَارْ الْيَهُودِيَّةْ وَ فِي دَارْ السَّامِرَةْ وَ لَحَدِّي آخِرْ الْأَرْض.»

أعمال الرُسُل 9:34

وَ بُطْرُسْ حَجَّى لَيَّهْ وَ قَالْ: «يَا إِنْيَاسْ، عِيسَى الْمَسِيحْ يَشْفِيكْ. قُمّ فَوْق وَ طَبِّقْ سَرِيرَكْ.» وَ طَوَّالِي، إِنْيَاسْ قَمَّ وَ لِقِي الْعَافَيْ.

أعمال الرُسُل 3:16

وَ بِسَبَبْ إِيمَانَّا بِأُسُمْ عِيسَى، الرَّاجِلْ التِّشِيفُوهْ وَ التَّعَرْفُوهْ دَا لِقِي قُدْرَةْ. وَ فِي شَانْ الْإِيمَانْ بِأُسُمْ عِيسَى بَسْ، هُو لِقِي الْعَافَيْ مَرَّةْ وَاحِدْ وَ كُلُّكُو شِفْتُوهْ بِعُيُونْكُو.

مَتَّى 4:24

وَ أُسْمَهْ طَلَعْ فِي كُلَّ بَلَدْ سُورِيَا وَ نَاسْ جَابَوْا لَيَّهْ أَخْوَانْهُمْ الْمَعْضُورِينْ وَ التَّعْبَانِينْ مِنْ أَيِّ مَرَضْ. جَابَوْا الْمُشَوْطِنِينْ وَ النَّاسْ الْعِنْدُهُمْ أَمْ فِتْفِتْ وَ النَّاسْ الْجِلِدْهُمْ مَيِّتْ وَ دَاوَاهُمْ كُلُّهُمْ.

مَتَّى 8:9

أَشَانْ أَنَا كُلَ عِنْدِي كَبِيرْ مِنْ فَوْق لَيِّ النِّطَبِّقْ أَمْرَهْ. وَ أَنَا كُلَ مَسْؤُولْ فِي نَاسْ التِّحِتْ مِنِّي الْيِطَبُّقُوا أَمْرِي. وَ كَنْ نُقُولْ لِوَاحِدْ: ‹أَمْشِي›، هُو يَمْشِي. وَ كَنْ نُقُولْ لِنَادُمْ آخَرْ: ‹تَعَالْ›، هُو يَجِي. وَ كَنْ نُقُولْ لِعَبْدِي: ‹سَوِّي كَيْ›، هُو يِسَوِّيهْ.»

لُوقا 10:1

وَ بَعَدَيْن الرَّبّ عِيسَى عَزَلْ مِنْ تَلَامِيذَهْ سَبْعِينْ وَ تِنَيْن نَادُمْ وَ رَسَّلَاهُمْ إِتْنَيْن إِتْنَيْن قِدَّامَهْ فِي أَيِّ بَكَانْ الْهُو يِدَوْر يَمْشِي لَيَّهْ.